 |
منتديات انين الروح
(https://anin-ro7.com/vb/index.php)
- ›روايات طويلة
(https://anin-ro7.com/vb/forumdisplay.php?f=33)
- - صغيرات على الحياة / للكاتبة المبدعة أم وسن ، مكتملة
(https://anin-ro7.com/vb/showthread.php?t=627)
صغيرات على الحياة / للكاتبة المبدعة أم وسن ، مكتملة
هذه قصة للكاتبة المبدعة أم وسن وبالرغم من أنها الرواية الأولى لها ومع ذلك رائعة وأفكارها جديدة اترككم الآن مع القصة الجزء الأول بسم الله الرحمن الرحيم (ان حظي مثل رمل على شوك نثروه*** ثم قالوحفاة في يوم ريح اجمعوه عجزوعنه ثم قالواأتركوه*** كيف من أتعسه الله أنتم تسعدوه) أموت في هالبيتين وأكتبهاعلى كل كتبي وفي أخردفاتري تنهدت وسكرت كتابيب |
رد: صغيرات على الحياة / للكاتبة المبدعة أم وسن ، مكتملة
سكرت كتابي وسمعت صوت رج البيت رج أعرفهاهذي وسن أم لسان شكل عندهاخبرجديد..
طلينا عليهاأنا ووداد خيران شاالله (وسن) طنشت حنين وطالعت ودادبخبث:الخبرلك ياجميل! شهقت وداد:لاتقولين بنشدللرياض ضحكت عليهاههههههه وأنتي الصادقه أنتي اللي بتشدين للشرقيه موللرياض الله يوعدناونطلع من هالديره (وداد) ياااااه لايكون اللي فبالي تحقق لاأرادي أحمررر وجهي على هالتفكيرقلت وش قصدك؟ قالت:أنور ياحلوه خاطبك وأنتضري أمي تكلمك هاليومين بس ياويلك ان علمتيهأأنك داريه.. وداد:طيب وش دراك.. وسن:اناأسترقت السمع على أمي وهي تكلم. حنين:والله أنتي يبي لك رجم بشهاب قابس على هالأستراق ودخلت غرفتي وداد:سكرت باب غرفتي وسيده على الحمام أغسل وجهي الأحمر..أوووف ياأنور أخيرتلحلحت بعدعشرين سنه آه آه (عائلةسعدالتركي) تركي27 سنه نور26هسنه عبدالعزيز25سنه محمد24سنه جواهر23سنه وداد18سنه وليد 17سنة حنين 16سنة وسن 14سنه أخرالعنقود (عائله تركي التركي) العنود25 زوجه تركي حمد27زوج نوره بنت سعد سلطانه متزوجه سعد ولدعمتها وعساف26 ووافي25 وجوادأ 21خر العنقود ه |
رد: صغيرات على الحياة / للكاتبة المبدعة أم وسن ، مكتملة
(سعدالتركي) سألت عن أنور ولدخالة بناتي والكل مدح فيه وبأخلاقه بس حاس الولدلسا صغيرعلى الزواج لانه بنفس عمر وداد بس ماحبيت أقطع بنصيب بناتي_وأعطيتهم الموافقه بعد ماشاورت البنت وأمهاوأخوانهاوتكتمت عالموضوع لأني خايف من ردة فعل أخوي الكبيروماخبرته ألابعدماعطيتهم الموافقه وحددناالملكه حتى أبوي وأمي ماقلت لهم إلابنفس اليوم بصراحه أناقلقان وماني مرتاح خايف يصيرشي يكدرفرحت بنتي وأنامؤمن ب(واستعينواعلى قضاءحوائجكم بالسروالكتمان) وأحط تركي إخوي أمام الأمرالواقع مثل يوم ملكت لجواهرعلى ولدصديقي انامالي أعتراض على عيال إخواني بس أبغى أزوج بناتي من بعيدعشان مايكون بينامشاكل أوقطيعه لاقدرالله مثل كثير من العوائل اللي تاخذمن بعض خلاص كفايه عليهم نواره بس تركي تفكيره صعب الله يعدي هاليله على خيروخذت جوالي عشان أدق اعزمه بعدالعصر سعد:السلام عليكم حياالله أبوحمد تركي:عليكم السلام تحياوتبقى وبعدالسلامات وتبادل الأخبار سعد:العشاعندي الليله عندي ضيوف جايين من الشرقيه تركي:عساك عالقوه منهم سعد:خطاب لوداد ولدخالتهاأنور تركي بعدفترة صمت الموضوع ماينقال فالتلفون اناألحين بدق سلف وأطلع من الرياض جهزقهوتي ساعه وربع وأناعندك.مع السلامه تنهدت سعدوماحب يبين لمرته أوبناته شي (في المجلس) أبوحمدوعياله حمدوعساف وجوادووافي وقبالهم سعدوعياله عيال أبوحمدمايدرون عن شي اللي يعرفونه ان عمهم عنده عشاولازم يحضرونه واشتغربوطلعتهم للديره العصرموبعدألمغرب وتفاجئولماشافوعمهم فهدوولده موجودين ن وافي يهمس لعساف بعدماجلسو:عسافوه غريبه عمي فهدجاي من جده عشان عشا؟ عساف:اناحاس فيه شي كايدالله يستر تكلم أبوحمدبصوت جهوري حاد:أنت عارف ان بناتك لعيال عمهن وألاتبي اللي صارلجواهريتكرر مرة ثانيه اناسمحب لك يوم زواج جواهرعشان أبوي حلف علي ماخرب الملكه بس هالمره منيب ساكت.. ردعليه أبوتركي يابوحمد تعوذمن الشيطان وخل البنت تروح بحال سبيلهاالبنت أنامشاورهاوراضيه والناس مواعدهم ومتعنين من الشرقيه والمملك مكلمينه والعيال رزقهم فيه باقي حنين ووسن توهاصغيره أم أربع طعش قام أبوحمدمعصب ومعقدحواجبه هذا أخر ردعندك أبوتركي:هذا آخركلام عندي طلع من المجلس والتفت قبل لايطلع على أخوه: بهواك ياخوي بس رجلي ماعادهيب دايستن بساطك وبنتناباخذهامعي وبكره تجيني ورقة طلاقها... فزتركي: وأناوالعنودوش دخلنابينكم مرتي وأم ولدي |
رد: صغيرات على الحياة / للكاتبة المبدعة أم وسن ، مكتملة
(الجزء الثاني أبوحمد)):تمددت براحه على الكنب بعدما سمعت موافقة وداد بنت أخوي ودارت ببالي فكره راح اسويهاوأبتسمت لطاريها وأناألتفت لعيالي... أناحريص أني آخذ لعيالي من بنات سعدأخوي خاصة بعد ماجربنا نوره اللي تنحط عالجرح ويبرا وقدرت تكسب أم حمدعلى قوتهابصفها..وعشانهن تربية أم تركي اللي محد من حريمنا تحمل وسكنت على هوا رجلها بالديرة مع أن أهلها بالرياض وهي لورفضت تسكن بالديرة مهوب رادها سعد عشانه مدلعها ويموت في مواطي رجلينها.. ((أبوتركي)): ماقدرت أواجه بنتي وأكتفيت بموافقتها اللي قالهافهد.. أذن المغرب وصلينا بمسجد حارتنا واحنا طالعين مسكني فهدوضغط على يدي وقال:وعسى ان تكرهواشيئاوهوخيرلكم.وأضيوفك أبشرمن يراضيهم ومايطلعون من عندك إلا متعشين ومباركين لك! أبوتركي:الله كريم وصلوالضيوف ورحبنابهم وقالوأن الشيخ بيجي بعد شوي.. ((فهد)):أخذت أنور وأبوه للمقلط وقلتلهم على اللي صارعاد لاتشرهون على أبوحمد قده شايب وتفكيره على هواه وأبوتركي مادرا بالسالفه إلاوأنتم قدكم في الرياض ومن درا ماحط حتى الماء بفمه منحرج منكم وأنتم ماترضون بخراب البيوت وإذا على العروس طبوا وتخيروا في بناتي واللي يملك لهم يملك لكم.. أبوأنورالتفت لولده وقال: وش رايك أنور؟! أنور:لا والله مايرضينا خراب البيوت وأبوتركي معذور وحنا لناالشرف نناسبك وتوكل على الله! طالعوه فهد وأبوه باعجاب وحكى فهد :عزالله كسبت بنتي رجال لاقلوالرجال وفي المجلس خطب أبوأنور بنت فهد قدام الرجال لأنور وقال حنا نتشرف بنسبكم وبنات فهد وسعد بناتنا.. تنهدأبوتركي بفرحه وفي خاطره الله يجزاك خيريافهد مانيب ناسي لك هالمعروف وماغلطت يوم أستفزعت بك.. وصل الشيخ وملك لعساف ووداد والكل بارك له لكن قطع تبريكهم صوت أبوحمد وهويقول للشيخ أملك لولدي وافي على حنين. ((وافي)):طيرت عيوني في أبوي دلاله على رفضي لأني مقدرأتكلم الحين انامابي آخذ وحده قروية من الديرة لوأنها من بنات عمي فهد كان معليش عايشين بجدة ومتطورين مومثل بنات عمي سعد.لكن خزني أبوي بعينه وأنطميت. ((جواد)):ضحكت على وافي لماطيرعيونه كان شكله نكته وباركت له وأنا أغمزله بعيني بس قطع ضحكي أبوي لماقال للشيخ وأملك لجوادعلى وسن أختفت ضحكتي وتلفت حولي يمكن فيه أحد اسمه جواد غيري هناوتذكرت موقفي معهاقبل أسبوعين يوم يزورونا ببيتنا عطاني حمدمفتاح سيارته عشان أودي البنات للسوق كنت طايرمن الفرحه لأنه توني أسوق بالرياض هالشهرين دقيت بواري عشان يطلعون البنات وطلعوا بس أخروحده استغربتها لأنهالابسة عباية كتف ولثمة واحنا عايلة محافظه سألت عنود اللي جالسه جنبي منهي اللي لابسة لثمة؟! قالت:عيب غض النضرهذي وسن قلت:خيروش أغض البصرتراهامهيب إلاوسن البزراللي العام معطيها نجاحتها من الابتدائي كرتون مصاص وكيس بطاطس هههههههه قولي لها تغيرعباتها ماراح تركب معي بها الشكل بيحسبونها مرة صدق ضحكت عنود:أنا مالي شغل هذي محد يقدرعليها لاأبوهاولا اخوانها جواد:جوادتها عندأهلهاموعندي وطالعت بالمراية وقلت بنات اللي عبايتها كتف تنزل تغيرهاوبنتظرها بس محد رد علي قلت وأنأاحاول أضبط أعصابي سمعتو؟ ردت علي:لاماسمعناوعباتي مومغيرتهاعشان أحد وأهلي ماقالولي شي. قلت:دامك ماراح تغيرينها انزلي من السياره قالت:مونازله والسياره سيارة رجل أختي موسيارتك قهرتني:طفيت السياره وقلت مافيه روحه لين هذي تغيرعباتها وإلا تنزل حاولوا فيهاالبنات وفيني بس كل واحد أعند من الثاني ومصرعلى رايه وبالنهايه طفشوالبنات وتكنسلت الروحه عشان كل واحدمصرعاللي يبي وصحاني من أفكاري ضحك وافي اللي رج المجلس رج طبعا ولاواحد دخل يشوف مررته مع ان عساف حاول بس وقف له عمي فهد ورفض وقال الاسبوع الجاي أشبكوهم وشوفوهم رجعناالرياض ودار بينا وبين أبوي نقاش حادعقيم ((عساف)):أنابصراحه مالي أعتراض على وداد لان أهم شي عندي الجمال صحيح ماشفتهابس أكيدحلوه من ملكت وأنا ماغيرأتمقل وجيه أخوانها ماشاء الله حلوين انا قلت لأبوي بتزوج من براالعايله لأني شفت الموضوع تأزم وحبيت أحله ((عساف)):اليوم شبكتي لأنه بعدالملكه مارضاعمي فهد ندخل على زوجاتنا مع ان عمي سعد مومعارض لونقول له،تو جيت من الحلاق أربع ساعات وأناعنده ضبطت السكسوكة وشلت وجهي بالفتلة وسويت تنظيف بشره وقصرت من طول شعري شوي خفت لايكون أطول من شعرالمدام وعلى طول خذت شورولبست ثوبي وكبكاتي الفضيه الجديده وتكشخت بالغتره البيضا تعطرت ونزلت وأنا أصوت لأمي والبنات لأن أبوي مورايح،قبضت على سبحتي بربكه لماقال عمي تفضل معي،دخلت مع أبوهاوأخوانهاوصوت الزعاريد من خواتي بيشق طبلتي بوست راس أمي اللي بكت لماشافتني،قربت للعروسه واناأذكرالله عليهابنفسي،صافحتهاوبوست راسهاكان ودي أبوس خدهابس خايف من الكتيبة اللي معها لبستهاالشبكه ولماجيت ا لبسها العقد كانت ترجف كنهاورقه بمهب الريح همست لها:تحديني أسويها؟(قصدي أبوسها)شهقت وبعدت عني ضحكت غصب عني هههههههه جلسنا بعدها لحالنا واستغليت الفرصة وسويت اللي بخاطري وسولفنا شوي وأخذت رقمهاعشان أكلمهاالليله وودعتهاوداع حااااروأستأذنت وطلعت. وداد:سخيف الله ياخذه الوسخ قليل أدب ماتربى بس أشوا إني ماكشخت مره عشان مايصدق نفسه فستاني حريرباذنجاني مع وردي وقلوزوبلاشروشدو وردي بدون حتى كريم أساس حنين ووسن:دخلناعلى وداد على طول بعد ماطلع عسافوه ومسكناها تعليقات:أيوووووه الوجه أحمررر إلاوسن هي ماكانت حاطه روج وينه؟ لالالاطالعي الشعرمحيوس؟ وبكت وداد من تعليقاتنا. هههههههههههاااااااي طلعتنا نوره أختي من عندها بالجزمة. وتحلفت وداد تردها لنا. بعدأسبوع ((وافي)):ماكنت ناوي أشبك بس خواتي أصرو وقالوا وش زود أختها عنها؟ دخلت وأنا كني مسيرعلى واحد من الربع ماحلقت ولاتكشخت يحمدون ربهم إاني سبحت بعد،انا مابي هالقروية ووالله ماتقعد على ذمتي سنه،هه تلقاها الحين طايرة من الفرح يحصلهامثلي بس؟مال جمال أخلاق وزودعليه منصب،قطع تفكيري سلطانة وهي تهزني وتهمس سلم قربت وصافحتها وباركت لها وهي منزلة راسها قلعتها وألتفت لهاعشان البسها بس لما مسكت يدهاعشان ألبسها الخاتم ماقدرت أفك يدها!!ياألله مويد هذي زبدة ماشاءالله بيضاء ناعمة طرية،بعدمالبستها الشبكه كان باين خجلهاهمست بأذنها :تصدقين توقعت تطلعين لي بالشيلة والبرقع،!! ((حنين)):صدق مايستحي الحمارالحين أنتظره يمدحني ويتغزل بي وذا يسبني طالعته بنظرة وكل الخجل حل مكانه غضب خير!!وش شايفنا ساكنين بخيمة ونرعى الغنم؟ ((وافي)):هب على هاللسان طلع الحيا شكلي بعينها محامية بمكتبي والله ان تطلع المحكوم عليه اعدام براءه ول عليها، بس هين ان ماخليتك كنك عنزمكسور قرنها ماأكون وافي قلت لها:القريه كنها البر وش تفرق وماعطيتها فرصه ترد لأني قمت وأستأذنت! وعطيتهم المهر و سيدة على الرياض وصورتها مو راضيه تطلع من باااالي |
رد: صغيرات على الحياة / للكاتبة المبدعة أم وسن ، مكتملة
يعَطَيَكَ اَلَعَآفَيَـهَ عَلَىَّ اَلَإنَتَقَآء اَلَرَوًّعَـهَ
شَكَرَاًَ لَكَ مَنَ اَلَقَلَبَ عَلَىَّ هَذآ اَلَمَجَهَُوًّدَ , مَاَأنَحَرَمَ مَنَ عَطَـآءكَ اَلَمَمَيَزَّ يََ رَبَ ! دَمَتَ بَحَفَظَ اَلَلَهَ وًّرَعَآيَتَهَ |
رد: صغيرات على الحياة / للكاتبة المبدعة أم وسن ، مكتملة
البارت الثالث
وداد:أوووف هااللزقة عسافوه مزعجني يدق كل ليلة وبالساعات،يحسب إني استحي منه ومن غزله وأنا منقرفة الله يعيني،أشوا صرفته هالأسبوعين ماكلمني على أساس زواجنا قرب وأنا مشغولة بالجهاز و الأسواق وسن:انا و وليدوووه هذا ماأطيقه ياناس يغار مني من وأحنا بزارين عشان خذت حضن أمي عنه بينا أربع سنوات، وليد:دخلت الصالة لقيت وسن تشرب شاي ومعطتني ظهرها مشيت بشويش وخبطتها مع راسها لين غطت شفايفها بالشاي الحار، ههههههههههههه أحسن. وسن صرخت:يازززززفت جعلك الموت حرقتني. أم تركي:خيروليد وشفيك على أختك طول الجدار وتحط راسك براسها وليد بقهر:أحسن تستاهل ليت جواد ماخذها وفاكنا منها. وسن:حررره موت قهربقعد على راسك(وهذي حالتهم يوميا هي ووليد) عبدالعزيز:شفت إن الوقت مناسب عشان أقول لأمي تخطب لي إيمان بنت عمتي سلمى خاصه إني متوظف أخصائي اجتماعي بالمستشفى من ثلاث سنين وهذا تركي مابيني وبينه إلاسنه ومتزوج وعنده ولد والثاني بالطريق كنت مابي أخطب لين تخطب أريج أختها بما أنهاالكبيرة بس طولت وأخاف تطيرمني إيمان. أم تركي:والله ياولدي الساعة المباركة بس ورا ما تاخذ أريج تراها الكبيرة؟ عبدالعزيز:مالك لوا ياميمتي أبي إيمان وأريج بيجيها نصيبها إن شاالله. أم تركي:خلاص بعد زواج خواتك نشاور أبوك ونخطبها. (عساف و وداد) عساف:أوف من هالحريم يحرجون بقزهم..خلاص ودي أروح أنا وعروستي مليت وهم يسحبوني من تصويرللكوشة لتقطيع كيك لخرابيط مالها داعي. أنا مو قادر حتى أطالع بمدامتي براحة أوف منهم. أشرت لعنود تنادي أمي وأمها عشان أودعهم وآخذ عروستي [في الفندق] آآه ماني مصدق إنا لحالنا ومحد يكدر علينا. طلبت العشا وبصعوبة قدرت أأكلها كم لقمة!! تابعنا فلم رومنسي وكلن شكله بعالمه.. وداد:ياربي فيني النوم يومين مانمت وأخاف أنام وينام جنبي وأنا مادريت أووف بس بروح أنام استأذنت إني ببدل ملابسي وأنا ناوية ابدلها وأقفل الغرفة وأنام. عساف:كنت ماخذ احتياطاتي منها بنصيحة زملاي المتزوجين إني أسحب مفتاح الغرفه عشان ماأبات عالكنبة دخلت بعد نص ساعة وأنا ابتسم على خباثتي بس طلعت خبل لأني لقيتها بسابع نومة ضربت يدي بالجداربقهر أمحق عريس. بدلت ونمت جنبها وأنا ودي أخنقهاعلى هالمقلب تنهدت ونمت لأني تعبااااااان. جواد:طلبت من وليد بما أنه بنفس عمري وأمون عليه أبي أشوف الخبله وسن قبل ماأسافر..لكن صدمني رده. وليد:ههههههههههه تقول أنقلع بس ماعاد إلا هالفيل اطلع له يتمقلني هههههه جواد:أحس من العصبية بخار حاريطلع من وجهي طيب ياوسن والله إن تندمين على هالكلمة يالبقرة!صحيح إني دب ووزني في الثمانينات بس حتى مايحق لها تهزا بي بصراحة حزت هالكلمة بخاطري بس الشرهة عاللي مسوي لهاحساب وطالب يشوفها وعادها من الحريم مالت عليها بلى في شكلها..على قول عمي فهد وافي:دقت علي عنود أختي عنود:السلام عليكم وافي:وعليكم اخلصي شتبين عنود:أبيك بمقلط الحريم عند الغسالات ضروري_سكرت على طول عشان ماأعطيه فرصة يرفض وبنفس الوقت قلت لحنين تشيك على غسالات الحريم قبل لايقلطون لايكون ناقصهاشي طبعاحنين غطت عالكل هي ووسن بماأنهم أحلى بناتنا وحنين فيها شبه كبيرمن باسكال بس أنعم جسم وأقصرولما الكل شبهها بباسكال صارت تقلدها في تسريحات شعرها وماكياجها وقلت حرام هالزين الليلة مايشوفه أخوي نيههههااااااي وافي:قهرتني هالعنود ماعطتني فرصة اسألها وش تبي وأدق عليها ماترد أكيد من سخافات الحريم دخلت ولقيتها عند الغسالات معها أعواد أسنان تحطها عالمغسلة وشكلها طربانة تغني بهمس مدري شتقول حبيت أهبل بها جيت من وراها بشويش ومسكتها بقوة من ورا ولفيت يديني على خصرها خفت تطيح حنين:صرخت مخترعة والتفت بسرعة بالعن خير هالزفتة اللي روعتني. وافي:فتحت عيوني على الآخربسم الله من أنتي؟حنين؟ بلمنا في بعض شوي بس تداركت الموقف وحطت يدينها على يديني عشان تبعدني بس أنا ضغطت عليها وقربتها أكثر تأملت فيها وهي تحاول تبعدني،لفيتها بقوة عشان ارجعها على الجدارولصقت فيها أكثرماقدرت أقاوم سكرت عيوني وبستهاعلى شفايفها بقوة وتركتها التفت أعدل شكلي بالمراية وانصدمت بالروج الأحمرالناري المحيوس على فمي ههههههههههه هي حطت رجلها وانحاشت وأنا غسلت فمي بالصابونه ثلاث مرات صحاني عسافوه:وأنا ناسيه أحداث البارحه أوووه زواجي لقيت هااللزقة بوجهي ويلعب بشعري، وداد:خيروش جابك عندي عساف:لاوالله نايمة البارح ولاعبرتيني تبين بعد اللحين أتركك، وداد:كم الساعه؟قلتهاوأناأعدل بشكلي بعدالنوم عساف:الساعة ثنتين صلي الفجر والظهرعشان نتغدى ونمرأهلي نسلم عليهم قبل مانسافروأهلك عندهم وداد:صليت وتشيكت وتغدينا ومشينا. حنين:حسبي الله عليك ياعنود قلتها ويدي على قلبي والتفت على صوت ضحكة هههههههههههههه العنود:هين أوريه مايعطى وجه هالوافي قلنا نظرة بس موشي ثاني. حنين:ياحيوااااانة كنتي دارية أنتي وياه والله لاأعلم تركي عليه. العنود:ارررركضي وشوفي إذا تقدرين تقولين له أولا ههههههههههه وافي:تنهدت وأنا أتذكراللي صارفي زواج عساف بس والله حركه حلوة ياعنيد كاشخة مرة شكل خواتي مكشخينها وإلاهي وش دراها بالموضة (العرسان طارو لماليزيا وبعدها سنغافورة) عساف:أرتحنا بعد السفرونمناعلى طول صحيناالمغرب صلينا الظهروالعصروالمغرب كنت مروق وشبعان نوم حتى هي دخلت بالغرفه أدورها لقيتها جالسة عالسرير وتدهن رجولها بكريم بعد ما خذت شور.. وداد:شفته يقرب مني وعيونه تلمع ويبتسم لفيت الروب علي أكثر وأناأصرخ عليه ابعد بس قرب أكثر واستفزني وهويحاول يفتح روبي..بس عطيته كف معتبر.. عساف:كنت أفسرتمنعها عني الحيا بس بعد اللي صار عرفت أن أنور للحين بخاطرها عشان كذا حذرتني أقرب منها بس صدمني الكف منها قمت مثل الثور الهايج ورديت الكف بكفين وجريتها من شعرها يالكلبة للحين تبين أنور؟ بس نجوم السما أقرب لك أنتي وياه تركتها وطلعت وداد:أي للحين أفكربأنورمقدرأفكر بغيره أوأتقبل وجودأحد مكانه محمد:عبدالعزيز أخوي خطب إيمان ووافقت ونطيت أنا لأمي وأنا بعد أبي أمل أختها أم تركي:سبحان الله كبرو العيال والبنات وأعرسو ماعاد ألا هالوليد مدري متى يعقل ونزوجه؟ وليد:جلست بالصاله وأنا طفشان مالقيت أحد من ربعي ورجعت للبيت شفت وسن طايرة ومعها فلوس شكلها طالبة من البقالة اللي بجنبنا أغراض مرت من جنبي ومديت رجلي بطريقها هههههههههههه طاحت على خشتها. وسن:قمت وشفت فلوسي طايرة وخشمي ينزف طالعت بشوف وش تخطرفت فيه لقيت الزفت ولود يضحك..حسبي الله عليه أزين مافيني هالخشم وبيكسره..عصبت وصرخت عليه وناديته بكل أسماءالحيوانات يادب ياحمار ياكلب ياثور كسرت خشمي جعلك السل والجدري وو...قطع علي استرسالي بالدعا صرخت أمي علي.ووووسن لاتدعين عليه. التفت عليها وأنا أبكي:شوفي وش سوا. أم تركي ضربت وليدعلى كتفه والله إن تعرضت لها ماتشوف خير. عساف:حسبي عليها كدرت فرحتي هالوداد.رجعت للفندق متأخرعشان ماشوفها بصراحة لاعت كبدي منها. وداد:بكيت وبكيت وبكيت لحد ماحسيت راسي كبر الباب والصداع ذابحني تعوذت من الشيطان وغسلت وجهي وطلعت أدور على بندول مالقيت سمعت صوت الباب يفتح ومامداني أدخل لأنه دخل وطالعني باحتقار ولاسلم رمي كيسه بيده عالطاوله وبدون لايلتفت لي:عشاك أكليه. دخل للغرفه وخذ مفرش ومخدة ونام عالكنبة وعطاني ظهره عساف:سكري اللمبات والتلفزيون وخذي عشاك داخل. وداد:يعني طردة طيب عسافوه دخلت بدون لاأطفي شي ولا أخذ العشا وصفقت بالباب وراي. وافي:خلصت من تجهيزبيتي قالوا لي عنود وسلطانه أخذ حنين معي عشان تختارمعي الأثاث بس رفضت بشدة أخاف تختار لي شراشيح أكيد بتختار لي كل شي يلمع ويبرق وبكل زاوية بترز لي طاسة ورد كبرها. طبعا مانقدر نسكن مع أبوي لأن حمد ساكن معه فطلعنا أنا وعساف بفلة هو الدورالأرضي وأنا العلوي وبعد أسبوعين زواجي الله يعين. عساف:قضينا أسبوعين مع بعض وأحنا كلامنا مع بعض يعد على الأصابع وتمشينا مع جروب تبع الفندق ومعنا مرشد سياحي ماقدرت أطول أكثر وقررت أرجع على الأقل ألقى أحد أتكلم معه.. |
رد: صغيرات على الحياة / للكاتبة المبدعة أم وسن ، مكتملة
حنين:واو اليوم وداد بترجع من السفر وحتى جواهرأختي بتجي من جدة لاهي وبنوتتها وناسة بس إحراج عمي بيعشيهم باستراحته وأنا منحرجة أروح بس عمي حلف علي وقال أنها مختصرة بس أخوانه وخواته وإن ماجيت بيجي بنفسه ياخذني لبست تنورة جنز ميدي وبلوزة كت وردي ولففت شعري زي باسكال يعجبني شعرها وجزمة سبور وردي والميك أب وردي طبعا. وسن كانت لابسة فستان أورنج مع اكسسواراته وقلوز أورنج_ سحببتنا سلطانة وفتحت شباك المطبخ بشويش ورفعت طرف الستارة وقالت شوفو عرسانكم طلينا أنا ووسن شفنا وافي وجواد قبالنا ومحمد وعبدالعزيزمعطينا ظهورهم واااي على وافي يجنن خاصة بالنظارة الشمسية وإلاضحكته تفتح النفس. وسن:ماشاء الله على حنين ماخذه هالزين موأنا اللي ماخذه هزار أطول أخوانه وأهبلهم لعن أبو بليسه وش ياكل ذا وعععععععع تخيلو شكله دب وطويل وشعره الحمدلله نص ظهره وأمرد ماله شنب وععععع وداد:شفت البنات منسجمين يطلون عالشباب حبيت أروعهم وضخمت صوتي زي العيال:أحم أحم ياوووولد فزوا البنات مع بعض وضحكت عليهم ههههههه ياجبانات سلطانه:أشوى حسبتك حمد أخوي والله ان يعلقني بالمروحه ههههههه سلمنا على بعض وتقهوينا طبعا جينا للاستراحة من العصر. نوره:تغافلت البنات وسحبت وداد وطلعنا عند بيت الحمام عشان أخذ أخبارها. وداد:سألتني نورة مية سؤال:شخبارك؟كيفه معك؟مبسوطه وألا... كذبت عليها وقلت إني مرة مبسوطة بس لما قالت صار بينكم شي تذكرت اللي صار والكفوف اللي كلتها ولمعت عيوني بالدموع ورميت نفسي بحضنها وبكيت بقوة وحكيت لها اللي صار؟ نوره:شهقت لما قالت عطيته كف قلت أنا لومنه موبس أعطيك كف وبس؟إلابذبحك وأرسلك بكفنك لأهلك ياقليلة الأدب تصفقينه وهورجال وأكبرمنك بعد؟والله أنه أجودي وإلا لو غيره وراك الشغل زين الحين خليتيه يصدق إن خاطرك بأنور وداد:أووف النوري إنتي معي وإلامعه؟ نوره:وجع إن شاءالله لاأحد يدري حتى أمي وأنور امسحيه من راسك لأنه مالك على بنت عمك وحتى لوبغى يتزوج مرة ثانية مستحيل ياخذك أو أبوي يجوزه وداد:والحل؟ نوره:لاتهدمين بيتك بيدك والله إن عساف رجال بمعنى الكلمة والكل يتمناه حتى لو متزوج وخطب والله إن يخيرفي البنات وترا قلبه طيب حاولي تقربين له وامسكي لسانك يكفيك شرف أنه يكون أبولعيالك حتى لوماحبيتيه والحب يجي مع العشرة مو بيوم وليلة تكشخي له ولاتقصرين في شغل بيتك ولاطلبك لاتردينه تراه حقه وإن ماعطيتيه إياه دوره عند غيرك بالحلال وإلا بالحرام وداد:أقنعني كلام حنين بس المشكلة أنه ماعاد قرب جهتي من ذيك الليلة..بس بحاول |
رد: صغيرات على الحياة / للكاتبة المبدعة أم وسن ، مكتملة
[الاستراحه بالليل]
حنين:احرجتني أمي وهي تنغزني أصب القهوة أف يعني إني منهم_درت على عماتي وحريم عماني بالقهوة وجلست بجنب إيمان.أف طفشوني بالصب. إيمان:ها حنين سجلتي بالجامعه؟أي قسم؟ حنين:سجلت قسم فنية..وأنتي؟ إيمان:وااااع فنية مالها فايدة أنا سجلت حاسب زي وداد. حنين:والله ماعندكن ذوق. بعد العشا طلعت سلطانة الاستريو بالصالة عند الحريم وافتتح الرقص سلطانة وعنود والحريم يصفقون. أم حمد:عنيد جيبي الشاهي. عنود:يمممه ماتشوفيني قاعده أرقص. حنين:خلاص خالتي أنا أجيبه. دخلت المطبخ وأنا اسأل الشغالات عن أنواع الشاي والمر والحلو. وافي:الله ياخذه هالجواد مدري وين فرك عن صب الشاي رحت للمطبخ بغير الشاي اللي برد. سمعت الشغالة تقول مدام حنين وين ودي الشاي حنين:يعني وين للغنم للحريم طبعا وافي:وحنا بعد نبي شاي. حنين:شهقت والتفت شفته وافي عطيته ظهري وأنا منزلة راسي وافي:طردت الشغالات برا وقربت منها...منتي مسلمة علي؟ بصير أحسن منك وابدأ بالسلام قربت وسلمت على خدها وضغطت على يدها ورفعتها ألعب بأصابعها وخاتمها وأطالع وجهها الأحمر قلت:جهزتي نفسك خلي خواتي يحجزون لك عند كوافيره لاتفشلينا فالناس و... ماخليته يكمل كلامه لاني سحبت يدي بقوة ودفيته عالدولاب اللي وراه وافي:وشفيها عصبت طيب من يسوي لنا الشاي؟ التفت علي:خوااااتك. [زواج وافي وحنين] وافي: لمادخلت على عروستي وانبهرت بجمالها أول مره أشوفها بميك أب قوي.سلمت عليها على راسها جلسناوشربنا العصير وصورنا وحانت ساعة الصفر ركبت سيارتي وسقتها بنفسي ورفضت أحد يوصلنا تركي:ها ياالوافي ماوصيك عالحنين تراها غالية وماأرخصناها إلا لغالي. وافي:أبشر ياأبوسعد. شغلت بالسياره كاست قصايد لخالد الفيصل.انسجم مع أشعاره. دخلنا الفندق وطلبت عشا رفضت تعشا. وافي:بدينا الدلع من ألحين؟تعشي وإلاتحسبيني بوكلك؟ حنين:سد نفسي الله يسد نفسه وش ذا دفش ماعنده ذرة رومانسية. وافي:بعد العشا دخلت الغرفة عشان أبدل لقيتها تحوس بفستانها حنين:الله ياخذك ودادوه حلفت أن تسوي فيني مقلب أثاريها ملغية السحاب الجانبي وحاطة أزارير من ورا من نص الظهر لحد أسفله.. وافي:عرفت أنها متوهقة بفستانها قربت أساعدها مع أني كنت مخطط ماأقرب لها لحد ماأدرس شخصيتها وطبيعتها حتى لوبعد سنة لكن الإنسان ضعيف ويتبع هواه وحالتي معها مثل الطفل اللي حطو عنده حلاوة جديدة مغلفة بإغراء وقالو لاتقرب منها وتركوه لحاله معها،طبعا نسيت كل الوعود اللي قطعتها بيني وبين نفسي،وسولت لي نفسي بأنها حلالي ليش ماأتمتع بها، حنين:قالو لي صديقاتي أثقلي عليه لاتخلينه يقرب منك! بس ماقدرت أقاوم قلبي وحنانه واستسلمت بكل سهوله، نوره:بسم الله على خواتي اليوم طالعين نجوم وحنين قمر،مسكت وداد وقلت لها شافك عساف بكشختك؟ وداد:لا أنا لبست في المشغل وسيده على القاعة! نوره:بتجلطيني أنتي؟وش أتفقنا عليه؟ياالله ألحين بدق على السواق ويروح معك حمودي ولدي يوصلك لبيتك؟ وداد:يااااااربي! تو الساعه وحده ماقضى الزواج؟ نوره:قسم بالله لين مارحتي مهوب أزين لك؟ دقي عليه شوفي وينه؟ وداد:آآلو عساف:هلاااا وداد:وينك فيه؟ عساف:انتظرك وكان بتأخرين ارجعي مع أهلي أو أهلك،دايخ مره فيني النوم، وداد:لاخلاص انا طالعة معك؟ عساف:غريبة طالعة هالوقت وهو زواج أختها أخبر زواج الحريم مايقضي إلا الفجر؟ دقيت عليها وطلعنا للبيت؟ وداد:سبقته فوق وبسرعة علقت عبايتي ورتبت شعري وزدت عطري وشغلت الأباجورات بس،أخذت نفس لما شفته دخل..سويت نفسي خايفة عليه ورفعت حاجبي باستغراب :وش فيك؟صايرلك شي؟تحس بشي؟قلتها وأنا ألصق فيه (كيدالنساء) عساف:صارلي شهرمن تزوجت وكنها أختي بالبيت وأحاول ماأرجع البيت إلا للنوم أو أطلع أنا وياها لأهلي ونهاية كل أسبوع أوديها الديرة عشان أرتاح من العذاب اللي أنا فيه! شفتها تقرب مني وهي شكلها خايفة علي تحسب فيني شي وتلخبطت من قربها حلاها عطرها ضميتها بكل قوتي وصار اللي صار.. |
رد: صغيرات على الحياة / للكاتبة المبدعة أم وسن ، مكتملة
جواد:اليوم رحلتي لبريطانيا عشان بتخصص في هندسة شبكات ودعت أهلي وعمامي وخالاتي ومسكني أبوي يوصيني
أبوحمد:لاتضيع صلاتك يابوي وانتبه لنفسك من عيال وبنات الحرام.ولاتنسى ست شهور ترتب وضعك وتجي تاخذ مرتك عشان تحصن نفسك عن الحرام جواد:إن شاء الله يبه ايه هين (إن شفتو وجهي قبل سبع سنين) وداد وحنين:قربنا عند وسن وقعدنا نغني: سافروا ماودعوناااا**سيبونااااوراحوو سيبونااا وراحوو وسن:أنقلعي أنتي وياااهاسخيفات |
رد: صغيرات على الحياة / للكاتبة المبدعة أم وسن ، مكتملة
(البارت الرابع)
وافي:كنت ناوي شهر العسل بأبها ويخب عليها وإن زحفت وديتها صلالة..بس حظها قوي هالبنت صديقي بشار ولد خالتها ويشتغل بالرياض وأخو أنور الكبير..متزوج معي بنفس الإجازة وماخذ بنت خاله وحاجزعلى استراليا واقترح علي نسافر سوا بما أن زوجاتنا قرايب واستحيت ارده ووافقت حنين:قالي وافي بنسافر على استراليا واااو ماقد رحت لها حدي الدول الخليجية والعربية ومرة وحدة رحنا لندن..وقال صديقه معنا بنفس الرحلة بس تفاجأت لما شفت بشار ولد خالتي وزوجته نورة بنت خالي. وافي:أكيد تخافين من الطيارة إذا أقلعت بس عادي عشانك أول مره تركبينها وما تعودتي عليها و... حنين:لا ما أخاف وترا مو أنتم اللي بس تسافرون برا ..وصديت عنه عشان مايكمل ياثقل طينته! أول ما وصلنا حطيت غطاي بشنطتي والتفت لي وافي وهومبحلق بعيووونه. قلت:لا تطالعني أنا متعودة أكشف وجهي بالسفر. ونزلنا وهو راح يجيب شناطنا. شفت بشار واقف هو ونورة وقربو لي لما شافوني لحالي. سلمت على نورة وبشار بس تفاجأت يوم شفته ماد يده يسلم علي هذا انهبل نسى أصلنا. استحيت أرده وصافحته وأول مانزلتها حسيت أحد مسكها طالعته وضغط علي بقوه عرفت أنه شافني ومعصب. وافي:انهبلت هذي الظاهر لو زوجته مو معه كان باست راسه بعد_ بشار:أوووه حنين ماشاء الله كبرتي(وزل لسانه)واحلويتي..بس حاول يتدارك الأمر بس موأحلى من زوجتي! حنين:ضحكت بشويش عشان أغطي على احراجي احرجني بشار بكلامه وعارفة ان اللي بجنبي مفول على الآخر! دخلنا الفندق الساعه ثنتين بالليل أخذنا شور ونمنا بدون عشا من التعب. وسن:من تزوجو خواتي وأمي وأبوي وأخواني دلعهم زايد لي عدا عدوي اللدود طبعا وليدوه! أخذنا شقة بالرياض ونجيها كل ويك آند وهياته بالأسواق والمطاعم والمشاغل أنا وبنات عمي وعمتي سلمى(أريج.أيمان.أمل)وخواتي والسهرة غالبا في بيت عمي أوعمتي وأحيانا بشقتنا. دق عبدالعزيز أخوي علي وطلعت له بالمجلس عزيز:سوسو أنتي عارفة اني خاطب إيمان وما شفتها وأبي أشوفها الحين بدون ماتدري على طبيعتها اعتبريها شوفة شرعية. وسن:لا أخاف تزعل بعدين ليش ماتقول لنورة أو وداد. عزيز:نورة أختي نقود وأخاف تعيي ووداد ببيتها. وسن:أوكيه أفكر!! وش رايك ادخل بحمام غرفتي وسكر اللمبة وافتح الباب شوي قد اللي تطالع منه..والباقي علي. |
رد: صغيرات على الحياة / للكاتبة المبدعة أم وسن ، مكتملة
عزيز:أوكي_بس حرام عليك مافيه غير الحمام.
وسن:ناديت إيمان بغرفتي وسكرت الباب علينا إيمان:خير وش عندك؟ وسن:أبد شارية فستان لزوارة حنين وأبي رايك فيه إيمان:واااو روعة أموت بالرمادي مع الوردي مع الأصفرمع الأسود واااو وسن:مايغلى عليك. إيمان:قولي يارب يطلع مقاسي وآخذه ماشاورتك. وسن:شفتها وهي تنزل الفستان على السرير وفكت كليبها من شعرها البني وطالعتها وهي تفك أزرار بلوزتها الأول... وصرخت عليها:لااااااا وش تسوين؟ إيمان:وجع بطن إن شاالله روعتيني وش فيك؟بقيس الفستان! وسن:لا أمزح معك حق زميلتي بفصل عليه أخاف تقيسينه ويصير له شي وهو غالي عند مصمم. إيمان:مالت عليك!مناديتني وبآخذ رايك!وتستاهلينه!ومايغلا عليك!وآخرتها طراره)شاحدته(معطت شوشتها وطلعت) وسن:مسكت نفسي لين طلعت وسكرت الباب عزيز ووسن:ههههههههههه وسن:هااشرايك! عزيز:أشر باصبعه الإبهام وهو رافعة وباقي أصابعه سكرها علامة قووووود وداد:رجع عساف من دوامه(أخصائي أجتماعي)ولقاني مجهزة الغدا على السفرة طالعني ودخل الغرفة. قلت يمكن بيغير ملابسه تأخر ودخلت اناديه شفته على السرير ومشغل التكييف ومسكر اللمبات. وداد:عساف الغدا على السفرة ماشفته وأنت داخل. عساف:شفته بس ماابي. وداد:طيب ليش ماقلت لي وأنت مسوي لي سالفة عشان ماسويت واليوم ماتبي. عساف:نسيت بعدين أمس ماسويتي قلت أكيد بعد اليوم وداد: لأنك إذا سويت قلت مابي وإذا ماسويت سويتلي مشكلة .....ورزعت الباب وراي. عساف:كسرت خاطري بس تستاهل خلها تربى كان ودي أراضيها وأتغدى معها بس تنهدت ومسكت نفسي بالقوة وداد:جلست عالطاولة وانفجرت بالبكي ولا وجبة ناكلها سوا الغدا يتغدا بالمستشفى والعشا عند أهله أو مع زملاه بالإستراحة..مليييت. عساف:مع إني هلكان من التعب بس ماقدرت أنام وأنا متأكد أنها للحين تبكي تقلبت بفراشي لين أذن العصرصليت بالمسجد وحاولت أراضيها بطريقة غيرمباشرة قلت وأنا جالس على الكنبة :غداي جاهز. طيرت عيونها وبعصبية مع زعل قالت:مافيه غدا كبيته مع النعمة الغدا موعده محدد واللي يفوته مب لازم ياكل. عساف:كان ودي أقولها ياملحك بس وأنتي معصبة بس قلت:الشكوى لله نتغدى بمطعم كنا عزابية مو متأهلين جيبي عباتك ويالله وداد:حطيت ايدي على خصري وضربت برجلي الأرض بعصبية ماني رايحة يالعزابي. عساف:ابتسمت وسحبتها معي أمشي بلا دلع. وصلنا المطعم وطلبنا غدانا شفتها تقلب بشوكتها بالصحن وماكلت عرفت أنها للحين زعلانة بس ماتهون علي غرست بشوكتي قطعة كباب وقربتها لفمها رفضت تاكلها بس فغصتها بفمها وحست بشفايفها وأنا أضحك وأقول بتاكلينها بتاكلينها وداد:غصب عني ضحكت على طريقته وأنا كنت ناوية أكمل زعل. عساف:حسيت الضيقه اللي بصدري راحت لما شفتها تضحك وأنا أضحك على شكلها وأكلت بشراهة |
رد: صغيرات على الحياة / للكاتبة المبدعة أم وسن ، مكتملة
حنين:رجعنا بالليل بعد ماتغدينا برا وتمشينا بس استغربت لما طلب وافي من صاحب التاكسي أنه يوقف بصيدليه نزل وقالي لاأدخل أوقف عالباب بس.
استغربت بس قلت بسأله أذا وصلنا. وصلنا الفندق:وشلت عبايتي ودخلت بالغرفة وأخذت شور وجففت شعري وحطيت ميك أب ناعم وتعطرت وكنت لابسة قميص نوم أبيض طويل مخصرعلى جسمي ومفتوح مع الجوانب.جيت بطلع بس فاجأني بدخلته وبيده كيس الصيدلية وصفرررررر باعجاب أخجلني ونزلت راسي. وافي:وااااو تحشر باسكال بزاويه قربت منها وحطيت إيدي على خصرها وأنا مستمتع بحياها ..أووه خذي حنين كلي الحين حبة وكل يوم حبة. حنين باستغراب:وش ذي له؟أنا مافيني شي. وافي:حبوب منع الحمل |
رد: صغيرات على الحياة / للكاتبة المبدعة أم وسن ، مكتملة
تفضلوا البارت الخامس
(البارررت الخامس) حنين:كنت فاتحة فمي من الصدمة<حبوب منع حمل> لما استوعبت الموقف دزيته بقوووة من صدره ولأنه مو متوقع هالحركة اختل توازنه وطاح على طرف السرير ولسا مومستوعب ردة فعلي وأخذت كيسة الحبوب ورميتها على صدره ومسكت نفسي لا ارميها بوجهه لأني عارفه الوجه موطن كرامة الإنسان بس مسكت نفسي وقلت وأنا أرميها: خذ دواك كله أنت ماني بحاجته من اليوم وطالع..وطالعت حوالي أبي مكان اختلي فيه بنفسي بس مالقيت إلا الحمام وبسرعة دخلته وقفلت الباب وانفجرت بالبكي. وافي : ماتوقعت ردة فعلها بتكون عنيفة بها الشكل..بس أنا ماغلطت من حقي أأخر موضوع العيال عالأقل السنة الأولى لحد ماأثق أنها تستحق تكون أم عيالي بعدين أهي لسا صغيرة ثمان طعشرسنة يعني نأجل الخلفة لين تكمل عشرين.. سمعت صوتها بالحمام تبكي ودقيت عليها الباب:يابنت اطلعي موزين تبكيين بالحمام تدخلك الشياطين اطلعي نتفاهم. حنين: طيب ياالوافي إما خليتك ترجاني أحمل ما أكون حنين غسلت وجهي ولما ماعاد سمعت صوت عند الباب طلعت ومالقيته بالغرفة رحت سيده للتسريحة وحطيت ميك أب لايق بعروسة وكثفت الكحل البودرة والماسكرا وقلوز وبلاشر بصلي ورتبت شعري وزدت عطري وجلست على طرف السرير وأنا أفكر اش راح أسوي بس قطع تفكيري صوت فتح الباب حاولت أهدي نفسي وخذت جوالي واتصلت بنورة أختي. نوره:هلاااابالعررروسة استراليا مرة وحدة شخبارك حنين:هلااافيك أخباركم اشتقت لكم نوره:يابكاشة من لقا أحبابه نسا أصحابه <وافي جلس عالكرسي المقابل للسرير> حنين:حاولت اتجاهله وأبين له أنه ماهمني ههههههه محد بقلبي إلا أنتم ليش أمي وأبوي ما يردون على جوالاتهم .. ولا البيت؟ نوره:ياستي وسن حاكمة على أبوي يغيرون جو بالشرقية دامك تركتيها ويمكن فارق التوقيت بينا وبينكم السبب. حنين:أوكي سلمي عليهم وعادي يدقون لي بأي وقت بأرد عليهم نوره:إن شاء الله فمان الله حنين : سكرت السماعة وعطيته ظهري بدون لا أطالعه وتغطيت بالمفرش. وافي:تضايقت مررة من اللي صار بينا مع أني ماتراجعت عن وجهة نظري طلعت من اللوبي بعد ماشربت فنجان يعدل مزاجي ورجعت لها أكيد للحين تبكي بالحمام أووف أنا وش لي بالعرس ووجع الراس لكن تفاجأت بشكلها وهي عالسرير وجلست مقابلها اتأملها لين تنهي مكالمتها |
رد: صغيرات على الحياة / للكاتبة المبدعة أم وسن ، مكتملة
طرٍح رٍآئع كَ ع ـآدتك ...
يتمـآيل آليـآسمين شذى بجمـآل متصفحك .. ؤتترٍآقص آلـ ؤرٍؤد متعطرة برٍؤعة مَ طرحته أنـآملك لرٍؤحك أطيب آلـ ؤرٍد ؤأكـآليل آلـ زهرٍ معطرٍة برٍقةرٍؤحك |
رد: صغيرات على الحياة / للكاتبة المبدعة أم وسن ، مكتملة
سلمت يدآك على روعة الطرح
وسلم لنآ عطاؤك وجمال إبداعك .. ولموضوعك الجميل كل الشكر والتقدير .. اسأل البآري لك سعآدة دائمة .. لروحك عقد الياسمين..! |
رد: صغيرات على الحياة / للكاتبة المبدعة أم وسن ، مكتملة
سلمت يمنآك لآ عدمنآك
طرح جميل بآرك الله فيك الله يعطيك العآفية |
رد: صغيرات على الحياة / للكاتبة المبدعة أم وسن ، مكتملة
وداد:صحيت الساعة وحدة الظهرالحمد لله شبعت نوووم تمغطت بسريري وقمت وتوضيت عشان أصلي ولقيت بجوالي ثلاث اتصالات من نورة أختي تقول أنها بتروح تبارك لأنور ولد خالتي وميادة بنت عمي فهد العصر وتعزمهم وتبيني أروح معها. قلت لها طبعا بروح بصراحة كنت أبي أشوف أنور لأني متأكدة أنه بيدخل يسلم على نوره أختي لأنه يمون عليها خاصة أن عساف عنده دوام إلى الساعة سبع المغرب طلعت للمطبخ وخذت لي كوب كابتشينو مع حبة شوكولا وبديت استعد للطلعة واحترت شلبس كأنه بيشوفني بدون غطا بس لازم أطلع أحلى من ميادة عساف:رجعت من الدوام تافل العافية صوتت لوداد بس ماردت دقيت على جوالها بس تفاجأت فيه يدق عالتسريحة وماأمداني أخمن وينها فيه إلا والباب يفتح ودخلت المدام وشكلها تفاجأت لما شافتني عساف : وين كنتي مدام؟ وداد : ارتبكت وحاولت اسيطر على نفسي وبدون لا أطالعه وأنا أشيل عبايتي كنت مسيرة عساف : باذن من طلعتي وداد : أووف تحقيق هو؟نوره قالت بسير أمرك قلت لها إيه لأني طفشانه فيه أسألة ثانية عساف:مسكت نفسي لاأعطيها كف يبرد حرتي فيها_يامدام أعتقد أنا ولي أمرك مو نورة أختك وتاخذين الأذن مني موأنا آخر من يعلم-وتوني انتبهت لشياكتها سألتها:على من سيرتو؟ وداد:ارتبكت وقالت بثقة مصطنعه:على ميادة بنت عمي فهد عساف:آآآآهااا قلتي لي أثاري هالشياكة مولله؟ وأنا وميادة المغفلين تقابلون من وراي وبكل وقاحة قدام زوجته قلت هالكلام وأنا ألوي ذراعها وداد:يامتخلف اتركني نورة كانت معي اسألها وهو مايعني لي شي بعد ماتزوجت عساف: طالعتها باحتقار ورميتها عالكنبة اللي وراها ياليت أصدقها عقلي كذبها بس قلبي مارضى يكذبها تركتها وطلعت سألتني وداد:وين رايح عساف : بستين داهية مالك دخل ركبت سيارتي وسقتها بسرعة جنونية ورفعت صوت المسجل لآخر شي دق جوالي وطالعت الشاشة >ودادي يتصل بك< عطيتها طاف ومارديت مع أنه تكرر اتصالها كذا مرررة وداد:الله يلعن الشيطان كله مني مدري كيف نسيت استأذن منه ولا كيف نسيت جوالي مارد علي أكيد زعلان؟وتعبان؟وجوعان؟ قررت أعوضه الليلة وأراضيه وأتعهد له ماأطلع إلا بشوره جهزت سفرة لبنانية من المشاوي للسلطات للعصاير وطلعت بعدها آخذ شور ولبست بدي كت أورنج مع شورت أبيض وميك أب ثقيل وتعطرت وجلست انتظره وأناعلى أعصابي مدري كيف بتكون ردت فعله. سمعت صوت الباب يفتح أخذت نفس ولما شفته قرب بيدخل الصاله نطيت وتعلقت برقبته وبوسته بكل مكان وأنا أقول أسفه حاول ينزلني بس ضميته أكثر ولويت رجولي عليه من ورا وقلت بمرح:ماني نازلة لين تسامحني لو إن شاء الله تروح للدوام ..وأنا والله ماقصدت شي وراح عن بالي الإستئذان يعني عروسة جديدة ماتدري عن قواعد السلامة وأول مرة وآخر مرة يابوحمد. عساف : ماكان لي خلق أرجع البيت وكنت ناوي أبات بالاستراحة بس مثل مايقولون السوريين:>يضرب الحب شو بيزل< دخلت البيت لقيته هادي ومافيه إلاإضاءة خافتة بس كنت ناوي أطنشها وأروح سيده لفراشي بس ماحسيت إلابشي يضرب بصدري وماامداني أتكلم ألا ماعطتني فرصة حسيت بعد ماسمعت كلامها كل همي زال وندمت إني مارديت على إتصالاتها قلت وأنا أحاول أثقل : وإذا سويتيها مره ثانيه؟ سكرت عيونها وقالت:أمممم عضني مع يدي عساف:هههههههه إلا بعضك مع خدك عشان تأدبين المره الجايه وفعلاااا عضيتها وهي تصرخ ياوحش! |
رد: صغيرات على الحياة / للكاتبة المبدعة أم وسن ، مكتملة
أبوتركي:رفضت طلب أبوحمد أخوي وهو أني أسفر وسن لجواد برااا بدون مايجي ياخذها وحتى لو جا البنت لسا صغيرة أحس إني ظلمتها هي ووداد لأنهم هم اللي كانو مو راضين عن زواجهم ولو ماتوفقوا بكون أنا السبب فكنت أعوض وسن بالحنان وأي شي تطلبه أمر بما أنها لسا عندي ماتزوجت. وليد:وسن وسن وسن خبر خبر خبر وسن:ياكرهي لها الوليد دايم أخباره سيئة وأفعاله أسوأ مايخبرني شي إلا إذا كان متأكد أنه بيغثني_خيرياوجه الشر وش عندك! وليد:يااااي فرحاااان حدي وسون بتغادرنا لبريطانيا وبتشوفين الأميرتشارلز وبتزورين قبر ديانا عقبال مانزور قبرك. وسن:هب ياوجهك!أنت وأخبارك الزفت انقلع جعلك الماحي ورحت لأبوي وكذب الخبر وبها المناسبة قلت له أبي السوق عشان أجهز للمدرسة بماأنا راجعين بكرة للرياض وليد:الله وهالمدرسة اللي تجهزين لها اللي يشوفك مايقول هذي ماعمرها نجحت بدون دور ثاني كسرتي قاعده خواتك بالتفوق ياالشاذة يامهملة ياكسلانة ياااا وسن:يبااااااه شفه يعايرني. أبوتركي:ولود وتبن اترك أختك ماعليك منها وسن:فتحت كفي وحطيت كفي الثاني وأنا ضامته وأدور به علامه موت بحرررتك خبطني على راسي وجر شوشتي وهو ماشي وتركها بعد ماصرخت عليه جواد:تضايقت لما قالي أبوي برسلك وسن واستقبلها بالمطار خيررر؟بيلحقوني بزر؟وإذا بكت وقالت أبي ماما وبابا؟ قلت له مابعد استعديت وإذا جت أول إجازه لي جيت آخذها طبعا ماعندي نية بس عشان اصبر أبوي دقيت على جوال عمي أبوتركي بفهمه وضعي مارد علي ودقيت على الثابت مارد باقي شقتهم اللي بالرياض بدق عليها وأشوف؟ وسن:آلووو جواد:هلااامن معي وسن:انت اللي متصل مو أنا؟ جواد:بااااس عرفتك أم لسان مدامتي وسن:واااع عرفتك جوادوه الدب وش تبي أخلص جواد: حبيت أرفع ضغطها قلت : أبد بس تعرفين المرة تابعة لرجلها وأهلك بيجيبونك لي..وإلا أنا لو علي مااستقبلتك حتى في المطار وسن:ههههههااااي مت ياحمار لين يجيك الربيعhttps://forums.graaam.com/images/smi...am%20(314).gif |
رد: صغيرات على الحياة / للكاتبة المبدعة أم وسن ، مكتملة
البااااارت الساااادس<
وسن: مدري شيبي هالخبل بأبوي الله ياخذه هههههه شكل الله بياخذني أنا من كثر مادعي أدعي عليه!! >حنين و وافي< وافي : قربت منها وحاولت اتفاهم معها بس ماعطتني وجه وللحين مغطية وجهها بالمفرش ومعطيتني ظهرها بس شعرها طالع وأنا موتي الشعر الطويل انقهرت من نفسي إني ضيعت علي سهرة حلوووة بس لازم تفهم دخلت أصابعي بشعرها وأنا ألعب فيه وكلمتها بصوت هادي :حنووو الحين ليش زعلانة أنا ماسويت شي غلط لازم تكونين متفهمة،أنا محامي وللحين أحاول أثبت نفسي بها المجال ولو ماقدرنا نفهم بعض خلال سنة راح نطلق وأنتي عارفة لوصار هالشي راح يأثر على سمعتي بالأضافة إلى أني مابي أجيب طفل يتيتم من أمه أو أبوه وهم عايشين في حال عاش معي أو معك بعد الطلاق ولا أقدر أعيش مع وحدة ماحبها بس عشان عيالي فهمتي؟ حنين: في البداية كنت مستمتعة وهو يده على شعري بس لما سمعت كلامه اللي يسم البدن تجمعت شياطين الأرض قدام عيوني وبعدت يده بقوة وأنا أجلس عشان أرد عليه:ياسيد وافي أحنا مجتمع شرقي والحب بعد الزواج مو قبله ويجي مع العشرة وإذا هذي نظريتك ليش خذيتني؟وإلا ببالك أحد؟ (مع أني من داخلي كنت مقتنعة بوجهة نظره وتفكيره السليم بس لأني أموت فيه حبيت إن انتهت علاقتي معه وهذا المتوقع يكون بينا شي مشترك طول العمر يربطه فيني حتى لو مايبي ويذكرني فيه) وافي : والله عاد هذي وجهة نظري رضيتي أهلا وسهلا مارضيتي أخبطي راسك بالجدار حقي باخذه والعيال مابيهم هالسنة وعطيتها ظهررري وأنا أسحب المفرش وأتغطى بعدين التفت عليها :جهزي نفسك بكرة الظهر ولد خالتك عازمنا على الغدا حنين:أه ياقهري عطاني ظهره ونام وداد:أممم أحس إني بديت أميل لعساف فعلا مثل ماقالت عنودة هو حنون قلبه طيب يضغط على نفسه عشان غيره وطووويل بال بس ينطبق عليه المثل>أتق شرالحليم إذاغضب<مرررح رومنسي حيل،،، عكس شخصية وافي وجواد اللي قريبه من بعض:يثورون بسرعة ويهدون بسرعة،فيهم ذكاء فطنة حجة حاضرة بس الفرق بينهم:وافي قليل هرجه وضحكه غامض ماتدرين وش وراه، وجواد مزززاح مرح يحب رفع الضغط ويدور أي شي يضحك عليه يقولووون الدببه دائما مرحين ودمهم خفيف وقلوبهم طيبة الله يسخره لوسونه ويسخرها له لأن كل واحد منهم لسانه أطول منه |
رد: صغيرات على الحياة / للكاتبة المبدعة أم وسن ، مكتملة
وسن:اف ضيقة صدر باقي أسبوع على الدوامات وعندي رسوب بثلاث مواد قواعد جعلها العلة، ورياضيات الخايسة متحلفة فيني ترسبني عشاني أحرجها بتعليقاتي اللي تضحك البنات عليها، وانجلش مامعي مامع جدتي فيه، فتحت دفتري أحل المعادلة بس مافيه فايدة بالي بمريولي عسا ماخربه الخياط ودي أشوفه متى يطلع وشطح بالي بشكلي بالدوام أول يوم شلبس؟ وليد:دخلت لقيت الآنسه سوسه سرحانه قربت منها بشويش وصرخت بأذنهابقوه وااااااااااااااو وسن:لعنننننننة للشيطان وبكيت آآآآهههاآآآآي وليد:هههههههه آآآي ياااابطني حنين:مانمت طول الليل وأنا أفكر بكلام وافي بس فكرت بحاجة وقررت أسويها أول ماأرد من السفر وبنشوف ياوافي من يمشي كلامه، صحيت على الساعة وحدة لما قومني وافي خذت شور وأنامبسوطة وتجهزت للطلعة لبست بنطلون أسود شمواه وبلوزه أزرق غامق وجاكت نفس البنطلون وسكارف أسود وكحل من جوا وقلوز وردي بس،أخذت شنطتي السودا وربطت في المساكة ربطة زرقا ومسكت نظارتي الشمسية وطلعت لوافي وشدني شكله حاولت ابعد نظري عنه،أناجاهزة، وافي:اف من هالبشار حلف يمين نتغدى سوا ونظراته لحنين وحنا بالمطار ماريحتني عالعموم أول وآخر مره،تأخرت حنين قمت بناديها لقيتها طالعة فتحت عيني على الآخر وأنا أخمن بتفكير بشار إذا شافها خاصة زوجته مو حلوة وأهو أحلى منها قلت بعصبية : ليش حاطة ماكياج حنين : ماحطيت؟ وافي:لاوالله وهذا وشو؟ومسحت روجها باصبعي حنين:أوف حسته بس روج وافي:امسحيه بسرعه مافيه طلعة بهاالشكل، حنين:خبطت برجلي عالأرضية الرخامية بشبه اعتراض أوووف طيب .. بعدها طلعنا وافي : لقيت بشار حاجز لنا طاولة وحدة ولو داري ما وافقت كنت أحسبه بيخلينا سوا وحريمنا سوا وجلست بقهر وجنبي حنين، بشار : انصدمت من نورة وطريقه تعاملها ولبسها ماأدري ليش أقارن بينها وبين حنين؟ طالعت شياكة حنين وبساطتها والتفت لنورة اللي كانت لابسه تنوره حمرا كلوش بعز الظهر وبلوزة بيضا واسعة وسكارف أحمر وتنهدت بحسرة جلسنا كلن بجنب زوجته وغصب عني عيني تروح لحنين خاصة إذا ابتسمت أو ضحكت واضحك على خفة دمها وتعليقاتها المرحة بشار:هاحنين شرايك بالأكل ؟أيه وعصيدة خالتك؟ حنين:ههههه طبعا عصيدة خالتي مع أني ماقد ذقتها ههههه وقطعت ضحكتي وبغيت أصرخ لما حسيت أحد داس على رجلي طالعته وبهمس قلت:آآح يوجع وخزني بعينه وطار قلبي من الخوف، وافي : أحسن عشان ماتخففين دمك مرة ثانية تغدينا وأستأذن وافي عشان نرجع، بشار : وين؟ماشربنا شي بعد الغدا وافي : مشكور ماقصرت بس لازم أرجع عشان أكلم مكتبي بشغل ضروري، حنين : أول ماوصلنا الفندق عطاني كرت الغرفة وقال اسبقيني شوي وأجي، حنين:أول ماوصلت شلت السكارف وفكيت الكليب وطاح شعري وكان ملفف بطريقه حلوه غسلت وجهي وحطيت ميك أب باذنجاني ولبست تنوره حد الركبه باذنجاني وبدي أصفر وأكسسوار مناسب تعطرت وشغلت التلفزيون وجلست دخل وافي وجواله باذنه وطالعني وهويكلم >أيوه الساعه كم؟أي خطوط عادي خليجية عادي!أوكي! وسكر، حنين:أستغربت!قلت من اللي بيجي من المطار؟ وافي:وهويقرب لحنين؟محد أحنا بنرجع السعودية بكرة؟ حنين:ليش!ماجلسناإلاعشرة أيام وأحنا حاجزين أسبوعين؟طنشني مارد علي وقرب مني وهويرفع دقني بيده: وافي:ليش ماخذه راحتك بالسوالف مع بشار؟ يعني لازم أنبهك قبل مانطلع كنك بزر؟المرة المحترمة تعرف هالشي وماتحتاج من يعلمها، حنين:بعدت يده عني ووقفت وجهي بوجهه:أنا محترمة غصب عنك وبشار هو اللي فرض نفسه بخفة دمه وبعدين كان يوجه كلامه لي مقدرأسفهه، وافي:مسكتها من يدينها ولفيتهن وراها ونزلت لمستوى وجها وأناأقرب منها بنسيك بشاروسنينه وكلامي ماحب أثنيه ولاعاد أسمع اسمه على لسانك وبوستها على شفايفها بطريقة مستفزة وأنا أطلع صوت للبوسة متعمد،ودزيتها عالكنب اللي وراها وأنا أحاول أمسك نفسي وأهدي أنفاسي وأعصابي، حنين:قمت من مكاني وأنا أمسح شفايفي عارفة النذل قصده ينرفزني طيب ياوافي طيب نمنا بدري وصحينا بدري مروقين ونزلنا نفطر تحت وافي:طول ماحنا نفطر وأنا أطالع بوجهها بشوف كيف مزاجها زعلانة عشان بنرجع بدري وإلا لا بس شكلها عادي موزعلانة وبعد مروقة قلت لها وأنا أحط يدي فوق يدها وبهمس:حنين فكرتي بالموضوع اللي قلت لك البارح؟ حنين بابتسامة:ايه أنا أقتنعت وموافقة وافي ببتسامة أيضا:أجل قومي نجهز نفسنا للسفر....... وغمزلها بعينه، حنين:بلعت ريقي وأحمروجهي خجل وخوف بنفس الوقت لو يدري شفكر فيه مدري شبيسوي فيني؟ |
رد: صغيرات على الحياة / للكاتبة المبدعة أم وسن ، مكتملة
وداد:دخلت لقيت عساف جالس على اللاب توب ومندمج وناسي العالم حوله وأنا طفشانة حبيت أسوي فيه مقلب وابتسمت بخبث وجيت من وراه وأنا حفيانة قربت ومسكته من خصره وأنا أصرخ بووووووووو هههههههه خاااااف حط يده على قلبه وهويسمي،مسكني من شعري وسحبني لحضنه وهويضحك،،
عساف:أعلمك الحين كيف الخوف. وداد:شالني وقلبني راسي تحت ورجولي فوق وأنا أصايح نزلني ياخبل أآآآي آآآي أنا دبدوبة وبتتعب يديك من شيلي وبطيح أآآآي عساف:نزلتها لأني فعلا خفت تطيح مني من كثر الضحك هههههههههههه أخيرا اعترفتي إنك دبا ويبيلك ريجيم وداد:بعد مانزلني بزعل مصطنع أنا مو دبا أنا مليانة بس بالعربي الفصيح ريانة العود! عساف:هههههه طيب ياريانة عطيني بوسة ووريني عرض كتافك وداد : مافيه بوسة ومافي عرض أكتاف وهذي تربيعة قلتها وأنا أتربع عالكنبة عساف:رفعت حاجبي لها وأنا أطالعها بنظرة فهمتها يعني تبين حاجة ثانية. وداد : فزيت من مكاني بلاقلة أدب عساف:هههههه طيب ياالمؤدبة نشوف!! وسن:الله يذكر خواتي بالخير اشتقت لهم جمعتنا هواشنا حشنا حتى الأخبار ماعاد همني جمعها لأن مافيه أحد أقول له واستحي اتصل بهم وهم لسا عرايس ونوره بتهاوشني وتضيق صدري ماعليك من فلان وعلان الحمد لله إن السبت دوام ولو أني بحتاس لأني مو عارفة نتيجتي هل بروح لثالث متوسط وإلا ببقى بثاني؟ بس خليني أجهز لزواره حنين وأدور شي كشخة ألبسه وليد:وساااااان بتروحين معنا للرياض يله.. وسن : أكيد طبعا بروح وليد:أنتي لو تمربك نملة قلتي بخاويك وسن:وأنت وش حارق رزك لايكون راكبة على كتوفك وأنا مدري وليد:ليتك على كتوفي تدرين وين بوديك؟بكبك بقليب أبوهادي جارنا ولامن شاف ولامن دري. وسن:توني برد عليه بس دق جواله ورد عليه وهويضحك وليد:ياخي جيتو بوقتكم في ناس ودها تسلم ومستحية وعلى طول حط السماعه على أذني ليد:كلمي بسرعة وسن:حطيت السماعة بذني وسمعت صوت ضحكة مميزة جواد:ههههههه لاتقول خالتي قماشة عندك؟ وسن:أنا قماشة ياالفقمة ياالبطة مااالت عليك وسكرت بوجهه. أم تركي بغضب:استحي على وجهك يابنت فيه مرتن عاقلة تقول لرجلها هالحكي؟ وسن:يماااااه مابيه دب دب ياررربيه كبر هزار المفروض يودونه للرابح الأكبر مو للندن؟ وليد:احمدي ربك لقيتي أحد يضفك أنتي وهاللسان اللي كنه موس وسن:يعني اللي مايسكت عن حقه لسانه طويل؟عجيب والله! |
رد: صغيرات على الحياة / للكاتبة المبدعة أم وسن ، مكتملة
وافي:رجعنا من السفر تعبانين واتفقنا أنو مافيه بينا أولاد طبعا بعد ماعطيتها محاضرة طويلة عريضةعن حقوقي ابيها... ونمنا لحد المغرب بعدها وديتها للكوفيرة وعلى الساعه تسعة أخذتها للبيت تلبس عشان نروح للعشا عند أهلي حنين:حطيت لشعري تسريحة ناعمة لأن فستاني الليلكي ناعم بعد بس قهر ماشافني وافي. وداد:بعد العشا جبنا الاستريو وبدو البنات يرقصون كنت مبسوطة التفت لعنود شفتها تشر لي أقصر الصوت عنود:وداد عساف يدق لجوالك ماتردين ينتظرك برا وداد:يووو نسيت جوالي ياالله بنات تصبحون على خير حنين:لسا بدري الساعة اثنا عشر وهمست باذني وأنتي أكيد وافي بيجيك الحين ماراح يصبر عن هاالحلى حنين:خبطتها على كتفها ياقليلة أدب وداد:هههههه الحين أنا قليلة أدب!نشوف! حنين:طالعت جوالي أشوف فيه أتصال لوافي أو لا؟ بس مالقيت كملنا رقص بس بدا كلن ينسحب لبيته حتى عنود راحت مع تركي طالعت الساعة أوووه ثلاث مو معقول تاركني هنا لهالوقت وأناعروسة وش بيقولون الناس؟حتى جواله مقفل ! وأناتعبانة وفيني نوم وافي:طالعت بساعتي وأنا مع الشباب أوووف الساعه ثلاث شغلت جوالي اللي بالشاحن لقيت واحد وعشرين اتصال كلها من حنين استأذنت وطلعت حنين:وصلنا البيت وماحد تكلم أحس بقهر حقران شايفني صفر عالشمال زياده عدد! وافي:أووو حنو هاللون حلو عليك ..وقربت وأنا ألف يدي عليها بس عصبت وبعدت يدي عنها. حنين : لو سمحت لا تلمسني وافي : مسكت يدينها وبالقوة شلتها عالسرير وقلت:أنا لابغيت شي آخذ ماأشاور |
رد: صغيرات على الحياة / للكاتبة المبدعة أم وسن ، مكتملة
بعد أربعة شهور وداد:رحت أنا وحنين للمستوصف اللي بشارعنا عشان احلل حمل والحمد لله النتيجة إيجابية حاولت بحنين تحلل بس رفضت تقول متفقة هي ووافي يأجلون الخلفة وأنا كنت طايرة من الفرح وفكري يوديني ويجيبني شلون بقول لعساف الخبر. حنين:شفت وداد دخلت دورات المياه استغليت الفرصة واشتريت جهاز تحليل حمل منزلي وأول ماوصلنا البيت سيدة على الحمام وأنا أدعي بقلبي تكون النتيجة إيجابي طلعت بعد خمس دقايق وابتسامتي شاقة حلقي وسجدت شكر لله الحين ماهمني وافي دامني سويت اللي أبي وداد:خذت شور وجففت شعري ولبست فستان أحمر ناري وحطيت وردة حمرا على جنب شعري ولبست اكسسوار مناسب وزينت الطاولة بمفرش أحمر وشموع حمرا حتى مفرش السرير أحمر عساف:من يوم تحسنت علاقتي بوداد وأنا أحرص عالجلسة كثير في البيت دخلت وصوت لها وماحسيت إلا أحد يضمني من ورا وقبل لا أتكلم ناظرتني بخجل وسحبتني بيدي للغرفة عساف:وش المناسبة؟ وداد:طالعته وأنا رافعة حاجبي الأيسر وهذي عادتي إذا استحيت سحبت يده بدون لا أطالعه وحطيتها على بطني:مبروك يابوحمد بعد سبعة شهور بيشرف تركي وإلا أخته! عساف:واااااااو وش دراك؟صادقة؟احلفي؟وشلتها بين يديني وأنا أدور فيها الله يبارك فيك ياوجه الخير |
رد: صغيرات على الحياة / للكاتبة المبدعة أم وسن ، مكتملة
حنين:اجتمعنا ببيت عمي أبوحمد والكل بارك لوداد وعساف وحسيت بغصة بحلقي الكل فرحان ويبارك لهم وأنا مقدر أعلن حملي.
أم حمد:وأنت ياحنين مافيه شي بالطريق؟ حنين:ارتبكت وانقلب وجهي لايكون باين علي؟ وقبل ماأرد رد وافي. وافي:لسا بدري إن شاالله بعد سنتين أم حمد:هااااو بسم الله عليك منت صغير أبوخمس وعشرين؟ وافي:يمه وإذا بدري حنين:حسيت بالعبرة تخنقي وهو فرحان ويبارك لأخوه وطلعت للحوش الخلفي وشلت غطاي واستنشقت هوا ملأ صدري وماقدرت أقاوم دموعي اللي نزلت. وافي:حسيت أن حنين موطبيعية شفتها لما طلعت وباين أنها متضايقة يمكن من كلام أمي؟ماقدرت انتظر أكثر من ربع ساعة وطلعت أدورها حنين:سمعت صوت خطوات وراي على طول مسحت دموعي ولفيت طرحتي وتوني بلبس نقابي مسكني من كتوفي وقبل لايتكلم قلت بصوت فيه شوي بحة من البكي:أنا تعبانة برجع البيت وافي:أوكي انتظرك بالسيارة وافي:بعد ماوصلنا شفتها تحاول تشغل نفسها بأي حاجة عن نظراتي مسكتها بيدها وجلستها جنبي نزلت راسها ورفعته شفت عيونها متحجرة بدموعها قلت : حنين وشفيك ؟ضايقتك أمي بكلامها ؟ أحنا ماعلينا من أحد اللي أتفقنا عليه بنسويه وماراح أسمح لأحد يدخل بينا حنين : رجاء وافي بجلس عند أهلي هالشهر وافي : ليش وكليتك؟ حنين : فيه نقل يمشي يوميا من الديرة للرياض بروح معه وافي: شهر كثير أسبوع مافيه غيره إذا ماجيتك قبل حنين: جهزت شنطتي وحطيت أغراض تكفيني شهر وافي:تضايقت مرة من طلب حنين بس ماحبيت أردها لأن شكلها تعبانة مرة معقولة عشان سالفة حمل وداد بس ماعليه تزعل يومين وترضى عاد مالقت إلاهالوقت تزعل فيه وأنا في أشد الحاجة لها عندي قضايا جديدة توني ماسكها وقضية قصاص خايف أخسرها ومشاوير بين أهل القاتل والمقتول..والله يعين؟ |
رد: صغيرات على الحياة / للكاتبة المبدعة أم وسن ، مكتملة
وسن:وااااو حنو بتجي عندنا شهر الحمد لله أخيرا بيجي أحد يوسع صدري. أم تركي:الله يستر ما ارتحت لجيتها حنين:سلمت على أهلي وقلتلهم تعبانة بنام ووافي سلم على أبوي وتقهوى واستأذن وقبل لايطلع ناداني وافي: حنين أبيك شوي برا..تجهزي الأربعاء الجاي بجي آخذك حنين: لا والله اليوم الجمعة وبتاخذني الأربعا يعني أربعة أيام بس وأنا قلت بجلس شهر وافي:إذا ماعجبك كلامي اركبي الحين. خلاص طيب. وسن:بمناسبة جيت حنين عندنا غبت عن المدرسة وسهرنا للفجر وانبسطنا طبعا حنين ماتقدر تغيب داومت مع نقلها الجديد بعد ما اتفق وافي معه يوديها أسبوع فقط |
رد: صغيرات على الحياة / للكاتبة المبدعة أم وسن ، مكتملة
البااارت الثامن<
وافي:أحس بطفش لمن أدخل البيت وماألاقيها أعترف إني فاقدها كنت لماأدخل البيت ريحة البخور توافيني لماتجي تسلم علي وتضمني وأنا أسوي نفسي مومهتم .. سفرتها مع أنها بسيطة بس تفتح النفس.لما أقولها مابي غدا بس عشان النوم ماتتركني بحالي تسحبني بطريقة مرحة للشاور المجهز بأحلى الروائح غصب عني أسمع كلامها مع أنه ماعمره أحد تجرأ علي وخلاني أسوي شي مابيه_لمن تبي مشوار خاص سوق أوخواتها وتسلهم لي بعيونها وتتدلع ماأقدر أرفض طلبها أوووف بروح أجيبها اليوم الأثنين ولسا ماطلعت من الكلية. حنين:الحمدلله أن الموضه البلايز قصة حمل.وإلا كان الكل درا عني شفت وافي يدق توني برد وأنا طالعة من باب الكلية بس شفته وعرفت أنه بياخذني سفهت الجوال وركبت مع نقلنا. وافي: شفت أبوجابر بيمشي اعترضت طريقه وقلتله ينزل حنين. حنين:انقهرت لما شفت البنات يطلون على وافي واللي قهرني أكثر تعليقاتهم السخيفة البنات:من ذا حنين؟رجلك وإلا أخوك؟... حنين:نزلت بسرعة عشان مايقزونه أكثر بس ابتسمت بتشمت وفرح لأنه كان مثلثم بشماغه ركبت وقلت بزعل:خير ليش جاي اليوم مو الأربعاء؟ وافي:أدري بس أنا لي ثلاث أيام عزوبي ماكني متزوج محد يهتم بي وبطلباتي. حنين:ياااه طول عمرك أناني وشفيها لوقلت اشتقت لك!وحشتيني!البيت مايسوا بدونك!ومن هالكلام لومجاملة قلتله:بس هذا مو أتفاقنا! وافي:نزلنا مطعم عوائل وشفتها جلست وشالت غطاها ونثرت شعرها قربت منها وهمست بأذنها :مانسيتي شي؟ حنين:وقفت أتأكد من شنطتي أنها معي وجوالي التفت له وقلت لامانسيت شي!حتى ملازمي بالسيارة! وافي:لي يومين ماشفتك وسلامك باليد بس؟وقربت منها وضميتها حنين:أحرجني وبسرعة بعدت عنه خفت يدخل أحد بالغلط ويسحبونا للهيئة. |
رد: صغيرات على الحياة / للكاتبة المبدعة أم وسن ، مكتملة
وداد:تحسنت علاقتي بعساف كثير..أنابديت أتأقلم معه مع أن طيف أنور يزورني بعض الاحيان! عساف:من حملت وداد وأنا أحس أن الدنيا لي أنا وبس! طالعت ساعتي أووه تأخرت عليها مريت وأخذتها ورجعنا للبيت. وداد:ببدل ملابسي وأجهز الغدا عساف:كسرت خاطري راجعة من الكلية تعبانة والحمل تعبها زيادة قلت:أشرايك تذوقين طبخي اليووم؟ وداد:لااااأخاف تحوس علي المطبخ. عساف:أفا عليك نامي لين يجهز وأصحيك وداد:ماصدقت خبر طلعت أنام لأني ميتة تعب عساف:جهز الغدا جيت بصحيها لقيتها نايمة رحمتها حطيت الأكل بحافظة ونمت جنبها. وسن:الله ياخذ شيطانه هالوافي ماأمداني أتهنى بحنو جا وخذها حتى أغراضها أرسل سواقهم ياخذها. لبست مريولي وأنا أتحلطم عليه |
رد: صغيرات على الحياة / للكاتبة المبدعة أم وسن ، مكتملة
في المدرسه<
ابلا تماضر:أندوري ياوسن برا هيا أندري! وسن:ليش أستاذة عشاني أظفر شعر هند!مسكينة استاذة البنت يتيمة أمها ميتة ماعندها أحد يظفرها! هند بهمس: حسبي الله عليك تفاولين على اميمتي! تماضر:يااااربي أنتي ناوية تجبي له الجلطة!! وسن:بسم عليك استاذة ان شاالله اليهود الجلطة والسكري والنقرس وحمى الوادي المتصدع وأنفلونزا الطيور وجميع الأمراض اللي مالها دوا البنات:أآآآمين تماضر:وااااه ياقلبي إن شاالله أمك حتدخل الجنة بسبب صبرها عليك_ وافي:دق جوالي طالعته واستغربت أبوجابر!أنا حاسبته وخلصت!شيبي؟نعم. أبوجابر:السلام عليكم والله ياولدي مدري شقولك! وافي:خير إن شاء الله حسابك ناقص؟وإلاشي! أبوجابر:لاوالله.السالفه ومافيها أن اليوم اللي خذت فيه حرمتك صارلنا حادث وافي بقل صبر:أفا عسى محد تضرر؟ وأنا بنفسي أقول الحمدلله أن حنين مومعهم! أبوجابر:الحمد لله محد تضرر بس فيه بنت نزفت شوي ونقلو لها دم والحمد لله الحين تمام. وافي:طيب تامرني بشي؟ أبوجابر:مايامر عليك عدو بس البنت اللي نقلو لها الدم فيها التهاب الكبد الوبائي والمستشفى طالبين تحليل لبنات النقل لايكون انتقل لهم المرض.وقلت أبلغك.فمان الله. وافي:لفت بي الدنيا وماعاد سمعت من حكي أبو جابر شي! أخذت جوالي ومفتاحي وسيده على الكلية. حنين:وافي شفيك أهلي أو أهلك فيهم شي؟قل الصدق؟ وافي:تعوذي من الشيطان مافيهم إلا العافية كلميهم إذا تبين!السالفة ومافيها أنا شوي تعبان قلت أقيس ضغطي وأسوي شوية تحاليل قلت إخذك معي. حنين:بلعت ريقي معقول شاك بحملي؟آآآه الظاهر خط الرجعة لابد منه.بس زين جت منه مقدر أغبي أكثر من كذا خلني أرتاح من الهم وافي: بعد ماخذوا عينة الدم مهدت لها الموضوع بشويش عشان ماتنصدم لو صار فيه حاجة لاقدر الله.بس قطع كلامنا النيرس وهي تنادي حنين قمت من مكاني بصعوبة أحس رجولي خانتني بلعت ريقي وقلت لها تنتظرني برا بس رفضت ودخلت معي. النيرس:مبروك مدام هامل>حامل<. وافي:نعم؟أكيد غلطانة أحنا تحليلنا عن التهاب الكبد مو عن الحمل!بعدين المدام تاكل موانع طالعت حنين أبيها تأكد كلامي! حنين:نزلت راسي لما طالعني وافي لاني عارفة أني مسوية شي غلط بالنسبة له وصح بالنسبة لي. النيرس:هادا أكيد همل روه إياده مراجأه وافي:سحبت التقرير أتأكد وطالعت حنين وهزت راسها بتأكيد وهي منزلته! جن جنوني وشياطيني قامت وماقعدت مسكتها بقوة من يدها أفرغ شحنات الغضب فيها مابي فضايح بالمستشفى مسكت نفسي بالسيارة وأنا ماتكلمت أفكر باللي صار. حنين:الله يستر شكله يخوف ياربي خايفه؟ وافي:أول ماوصلنا بيتنا وقبل لاتشيل عباتها مسكتها بقوه من كتوفها : تستغفليني!تلعبين علي!شايفتني بزر عندك!ياحيوااااااانة لمي أغراضك وأنقلعي من بيتي! حنين بانفعال وكل الخوف راح:أنا مو حيوااااانة من حقي أكون أم ولعلمك حسب كلام الدكتورة أنا حامل من ليلتها ولو كنت أخذ الموانع كان تشوه الجنين وبيتك ماني جالسة فيه أشبع فيه لحالك! تركته بالصالة وأنا أجمع أغراضي من غرفتي وأتصلت على تركي وأنا أبكي!!! وافي:طلعت من البيت حدي معصب طلعت قبل لا أقول شي أندم عليه وأغلط عليها أكثر مادري وين أروح!! ولا شعوري مسكت خط الثمامة مشيت على مهل وأنا استرجع كل اللي صار يعني لو قالت أنا رافضة وطلبت تناقشني يمكن تقنعني بس تستغفلني وتحطني أمام الامر الواقع عشان أرضى غصب لاااا ... تذكرت أني قلتلها تطلع من البيت هذي خبلة بتصدق! أرسلت لها مسج عشان تفهم بطريقة غير مباشرة إني مابيها تطلع من البيت>جهزي قهوه وشاي جاي الحين ومعي رجال< حنين:جهزت شناطي وأغراضي كلها وقبل لااتصل بتركي شفت رسالة بجوالي من وافي وجهزت له القهوة والشاي وأنا أبكي بعدها دقيت على تركي أأأأهأأأأهاأى تركي:حنين بسم الله عليك شفيك! حنين:تكفى ياخوي تعال خذني تركي:إن شاء الله بس شفيك وافي فيه شي؟ حنين:لامافيه شي تعال خذني تركي:وصلت لحنين بس مو راضية تتكلم كل اللي فهمته منها أنها ماعاد تبي تجلس مع وافي ورفضت تقول السبب! بس مو زين في حق وافي آخذ مرته من بيته بدون لااستأذنه أنا لوأحد من خوان مرتي ياخذها بدون أذني زعلت! وافي:ضاق صدري لمن شفت رقم تركي عرفت إن السالفة كبرت وطلعت من بين يديني والكل بيلومني أنا! تركي:السلام عليكم.شخبارك وافي وافي:تمام الحمدلله تركي:بغيت استأذنك حنين تبي تطلع الديرة وأناطالع على كل حال قلت أخذها معي. وافي:لا أنا جاي ألحين أنا بوديها مع السلامة تركي:احترت حنين موراضية تنزل من السيارة ووافي مو راضي يسمح لها تروح وافي:شفت سيارة تركي عند الباب نزلت بسرعة وسلمت عليه وقلت له يقلط بس حنين مارضت تنزل من السيارة حاولت فيها بس عطتني أكبر طاف وقالت لو أجلس أسبوع بالسيارة مانزلت..فقررت أسمح لها تروح عشان تريح أعصابها وأنا بعد لأنه لو أجتمعنا بعد اللي صار يمكن تصير مشاكل أكثر أحسن كل منا يبعد شوي ويراجع حساباته بعدين يرجعها تركي مثل ماأخذها! |
رد: صغيرات على الحياة / للكاتبة المبدعة أم وسن ، مكتملة
وسن:شفت حنين وهي تبكي وبكيت معها بدون لاأعرف السبب بس عرفت إن وافيوه هو السبب. جبت لها حبة باندول وموية وساندويتش رفضت تاكله بس تحت تهديدي إن ماكلته ببكي ضحكت وبكت بنفس الوقت بعدين قالت:مابشرتك بعد خمس شهور بتصيرين يالبزر خالة لعيالي. وسن:بزر بعينك بس على الأقل أضمن أنه بيكون حلو وإلا كان عطيته كف عشان يأدب أبوه. حنين:ههههه إشدراك بيكون حلو وسن:أنتي حلوه ووافيوه حلو أكيد بيطلع حلو علي!وبنشوف! وليد:شفت وسن لابسه مريولها وشنطتها جنبها وأنا طار عني النوم بعد صلاة الفجر حبيت انرفزها لأن شكلها مغصوبة على الدوام فكرت شسوي لها ولمعت بذهني فكرة،حطيت بشنطتها رضاعة بنت نورة أختي سارونة عمرها ثلاث سنوات وطلعت لغرفتي وأنا فرحان، وسن:أووف مامدانا ندخل من الطابور إلا أبلا تماضر ورانا أبلاتماضر:طلعو كتبكم وكراساتكم وافتحوا الواجب وسن:خذتها من قصيرها ووقفت أستاذة أنا كنت حاله الواجب بس نسيت الدفتر، أبلا تماضر:فرجيني شنطتك إدا لقيت كراسة الواجب راح أوريكي حاجة ماشفتيها قبل، وسن:كنت واثقة من نفسي أني تاركة دفترالواجب متعمدة بس طارت عيوني وحسيت بخجل لما شفت رضاعة سارونة معها قلت:أوه أستاذة جزاك الله خير من البارحة وأحنا قالبين البيت عليها مالقيناها بروح أبشر أمي من عند المديرة، البنات:هههههههههه أبلاتماضر:بس أنتي وهيا كسل جامد وشقاوه كمان وبعد ماضاع ربع ساعة من الحصة دقت الباب طالبة جديدة لسا ناقلة عندنا وكانت عبدة، أشرت لها تجلس جنبي أبلاتماضر:نصيحه من كل قلبي لاتجلسي جنبها الصاحب ساحب، وسن:عادي استاذه خل تسحبني إن شاء الله لبيتهم، البنات:ههههه حرام عليك استاذة وسن طيوبه ابلا تماضر:بااااااااس راحت الحصة علي، |
رد: صغيرات على الحياة / للكاتبة المبدعة أم وسن ، مكتملة
تركي:دقيت على وافي بتفاهم معه مثل ماقالي أبوي،
وافي:ماصدقت تركي يدق علي تركت الشغل اللي بيدي وجيته طيران، تركي:والله ياالوافي حالكم مايسر عدو ولاصديق والبنت جتنا زعلانة وماندري شالسبب مو راضية تتكلم وماعندها سيرة غير طلقوني منه وأنت شهر لاجيت ولاسألت ورافض تدخل حمد وأحنا مايرضينا حال بنتنا كذا فإمساك بمعروف أوتسريح بإحسان وافي:بتنهيده اللي بينا ما لأحد دخل فيه وطلاق مافيه وقلها تجهز بجيها ال...وقطع كلامي جوال تركي وهو يرد عليه هلااااا إن شاءالله تامرين خلاص تجهزي عشر دقايق وأنا عندك عن أذنك وافي بجيب حنين من المستشفى وافي:أنا بجيبها هات مفتاح سيارتك جواد:لازالت وسن تسيطر على تفكيري مستحيل أخذها وفكرت بكذا طريقة أتخلص منها وطرت ببالي فكرة دام أني أعتبر زوجها وماشفتها شوفة شرعية فمو كثير هالطلب ودقيت لوليد. جواد:هلاااا أبوخالد إلك وإلا للديب وليد بتمثيل:باطل! يخسا الديب جواد:كفو والله أبي خدمة صغنونة منك. وليد:أمر ياالنسيب جواد:أبي أشوف صورة وسن وليد بخبث:تامر أمر بس كذا وافي:دق تركي عليها وقالها السيارة برا ووصف مكانها،وأنا ثلثمت بغترتي ولبست نظارتي الشمسية وعيوني تدور عليها من بين الحريم وبسرعة صديت لماشفتها، حنين:سوري تروك عطلتك عن دوامك ..وماعطيته فرصة يرد ..على فكرة عرفت نوع الجنين بس مو قايلتلك عشان تصير مفاجأة بس بقول لأمي وأبوي. وافي:طلعت من مواقف المستشفى قلت وأنا أفك غترتي وانسفها على راسي عشان يبان وجهي وبابتسامة:ولاحتى أبوه؟ حنين:كنت اتعبث بشنطتي بس رفعت راسي بصدمة يتهيأ لي سمعت صوت،،،بس قطع تفكيري صوته وهو يقول : شخبارك حنون؟ حنين:بقهر وين تركي؟ وافي:حطيت ايدي على كرشتها احسها كبرت مررره بهاالشهر اللي ماشفتها وابتسمت لما حسيت بحركة عنيفة من الجنين وكأنه يرفس يدي : هههههههه شفيه ولدي حركته كثيرة شكله بيطلع نشيط على أبوه! حنين:بعدت يده عني وقلت:وين تركي ليش ماجا ياخذني؟ وافي : شدعوه ! مافيه شخبارك ، اشتقنالك ، بعدين أنا زوجك مو تركي وكل مواعيدك أنا أوديك لها مو أخوانك ، سامعة، حنين: لا طبعا،أنت مالك دخل فيني،وطلقني لوسمحت، وافي:تعوذت من الشيطان لاأتهور وأتوطاها بكفر السيارة،بس الشرهة مو عليها على اللي ياخذ بزر،لو إني ماخذ وحدة من سني عاقلة أفكارها مقاربة لأفكاري،مو هالدلوعة!مارديت عليها لأنا قربنا من بيت...!!؟ حنين :هي هي وين موديني قلتها وأنا أمسك الدركسون وألف به. وافي بعصبية:يامجنونة بغيتي تقلبينا! حنين:رجعني لبيتنا رجعني! وافي:سفهتها وأنا أدخل السيارة مع باب الريموت واتهجت لبابها:هذا بيتك!!فاهمة. حنين:تكيت براحة عالمرتبة وقلت:هذي جلسة إن شاء الله للفجر بس ماني نازلة! وافي:انحنيت وشلتها من مرتبتها:ياثقلك صرتي دبا كسرتي ظهري هههه. حنين:نزلني وافي عند الباب وتمسكت بمساكة الباب:والله ما ادخل بيت طردت منه.. ونزلت بسرعة ماكني حامل. وافي:انقهرت وركلت الباب برجلي بكل قوتي ولحقتها وركبت السيارة. وافي:وبعدين يعني والحل معك؟ حنين:طلقني وفكني. وافي:التفت عليها وأحس عيوني بتطلع من مكانها من العصبية ومسكت يدها ولويتها بكل قوتي:خبلة أنتي لاعاد أسمع هالكلمة منك بتركك اسبوع تريحين أعصابك والخميس بجي آخذك. حنين:سفهته أخاف أعانده ومايردني لأهلي. وافي:مسكت خط الديرة كنت أبي أقضي معها وقت أطول يمكن نتفاهم وخذت لي قهوة بالطريق تروقني وخذت لها عصير جوافة اللي تحبه. وطول الطريق وهي صادة عني وشكلها سرحانة بأفكارها وأنا عيني شوي عليها وشوي على الطريق حبيت اقطع الصمت وحطيت يدي على بطنها :بنت وإلا ولد؟ حنين:بعدت ايده عني مالك دخل مو أنت ماتبيه. وافي:ركنت السيارة على جنب لأني فقدت السيطرة على التركيز وبعصبية مسكتها من أقرب شي لي كتفها:منهو اللي ماله دخل؟قسم بالله إن ما قلتيلي أن ارجع بك الرياض وماتشوفين نور الشمس لين تولدين. حنين:خفت منه هذا عصبي ومتهور وشايف نفسه عالناس ويسويها:بنت بنت! وافي : فكيتها وارتخيت عالمرتبة وبابتسامة على خوفها..حلو أنا أحب البنات بس أبيها حلوة على أمها..كم باقي وتالدين؟ حنين:أربعه شهور. وافي:أوكي..يمديني أجهز غرفة البنوتة. حنين:ماله داعي! وافي:كيف ماله داعي!وإلا بتنام معنا إن شاء الله؟ حنين:سفهته وماعاد كلمته لين وصلنا. وافي:دخلت أسلم على عمي وأم حنين وناديت حنين قبل لاأدخل عارف أنها ماراح تطلع مره ثانيه إذا دخلت! ودعتها وداع حار رغم مقاومتها بس فكها مني عمي إلي طلع لنا وأحنا بوضع محرج وبسرعة فكيتها وسلمت وأنا منحرج. أبوتركي:ها وافي بتاخذ حنين؟ وافي: ياليت ياعمي بس أصرت تقعد هاالأسبوع وبجيها الخميس |
رد: صغيرات على الحياة / للكاتبة المبدعة أم وسن ، مكتملة
وليد:فبركت صوره لوسون ولما كملت تركت الماوس وأنا مبسوووط هههههههه.وأغني) جواد:فتحت إيميلي أشيك عليه بانتظار صورة وسن وابتسمت لما شفت رسالة من وليد وبسرعة فتحتها: طيرت عيوني يممممه من ذي!مااصدق معقولة هذي وسن! وشلون وأخوانها كلهم حلوين؟ يمكن طالعة على خوالها!بسم الله تخوف حتى حواجبها الحمدلله مافيه فاصل بينها والجبهة لعنبو بليسها ساحة مطار مو جبهة وزقمها طويل كنه زقم حمار يالبيه العيون يبي لها مايكروسكوب نشوفها فيه أستغفرررر الله ياربي الحمدلله اللي أحسن خلقي. صدق لاقالو(كان اللي بالشارع قرود ترا اللي بالبيت غزلان والعكس صحيح) بس شكلها مو أختهم ولاتعرق فيهم يمكن أمها غلطانة بها بالمستشفى جايز تصير وكثير بعد بس بعذرك ياوليد يومك تكرهها شكلك حاس أنها مو أختك!سبحان الله!ربي أنقذني منها! |
رد: صغيرات على الحياة / للكاتبة المبدعة أم وسن ، مكتملة
وافي:طول ها الأسبوع وأنا أدق على حنين ومطنشتني إما تعطيني مشغول أو ماترد أو جوالها مقفل.
وصلت لبيت عمي العصر بس مارضت تكلمني أو تطلع لي واللي قهرني أكثر عمي أبوتركي : والله البنت حالتها حالة مو راضية تكلمنا ولاتاكل إلا لما وعدتها تجلس عندنا لين تولد لأن نفسيتها بالمرة زفت ومو راضية تقول سبب زعلها. وافي:اسمح لي عمي ماراح اتركها لين تولد واللي بينا مشاكل عادية بس هي كبرتها وأنا بحلها بنفسي بس خلها تطلع لي نتفاهم. حنين:تنهدت وقلبي دق بقوة لما دريت أنه هنا وبعد إصرار أبوي أني اطلع اتفاهم معه قررت اواجهه...لبست فستان حمل قطن كحلي نص الساق وجزمة سبور واطي مع شرابة كحلي ورفعت خصلة من شعري بكليب فضي فيه فص كحلي وحطيت قلوز وبلاشر وشدو وردي أحب الوردي يطلعني كيووت كحلت بالسايل ومسكرت رموشي وتعطرت وطلعت. وصلني أبوي باب المجلس واستأذن وخلانا لحالنا وافي:ماتوقعتها بتطلع لي بها السهولة خاصة أنها عنيدة بس أنا أعند وماني ناوي اطلع بدون مااكلمها.. فزيت وسلمت عليها وسحبتها من يدها بجنبي وكلمتها وأنا العب بخاتمها وأصابعها...هاه شنطك جاهزه نمشي لبيتنا؟ حنين : لا طبعا سبق وقلتلك ماني راجعة وفكني! وافي : يابنت ترا تحملت من دلعك مايكفي تعوذي من الشيطان وارجعي معي! حنين:لا يعني لا وافي بعصبية:في الشيطان تبيني اترجاك خيسي ببيت أبوك وطلاق لاتحلمين به وبنتي باخذها أول ماتولدين.. حنين وهي تقاوم دموعها:ماتقدر تاخذها وطلاق بتطلق طال الزمان وإلا قصر وطلعت وافي:ركبت سيارتي ومشيت ميت من القهر. حنين:مو قادرة انسى اللي سواه بي واهانته لي رغم حبي الجارف له بس كرامتي فوق قلبي. |
رد: صغيرات على الحياة / للكاتبة المبدعة أم وسن ، مكتملة
وسن:دقيتها صداقة مع البنت الجديدة فاطمة وصرنا مع بعض على طول د فتو:سونا عندنا طق بزواج ها الخميس شرايك تخاوينا ترا فلة ووناسة. وسن:حلو تصدقين مشتهية أطق بزواج عاد أنا ماعرف أطق بس صوتي حلو يعجبك!بس ماأظن أهلي بيوافقون لي. فتو:ياهبلة قولي صديقتي عازمتني زواج أختها وسمي لك اسم عايلة يثقون فيها هلك وسن:وين زواجكم ! بعدين شلون بدخل بدون بطاقة دعوة. فتو ضربتها على راسها:شغلي هالكور شوي أنتي بتروحين على أنك تبعنا يالطقاقات والزواج بالرياض بقاعة فخمة وسن: طيب كيف وضعي!يعني شلبس؟ فتو:عادتن احنا نكشف ونكشخ بس عشانك بنتغتر! شقلتي! وسن:أوكي..بس اخاف يكشفني تروك ثم يسويني كفتة! فتو:ههههههههههههه ولايهمك اسويه لك شاورما هههههه |
رد: صغيرات على الحياة / للكاتبة المبدعة أم وسن ، مكتملة
وسن:أحب المغامرات وكسر الروتين زنيت على راس أبوي عشان يودينا للرياض على أساس أحضر زواج صديقتي ووافق رغم معارضة أخواني وجهزت برقع سارقته من أمي مع طرحة مزركشة ولبستها عند مدخل النسا بعد ماانتظرت فتو عند الباب عشان تدخلني. وكنت خايفة في البداية إني انكشف أو أحد يعرفني أو يصير أي شي بس بسرعة اندمجت مع الطق والطرب كانت المطربة أخت فتو ترفة وأنا وفتو نرد وراها بس طلبت من تروف تعطيني المايكرفون بعد مامنا على بعض وغنيت: لا لاتضايقونه**ترفي لاتضايقونه ومن الحماس قمت أهز وأرقص وأنا بمكاني. وعجبني صوتي بعد مامدحوه فتو وتروف. بس كبر راسي لما قالت أخت العروس لترفه خلي هذي البيضا تغني في أخو العروس فهد وخفت لما قالو بيدخل ومعه رجال أحنا مااتفقنا على كذا فتو! فتو:كلي تبن بس الحين بتنافسين أحلام وتقولين مااتفقنا!غني بس! وسن بحماس: قام فهد سريع وبهر الدلة**جاب صينيتن وأذناب خرفاني.. وغنيت للعريس بروقان لأني أحب أغاني أبونوره: عريسنا يابدر بادي**...ت لياليك السرور أخذتها وأنت الموفق **حوريه من بلاد النور وسهرنا بوناسة لحد الساعة ثنتين بس فتو وفرقتهم كملو سهر للفجر. وسن:وااااو صدق وناسة وجو حلو بس لو يدري تروك بيكسر رجلي عشان ماأخطي عتبة الباب. |
رد: صغيرات على الحياة / للكاتبة المبدعة أم وسن ، مكتملة
(بعد أربعه شهور)
حنين:من أمس وأنا أحس بمغص ببطني بس خفيف واليوم زاد هالشهر كله وأنا بشقة أهلي بالرياض أنا وأمي ووسن اللي تطورق يوميا للديرة مع نقل معلمات بس موقادرة أتحمل رحت لغرفة أمي لقيتها نايمة وكسرت خاطري مقدرأصحيها..وأبوي في الديرة هو ووليد..عبدالعزيز بالشرقية..ومحمد وتركي أدق لهم محد يرد..وبكيت ياربي شسوي! طرا علي وافي ودقيت بسرعة يارب جواله مفتوح. وافي:من تزاعلنا أنا وحنين وحالتي مقلوبة أسهر بالليل وأطلع من الدوام سيدة أنام أصحى الساعة عشرة بالليل أكلي يعتمد عالحليب أو القهوة مع حبة شوكولا حتى أهلي أجلس أحيانا يومين ماشفتهم ارهقني التفكير بوضعي وقطع سرحاني صوت جوالي وفتحت عيوني عالأخر معقول حنين أخيرا حنت علي ودقت وإلا يمكن أحد من أخوانها؟ وبسرعة رديت؟ |
رد: صغيرات على الحياة / للكاتبة المبدعة أم وسن ، مكتملة
حنين:ألووو وافي:هلااااا أخيرا طرينا عالبال! حنين:حسيت بالعبرة تخنقني يوم سمعت صوته!وبكيت! وافي تكفى تعاااال مالقيت أحد يوديني المستشفى وافي:بسم الله عليك شفيك؟ حنين:الظاهر ولادة أنا بشقة أهلي بسرعة تكفى. وافي:يلا البسي عباتك جاي الحين حنين:تسحبت بشويش لاتدري أمي وخذت شنطة البيبي وصل وافي وساعدني أركب السياره وطول الطريق إذا حسيت بطلق شديت بقوة على يد وافي وافي:تحملي شوي وصلنا وعلى الطواري على طول. حنين:فكو مني ساعتي وسلسالي وخواتمي حتى جوالي خذوه عطيت النيرس خمسين ريال عشان أخلي جوالي معي وأقفله طبعا وافي:مو قادر أجلس أروح وأجي وأنا قلقان وطار قلبي لمن سمعت صراخها يارب هون عليها،يارب يسر ولاتعسر،يارب فرج لها،شفت نيرس طالعه من الغرفه وسألتها ماعطتني وجه تقول لسا، حنين:أول ماطلعوني من غرفة الولادة فتحت جوالي وأول واحد دقيت عليه وافي وافي:دق جوالي رفعته بعطيه مشغول بس شفت عالشاشة(حنيني يتصل بك)رديت بلهفهة: بشري؟ حنين بصوت تعبان : ابشرلك بولدين، وافي:لحظات مارديت بس استوعبت قلت: صادقة وإلا تمزحين! حنين بتعب:مو وقت مزح مرهم بالحضانة شفهم وافي والضحكه شاقة الوجه :كفو والله،بس بتطمن عليك أول، اتصلت ابشر أمي وأبوي وعمي وعمتي وأرسلت لخواني وخواتي رسايل أبشرهم أكيد ألحين قايمين، حنين:شفت وافي داخل علي وباينة الفرحة بعيووونه ووجهه قرب مني وباسني (مبروك يأم الشباب يتربون بعز والديهم إن شاء الله)بعدين قرص بعيوونه لي وحط يده على رقبتي كنه بيخنقني أجل بنت ها!وأنا طول هالشهورأهوجس باسمها وشكلها ومن بزوجها!وأنتي مرتاحة! حنين:ماقدرت أمنع ابتسامتي اللي طلعت غصب وبعدت يده عني:كيف العيال؟ وافي:مابعد شفتهم قلت أطمن على أمهم بعدين أشوفهم، وتوني بقوم بس دخلت بهم النيرس ووراها الثانية وكل وحدة معها ولد قمت أشوفهم ياربي يدنووون كل واحد أحلى من الثاني ياربي أممممواااااه وبستهم على خدودهم النيرس:يلا مدام رضاعة بيبي حنين:استحيت أرضع ولدي قدامه، وافي أطلع برا برضعهم وافي:وأنا معييك؟أعين وأعاون، انتشر خبر التوأم وطلعت حنين للبيت ووافي مسنتر عند أهلها بحجة شوفة عياله وحنين تطلع له العيال وماتطلع بحجة الزوار وأحيانا يمسي عندهم على أمل يسهر وياها لو ليلة، وافي:قاهرتني سافطتني على جنب ماكني أبوعيالها وأهم من كل الناس تطلع لي العيال لحالهم بس هين باقي عشرة أيام وتطلعين من الأربعين وأخذك وأصك عليك سنة ماتشوفين من يقول ربي الله عقابا لك،آه بس متى تقضى هالأربعين ياطولها، جواد "]خزنت صورة وسن بحافظة شخصية وما حذفتها مدري ليش!مع إني ناوي أزحلقها، اتصل علي وافي وبشرني بعياله وكان باين عليه الفرح يستاهل والله من زمان مافرح الله يوفقه مع هالحنين وترجع له، |
رد: صغيرات على الحياة / للكاتبة المبدعة أم وسن ، مكتملة
بشار:من دريت أن حنين حامل وزعلانة عند أهلها انتابني شعورين بنفس اللحظة فرح لانها زعلانة وطالبة الطلاق،وقهر لأنها جابت شي يربطهم بعض طول العمر تنهدت ودخلت أسلم على خالتي اللي كثرت جياتي لهم بسبب حنين آه بس لويصير اللي ببالي، عساف:على البركة أبوتركي وإلا أبو جسار؟ وافي:ههه كلهم خير وبركة أبوهم كلهم، عساف:هب عليكم،متزوجين بعدنا بشهر وتسعة شهور وجبتو اثنين مو واحد لايكون داخل عليها ياولد قبل زواجكم؟ وافي قام وزنطه بحلقه:اذكر الله على مرتي وعيالي لايجيهم شي!والله لأذبحك! عساف:كح كح كح وجع إن شاءالله من زينكم نحسدكم! تف عليكم ماشاء الله تبارك الله. تركه وافي وهو يبتسم :إيه كذا تعدل. عساف:ياالخايس بغيت تموتني تبيع أخوك عشان مرتك وعيالك تراي أقرب لك قبلهم. وافي:هههههه أبيعك وأبيع طوايفك بعد عشانهم. حمد:اسمع أنت وياه جواد بيجينا زيارة شهر وقال لأبوي بيجي الخميس الجاي ويبي يرجع بمرته معه. وافي:داري أجلت تمايم عيالي عشانه بس والله البنت توها صغيرة أم خمس طعش وعوبا وجواد مهوب ساكت لها إن عاندته. حمد:الله أكبر!هذا أنت خذت أختها أم سبع طعش وجابت اثنين ماشاء الله ما ضرها وأنت نفس طبايع جواد وبعد هو أوسع منك خاطر. وافي:يا هالولدين اللي بتنقزونهم بعيونكم كن محدن جاه توأم إلا أنا ... سولف بس لاتطري عيالي على لسانك! حمد:هههههه يارجال وسع صدرك!هذا اللي يهاوشنا لا قلنا بنقرا على عيالنا من العين ويقول شيحسدونهم عليه!وين حكيك!وألا عيالك غير! وافي:هذا إنت قلتها عيالي غير! |
رد: صغيرات على الحياة / للكاتبة المبدعة أم وسن ، مكتملة
حنين: e
بكرة بطلع من الأربعين وتركي وجسار هالكيني بالسهر وقدم لي وافي على مربية. وافي:بكرة بتطلع حنين جبت عمال ينظفون البيت ويمسحون الجدران وأنا توليت تنظيف غرفتنا وغيرت مفرش السرير بمفرش أورنج حرير بما أنه يمشي مع ديكور الغرفة السكري نوعا ما!وأتفقت مع مطعم على طلبية الغدا بكرة ومريت حلويات سعد الدين وطلبت تورتة وكتبت عليها>كل الحب لك<أبوجسار ومريت الرميزان وخذت طقم ألماس حلو وفخم وغلفته. وطلعت ثيابي الجديدة لأن القديمة صارت واسعة بعد مانحفت في الستة شهور اللي ما كانت حنين عندي. وفتحت غرفة العيال قربت لسرايرهم آآآه اشتقت لهم تلفت حولي وابتسمت ولأمهم بعد!وأرسلت لحنين إني بجي آخذهم بكرة العصر. وافي:بكرة الصباح قمت الساعة عشر وفزيت بسرعة أخذت ثوبي وغترتي البيضا للكواي ورحت للحلاق ضبطت السكسوكة ونظفت بشرتي وطلعت للبيت كانت الساعة وحدة انسدت نفسي من الفرحة شربت كابتشينو وخذت شور ولبست وتعطرت ولبست كبكاتي الفضيه وجزمتي الجديدة طالعت نفسي بأعجاب وااااو كني عريس طالعت الساعة ثنتين ونص حلو اوصلهم ثلاث ونص ركبت سيارتي ومشيت.. حنين:أووف هاالأربعين تطفش كنها سجن اليوم إفراج طبعا شفت مسج وافي وطنشته مو عشانه عارف إني أحبه يخليني ملطشة ويشوف نفسه علي ويهيني تشيكت عالآخر وأحترت وين أروح خذت عيالي وشغالتي ووسن وطلعت للملاهي كلمت زميلاتي بالكلية وأتفقنا نطلع سوا، وافي:دقت أمي تبيني أجي للغدا قلتلها مشكورة ياالغلا رايح أجيب مرتي وعيالي تامرين شي، أم حمد:الله يبشرك بخير وبكت عشان حال ولدها اللي مايسر،وبشرت أبوه اللي فرح |
رد: صغيرات على الحياة / للكاتبة المبدعة أم وسن ، مكتملة
جواد:ماصدق صار لي قريب من السنة ماشفت أهلي مشتاق لهم شفت عساف وعيوونه تدور شكله ماعرفني جيته من ورا وخبطته عصب التفت بيهاوش بس بسرعة تبدلت نظرته لاستغراب دهشة
عساف: جواد؟ جواد:شكلك ماعرفتني؟ عساف:يلعن شكلك بجد ماعرفتك وووين الشحوم واللحوم ههههه.. جواد:خليتها بلندن هههه عساف:الحين أمك بتفكها مناحة على هالشحوم اللي راحت..وإلا نزلتها عشان المدام،بس ياولد تغيرت كليا لعنبو الزين..ليتنا مزوجينك من زمان.. جواد:ههههه إذا مانزلتها عشان المدام من أنزلها عشانه..وين الخايس وافيوه ماجا يستقبلني. عساف:هوووهوووه مب يمك رايح يجيب المدام بعد النفاس. جواد:عسى زين رجعت المياه لمجاريها! عساف:أظن.. وافي:ضحكت على نفسي كيف تطلع مني هالحركات وأنا قبل احتقررها هههه قلبتي راسي ياحنونتي!! دقيت الجرس محد فتح لي دقيت على حنين ماردت!دقيت على عمي:صدمني أنهم كلهم بالرياض ليش ماقالت حنين! يمكن تحسبني بمرها بشقتهم! رجعت بخيبتي ووصلت لشقتهم على المغرب طلع لي تركي ووجهه مايبشر بخير ونظراته لي غريبه وبعد السلامات وافي:لاهنت تركي نادلي أم جسار. تركي:والله مدري شقولك البنت رافضة ترجع لك نهائي وطالبة الطلاق وعجزنا نقنعها أنا وأمي وأبوي واقف بصفها يقول لاتغصبونها على شي ماتبيه قلنا وش بينكم!يمكن نقدر نقرب وجهات النظرونحل المشكلة وتصالحون. وافي:سكرت عيوني وضاقت بي الدنيا ومرت علي اللحظات اللي عشتها اليوم بسعادة وحماس وضحكت بحسرة على نفسي هه..خفت أتكلم وأندم طلعت ومارديت عليه حتى عيالي ماشفتهم... ماقدرت أرجع البيت وأشوف اللي سويته عشانها مابي أعذب نفسي أكثر بدون وعي مني رحت لمكتبي وقفلت جوالي وجلست أفكر بحالي مع أنها ماعاشت معي أكثر من أربعه شهور بس موقادر أنسى هالشهور وكيف كنت فيها!! بس إذا ماتبيني كيفها تسوي اللي تبي والله أن تموت وهي على ذمتي وماتجيب عيال غير ماجابت إلامني إن ماجت ترجاني أرجعها هين وأنا أبوجسار .. وابتسمت على طاري جسار وأخوه ياالله أن تلم شملنا! جواد:والله هالوافي بايعنا بقشرة بصلة كل ذا عند المدام حتى جواله مقفله..! أم حمد:لاتدقون له تزعجونه الله يهنيه له ست شهور ماأمسى معها.. العنود وهي داخلة الصالة سمعت كلام أمها:ومن قال أنه مع مرته؟ تركي توه جايب خواته من الملاهي وهي معهم. أ م حمد:وراها مهوب أمس تمامها. العنود:إلا بس سمعت من تركي إنها رافضة ترجع أم حمد :ول حسبي على شيطانها وش صار لوليدي؟طالعن مني طايرن من الفرحة يقول بجيب عيالي وأمهم دقو شوفو وينه؟ يارب أعقل علي وليدي يارب. جواد:هدي أعصابك بندوره الحين وان شاء الله بنلقاه. أم حمد :يارب سترك يارب سترك. العنود:قالت لي وحدة من زميلاتي أن هالدعاء يقال عند أي شي تشيلين همه لأن الله يكفيك ماأهمك (لاآله إلا أنت سبحانك إني كنت من الظالمين)سبع مرااات |
رد: صغيرات على الحياة / للكاتبة المبدعة أم وسن ، مكتملة
(البااااارت العااااشر ] وافي:قمت من حرارة الشمس بوجهي لأن الستارة مفتوحة تمغطت وآآآه ظهري بينكسر من نومة الكنب الضيق..حسيت باللوعة وكني برجع لما تذكرت اللي صارأمس آآه ياحنو الله يهديك ويلين قلبك لي تذكرت جوالي فزيت بسرعة يمكن اتصلت وأنا نايم! يمكن رسالتي توها توصلها! يمكن نست موعدنا اليوم...بس تبخرت الأماني لما شفت المكالمات كلها من أبوي وأخواني!ودقيت أطمن أمي. حنين:اتصلت وداد تسألني عن وافي إن كانه كلمني لأنه من أمس المغرب مايدرون عنه وأحنا اللحين الفجر. انهرت وبكيت وفكيت سجادتي اللي لسا طاويتها وجلست أصلي وأدعي الله أنه يحفظه لي ولعياله وكل شوي أدق لوداد أطمن كانه كلمهم لأن مالي وجه أدق لأهله أكيد بيقولون أنا السبب ..دقت وداد علي الساعة تسعة الصباح تبشرني أنهم لقوه..وكلمهم وبخير..رميت الجوال وسجدت شكر لله وأنا أبكي بعدها اتصلت بوداد بعد ماهديت أطمن عنه ووين كان! بعدها رجعت لعيالي اللي يبكون من الجوع ضميتهم بقوه ورضعتهم صدري بحنان. جواد "]قررأبوي يأجل عشاي للخميس الجاي بدل الجمعة هذي وبما أنه باقي خمس أيام على الموعد قالي أبوي أمر على عماني وعمتي الوحيدة أم أحمد اسلم عليهم |
| الساعة الآن 05:08 AM |
Powered by vBulletin® Copyright ©2000 - 2024, Jelsoft Enterprises Ltd. TranZ By Almuhajir
Ads Management Version 3.0.1 by Saeed Al-Atwi
HêĽм √ 3.2 OPS BY: ! ωαнαм ! © 2010
new notificatio by 9adq_ala7sas
جميع ما يطرح في منتديات انين الروح لا يعبر عن رأي الإدارة وإنما يعبر عن رأي كاتبها
ابرئ نفسي أنا مؤسس الموقع ، أمام الله ثم أمام جميع الزوار و الأعضاء على ما يحصل من تعارف بين الأعضاء على مايخالف ديننا الحنيف
vEhdaa 1.1 by NLP ©2009
mamnoa 2.0 By DAHOM