الله على اللي يوم يقبل وشيشه

الله على اللي يـوم يقبل وشيشـه
وشيش رقطاً ذيلهـا بالعصـاء نيـش
قامـت تحـك جنوبهـا مستهيـشه
وتبيـن أنيـابٍ سـوات المناقـيـش
يمرج مع البيـدا إمـراج الخريشه
إلى أمرجت بين الوحش والنواحيـش
مـن عقـب ماهـي للمنايـا وليشه
بين الصقـور ومبهمـات النواتيـش
حيت حياة اللـي بتالـي الحشيشه
عقب الدرك شرب القراح النقاريـش
جمسٍ يربح كـل مـن حـط شيشـة
يتعـب بتعبيتـه طـوال الخراطيـش
إلى وقف يكـوي الكبـود الغشيشـه
وإلى مشى ما يلحقه مومي الريـش
برقٍ من العارض جذبنـي رعيشـه
يـوم يتـلالا بالمـزون المراهيـش
وأثره ما يسقـي الكبـود العطيشه
يبرق ويرعد مير مدري على ويـش
لا تحتزم باللـي ضلوعـه هشيشه
اللي ليا سمع النـداء صـد تطنيـش
لا تحتزم بـه لـو تحيـزم بخيشه
ما يقطع الدِيـان ركـض الأكاديـش
وبيتٍ بليـا سـاس مثـل العريشه
يطيح لـو لمـع ببويـه و ورنيـش
وجرد السهـال الخاليـات الوحيشه
اللي تطوى في شجرهـا الحنافيـش
أخير من ظله وبعض المعيشه
يعافها الطيب ويفرح بهـا الديـش
وقال المثل مامن ورى طلع بيشه
عيشة وراس الظبي ما به عراميش

الشاعر الكبير عبدالله بن زويبن الحربي

عاشق الليل ,شجون الليل ,انين الروح و 1 آخرون معجبون بهذا

ساهرة الليل

الموضوع الأصلي: الله على اللي يوم يقبل وشيشه || الكاتب: محروم || المصدر: منتديات انين الروح

https://www.anin-ro7.com/vb

كلمات البحث

العاب ، برامج ، سيارات ، هاكات ، استايلات , مسابقات ، فعاليات ، قصص ، مدونات ، نكت , مدونات , تصميم , شيلات , شعر , قصص , حكايات , صور , خواطر , سياحه , لغات , طبيعة , مناضر, جوالات , حب , عشق , غرام , سياحه , سفر