وسوم الشوق

وسوم الشوق


مشتاق لك وادري بك الحين نايم
لكن بلاي الشوق بالقلب صاحي

يكفي طوال الليل والسمع صايم
صحصح ابي صوتك بأول صباحي

الشوق ما يرحم ولاني بلايم
سوى نظام النوم زوّد جراحي

متلخبطٍ ما بين انا الحين قايم
والآخر يصادف لنومه مراحي

ولا الغلا فوق الغلا فيه هايم
وهو بعد مثلي وكنه جناحي

معااه أصبح طير بالجو حايم
يلعب على ريشه هبوب الرياحي

ومعاه اشوف الكون مغري وغايم
حتى على وجهي يبين إنشراحي

وبلاه مالي بالسما من غنايم
ما دام جُرِّد من يديني سلاحي

وبلاه انا واسباب حزني لزايم
تْغيب ضحكاتي و يندر مزاحي

شفني إلى من غاب او كان نايم
تلقى وسوم الشوق تظهر كفاحي

لـ الشاعر / ماجد الحجري

انين الروح ,غرام الحب ,شجون الليل و 1 آخرون معجبون بهذا

اشراق

الموضوع الأصلي: وسوم الشوق || الكاتب: سمو الروح || المصدر: منتديات انين الروح

https://www.anin-ro7.com/vb

كلمات البحث

العاب ، برامج ، سيارات ، هاكات ، استايلات , مسابقات ، فعاليات ، قصص ، مدونات ، نكت , مدونات , تصميم , شيلات , شعر , قصص , حكايات , صور , خواطر , سياحه , لغات , طبيعة , مناضر, جوالات , حب , عشق , غرام , سياحه , سفر