انا من الي حملوا باأطفال انابيب انا جلست خمس سنين ماحملت وكانت المشكلة ضعف بالحيوانات المنويه عند زوجي وكنت متردده حيل ماكانت ناويه اسوي ابدا لكن لما رحت لدكتوره قالت ليش ماتسوون انابيب وش تنتظرون انتو لكم خمس سنوات انا قلت لها بنروح نعالج بالاردن قالت ماراح يفيدكم بشي بتطولون بعلاج احس بعد كلامها احترت اكثر واخر شي اتكلت ع الله وبديت بالعلاج مع خوووف كببيير جو صدري وأول مابديت تحاليل قبل كل شي وبعدها لما طلعت التحاليل عطوني الابره التحضيريه وبعدها اخذت الابر المنشطه بالبطن كنت اطقها عشرايام كانت مدتها وبعدها عطوني الابره التفجيريه وبعدها بيومين كان السحب هو سحب البويضات انا بيومها ماكانت عارفه شي بس اسمع من هالحريم انه يعور ومدري كيف كنت خايف وبكييييييت كثييير وكانت معي ام زوجي الي هي خالتي وزوجي وامي ماكانت تدري ماكنت ابيها تتوتر معي ماعلمتها المهم دخلت غرفة السحب وكانت اول شي تلبسين وتبصمين وكانت في حريم موجودات في غرفه فيها سراير قبل لادخل غرفة السحب انا كنت خايفه وكنت ابكي والسسترات يهدون فيني من جد احس اني اختنقت حيل كنت ماسكه نفسي قدام زوجي من دخلت الغرفه ذبحني البكا ولما دخلت عالدكتور تخيلن والله كان يقول قولي اسمك بالكامل بصوت عالي ماكنت اقدر من كثر مابكيت والله كان جسمي كله يرتجف من الخوف اول مره انسدح واكشف قدام دكتور وهذا كان مخوفني اكثر المهم خلصت السحب بعدها باسبوع رحت لترجيع ماكنت خايفه مثل السحب الحمدالله احس عادي كان الوضع ورحت لحالي بس انا وزوجي ورجعت الاجنه وكانوا مرجعين لي اثنين وجمدوا لي اربعه ولله الحمد والشكر يارب المهم طبعا قالوا لي مافي جماع اول يومين وقال بعد ١٢يوم تجين تسوين تحليل انا بعد عشر ايام صار عندي فضول رحت انا وخالتي وسوينا عند مستوصف خاص ماعاد فينا صبر المهم كنا ع اعصابنا لما ننتظر النتيجه لما قالت السستر مبروك حامل احضنتني خالتي بالمستوصف وانا ارتجف وابكي وطلعنا وعيوني وعيون خالتي ملايانه دمووع من الفرحه وماكنت بعلم احد لحد ماتاكد من تحليل المستشفى تعرفون زوجي درى وعمي وحمواتي واحد يقول لواحد لحد مانتشر الخبر انا ثاني يوم دقيت عالمستشفى وقلت لهم اني سويت تحليل وفي حمل اصدمتني لما قالت لازم تسوي التحليل الرقمي ممكن هذا الحمل من تاثير الابره التفجيريه انا هنا انصدمت ي ربي وش يصبرني لبكرا اسوي تحليل وتعرفون كل الليل وانا افكر ودموعي ماوقفن من البكاء اخاف ماني حامل وجماعتي كلها درت تعرفون مريت بازمه نفسيه متعبه جدا هاليوم هذا والانتظارفيه كان يعادل تعبي بالعلاج كله من كثر مابكيت قمت وتوضيت وصليت لربي ركعتين وبكيت بالسجود لحد مارتحت ودعيت ربي ولله الحمد رحت وسويت التحليل الصباح قالن كلميني بعد الظهر انا لمارجعت ماقدرت انام ظليت قاعده كلمتها الساعه ٢الظهر وش كثر كنت خايفه والحمدالله ياربي قالت لي الف مبرووك مدام انتي حامل والحمل نسبه عاليه ممكن توائم والحمدالله ي ربي سجدت لربي سجدة شكر الحمدالله ياربي طبعا مراحل الحمل متعبه وتوائم تعبت مره بحمالي وجاني زلال والله ماكنت اقدر امشي ولا كنت اقدر اجلس كل شي فيني متنفخ ولدت ع الاسبوع ٣٥خلصت الثامن ولدت ولاده قيصريه انا طلبت لاني كنت خايفه من الطبيعي والحمدالله الحين اعمار اولادي ست الشهور العمر كله ان شاءالله يارب احفظهم لي ياربي اللهم امين
ان شاءالله تكونوا استفدتوا مني
ادري طولت عليكم بس ان شاءالله يارب تستفيدوا
الإهداءات
08-09-2022, 09:46 AM
الحمل بأطفال الانابيب/ فريق النمور
العرض الشجري
المواضيع المتشابهه