الدار

الدار لا كدرت صافي مشاربها

ما قادني يمها شف ولا راده

أشوم عنها وأخليها وأجنبها

الذيب يبخص مصاديره وميراده

العين ما تبكي إلا من سبايبها

الوقت غلاب والعربان نقاده

سود الليالي كثيراتٍ عجايبها

تضحك عيال الخدم وتزعل الساده

يا عل ربي يعدينا مصايبها

عن ما جرى للعرب ما هيب نشاده

أحدٍ يصدق بها وأحدٍ يكذبها

وابن الرخم يحتفل في عيد ميلاده

أعز نفسي وأعزيها وأعاتبها

وكثر المجامل ترى ما هوب لي عاده

إن كان نفس الولد نالت مطالبها

وإلا قعد مقعد الحقران مقعاده

كل الخلايق لها ربٍ يحاسبها

واللي تمني كثير مناه ما فاده

اللي يعمر بها واللي يخربها

واللي يواعد ولا يصدق بميعاده

أرض الله الناس تسعى في مناكبها

كلٍ بفاله بمحداره ومسناده

بعض الرجاجيل لو تنتف شواربها

إن كان رأسه يخلي الزود وعناده

يمناً تقصر عن الماجوب عقبها

تستاهل اللوم دوم الدوم وزياده

اشراق ,شهد ,انين الروح و 2 آخرون معجبون بهذا

دلع ,سمو الروح

الموضوع الأصلي: الدار || الكاتب: محروم || المصدر: منتديات انين الروح

https://www.anin-ro7.com/vb

كلمات البحث

العاب ، برامج ، سيارات ، هاكات ، استايلات , مسابقات ، فعاليات ، قصص ، مدونات ، نكت , مدونات , تصميم , شيلات , شعر , قصص , حكايات , صور , خواطر , سياحه , لغات , طبيعة , مناضر, جوالات , حب , عشق , غرام , سياحه , سفر