أحاول انسى واترك الهم وارتاح

أحاول أنسى واترك الهم وارتاح
لكن تذكّرني مشاكل زماني
أيامنا بين التعاسه والأفراح
ويبقى العمل والعبد لا شك فاني
ما دام باجساد المخاليق الأرواح
تبقى الهموم وكل عايش يعاني
لا تبعث جروحٍ قديمات يا صاح
جديد وقتي عن قديمه كفاني
يحتاج لي مشفى ومشرط وجرَّاح
لا زلت أعاني جرح لا زلت أعاني
يا صاحبي ما يثمر الشري تفَّاح
وبير الفلس يقطع ظهور السواني
الخاطر اللي لا تكدر ولا ساح
عيا يوضح لي رموز المعاني
يعطيني الدنيا مع الفجر يا لاح
وبالليل ياخذني كثر ما عطاني
مر وكتبتي بالقلم فوق الألواح
لكن بدون أسباب رد ومحاني
وطالعت لي في عتمة الليل مصباح
مدري جَدْي مدري سهيل اليماني
لا رحت انا يمُّه برجلي ولا راح
ثابت وانا مثله ثبت بمكاني
لا عشت فود ولا تهنّيت بمراح
إلا من أسبابه تزلزل كياني
لو شفتني يا صادق الود مزاح
آخذ من أطراف الدقايق ثواني
الغبه اللي تلتهم كل سبَّاح
عيت توديني بعيد المواني
صادفت أنا فيها تماسيح وأشباح
يارب صبِّرني على ما دهاني
تدري ضلوعي سدّها ليه ما باح
القلب ثابت والمحاني محاني
للصدر قفل أسرار من غير مفتاح
هذاك في شانه وانا أبخص بشاني
الحمل لو شلناه مدّه وينزاح
بأمر الذي ماله بهالكون ثاني
يا المجزرة لا تحسبين الجمل طاح
يطيح يا طاحت حصون المباني
ما دمت أشم الهيل بالبن يا فاح
ما والله أسرج للمهانه حصاني

الشاعر فرحان قيران العنزي

عاشق الليل ,شجون الليل ,اشراق و 1 آخرون معجبون بهذا

ساهرة الليل

الموضوع الأصلي: أحاول انسى واترك الهم وارتاح || الكاتب: محروم || المصدر: منتديات انين الروح

https://www.anin-ro7.com/vb

كلمات البحث

العاب ، برامج ، سيارات ، هاكات ، استايلات , مسابقات ، فعاليات ، قصص ، مدونات ، نكت , مدونات , تصميم , شيلات , شعر , قصص , حكايات , صور , خواطر , سياحه , لغات , طبيعة , مناضر, جوالات , حب , عشق , غرام , سياحه , سفر