رواية بردان ياحضن الدفا عطشان واظماني الجفا

يوم جديد ..

بعد صلاة الفجر .. بيت ابو سطام ..

ام سطام جالسه بالصاله الداخليه .. بالجلسه الارضية .. تسمع اذاعة القران ..

دخل ابو سطام وهو يهلل ويستغفر ../ لا اله الا الله .. استغفر الله استغفر الله .. " الا ان جلس بجانب ام سطام " ..

العنود تدخل وبابتسامه " وهي حامله صينية الفطور " .. / السلام عليكم .. صبحكم الله بالخير ..

ابو سطام وام سطام بفرحة / وعليكم السلام ..

ابو سطام / صباحك الله برضا والسرور ..

العنود تقدمت وحطت صينيه الفطور قبالهم .. وبابتسامه / ايشلون اصبحت يبه ..

ابو سطام بحنان ومحبه / بخير وانا ابوك .. انتي ايشلونك عساك مبسوطه ..

العنود تذكرت اللي صار امس وابتسمت / بخير يبه .. ما اشكي باس .. الحمد لله ..

ام سطام بحنان / و ين ساره .. ماتجي تفطر ..

العنود بحنان / ساره الله يهديه .. سهرانه مع بنات عمتي مياسه للحين .. توها صلت ونامت .. الله يصلحهن ..

ابو سطام وام سطام / الله يصلحهن ..

" قدمت العنود صحن الافطار .. " "وهو عباره عن خبز بر .. وحليب .. وعسل .. وترمس قهوة .. وحافظة تمر "..

بصوت فيه بحت النوم / السلام عليكم .. .........

صوت اخر من الخلف / السلام عليكم .. ............. صوت اخر / السلام عليكم ..

العنود التفتت للخلف .. وابو سطام وام سطام رفعوا روسهم عن صحن الافطار / وعليكم السلام ..

العنود وقفت احتراما لهم .. وقبلت راس سلطان وعبدالعزيز ..

رعد بمزح ممزوج ببحة النوم / وانا لا ..

العنود بدلال / انت صب القهوة الين اروح اشوي وارجع ..

تركتهم وتوجهت للمطبخ .. جابت ترمس قهوة ثانية وخبز وعسل .. كانت مسويتهم لراكان اللي قال انه رايح لمشوار

صغير بعد الفجر وراجع .. دخل الصاله وكان فيه حديث بين الجد وعمها سلطان و واضح انه مهم .. ويخصها .. اول

ما دخلت سكتوا .. تقدمت حطت صحن الفطور .. وبهدوء / عن اذنكم .. " توها بتروح لجناحها " ..

سلطان بنبرة فيها عتب / على وين يا ام سلطان ..

العنود عرفت الموضوع التفتت له .. وبنفس النبرة / على جناحي يا اخو سطام .. لا ازعجكم ..

سلطان وفنجان القهوة بيده كان يشرب منها فهم المغزى / ....................

عبدالعزيز ورعد ابتسموا / ...........

العنود بهدوء / اسمحوا لي .. " وراحت وتركتهم "..

عبدالعزيز وهو يطالع قفاها .. مبتسم وبهمس لرعد / ما شاء الله عليها قوية ..

رعد بابتسامه وهمس / ولعوب ..

ابو سطام بعد ما خرجت العنود .. بحدة / انا ما قلت لك ما تكلمها .. الظاهر اني شيبت وشاب قدري .. معاد لي حشمه

بينكم .. " مسك عصاته ووقف بصعوبه " ..

سلطان يوقف بسرعة ويقبل راس والده / اعذرني يبه .. بس والله من حرقة بصدري .. انا اذا ما تكلمت معاها وفهمت

السالفه ما ارتاح ..

ابو سطام بحده وهو يهز عصاته / وجعلها ما تطفي .. ابنيتي قهرها ولدك وظامها وجاي الحين تزعل منها .. رب ولدك بالاول وازعل منه وعقبها تعال حاسب بنيتي .. " ابعد سلطان وطلع من الصاله " ..

عبدالعزيز تنهد بضيق / مالك مدخال يا ابو بتال على العنود .. حنا اخطينا وخطينا كثير .. سلطان طالع اخوه وصد ..

وتوجه لجناح ابوه ...

ام سطام / لا حول ولا قوة الا بالله .. ابوكم ما يبي احد يزعل عيال سطام .. ما نبي نبعدهم عنا .. لا توجعونهم وانا امك

لا توجعونهم .. هذي ريحة سطام .. "وغصة بالعبرة " ..

عبد العزيز ورعد يتقدمون منها ويقبلون راسها .. عبدالعزيز / وجعهم وجعنا يمه .. ولا يضيق صدرك ..

رعد يلتفت للباب والا ابو سطام وسلطان داخلين ..

رعد بمزح / ابي اعرف السر اللي معاك .. ابوي لزعل مني تحفى ركبي ويجف لساني وما يرضا عليه بسرعة وانت

ثواني ويطيح الحطب وترجع المياه لمجاريها ..

عبد العزيز بزعل / سلطان وماخذ قلب ابوي وانت ما خذ قلب امي .. وانا " تنهد " .. آآآه ضايع مالي قلب يلمني ..

ام سطام بمزحه / صادق انت مالك قلب يلمك .. انت لك قلبين .. الله يخليهم لك ..

الكل / هههههههههههههههههه

جلس ابو سطام بمكانه وجلس سلطان بجانبه .. سلطان يقرب الفطور من ابوه / كمل فطورك يبه ..

ابو سطام / ما ابي .. " التفت لرعد " .. ناد ميري تنادي العنود ..

رعد رفع جواله / ليه يبه انادي ميري وازعجها من نومها ثم تفتح حلقها و وتتحلطم .. اتصل على العنود وتجي ..

رعد انتظر الرد .. " العنود تعالي بسرعة ابوي يبيك .." .. وقفل المكالمه ..

ابو سطام بحدة / ارعبت البنت .. " فعلن ثواني والا العنود داخله بسرعه وهي تلف جلال الصلاة " ..

العنود باهتمام / سم يبه .. امر ..

ابو سطام يرفع عصاته ويضرب رعد اللي كان جالس بجانب والدته ../ هالخبل ارعبك ..

رعد يبعد شوي .. وبضحكة / هههه يبه تحلطم العنود ولا تحلطم ميري .. خايف على عميري ..

الكل / هههههههههههه

العنود ابتسمت وتقدمت من الجلسه / امر يبه ..

ابو سطام ياشر على ترمس القهوة .. وبمحبه / معاد اطعم الفطور الا بشوفتك .. ولا تطيب لي القهوة الا يوم تمدها لي يمناك ..

العنود ابتسمت وجلست قبال جدها .. صبت فنجان وقدمته لجدها .. وصبت لعمامها .. وجدتها تشرب حليب ..

........../ السلام عليكم ..

الكل رفع عينه وشاف راكان / وعليكم السلام ..

راكان يتقدم من جده وجدته .. قبل راسهم .. رجع خطوتين للخلف .. وجلس جنب العنود / ايشلونك ..

العنود بابتسامه / بخير فديتك ..

راكان / جهزوا اغراضكم .. بنمشي بكره ان شاء الله .. اذا ناقصك شي بلغيني ..

العنود هزت راسها .. وهي تصب فنجان قهوة لراكان / يصير خير .. راكان مد يده واخذ القهوة ..

رعد باستغراب / وين بتروحون ..

راكان بنبرة مقصودة متلاعبه / بنرجع لرياض ..

ابو سطام بجزع / ليه .. احد ازعلكم ..

العنود منزله راسه تطالع بفنجان القهو ة الفاضي اللي امامها كاتمه الضحكة ..

راكان على نفسة النبرة / ماني بمرتاح .. والعنود تقول متضايقه من البيت .. العنود رفعت راسها وطالعت راكان

بابتسامه استغراب .. وبداخلها " أي والله متضايقه .. ومو مطولين القعده هنيا " ..

ابو سطام بضيق / من ضايقك .. العنود والا سلطان والله لو واحد منهم انه ما يطب البيت ولا لساني يجي على السانه

.. سلطان فتح عيونه للاخير وابتسم / افااا ..

العنود بضحكة ممزوجه باستغراب / محد يبه .. وراكان يمزح معك يبه ..

راكان / هههههه يبه انا ما قلت لك البارحه ان خاطري اخذ خواتي ونروح مكه ..

ام سطام بضحكة / الا .. الا .. قلت .. بس جدك كبر و خرف الله المستعان .. ابو سطام بنظره / يعني انتي الي صغرتي

.. ام سطام / الا كبرت .. بس ما خرفت ..

عبدالعزيز / الا يبه ليش قلت العنود وسلطان ليش يعني ..

ابو سطام / لان العنود اللقافة فيها ما تبي تترك شي .. وسلطان قلبه " وهو ياشر بيده يعني ضعيف " ..

رعد ابتسم / يعني انت يبه قلبك قوي ..

ابو سطام ابتسم / قوي الا عـ..

قاطعه دخول ساره الغاضب / العنود تعالي شيلي ولدك والـ ... " احمر وجهها خجل وهي تشوف الكل يطالعها " ..

راكان / ههههههههههههههههههههههههههه تعالي تعالي .. ساره رجعت بسرعة للجناح وهي متفشله والدمع بعينه

.. شعرها محيوس و لابسه بجامة ..

الكل / ههههههههههههههههههه

العنود وقفت .. وتوجهت لجناحها .. اول ما دخلت شافت سلطان يناغي ويحرك يدينه والظبي نايمه .. اخذت سلطان

دخلت الحمام " كرمتوا " وغيرت لبسه وطلعت .. التفتت لساره وشافتها مغطيه وجهها بالمخده .. ابتسمت وتركتها ..

توجهت لصاله وهي تحصن سلطان بذكر الله وخلصت قبل لا تدخل ..

ابو سطام اول ما شاف سلطان .. بفرحه / يالله حي الشيخ .. الكل رفع عينه .. رعد شافه اكثر من مره ..بس كانت سريعه ..

سلطان متلهف يشوفه من لمن قالت له العنود " ام سند " عنهم .. عيونه تراقب العنود ..

ابو سطام رفع يدينه / هاتيه .. " العنود ابتسمت .. وقدمته لجدها " .. بسم الله ما شاء الله .. يالله تسعد صباحه ..

سلطان بفرحه .. مد يده وباستئذان / اسمح لي يبه ..

ابو سطام حاس بشعور سلطان .. / سم واذكر الله .. سلطان ياخذ الصغير .. واحساس غريب متملكه .. / بسم الله ما

شاء الله .. " قبله على جبينه " ..

سلطان الصغير ابتسم وهو يدخل يدينه لفمه .. ابو بتال يطالع بوجه سلطان بشغف وحب كبير وهو يسمي عليه ..

عند العنود وراكان .. يتكلمون بهمس .. راكان / ايش تبون ..

العنود / لمن تجي الغرفة راح اقول لك ما يصير الحين .. راكان بضيق/ كثير والا قليل ..

العنود ابتسمت / ايش هو ..

راكان بضيق / طلباتكم .. العنود بنغزة / بأخل علينا يا ابو شيخة ..

راكان رفع حاجب وهو يعطيها فنجان القهوة / والله ياختي الحال ماش .. اللحاف ماهو طويل .. بس ساتر ..

العنود بنغزة / افا عليك يا ولد سطام .. بيت السبع ما يخلا من العظام ..

راكان عقد حواجبة / ايش تعنيـ.. " والتفتوا كلهم على الإضاءة القوية اللي طلعت " ..

ابو طلال " وهو ينزل الجوال " / ههههههههههههههههه .. والله ما تاخذها ..

ابو بتال يمسح فمه .. وهو مبتسم / سويتها يا ولد بتال .. مثل ما سواها ابوك قبلك ..

العنود وقفت بسرعة .. وباعتذار / العذر والسموحه يا عمي .. " وهي بتاخذ سلطان " ..

ابو بتال بمحبه بسلطان / والله ما تاخذينه .. وعلى قلبي احلى من العسل .. العنود تراجعت بخجل والابتسامه على وجهها / ..........

ابو سطام لعبدالعزيز / عطني اشوف انا انشغلت مع ذا الورع ..

العنود التفتت وشافت الضيق بوجه رعد وواضح بانه معصب .. رعد وقف وبجمود / اشوفكم على خير .. " وتركهم

وتوجه لشقته " ..

ابو سطام بنظرات غريبه و واضح فيها الضيق يطالع قفى رعد ..

ابو طلال وهو يبتسم / شف يبه .. ابو سطام / هههههههههههه .. ابو بتال طلع الـ أي فون .. ولقط كم صورة لسلطان

.. ثواني وبكي سلطان معلن جوعه ..

العنود وقفت واخذته من عمها .. وبهدوء / اسمحولي ... " كانت راجعه لجناحها لو ما وقفها صوت ابو بتال " ..

ابو بتال / اذا ما عليك كلافه يا بنتي .. جيبي لي الظبي ..

العنود باحترام / ابشر يا عمي .. دقايق بس .. راكان وقف / واسمحولي بعد ..

ابو سطام / زياد وينه ..؟ راكان وهو واقف / راح يشوف سيارة عناد اذا يبي لها تعديل او شي ..

ابو سطام عاقد حواجبة / وليش وين عناد ..

راكان بتفهم / يبه .. سيارة عناد اللي معي .. ابي اخذها ونروح مكه ..

ابو سطام ياشر بيده برفض / ما لك حاجة بها .. عندك سيارتي واقفه خذها توها جديده ما استعملتها رح افحصها وخذها..

راكان يهز راسه / يصير خير .. " تركهم وراح لجناح اخته " ..

ابو طلال عارف ان اخوه عنده سالفه خاصه مع ابوة .. وقف / وانا اشوفكم على خير .. مع السلامه ..

ابو سطام وابو بتال / مع السلامه .. ابو سطام بهمس ونبرة مقصودة / ايش عندك .. ابو بتال بضيق يطالع فنجان

القهوة / ............

ابو سطام بنبرة مقصودة / انت عندك علم باللي سواة بتال ببنت عمه .. قوله لي .. ايش سوا ..

ابو بتال يهز راسه بضيق / اعذرني يبه .. يجيك بتال واساله .. والا اجمعهم اثنينهم وحلها .. انا رافع يدي ..

ابو سطام بحدة / ايش لون ترفع يدك ..

ابو بتال بضيق / يبه .. انا كاني بالع موس على حدين .. ما اقدر اكذب ولدي ولا اقدر اصدقه .. بتال مو صاحي به بلا

.. ماهو ولدي اللي اعرفه .. بتال راكز .. ماهو متسرع .. " وهو ياشر بيده " .. هو خوفه على اخته .. هو حبه لامه

.. هو غروره .. " التفت لأبوه " .. يبه انت اللي ربيته وانت تفهمه .. بتال يقول غصبتوني عليها .. وانا حر ما احب

الغصيبة .. مثل الصقر ما اكل فريسة غيري .. " وهز راسه بضيق " ..

ابو سطام صد عنه .. وبنبرة مقصودة / هو يقول كذا زين .. زين .. والله ما يرجع عقله غيري .. " التفت لـ ابو بتال "

.. هو درا عن عياله ..

ابو بتال / لا .. جاء متاخر البارح من الرياض وكان تعبان ونام ..

ابو سطام باستغراب / ايش عنده بالرياض ..

ابو بتال . بعد صمت لثواني / يبه تذكر يوم قلت لك .. ان سمر زلقت بالجامعه ..

ابو سطام / ايه .. وهذا ينسي ..

ابو بتال بضيق / البنت ما ازلقت كذا .. البنت ادفعوها بنتين بالقصد .. وهم ...... " سكت " .. ابو سطام يحثه على

استكمال الكلام / .. وهم .. ايش ..

ابو بتال يصد بعيونه / وهم مرسولين من خالة راكان وبنتها .. مخططين ياذون البنت ..

ابو سطام عقد حواجبه / انت ايش تقول ..

ابو بتال تنهد بضيق / يبه السالفه كبيرة .. والافضل انك تسمعها من بتال .. " رفع يده واشر على مدخل الصاله " ..

والعنود .. بحضور راكان .. حتى الكل يكون على بينه .. وصاحب الحق ياخذ حقه .. انا ما نمت البارح وانا افكر .. ولا

ابي ادخل نفسي بالسالفه خوف اني اظلم العنود وراكان .. والظلم الكبير على العيال الصغار .. قلبي رهيف من جهة

بتال وسمر .. " تنهد بضيق " .. يبه انت حلها ..

ابو سطام يهز راسه بتفهم وصد بعيونه .. طالع الباب وشاف العنود داخله .. ابو سطام يطالعها بغموض / .........

ابو بتال ياخذ الظبي اللي متضايقه وتتحرك بضيق .. ابو بتال ابتسم على ملامح وجهها وهو يسم ويذكر الله .. قبلها

على جبينها .. وحطها بحضنه .. طلع الـ أي فون وصورها كم صوره .. وكان كلها وجه الظبي احمر ومتضايقه وهو

يبتسم .. لحد ماسمعوا صوت غريب يطلع من عندها ..

العنود حمر وجهها خجل .. ابو سطام ضحك من قلب / ههههههههههههههههههههههههههههههههههههههه ..

ابو بتال يضحك / هههههههههههه مستقصديني عيال بتال ههههههههههههههههه .. العنود ابتسمت بحرج .. وابو

بتال وابو سطام / هههههههههههههههههههههههههه

العنود اخذت بنتها بحرج وتوجهت لجناحهم ..

ـــــــــــــــــــ

انين الروح معجب بهذا

بيت ابو بتال ..

من لمن وصل ما كلم احد .. قال لسعود يقول لابوة اللي صار .. دخل غرفته وقفل الباب .. تحمم بماي بارد لعله يطفي

حر ما بي جوفه .. لبس ملابس خفيفه ورمى جسمه على السرير .. تنهد بضيق .. وهو يطالع سقف غرفته ..

( ظلمت يا بتال .. " حس برجفه قوية هزته " .. لالا .. ما ظلمت هي ظلمت نفسها .. " بلع جرعة من ريقة مر مثل العلقم " ..

اشلون ظلمت نفسها .. ايش سوت .. كانت تبي تتزوج عبدالله بدون ما تشاور اهلها " جلس بسرعة وقهر " .. "

وبغضب " .. ومتعب .. " ضم راسه بين يدينه " .. كرهك لمتعب خلاك اعمى .. ظلمت .. ظلمت .. ظلمت ..

" صار يضرب راسه اكثر من مرة من القهر " .. ايش صار لك يا بتال .. ايش صااااااااار .. انت مو كذا مو كذا .. "

رمى نفسه على السرير و تنهد بضيق " .. امك .. يمكن معصبه وحكمت بوقت الغضب ..

" وبسخرية " .. مثلك .. سمر صغيرة وجاهله .. " بعتب " .. ما حكمت عقلك يا بتال ما حكمت .. بس اذت سمر

واذتها حيل .. لالا .. انت غلطان ... وهذا هي انكشفت حادثة الجامعه .. مو هي .. بنت خالتها .. مها .. " فتح عينه

للاخير " ..

مها اخت عبدالله .. اللي كانت تبيه من قبل .. خططت صح .. تضر سمر .. واطلقها .. وتروح له .. ومها تروح لراكـ...

" ضرب السرير بقبضة يدة بقهر " .. " وغمض عيونه .. وهو يفكر بذا الشي ..

وسلبه النوم من دوامت العتب والقهر " ..

ــــــــــــــ

بيت ابو سطام ..

بجناح العنود ..

العنود تطلع ظرف ابيض كبير من درج التسريحة .. طلعت من الغرفة وتقدمت من راكان .. نزلت الظرف على

الطاولة .. وتقدمت .. وجلست جنب راكان .. راكان يطالع بظرف وفيها ..

مد يده واخذ الظرف فتحه وباستغراب / من وين لك ذا ..

العنود ببساطة / من ابوي ..

راكان بحزم / العنود .. كل ما يملكه ابوي حجز عليه البنك ..

العنود سكتت فترة .. وبعدها / ابوي كان حاط مبلغ كبير عندي .. كان حاس بان راح يجي يوم ونحتاج

راكان رفع حاجب .. وقرب منها وبنبرة وبهمس / قولي هالكلام لغيري ..

العنود ابتسمت / مشكلتك انك عارف وتستغبي ..

راكان ابتسم وبخبث / كم معطيتك الظبي ..

العنود هزت راسها / اللي يكفينا وما يخلينا محتاجين لاحد .. راكان يفتح الظرف .. ويطالع للفلوس ...

العنود / رجع اللي تدينته من عناد ..

راكان هز راسه / اللي اخذته من عناد ارجعه بعدين ..

العنود بحزم / لا .. ما ابي أي احد له منه علينا .. الحين ترجع كل شي اخذته وتدينته لـ اصحابه .. والبيت .. " التفت

عليها راكان بستغراب " .. ما نبي نطول هينا .. ما نبي نزعج زوجة عمي رعد .. و عمتي مياسه وبناتها يكفون

نبي نضايقهم .. غير كذا انا وساره مو مرتاحين .. وبعدين انت وزوجتـ

راكان صد وقطع الموضوع وهو ياشر على ساره / هذي ليش زعلانه .. العنود بنظرات تفحص له .. التفتت لساره

اللي نايمه على السرير بالعرض دليل زعلها / المدارس بعد بكره .. وتضايقت .. لان بنات عمتي راحوا السوق

اغراض المدارس وهي لا ..

راكان / خلاص انا اشوف واحل الوضع ..

العنود بسخرية / ريح نفسك انت .. وحل سالفة زوجتك .. المدرسة تحلها خالتي ام طارق لانها بتنقل بنتها هينا

راكان بغضب / العنود

العنود بحزم / نعم .. راكان وبعدين معاك .. هذي زوجتك .. ما لها دخل بالموضوع اللي بيني وبين اخوها .. لا

بنتك .. مو حلو يعيش الواحد بعيد عن امه وابوة ..

بسخرية / يعيبون الناس والعيب فيهم .. وعيالك ..

العنود بصد / انا غير ..

راكان ياخذ الظرف ويوقف .. وبسخريه / يا الله .. اوووووه صح انتي بنت الظبي .. " تركها وطلع " .. والعنود ما

زالت على الكنبه ..

سمعت صوت الظبي ووقفت وتوجهت لها

ـــــــــــــــ

بيت ابو سند ..

فهد بهدوء / يصير خير ..

راشد / انا مو رايح .. انت كلمه وبعدين اشوف ..

فهد بسخريه / وايش رايك عمي يجيبها لعندك .. " وبحدة " .. لك سنه رامي بنته وام عيالك .. لا سالت عنها ولا عن

بناتك ولا تعذرت .. مفكر انها ترجع لك .. انت لو شافك عمي اكيد بيسمعك كلام ما بعده ..

راشد يوقف وبضيق / اجل خلها في بيت ابوها .. بطقاق .. " وطلع من مجلس ابو سند وهو يعتكز على عصاته " ..

فهد يوقف ويهز راسه بضيق / لا حول ولا قوة الا بالله .. هالرجال بفضحنا باخر عمرنا ..

طلع وتوجه لصاله شاف العنود وغرام ومرام اللي واضح اصفرار وجهها وتعبها ..

جلس جنب العنود " ام سند " .. العنود صبت له فنجان شاهي وهي تعطيه اياه .. وبهمس / عسى خير ..

فهد بنبرة هامسه / يبي يرجع مياسه ..

العنود بسخريه / ليه يبي يسوي عيد الزعل .. بعد سنه بيرجعها ..

فهد بضيق صد عنها وهو يطالع التلفزيون / ...........

العنود تنهدت / البارح طول الليل افكر باللي صار امس .. ابو سند التفت عليها / انا قلت لك من قبل .. ماهم عيال نايف

.. ليه تستغربين انهم عيال بتال ..

العنود بقهر / ليه ما قالت لنا انها حامل .. ليه غطت على السالفه اللين ولدت .. لو ابوي خلاني امس اسالها كان

عرفت كل اللي بخاطري .. " وتنهدت بقهر " ..

ابو سند بحزم / العنود .. انتبهي لبناتك .. وما لك دخل بغيرك .. بنتك ماهي عاجبتني ..

العنود بخوف التفتت لبناتها / غرام ايش فيها .. ابو سند التفت لبناته / ............

غرام تهمس لمرام / طيب قلتي له ..

مرام وهي تحط يدها على بطنها اللي بدا يبرز / لا خايفه ..

غرام بسخريه / من ايش يا بعدي .. خلاص اللي صار صار ايش بيسوي .. بيعترض على حكمة الله و رزقته ..

مرام بضيق / تبين الصدق .. انا ما كنت ناوية احمل الحين .. على الاقل يصير عمر مرايم سنه بس يوم واحد نسيت الحبه وصار اللي صار ..

غرام رفعت حاجب / الحمد لله قدر الله وما شاء فعل .. " مرام تنهدت بهم " ..وهو ما حس بشي.. ما لاحظ شي غريب

مرام / الا قال وجهك شاحب .. ومتغيره .. الوحام بدا يقوا وخايفه غرام خااايفه .. " غرقت عيونها دمع " ..

حطت يدها على فخذ اختها .. وبهدوء / توكلي على الله وقولي لزوجك .. هذي قسمتكم .. مـ ..

ابو سند مقاطع لهمساتهم / مرام يا بابا ايش فيه وجهك .. تعبانه .. مضايقك شي ..

مرام نزلت عيونها بفنجان الشاهي وغرقت دمع .. غرام تدقها بكوعها ..

غرام بمزح لابوها / تقول من تزوجت وانتم ساحبين عليها .. حابه تدلع .. ههههههههههههه ..

مرام انفجرت بكي / آآآآآآآآآآآآههههههههئئئئئئئئئئئئ ..

ام سند تطالع بنتها باستغراب .. مريم من سمعت صوت البكي صاحت .. العنود اخذت مريم وسكتتها .. ابو سند وقف

وجلس جنب بنته مرام ..

وبحنان / حبيبتي انتي .. انتي بكري من البنات انتي احلا البنات .. من يقدر يسحب عليك .. انتي مرومه روحي وقلبي

وعيني .. انتي دنيتي كلها ..

غرام بمزحة / وانا بنت الديك الاسود ..

الكل / هههههههههههههههههههه ابو سند يضم مرام / انتي فيك شي غير اللي قالته اختك .. ايش فيك ..

مرام وهي تبكي / انااااااا حااااااااامل .. آآآآههههههئئئئئئئئئئ ..

ام سند بصرخة / ايششششششششششش .. حسبي الله على عدوينك .. تو بنتك صغيرة .. مـ ..

ابو سند بحدة / العنوود .. وخير يا طير بنتها صغيرة .. لجاء الثاني تكون كبرت ان شاء الله .. وبعدين احسن تجيبهم

وراء بعض .. تربيهم وترتاح من تربيتهم سوا .. وبعدين تريح جسمها .. " التفت على مرام " .. وانتي ليش زعلانه

الحين .. مرام رفعت عينها .. وبصوت مهزوز / طلال بيزعل عليه

ابو سند رفع جواله .. واتصل على طلال / الو .. السلام عليكم .. كيف يا يابو عبدالعزيز .. والا ابو مريم .. طيب وان

جاك عبدالعزيز .. ههههههههههه .. لالا مو ابوك .. ولدك .. انا ابي البشارة .. حامل .. اذا ما تبي تعطيني اياها اخذها

من ابوك .. ايه ايه .. ههههههههههههه .. لا ابد بس ابي التسميه .. تسميه سند .. ههههههههههههههههههههه ..

الله يرزقكم صلاحه وبره .. مع السلامه ..

مرام تمسح انفها خايفه .. ابو سند ببساطه وهو يطالعها / طلال فرحان .. وقال الليلة مسوي عشاء بالاستراحة وعازمنا ..

مرام باستغراب / بس ..

ابو سند يهز راسه / ايه بس .. " ابتسم بحنان " .. يا بابا زينه الحياة الدنيا المال و البنون .. لو يزعل .. يزعل خوف

علشان صحتك مو شي ثاني .. " قبل جبينها " .. الله يقومك بسلامه .. وقف ورجع لمكانه ..

مرام تطالع غرام باستغراب .. غرام ابتسمت لها وهزت اكتافها ..

والعنود معصبه ..

ـــــــــــــ

انين الروح معجب بهذا

العصر ..

بيت ابو سطام ..

العنود كلمت زياد وطلبت منه يوديها للسوق هي وساره ..

كانت بالمطبخ .. سوت القهوة وجهزتها لجدها وجدتها وطلعت .. دخلت ريهام .. رمت جلال الصلاة على الطاولة

وتوجهت لمكان اغراض الكيك .. طلعت الدقيق والبيض .. توجهت لمكان الخلاط نزلت راسها تحت تطلعه من الدولاب

.. دخل المطبخ .. وباستعجال/ جدي يبيك ..

رفعت راسها توقعت انه خالها رعد وابتسمت بس بسرعه تلاشت الابتسامه .. وهو تفاجىء بالبنت اللي قباله .. صد

وطلع بسرعة وتوجه لجناح اخته ..

راكان عند العنود .. وساره في الحمام تتوضأ لصلاة العصر .. / تبون شي ..

العنود / سلامتك ..

دخل و وجه متغير .. جلس على الكنبة ومسح وجهه بارتباك ..

راكان والعنود باستغراب / زياد ايش فيك .. زياد مد يده واخذ كاس الماي اللي على الطاولة وشربها .. / ما .. ما ..

العنود بخوف / زياد ايش فيك ..

زياد بارتباك وخجل / دخلت المطبخ .. و .. وانتي .. " هز راسه " .. انتي ما ماا ..

راكان فهم و ابتسم / هي ما كانت فيه .. بس فيه بنت ثانيه .. زياد هز راسه بخجل ..

العنود تطالع اخوها بستغراب .. راكان بخبث / هههههههههه حلوه نخطبها لك ..

زياد اهتزت الكاسه اللي بيده وفقد السيطرة على امساكه لتسقط وتنكسر الا قطع ..

ساره خرجت من الحمام وتطالع في اللي صار باستغراب ..

زياد بضيق والغصة بحلقه / مااا .. مااا .. " وقف ودخل الحمام وقفل الباب بقوة " ..

ساره نقزت / بسم الله .. ايش فيه ..

راكان يطالع في الباب باستغراب .. رفع نظره وطالع بالعنود .. العنود هزت اكتافها " ما ادري " ..

رن جوال راكان وكان عمه رعد .. وطلب حضوره في المجلس ..

راكان وقف / يبوني بالمجلس .. " اشر على الحمام " اذا طلع خليه يلحقني ..

العنود هزت راسها باستغراب .. بعد ما طلع راكان .. التفتت على ساره اللي واقفه مكانها وما تحركت ..

العنود بحزم / ساره بسرعة يالله صلي والا تبين تاخرينها وتصلينها مع المغرب .. وجهزي نفسك بسرعة .. ما نبي

نتاخر بالسوق ..

" ساره بسرعة راحت للغرفة تصلي فيها " .. بعد دقايق طويله .. طلع زياد و وجه مبلل وشعره .. والشماغ لافه

على العقال وماسكه بيده ..

العنود طالعت فيه بهدوء / راكان راح للمجلس .. ويبيك تلحقه ..

زياد تذكر .. وبصوت مرهق / ايه صح .. جدي يبيك .. قالي خل العنود تجيني بالمجلس ..

العنود باستغراب / انا .. " وهي تاشر على نفسها " .. ليه ايش يبي ..

زياد يهز كتفه / ما ادري .. بس عمي سلطان وبتال معاه ..

العنود سرحت شوي وبعدين توجهت لعبايتها لبستها ولبست البرقع والقفازات السود وطلعت للمجلس .. ساره طلعت

من الغرفة ..

وبمرح / انا جاهـ .." وباستغراب " .. وين العنود ..

زياد يلبس شماغه ../ راحت لجدي بالمجلس .. انا برا انتظركم .. " طلع وتركها " ..

ساره بضيق حطت يدينها على خصرها / اوووف وانا بس قاعده مع بزرانها ..

ــــــــــــــ

في المجلس الداخلي ..

قبل تدخل ........

بحدة وصوت مرتفع / وليه

.. ........... بحزم / راكان انا ما طلبتك تزيد المشاكل .. يا تقول خير يا تسكت ..

راكان بعصبية / ماني بساكت .. يومـ " قطع كلامه لمن شاف اخته " .. ......

دخلت بثقه / السلام عليكم ..

الكل / وعليكم السلام .. تقدمت وجلست جنب اخوها .. وبثقه / امر يا جدي ..

ابو سطام .. وسلطان وراكان وبتال هم المتواجدين فقط .. ابو سطام .. لبتال / قم صك الباب ..

بتال وجه اسود تعب وقهر .. توجه لباب المجلس وقفله .. ورجع جلس مكانه .. ابو سطام بهدوء / يا بنتي .. حنا

زوجناك لولد عمك .. لغلاتك عندنا .. مانبي نزوجك لواحد ما يقدرك .. ويرخصك ..

العنود وهي تطالع جدها ابتسمت من تحت برقعها بسخريه / .. ...

راكان الغاضب بسخرية / الشكوى لله .. نحسبه رجال وزوجناه ..

ابو سطام بحده / راكان .. انا اتكلم لا تقطع هرجي .. العنود حطت يدها على فخذ راكان وضغطت عليها يعني اسكت ..

ابو سطام .. يرجع لهدوئه / راكان قال ان جدك سعد الله يرفع عنه البلا .. يبي يزوجك لولد بنته .. ما نشره عليه يبي

احفادة لبعضهم .. بس اللي يزعل بان الرجال ماهو كفو .. وقلنا نزوجك رجل كفو .. لكن الشيطان شاطر .. وانتم

صغار .. والمشاكل تصير بين مصارين البطن .. فكيف البشر ..

" العنود بداخله .. بسخريه / صغار .. تعدا الثلاثين صغير .. والا من الدلع خرب .." .. "

سكت لفترة بسيطة .. وهو يطالع ارضية المجلس البيضاء .. رفع راسه .. وبهدوء " .. والطلاق ابغض الحلال ..

والحين عندكم عيال .." بتال كان عاقد حواجبه ويحاول يسمع لجده للاخير " .. بتال لمن سمع كلمت عيال فتح عيونه

للاخير .. وباستغراب / أي عيال ..

سلطان ملتزم الصمت مثل ما طلب ابوه ../ ............

ابو سطام / انت عندك ولد وبنت .. تؤام .. " التفت للعنود " .. يا بـ ..

بتال يوقف وباستغراب مع غضب / لحظة لحظة يبه .. " التفت للعنود وبحده اكبر " .. أي عيال ..

العنود بغموض تطالعه من وراء البرقع والشيله على فتحت عيونها / ................

راكان جاء بيوقف العنود زودت من قبضة يدها يعني لا تقوم .. وراكان جلس وعقد يدينه على صدره ..

بتال بغضب / لا تسكتين .. من العيال اللي جايبتهم .. العنود زادت من الضغط على فخذ راكان تمنعه من الوقوف ..

وبهدوء / عيالك انت .. والا عندك شك ..

بتال بغضب / تكذبين .. " رفع اصبعه " .. هذي كذبه مثل كذبة بنات الجامعه وبنت خالتك مها ..

ابو سطام بحدة وصوت عالي / ولد ..

العنود باستغراب طالعت راكان وبهمس / أي بنات واي مها .. " راكان ميل فمه و رفع كتفه .. ما ادري " ..

بتال يلتفت بحدة على جده / يبه .. زوجتها لي استر عليها .. وبنتكم شريفه ما حد لمسها .. تطمن .. بس هي ما هي

مأمنه .. وانا معها تخون .. وانا قلت لـ اخوها قبل اختك ماهي على السنع .. ادبها .. وهو رماها عليه .. وانا علشان

لا اذبحها تركتها .. بس توصل لانها تتفق مع ولد خالتها واخته على قتل اختي .. فهذي وصلت حدود الشر ..

وتزود وتبتليني بعيال ما ادري من ابوهم فـ .. " ليسكت بصفعه على وجهه من يد راكان .. "

.. في وقت صرخة العنود / انا اخت نايف كايد عداه ..

ابو سطام جحضت عيونه من سمع كلمتها " انا اخت نايف كايد عداه " ..

العنود توقف وبشموخ / هيه انت " بتال التفت بقهر " .. الحشيمة ماهي بلك .. الحشيمة لابوي سطام .. اكرم الفارس

و ردوا له الكرم بالجفاء والطعون .. ماهي غريبه عليكم يا عيال الفارس لا بالاوله ولا بتاليه ..

خرجت بثقة وشموخ .. وتركت جدها تعصف به الذكريات .. وبهمس متعب / رجعت يا سند رجعت ..

راكان واقف بغضب / والله والله والله .. لو تـ ..

ابو سطام بعصبية / ولد .. اطلع .. اطلعوا .. " وهو ياشر لسلطان وراكان " ..

بتال كان بيطلع .. ابو سطام بحزم / انت اقعد ..

بتال بضيق يجلس .. ابو سطام بحزم / انت .. واش الهرج اللي قلته ..

بتال بضيق " وهو ياشر بيدينه " .. / يبه .. العنود ليه زوجتها لي ..

ابو سطام ياخذ نفس / علشان ما ياخذها رخمه .. بغيت لك الزين لكن انت مابك عقل ..

بتال يسحب شماغه وعقاله ويحطهم بحضنه .. حضن راسه بيدينه .. تنهد / ااااااااااااه يبه .. مو قادر اهدي ذا الراس

.. " رفع راسه ووجه احمر من القهر والغبن " .. يبه اصدق راكان واكذب عيوني .. والا اكذب راكان واصدق عيوني

.. شفتها وسمعتها .. ونبهت راكان عنها .. اختك يا راكان ..

وبين يوم وليله .. دخلتوا عليه وطلبتوا فزعتي .. وفزعت بس ما دريت عن ان الفزعه لها .. حرقت امي .. ووضرت

اختي .. وانا صقر حر يبه .. ما اكل الجيف .. وما اكل الا صيدة انا اخترتها .. " رجع راسه بين يديه " .. تعبت يبه تعبت ..

ابو سطام يطالع فيه بقهر وبنبرة مقصودة / البنت احد لمسها من قبل ..

بتال رفع راسه / لا يبه .. البنت عذرا ..

ابو سطام بنفس النبرة / معناتها محد صادها غيرك .. و " بقهر " .. جيفه .. " ضربه ابو سطام بالعصى على رجله "

.. بتال يرفع رجله .. وبضيق / يبه .. " وهو يصد " ..

ابو سطام بعصبية / وحطبه .. وامك .. ايش سوت لها ..

بتال بضيق / صار اللي صار وخلاص ..

ابو سطام يضربه بالعصا مره ثانية / قل ولا تسكت .. كل اللي عندك كله يا الاعمى .. بتال حكى كل اللي صار ..

وبضيق / وهذا اللي صار .. ابوسطام يطالعه بغموض / ..........

بتال باستغراب وضيق / يبه .. ليه تطالعني كذا ..

ابو سطام ياشر بيده / انت بك بلا .. مانت خالي .. يبيلك طقتين براسك يرجع لك عقلك ..

بتال بضحكة / يبه .. ايش طقتينه ..

ابو سطام / اها .. اها .. اضحك .. اضحك .. والله ان شفتها مع غيرك ليقوم جنونك .. مثل جدك سند .. سوا .. سواتك

.. وظلمها .. ويوم راحت مع غيره .. جن .. وبدال لايعقل .. ظلم ازود .. الله يسامحة ويغفر له ..

بتال بغضب / مع من ؟؟ .. من غيري .. ايش تقصد يبه ..

ابو سطام يصد عنه وبنبرة متلاعبه / ليه ما تدري انها انخطبت ..

بتال بغضب يوقف / ومن خطبها .. والله لو تتزوج وتترك العيال لتحلم تشوفهم ..

ابو سطام بسخرية / انا قايل بك بلا .. مو توك تقول منهم عياله .. يعني انت تقول ما هم بعيالك كيف بتمنعهم ..

بتال بارتباك وغضب / جدي .. انا .. اسمع .. يعني هم عيالي .. بس ليش ما قالت لي ..

ابو سطام يضربه بقوة " بتال فز واقف من الالم " .. / لانك خبل .. رحت وبتلت بالسالفه ولا حاكمت سيفك .. ذبحتها

وذبحت عمرك قبلها .. " وبغضب " .. اجلس ..

بتال جلس وبضيق / بس انا سمعتها ..

ابو سطام يقرب منه / متوكد انها هي ..

بتال بصدق / لا .. " هز راسه وبتاكيد " .. لا الصوت ولا الشبه ..

ابوسطام بسخرية / ما بك بلا .. اييييه .. الا بك بلا وكبير بعد ..

بتال بضيق / يببببببببببه ..

ابو سطام يقلدة / وحطبببببببببببببه .. " وبجدية " .. تهواها يا ولد ..

بتال بسرعة / لا .. " وهو يصد " .. " ما حس الا بالعصاه على ظهرة خلته يفز واقف " .. بتال بضيق / يببببه ..

ابو سطام بحزم / ما ابي ادعي عليك اللي فيك مكفيك .. يالخبل ..يوم دخلت بغيت تنكسر رقبتك وانت تتشفق على زولها..

بتال بسخرية وهو يطالع الطاوله / ايه ميت عليها .. من زينها والا من سنعها ..

ابو سطام بسخرية / حط عينك بعيني وقل ماهي بمزيونه .. ولا هي مسنعه ..

بتال بغموض وهو يطالع ساعته / ............

ابو سطام يوقف وهو يتوجه لباب المجلس / صالح ولد عمك وراضيه .. ولا رضى بترضى عليك ام سلطان ..

بتال يوقف جده .. وباستغراب / سمته سلطان ..

ابو سطام يلتفت عليه وهو عند الباب / اصيله وحشيمه .. ماهي مثلك .. خرج ابوسطام ..

وترك وراه بتال يصارع القهر والغضب اللي بداخله .. اخذ شماغه وعقاله وطلع بسرعة من المجلس ومن القصر .. توجه لسيارة ..

ركب سيارته وشغلها بس وقف اول ما شاف سيارة زياد توقف قباله وركبت معاه حرمتين وكل وحده معاها طفل صغير

ـــــــــــ
قبل نصف ساعة ..

دخلت لجناحها بغضب .. شافت ساره لابسه وجالسه تلعب سلطان والظبي ترضع بالرضعه ..

بعد دقائق دخل راكان وراها وبغضب / مرة ثانية لا تدخلين مكان ما قلت لك تعالي فيه ..

العنود بغضب / ................

راكان بغضب / لا تسكتين ..

العنود بغضب / راكان ابعد عن وجهي لا اقول شي ما يعجبك ..

راكان بغضب / لا لاتسكين قولي ..

العنود بغضب / اذا فيه عتب ولوم يطيح عليك .. كل اللي حنا فيه بسببك انت .. انانيتك .. ما اخيلت احد يغليك الا

وعذبته .. ابوي وامي وهذا انت خسرتهم .. وانا " وهي تضرب صدرها " .. هينا نار وجع محد يدري عنه الا الله ..

وهذي " تاشر على ساره " شايله حمل من سنين ماهو لعمرها .. وانت درست وتزوجت وعشت حياتك طول بعرض

وكل اللي صار ما علمك درس لا .. الا زدت وتجبرت بأنانيتك تبي تحرم بنتك حق الطفولة .. تبي تحرم نفسك حق الابوه

.. متى تبي تفوق لمن تخسر كل شي حولك .. لمن يفوت الفوت .. " سمعت صوت بكى الظبي وسلطان وساره " ..

العنود بغضب تضرب راكان على صدرة ../ اطلع برا اطللع براااااا ..

" طلعته برا الجناح وقفلت الباب " .. " توجهت للي جالسين على السرير ويبكون "

وبحنان حملت الظبي ..و ضمت ساره من الجنب .. قبل راسها .. وبحنان / خلاص حبيبتي .. خلاص .. " ابعدت يدها

عن ساره و سحبت الرضعه واعطتها الظبي .. والرضعه الثانية اعطتها سلطان " .. بعدها بدقائق .. دخل زياد .. وهو

ما يدري عن العاصفه / هاا جاهزين ..

العنود تنهدت / ايه .. " لفت الظبي وسلطان بفرشاتهم " ..

" التفتت لساره " .. يالله انتي خذي الظبي ..

ساره ببحه / تبين تشيلينهم .. العنود / ايه .. ماني بضامنه احد يهتم فيهم .. امشي .. " خذت سلطان وحملت الشنطة وطلعت "..

ـــــــــــــــ

في مجلس الحريم ..

مريم بضيق / وليه تخلينها تاخذ الصغار معاها ..

مياسة / كانت متضايقة وما بغيت ازيد عليها خلها براحتها ..

العنود " ام سند " .. بفضول / ليه متضايقة ..

مياسة / ابوي طلبها للمجلس وكان فيه سلطان وبتال وراكان وما ادري ايش صار .. هي وراكان خرجوا وكانهم نار شابه ..

مريم بضيق / لا حول ولا قوة الا بالله ..

العنود بحماس / وايش صار .. ايش قالوا ..

الهنوف بقهر / العنود ... يازينك بهالسوالف .. والا لك لو صار شي ها والا ها ما عرفتي تسوين شي ..

العنود بضيق / الهنوف .. ايش له الحين تضيقين صدري ..

الهنوف بقهر / لا والله .. ضاق صدرك .. انتي ما تشوفين نفسك نسخة الجوهرة .. تدورين على خرابك ..

الجوهرةدخلت / وايش فيها الجوهر يا الهنوف ..

الهنوف طالعتها بنظرة سخرية وصدت / ................

الجازي / لا اله الا الله .. اذكروا الله .. ايش فيكم .. الهنوف توقف / انا ابي اروح عند امي وخالتي ابرك لي ..

مريم توقف / وانا بعد .. مياسة وقفت والجازي ..

العنود / وليش انا اقعد حتى انا طالعه ..

الجوهرة مسكت العنود / وينها ؟ ..

العنود باستغراب / منهي ؟!!..

الجوهرة بسخرية / العنود .. وعيالها ..

العنود / راحت تتسوق .. "

وتركتها وراحت للحديقة مكان مو جالسه امها وخالتها " ..

ــــــــــــ

بيت ابو بتال ..

جناح سمر ..

غرام وشيخة بحضنها / الحين ايش اناديها شيخة والا الزين ..

سمر بضيق / اكيد الزين .. غرام انتي بس تبين تحرقين دمي ..

غرام تضحك / هههههه لا سمسم بس صدق ابوها يقول شيخه .. وانتي تقولين الزين .. احترنا ..

سمر بقهر / انا اللي حملت فيها وانا اللي تعبت .. وهو بارده مبرده سماها .. لا بعد ما جني ولا زارني بالمستشفى ولا

البيت .. ولمن راح للمستشفى راح علشان طلبت منه مدام العنود ..

غرام / انتي شفتي صور عيال اخوك ..

سمر بضيق / لا .. غرام بحماس التفتت لشجون اللي عيونها بالجوال / شجون عندك صور اولاد بتال ..

شجون وهي مركزة مع الجوال تراسل .. بعدم اهتمام / ايه .. ايه ..

غرام تطالعها باستغراب وشك .. / شجوووون .. من تراسلين ..

شجون رفعت راسها .. وببرود / نعم ايش تبين ..

غرام رفعت حاجب .. وبجمود / عندك صور لعيال بتال ..

شجون ترجع عيونها للجوال .. وببرود / لا ..

غرام تنزل شيخه من حضنها وتحطها جنب امها .. طالعت شجون بنظرات شك ..

دخلت رنا ومعاها حافظة فيه كيك / سلام .. " وهي تنزل الملثم " ..

البنات / وعليكم السلام ..

سمر / وين البنات ..

رنا ابتسمت / نوال حلفت عليهم ما يروحون ويتركونها .. وجلسوا في بيت جدي .. غرام بعد ما نزلت رنا عبايتها

ولفتها جلست على الكنب وحطتها جنبها .. ابتسمت وبهدوء / ايشلونك اليوم ..

سمر ابتسمت / تمام ..

رنا طلعت جوالها وقف وتقدمت من سمر وجلست بطرف السرير .. وبابتسامه / جايبه لكم صور جديدة لـ اولاد العنود

.. فتحت جوالها .. و ورتهم سمر وغرام ..

سمر تطالعهم بشغف .. ابتسمت .. واشرت على صورة سلطان / يشبه بتال ..

غرام بضحكة / كيف مو واضح صغير ..

سمر بحماس / لا والله شوفي هينا .."وهي تاشر على خشمه " .. بتال لعصب يجي على راس خشمه مثل الخط .. كذا

.. غرام تطالع بصورة .. وباعجاب / ما شاء الله تبارك الرحمن .. ما شفت مثل زينهم .. ما شاء الله ..

رنا تبعد غرام وتاخذ شيخه وتحطها قبالها .. وتبداء تصورها ../ ساره آمنتني تقول صوريها اشتقت لها ..

سمر صدت بضيق ... غرام / ليش ما جات ..

رنا ببراءة / تقول راكان حلف عليهم ما يطلعون هي والعنود .. سمر لفت على رنا وبعبرة / ليه ؟..

رنا ارتبكت وطالعت غرام .. غرام بهدوء / كيف ليه .. انتي ناسيه ان بتال طلق العنود .. فما يصير تجي ..

سمر والدمع معلق على رمشها / ..........

غرام بهدوء / راكان لساته الغضب بداخله .. موت ابوه و امه وطلاق اخته .. اعطيه فترة ليقدر يتماسك .. سمر هزت

راسه وهي تمسح دموعها اللي نزلت / ...............

غرام بابتسامه / يالله اهتمي بنفسك .. وبصحتك حتى لخلصتي نفاستك ورجعتي بيتك تكونين قادره على انك تعاقبينه ..

سمر ابتسمت / هههه الله يعين اللي بياخذك .. هههههه ..

غرام بغرور / الا وياهني ياله .. البنات / ههههههههههههههههههههههه

غرام التفتت على شجون .. وشافتها عيونها على الجوال وما شالتهم .. غرام وقفت بهدوء وتوجهت لشنطتها ..

وكانها تبي تاخذ شي منها .. مرت من خلف شجون وقفت طالعت ايش تسوي ومع من تدردش ..

وشافت سمية .. تركتها وراحت لشنطتها طلعت جوالها .. ورجعت لسمر ورنا .. وقلبها قارصها من ها سمية ..

ـــــــــــــ

جناح مياسة وبناتها ..

" ريما .. ريهام .. رنيم .. هيفاء .. نوال .. ابرار .. اماني وروان " ..

ريما / لا صدق ما يصير فشلة مره ..

نوال بتأييد / ايوه .. تخيلي بس رايحة بيتهم .. وشافني اكيد بيسوي مصيبة .. وهو عقلة فاصل ..

البنات / ههههههههههههه

هيفاء بضحكة / لا عاد ما اسمح لك تعيبين على ولد اختي ..

نوال بنص عين / لا والله تلوميني .. " وهي تقلدة " .. نوووووووووواااال .. " بخوف و هي حطه يدها على صدرها "

.. بغى قلبي يوقف هذاك اليوم ..

البنات / هههههههههههههههههههههههههههههه نوال بضيق / على ايش تضحكون .. لو صار لكم اللي صار

وارتعبتوا ما كان ضحكتوا ..

البنات كل وحدة ميته من الضحك .. / هههههههههههههههه رنيم توقف .. وبالم / اااه هههههه حسبي الله على

عدوينك يا نوال هههههههههههه .. نوال فتحت عيونها / ........... ابرار / هههههههه وجهك وانتي تعبرين رهيييييب

.. ههههههههه .. سعود سدد دينه .. هههههههههه ..

نوال رفعت حاجب .. وبقهر/ يا زينك ساكته ..

البنات / هههههههههههههههههههههه


ـــــــــــــ

بعد المغرب ..

بيت ابو سطام ..

ابو سطام وام سطام ومياسة .. بصاله الثانية .. على الكنب .. ابو سطام بهدوء / جاني فهد .. يقول راشد يبي يرجع

حرمتة وبناته للبيت ..

ام سطام طالعت بنتها .. ورجعت طالعة ابو سطام / وايش قلت له ..

ابو سطام / اللي تقوله مياسه ..

مياسه بغصة / ثقلت عليك يبه وانا وبنات .. ابوسطام بنظرة غضب .. وبحزم / بنت ..

مياسه بعبره / يبه ما ابيه .. ما ابي ارجع له .. ابي ارتاح ..

ابو سطام بهدوء / ايش سوا .. ان كان على رنيم فهو ابوها لو ياطىء على رقبتها ..

مياسه بغصة / يبه خلها بالصدر تجرح ولا تطلع لبرا وتفضح ..

ابو سطام بغموض / .............

ام سطام تنهدت بضيق / الله يهديك ويصلحك .. ويريح بالك .. وقفت مياسة وراحت لمطبخ تجهز للعشاء مع الخدامة

... ابو سطام تنهد وبنبرة مقصودة .. / اليوم العنود استفزعت .. ونادت .. " انا خت نايف كايد عداه " ..

ام سطام حطت يدها على قلبها .../ .............

ابو سطام بضيق / بتال مهتويها .. مهتويها ازود من سند .. مهتويها اللين اعتمى .. الرجال مايعرف يمينه من شماله

.. ام سطام بخوف والم / ابعده ابعد ه.. ما ابي انوجع مرة ثانية .. ما ابي بطش سند يرجع .. لا توجع البنيات يا سعود

.. ابو سطام بثقة / لا تخافين .. غلطة ابوي وعمي جابر ماني بمكررها ..

وسكت الاثنين وكل واحد يرجع لاوجاع دفنت .. والي بدا بوادر رجوعها مع رجوع شبيهة الظبي ..

ــــــــــــــ

بالمول ..

بدورة المياه .. " اكرمكم الله " ..

ساره ماسكة الظبي .. والعنود تغير لسلطان بالحمام .. خرجت العنود .. ساره بضيق / الحمد لله ..

العنود بضحكه / ليش ضايقه ..

ساره بضيق / عيالك .. مره يبكي يبي رضعه ومره موسخ ومره .. اوووف ..

العنود ابتسمت وهي تلف سلطان وتعدل نفسها .. / امشي زياد برا ينتظرنا .. "

طلعوا من دورة المياة وشافوا زياد واقف .. ساره انتبهت للعربيه الي بجنب زياد " ..

ساره بسرعة توجهت لزياد / احسن شي .. " وهي تنزل الظبي فيها " .. بسم الله ..

العنود بابتسامه / حبيبي والله .. تسلم .. " نزلت سلطان بجنب اخته وهي تسمي بالله " ..

زياد بابتسامه / الحين ارتاحوا وانا ادفعهم .. واقعد برا المحل وانتم خذو راحتكم ..

ساره تنهد / احس بحريه ..

العنود بمزح تضربها على راسه / يعني الظبي ضايقتك .. خلاص ما عاد تمسكينها ولا تلعبينه ..

ساره تنزل وتقبل خد الظبي / لالا امزح .. اصلا ما اقدر ابعد عنهم .. هههههه .. اخذت العنود كم لبسه لها وكم لبسة

لسارة وكم لبسة لظبي وسلطان

واشياء خاصة ومهمه ..

ــــــــــــــــ

على البحر ..

راكان بضيق / صدقت في اللي قالته .. انا حاس بقهر بقلبي ونار ماني قادر اطفيها ..

عناد تنهد / لارحت مكه ادعي ربك صدق .. واغسل قلبك .. وراح تلقى قلبك هدي ..

راكان يهر راسه بنعم / ............

عناد بعد صمت لثواني .. فرك لحيته باصابيعه .. / نويت اتزوج ..

راكان التفت عليه بصدمه / ........

عناد بارتباك / مو اتزوج اتزوج ... يعني كذا .. " وهو ياشر بيده في الفراغ " .. ما ادري .. اخطب ايه اخطب ..

راكان / ههههههههههههههههههههههههههههههههههههههههههه

عناد ابتسم / ايش يضحك ...

راكان / ههههههههههههههههههههههههههههههه

عناد / هههههههههه .. هذا كله فرحة لاني نويت اخطب اجل لا تزوجت ايش بتسوي ..

راكان / ههههههههههه ومن .. هههههههههه ومن تعيست الحظ ..

عناد بغرور / الا قول سعيدة الحظ ..

راكان / ههههه اكيد .. اكيد غرام ..

عناد بضحكه / ايه وفيه خبله تقبل بي غيرها ..

راكان / ههههههههههههههههههههههههههههههههه عناد / هههههههههههههههههههههههههههههههههههههه

.. راكان يوقف وبضحكة / قم ههههه قم نروح لعشاء طلال قم ..

ـــــــــــــــــ

بالاستراحة ..

ابو بتال / ان شاء الله بعد ما يرجعون عيال سطام من مكه .. ابي اسوي عشاء صغير علشان عيال بتال ..

بدر / اهم شي اكون انا موجود ..

ابو بتال / ما جاك نقل للحين .. بدر / لا والله .. وكثير يقولون لي يمكن بعد سنتين او ثلاث ..

ابو عناد / لا ان شاء الله ندور لك على معرفة ونجيبك جنبنا ..

بدر / انا الحمد لله قريب مو ذاك البعد .. بس ساعتين روحه قبل بداية الدوام وساعتين وزود رجعه .. هذي اللي تتعب

.. ابو سند / الله يحميك من الخط ودروبه .. وهالحديد .. الكل / امين ..

طلال يدخل / الا بتال وراكان وسند وعناد وين ..

سند من وراه / السلام عليكم .. هذا انا جيت ..

ابو سند / ليش تاخرت ياولد ..

سند / ابد بس الحرمة عندها مراجعه بالمستشفى وتاخرت ..

فارس بفرحة / ايش المولود ولد والا بنت ..

سيف بضحكة / اكيد بنت ..

سند بضحكة / ماني بقايل لكم ..

فارس بحماس / قلي بس انا .. علشان اجهز الهديه من الحين ..

ابو سند بسخرية / ومن زين هديتك .. شفنا اللي جبته لبنت اختك ..

فارس بصدمه / يبه انا هديتي لبنت مر ومه مو حلوة .. " التفت لطلال " بالله ياطلال احلا هديه جات لبنتك من عند

من ..

طلال بصدق / من ابو فهد ..

سيف / افااا .. وهديتي ..

طلال بضحكة / يعني بتسون نفسكم ما شريتوها مع بعض ..

سيف وفارس / لا والله ..

طلال / ههههههههههه الاسورة نفسها اللي انت جبتها هو جابها ..

سيف طالع بفارس / قلت الاشكال ما تاخذ الا هي .. فارس / وهي فيه احلا منها .. انا تعبت وانا ادور شي حلو ..

ابو سند التفت على ابو طلال / وانت ايش جبت لها .. ابو طلال ابتسم / يكفي سمحت يسمونها باسم مريم ..

ابو بتال بضحكة / الله اكبر عاد ياها الاسم ..

ابو طلال بنغزة / عاد من زين اسمك .. حتى صاحبه ما بغاه .. واول ما .. " وهو ياشر على الـ أي فون " ..

ابو بتال / هههههههه يا فديت سميي .. " مد يده " . هات هات خلني اشوفها .. وارسلها على بتال ..

ابو عبدالعزيز يمد يده .. ويعطي اخوة الـ اي فون .. ارسلها ابو بتال على جواله .. ومن جواله على بتال بالواتس

ــــــــــــــ

بالمزرعة ..

بتال .. جالس على فرشة مفرشها بالارض .. وشاب الحطب قباله .. يحرك الحطب بعصى في يده .. ويزيد النار حطب

.. رفع راسه وسرح لبعيد .. وهو عاقد حواجبه .. تذكر الكم ليلة اللي قضاهم معاها بهدوء .. وابتسم وتغيرة ملامح

وجهه .

. ....../ بسم الله عليك ..

قفز بتال بخرعة / عم ابو محمد .. ما .. ما حسيت بوجودك ..

ابو محمد ابتسم / اللي ماخذ عقلك يتهنى به .. بتال رجع يحرك النار والضيق بوجه ..

ابو محمد / ايش اللي مضيق صدرك .. بتال يهز راسه / ما في شي ..

ابو محمد / لا تكتم بصدرك يا ولدي .. بعض الاحيان الحكي يفتح عينك على شين غافلن عنه ..

بتال تنهد بضيق .. وبداخله " مثل ما جدي فتح عيني على الي معمي عنه " .. ا

بو محمد يوم شاف بتال ساكت .." قال يمكن ما يبي يتكلم "..

بتال بعد فترة / لي رفيق تضاربت معاه وافترقنا ..

ابو محمد ابتسم .. وبهدوء / هو المخطي والا انت ..

بتال بضيق / انا وهو .. " تنهد " .. سمعت حكي وحكمت عليه .. وهو ما دافع ولا حكى .. وخلاني امشي بظلمي ..

ابو محمد بنبرة مقصودة / تعزه وتغليه ..

بتال كان يحرك الحطب .. رفع راسه وطالع ابو محمد بضياع .. ورجع يطالع النار / .......... وبعد فترة صمت ..

ابو محمد / تعشقها ..

بتال رفع راسه وطالعه بصدمه / ...........

البارت 29 ..




الله مــــن هـــمٍ تزايـــد علــى الــروح
طغــى عليها لــين روحـــي دمـرها
جــروح ســــد جـروح والقلب مجروح
فـي كـل ليـل العـين تشكي ســهرها
بــاب العنــى شفتــه مشـرع ومفتــوح
هـذي مـوردها والأخـرى صـــدرها
والصـدر قـام يـغــوش ياقـوم ويفـــوح
والنـار شبت فـي ضميري ســعرها
كــل السـبايب جــــادلٍ مــنـه مـــذبوح
عليـه عــينٍ تسحــر اللـي نـــظرها
مـــاودي أعـــــدد مزايــاه وأبــــــوح
مـن الأظــافر لــين هامت شــــعرها
الـعنق عنق الريــم والخصـر ممسوح
يــازين مــبسمها وزمــت نـــــحرها
بالمختصر غرون من الــبيض مملوح
مـثل الـقمر بـــالزين ســاطع قـمرها
جـعل الخيـال اللي سـرى بـــرقه يلوح
يــمطر على داره ويسـقي شـــجرها
نــطلبك يــامعبود يامنجـــين نــــــوح
يـامعـتني بــالناس عــــالم قـــــدرها
تــفرج لمنهو يزعج الصــوت وينوح
وســود الليــالي لـه تــزايد قـــشرها
وتـرد مـــنهو غاب والعـــذر مسموح
حبـــي بـــحبه ســــابحٍ فـــي بحرها
بيـوت شعــري لاسرت تبـعـد الشوح
وجــزل القوافــي لي تــقادح سـطرها
لــو مايخفف شعري الـهـــم والبــوح
عــيني خطيــر الهــم يعمي بـــصرها








بمكة المكرمة ..

احد الفنادق المجاورة للحرم ..



راكان / الحمد لله .. " وقف عن الطاولة وتوجه للكنب " .. " طلع جواله من جيبه وصار يفتش فيه " ..
ساره قاعدة على الكنب وتتراسل مع البنات بالواتس ..
العنود لملمت باقي الاكل ونظفت الطاولة .. شلت الصحون وتوجهت للمطبخ .. غسلت الصحون ونظفت المطبخ ..
اخذت سلة الزبالة " اكرمكم الله " .. وطلعتهم لعند الباب .. رجعت للمطبخ واخذت ابريق الشاهي وتوجهت لراكان ..
زياد طلع من الحمام .. وهو عند الباب .. العنود بهدوء / زياد .. " التفت عليها زياد " ..
العنود / اكرمك الله .. ممكن ترمي الزباله برا ..
زياد ابتسم / ابشري ..
العنود سكبت الشاهي بالفناجين .. قدمت لراكان وتركت فنجان على الطاولة امام المكان اللي بيجلس عليه زياد ..
واخذت فنجان .. راكان قفل جواله .. طالع ساره وشافها مركزة بالجوال .. ابتسم والتفت على العنود ..
راكان وهو مبتسم / متحمسه ..
العنود ابتسمت / يتكلمون عن المدرسة .. تبي تدخل علمي ..
راكان ابتسم والتفت عليها .. مد يده ولعب بشعرها .. ساره بضيق / راكااااان ..
العنود وراكان / هههههههههههه
راكان التفت على العنود وبهدوء / بكره نمشي لجدة .. نزور منار .. ونتمشى فيها شوي ..
العنود هزت راسها / على خير ان شاء الله .. متى نمشي ..
راكان / نصلي العصر .. ونمشي .. يعني اغراضكم تكون جاهزة قبل العصر .. وارتبها بالسيارة ..
ساره التفتت عليهم / ما نروح لـ الطائف ..
راكان بتلاعب وهو يشرب من فنجان الشاهي ويطالع لقباله / لا .. ورانا شغل .. وانتي وراك مدرسه ..
ساره بضيق / بس انت وعدتني ..
راكان بتلاعب / اشتقت لشيخة .. وابي اروح لها .. هي دلوعتي .. وانتي بطقاق ..
ساره صدت بضيق .. والعبرة خانقتها .. تلعب بجوالها والشاشة مو واضحة قبالها من الدموع ..
راكان التفت عليها وابتسم .. رجع ظهره للكنبه وسحبها لحضنه .. قبل راسها وبحنان ..
.. وهو يقرص انفها / امزح معاك يالدلوعه .. من عيوني نروح .. كم سارونه عندي .. كم يوم تبين تجلسين ..
ساره هزت راسها / ما ابي خلاص ..
راكان / هههههه .. طيب اجل حتى منار مافي لها روحه ..
ساره مسحت دموعها وصدت عنه .. حاولت تبعد عن حضنه لكن ما سمح لها راكان ..
زياد جلس مكان وابتسم / ليه زعلتها ..
راكان بابتسامه / لاني احبببببببهههاااا " وهو يقبلها بخدها بقوة " ..
ساره / اااااااي .. وجعتني ..
راكان يقبلها مره ثانيه / ما راح اتركك .. الا اذا قلتي خلاص ماني زعلانه ..
ساره تحاول تبعد بس ماقدرت / خلاص خلاص .. ماني زعلانها .. خلاااااااااص ..
راكان تركها .. وهي بعدت عنه وهي تعدل بلوزتها اللي تجعلكت .. / اوووف خنقني " مسحت على شعرها تعدله " ..
راكان يرفع يده .. وكانه بيحضنها مره ثانيه .. ساره بضحكة / لالا خلاص ما خنقتني ..
راكان / ههههههه تادبي .. " التفت على العنود " .. كم يوم تبون بالطايف ..
ساره / مو الطايف .. الطائف .. بـ الاف .. مو بالياء ..
راكان التفت عليها ورفع حاجبه وكنه يهدد .. ساره بتراجع / لالا الطايف بالياء .. بالياء " وهي ترجع تمسك جوالها " ..
راكان التفت على العنود / كم يوم ..
العنود بهدوء / على حسب الجوا اذا طيب جلسنا يومين او ثلاث واذا مو حلو .. مشينا لـ الخبر على طول ..
زياد بهدوء / منار متى تبينا نروح لها .. بعد المغرب ..
راكان / انا عرفت العنوان .. على طول نروح لها ونبقى شوي .. نصلي المغرب ونطلع برا .. مانبي نكلف عليهم ..
العنود / افضل ..
ساره تثاوبت .. العنود انتبهت لها .. / سارونه حبيبتي روحي نامي علشان تصحين لصلاة الفجر ..
سارة تطالع لساعة ../ توه بدري الساعة 11 ..
راكان بهدوء / لا مو بدري .. روحي نامي ..
ساره بعتراض / انا مو صغيرة لبغيت انام اقوم بدون لاحد يامرني ..
راكان ابتسم / مو ضغيرة .. طيب لا تنامين هينا وبعدين نبلش فيك انا وزياد .. تراك دوبيه ..
سارة رفعت حاجب بغرور ووقفت / على الاقل ازين من حرمتك ..
راكان ابتسم ونزل راسه يطالع فنجان الشاهي .. ساره فكرة انه زعل .. نزلت نفسها وقبلت راسه ..
ساره بعتذار / اسفه راكوني والله مو قصدي ازعلك ..
راكان بضحكة خفيفه / ههههه لا مازعلت .. يالله روحي نامي .. تصبحين على خير .. " مسك يدها وقبلها بحنان " ..
ساره راحت للعنود وقبلت خدة .. وبمزح / اباي انام بس عيالك لا يزعجوني ..
العنود بمزح / لا تشخرين وما راح يزعجونك ..
ساره شهقت .. وراكان وزياد والعنود يضححكون عليها .. ساره بزعل / انا اشخر ..
زياد بضحكة / لا تمزح عليك .. " مسك يدها وقبلها " .. احلام سعيدة ..
ساره وهي متوجه لغرفة النوم .. / يالله انا ابي انام وانتم اعقدوا اجتماع الامة .. تصبحون على خير ..
الكل / وانتي من اهله ..
راكان بهدوء بعد ما دخلت ساره لغرفته / كيف راسك الحين ..
العنود تنهدت / راكان .. قلتلك بس لاني زعلت .. الحين طيبه .. لا تشيل هم ..
راكان / وايش اللي زعلك ..
العنود بهدوء وهي تنزل فنجان الشاهي / ولا شي ..
راكان طالع زياد ورجع طالع العنود / العنود ما عاد ابيك تخبين شي .. يكفي اللي صار ..
العنود التفتت عليه وبحدة خافته / بالاول تعدل انت .. وبطل انانية .. خليني اثق فيك وبعدين راح اقل كل اللي عندي ..
" وقفت " .. تصبحون على خير .. " تركتهم وتوجهت لغرفة النوم " ..
زياد بعد مادخلت العنود لغرفة النوم .. التفت لراكان وبهدوء / ليه ما قلت لها ان المحامي اتصل ..
راكان / انتظر القضية تنتهي للاخير .. وتتقفل وبعدين اقول لها ..
زياد / راكان ؟
راكان وهو يلعب بجواله / هممم ..
زياد " بستغراب " / خالتي شريفة ليه كانت .. اممم .. كذا .. ما ادري احسها كانت تكرهنا ..
راكان بغموض / لانها مو خالتنا ..
زياد بستغراب / كيف ..؟
راكان رفع راسه / الحين امي وخالتي خديجو وخلود مو فيهم ملامح من بعض ..
زياد / الا ..
راكان / وشريفة كانت غير .. واللي عرفة باخر سنة من بعد رجوعي من امريكا .. ان شريفة مو خالتي بالصل ..
زياد بستغراب / اجل ..
راكان / شريفة ارضعتها جدتي الظبي .. وربتها بيننا .. كانت فيه حرمة جارت جدتي توفت هي وزوجها ..
" وكانه يحاول يتذكر " .. احترق البيت او شي .. المهم .. جدتك اخذتها ورضعتها و ربتها ..
زياد / وليه ما اخذوها اهلها ..
راكان يهز اكتافه / ما ادري .. يمكن مالها .. " وبضيق " .. خلاص ماتت وانتهاء الموضوع ..
زياد هز راسها .. راكان وقف .. / يالله خلنا ننام ..



ـــــــــــــ





بيت ابو سطام ..

شقة رعد ..

دخل شقته بهدوء .. شاف هيفاء جالسه قبال التلفزيون .. اول ما شافته .. وقفت وتقدمت له ..
هيفاء بابتسامه / هلا .. " مدت يدها بتاخذ شماغه " ..
رعد سحب شماغه وعلقها على العلاقة القريبه من المدخل .. تقدم خطوين ونزل جواله والمفاتيح والمحفظة ..
دخل غرفة تغير الملابس وسحب ثوبه ورماه على سلة الملابس .. ودخل الحمام ..
هيفاء واقفه عند المدخل .. له يومين يتصرف معاها بغرابه .. وكانها مو موجودة .. " معقول قرب وقت الطلاق "..
رجف قلبها .. التفتت على الغرفة وشافته يدخل للحمام .. توجهت للمطبخ و جهزت وجبة خفيفه .. فطاير جبن ..
وكاس عصير مانجو .. صارت تعرف كل التفاصيل اللي يحبها .. اخذت الصينية وطلعت لصالة قبال التلفزيون ..
طلع رعد من الحمام وهو ينشف شعره .. شاف البجامة جاهزة له .. لبسها وتوجه لغرفة النوم .. وقف قبال التسريحة ..
مشط شعره وتعطر .. توجه للإضاءة طفاها .. وراح لسرير رفع الفرشة ودخل تحتها ونام ..
هيفاء بالصاله قبال التلفزيون .. استغربت من إضاءة غرفة النوم ظلمت .. هيفاء بصدمه وداخله .. " معقول .. نام " ..
بعد دقائق .. وقفت وتوجهت له .. فتحت الاضاءة وتوجهت لسرير رفعت الفرشة بحدة .. / رعد ..
رعد ماكان نايم .. اصلا ماقدر ينام .. اول مرة ينام على السرير .. شم ريحة عطرة وحس بالنار شاعله بكل جسمه ..
هيفاء حكت يدا على كتف رعد وهزته .. وبحزم / قوم وتكلم معاي .. ليش تتصرف كذ..... هئئئئئئئئئئئئئئ ..
رعد سحبها ونيمها على السرير .. وصارت تحتها .. هيفاء تطالعه بصدمة ..
رعد بغضب / ليه .. ليه تقولين لهم اني ما لمستك .. ما توقعتك منحطة لهالدرجة .. بائعة هواء ..
حس بشي حار على وجهه .. هيفاء دفعته بيدينه ووقفت مبتعده عن السرير .. وبحدة وصدرة يطلع وينزل ..
....../ انا ما قلت لحد .. وانا مو بايعة هواء .. ولو ابي اقول لحد عن اللي بيننا كان قالته من اول شهر ..
مو بعد ما قرب زواجنا على سنه .. " رفعت اصباعها بوجهه " .. وانا قلت لك امك وابوك وامي كلهم يلمحون لشي ..
رعد وقف وقرب منها / انهم ابطيتي وما حملتي .. لكن مو انك بنت .. وانا ما لمستك ..
هيفاء بعصبية / وانت شايفني قليلة ادب اتكلم واقول ما لمسني .. وزوجي مو قادر عـ....
رعد جن جنونه .. ومن بين اسنانه وهيفاء مرمية على الارض وحاطه يدها على وجهها / قادر وغصب عنك ..
هيفاء والغصة بحلقها .. لملمت نفسها ووقفت ../ زوجي مو قادر على نسيان حبيبته ..
" صدت عنه وتوجهت للغرفة الثانية دخلت وقفلت الباب على نفسها " ..
رعد جلس على السرير وحط يدينه على راسه .. وهو يتذكر ابوة قبل يومين ..
ابو سطام بهمس / متى ناوي تدخل على مرتك ..
رعد بستغراب / اي مره ..
ابو سطام / هيفاء .. انت تحسبني ما ادري انك مالمستها .. انا عندي العلم ..
رعد ابتسم وبارتباك / يبه ايشلون مـ....
ابو سطام بحزم / اسمع يا ولد .. لك اسبوع .. ان ما جاني العلم انك دخلت عليها ..
وصارت مثل الرياجيل .. ليجيك علم شين .. والحين قم ورح لمرتك وفرح خاطرها ..




ــــــــــــــــ




بيت ابو طلال ..


شقة طلال ..

طلال يلعب مريم .. / بابا .. بابا .. يالله حبيبتي قولي بابا .. مريومه حبيبت بابا ..
مرام بهدوء جلست جنبهم .. طلال صد وصار يطالع التلفزيون ..
مريم بكيت .. مرام اخذتها وراحت لغرفتها .. غيرت لها ورضعتها ونيمتها ..
طلعت وشافت طلال يطالع فلم على mbc2 ومندمج معاهم ..
مرام عارفة انه زعلان .. توجت له وجلست جنبة .. قبلت كتفه وبهمس / اسفه ..
طلال بجمود يطالع التلفزيون / ...................
مرام والعبرة خانقتها .. / والله كنت ابي اقول لك من اول شهر بس ...
طلال بجمود / بس ايش .. تنتظرين تولدين وبعدين تقولين ..
مرام حطت يدها على فمها تكتم شهقتها .. طلال التفت عليها ورفع حاجب / تصبحين على خير ..
وقف وتوجه لغرفة النوم قفل الباب وتركها وراه .. مرام رمت نفسها على الكنبة وصارت تبكي ..




ـــــــــ



بيت ابو طلال ..

جناح الجازي ..

الجازي تحط الكريم مرطب على يدينها ../ ما شاء الله على مريم .. قالت لي انهم عيال بتال مو عيال نايف ..
عبدالعزيز ابتسم / ايه قالت لي .. " وبعد صمت لثواني .. بنبرة " .. الجازي ..
الجازي التفتت عليه باستغراب .. وقفت وتوجهت له وجلست بطرف السرير من جنبة / عيونها ..
عبدالعزيز مسك يدها وباهتمام / على انك انتي ومريم ضراير الا انك اقرب وحدة لها ..
الجازي / مريم قبل ما اكون ضرة لها انا بنت عمها ..
عبدالعزيز يهز راسه ويعدل جلسته وباهتمام / الجازي حلفت بالله .. تقولن لي مريم مرة شكت لك من شي ..
الجازي صدت .. مهما كان هي انثى وتغار .. / ايش قصدك ..
عبدالعزيز تنهد بضيق / مريم واضح انها تعبانه بس ماتبي تقول .. انتي تعرفين حالتها ..
من بعد ولادتها بطلال .. وتعبها اخر مرة .. خايف عليها ..
الجازي باهتمام / من ايش .. مريم ولا مره اشتكت من شي .. واذا تعبت يكون التعب الشهري المعتاد ..
عبدالعزيز باهتمام / ايشلون ..
الجازي بخجل / يعني .. الشهري يعني .. العادة ..
عبدالعزيز تنهد بضيق وبهمس / الجازي .. مريم اخر مرة جاتها الاتهابات حادة ..
لو ما لحقنا وعالجناها .. كان سببت لها سرطان بالقناة لبولية .. وانا خايف لا تسكت على نفسها وتتعب ..
الجازي بخوف / بسم الله عليها .. لا ان شاء الله ما فيها شي ..
عبدالعزيز / اسمع ..انتي قولي له انك شاكة بنفسك وتبين المستشفى وتبينها معاك ..
ولا راحت المستشفى اجبريها تسوي تحاليل .. تمام ..
الجازي تهز راسه / طيب ..
عبدالعزيز تنهد بضيق وشد الجازي على صدرة .. وبهمس / خلينا ننام .. وبكرة تسوين اللي قلته ..




ــــــــــــ

يوم جديد ..


بالمزرعة ..

في المجلس الخارجي ..

فتح عينه وشاف الضوء قوي .. معناته بانه مو صباح .. يمكن الظهر ..
رفع نفسه من الفرشة وهو يحس بجسمه مكسر .. التفت على يمينه اول ما سمع الصوت الساخر ..
.........بسخريه / يالله تمسية بالخير ..
بتال بصوت مبحوح واستغراب / انت متى جيت ..
........ وهو يصب له فنجان قهوة / قبل الفجر بساعة .. اتصل عليه ابو محمد .. وقال انك تعبان ..
بتال يحاول يتذكر .. التفت عليه وبحزم / سند تراني ماني فايق لك .. راسي مصدع ..
سند ابتسموبنبرة مقصودة / مو منك من من اللي تهذي باسمها طول الليل ..
بتال التفت عليه وبغضب / سند ..
سند ابتسم / تعوذ من اشيطان وقم صل .. وتعال افطر وتغدا ..
بتال سحب جواله وطالع في الساعة .. وبضيق / اووف الساعة 2 .. ليه ما صحيتني لصلاة ..
سند التفت عليه وهو مغطي نص وجه بالنظارة الشمسية .. وبغموض / مانت صاحي ..
بتال بضيق وقف وتوجة للفلة ودخل الحمام بعد ما تحمم ولبس و قضى صلواته الفايته .. رجع للمجلس ..
بتال بحزم وصوته مبحوح / قلي الموضوع من اوله .. تراني ما فهمت ايش تقول قبل شوي ..
سند ابتسم وهو يطالع قباله .. باب المجلس زجاجي كبير وفاتحة لـ الاخر ..
ويدخل معاه نسمات بارده محملة معاها رائحة العشب .. وبنبرة مقصودة / مانت صاحي ..
بتال عصب / انتم ايش فيكم مانت صاحي .. مانت صاحي ..
سند ضحك ضحكة خافته وقصيرة / طيب البارحة تتذكر ايش قلت لابو محمد ..
بتال يتذكر / ايه امممم اا " وفجاه تذكر وكانه حلم .. انخطف الون من وجه والتفت على سند " .. ايش قال لك ..
سند / هههههههههههههههههههههههههههههههههههههههههه
بتال صد عنه وهو معصب ويحس بصداع .. سند يحاول يتمالك نفسه .. / ههههه .. تعال تعال ..
" شال السفرة عن صينية الاكل .. والا حافظة فيه مرق لحم .. وصينية لحم وخضار .. وصحن رز " ..
سند بابتسامه / تعال كل .. علشان تاخذ علاجك ..
بتال / كح كح .. اي علاج .. " وهو يقرب من السفرة " ..
سند يعطية حافظة سلطة .. / اول كل سلطة .. لا تاكل دسم على معدة فاضية .. يوجعك ..
بتال ياكل من السلطة الخفيفة .. وبعد صمت ..
بتال بنبرة مقصودة / سند .. ايش قلت البارح ..
سند ابتسم وهو يطالع الباب / ولا شي .. بس صرت شاعر .. ههههههههه ..
بتال رفع حاجب وطالع سند / سننننننننند ..
سند نزل نظرة لصينية الاكل .. وبهدوء / الكل كان يخاف اطلع نسخة لجدي سند ...
صحيح كاني نسخة عنه بالشكل والصوت .. بس بالعشق لا .. اشبه جدي سعود ..
بتال رفع حاجب وبقهر / الحين ايش دخل جدك سند وسعود بالموضوع ..
سند ابتسم ورفع نظرة له .. / جدي سند من كثر ما كان يعشق الظبي .. ذبحها ..
مو يقولك ومن الحب ما قتل .. وهذا هو سند والظبي .. "صد وطالع جهت الباب .. وبنبرة مقصودة " ..
وليته عليها وعليه واكتفاء .. لا .. ظلم كثير .. واكثرهم جدتي شيخة وعياله .. كان كل ما عرف ان جدتي شيخة حامل ..
يزد جنونه .. يا ترا الظبي الحين حامل من زوجها .. لمسها وانا ما لمستها .. قدر يضمها وانا ما قدرت ..
قدر يتغزل فيها وانا لا .. ويزيد غضبه وقهره .. ويروح لجدتي شيخة ويضربها يضربها الى ان يرتاح ..
ولا شافها بدمها .. هج من البيت وراح للخلا .. يختلي بنفسه .. يعذب نفسه ويلومها .. " سكت شوي " ..
تعرف ايش كان يسوي .. كان يمسك الجمر ويكوي نفسه بجسمه .. اذكر لمن مرض وطاح ..
مكان يسمح لاحد يلمسه غيري وغير جدي سعود .. لانه ما كان يبي احد يعرف باللي فيه ..
" التفت على بتال وهو يشوف الصدمة على وجه " .. تدري من الظبي .. جدت العنود .. البارحة كنت مع جدي ..
وقال ياسند رجعت الظبي .. وياخوفي ترجع ياسند .. تدري من يقصد .. يقصدك انت ..
بتال رفع حاجب وبسخرية / الله اكبر .. انا الحين تشبهني بجدي سند .. انا عاشق .. عاشق من ..
سند بغموض / ..............
بتال بارتباك ترك حافظة السلطة واخذ من المرق .. والحم .. وصار ياكل ..
سند بغموض / ما اوجعت نفسك علشانك اوجعتها ..
بتال بقهر / ما اوجعتها .. ولا اوجعت نفسي ..
سند بغموض / و الي بساقك ..
بتال بصدمة رفع راسه وطالع سند .. وباستغراب / وانت ايش عرفك باللي بساقي .. فتشتني ..
سند يرفع يدة عن الاكل / البارح حممتك علشان تخف الحرارة .. وشفت العلامة ..
ويوم سالت ابو محمد قال انك انت حرقت نفسك ..
بتال يتذكر اللي صار ..

ابو محمد / تعشقها ..
بتال رفع راسه وطالعه بصدمه / ...........
وبعدها سحب العصى اللي بيده وحطها على ساقه وهو يطالع النار .. ما انتبه الا بصرخة ابو محمد ..
ابو محمد بخوف / انتبه .. تسلم .. تسلم .. " اخذ العصى منه .. رفع البنطلون وقطع الطرف اللي حولين الحرق "..
ابو محمد وقف / انا رايح اشوف الحرمة عندها مرهم للحرق والا نروح للمستشفى ..
بتال والحمى بدات تطلع لجسمه / والحرق اللي بصدري من يشفيه .. النار اللي هنا من يطفيها " وهو يضرب بصدرة "..
ليتها ما رجعت .. ليتني ما شفت زولها .. اوجعتني .. اوجعتني .. " رمى جسمه على الفرشة " ..
وبدا يهذي وينادي ويقول كلام مو مفهوم .. ابو محمد حاول يوديه المستشفى لكن ماقدر .. اتصل على سند وبلغه بحاله ..



بتال بغموض / ...............
سند بهدوء / ليه حاب توجع قلبك ..
بتال صد / ............
سند / البنت لو بها من اللي قلته كان وضح .. البنت شالت ابوها وامها واختها وعمرها ..
و حانا يا اهلها هادين الارض .. ولا شكت .. والله من اول مره شفته بالمستشفى ..
وانا اتحسف انك ضيعتها .. اللي مثلها ما يتركها الا المخبول .. عسى الله يرزقها بواحد يـ ...
بتال بعصبية / خلصت تغزلك فيها ..
سند يقهرة / وانت ايش يخصك .. اتغزل فيها ما اتغزل كيفي .. " وبنبرة مقصودة " .. انا افكر اخطبها واتزوجها ..
اذا سند الاول ما قدر يضم الظبي .. وفحفيدة يضمها .. " ما حس الا بتال ينط عليه ويضربه " ..
سند وبنية جسمة .. لف يدين بتال ورماه على الارض ومسكة بقوة .. صار بتال نايم على الارض وسند فوقه ..
ولف يدين بتال عكس بعض .. وبتال يصارخ من الالم .. سند يصرخ عليه / تحبها .. تحببههاااا ..
بتال بضعف / ايه احبها .. احبها .. بس قوم كسرت ضلوعي ..
سند يبعد عنه .. وبحزم / ويوم انك تحبها ليش طلقتها ..
بتال يجلس ويهمس يدينه .. / قلت لك .. كنت معمي من الغضب .. وو ..
سند بسخرية / ومفكر لو انك قلت تحبها ينكسر غرورك ..
بتال صد / ...............
سند يسحب المركى ويتكي عليها / اجل ذوق من عذاب فراقها .. وجدي سعود يقول اذا الظبي عنيدة مرة ..
فالعنود عنيدة مية .. قبل مشيهم لمكة .. قال لها استخيري ربك فارجعه لبتال .. تدري ايش قالت ..
بتال باهتمام التفت على سند / ............
سند / قالت له سميت ولدك بتال .. وهو بتل كل حبال الرجاء اللي بيني وبينه .. وانا ان تركته كذا تركته علشان عيالي ..
وحطوا في بالكم يا عيال الفارس ومقفاي مو مثل مقفى الظبي ..
بتال رفع حاجب .. وبنبرة غاضبة / تهدد ..
سند بغموض / .........
بتال بغضب / ايش تقصد بكلامها ..
سند / الظبي يوم راحت .. راحت لحاله .. بس العنود تقصد انها لا راحت راح تاخذ كل شي معاها .. فهمت ..
بتال عقد حواجبه / .................
سند بهدوء / شف كيس الادوية وراك خذ من كل نوع حبة ..



ـــــــــــ



بيت ابو طلال ..

الجازي متوترة ومرتبكه .. مريم منتبه لها من الصباح .. قربت منها وبهمس / الجازي .. انتي طيبه ؟ ..
الجازي تشتت نظرها بالصالة .. اماني تسولف مع نوال عن المدرسة .. وريان وسيف مع ابوهم ..
وطلال بشقته مع مرام وبنتهم .. الجازي بهمس / انا .. انا تعبانه .. شاك .. يعني .. ابي المستشفى ..
مريم بخوف واهتمام / عسى خير ..
الجازي خجلانه انها تكذب على مريم .. الي تعتبرها اختها اكثر من انها ضرتها ..
الجازي وهي تفرك باصابعها / خير .. خير .. بس ابيك تروحين معي للمستشفى .. تعرفيني ما احب اروح لحالي ..
مريم ابتسمت / خير ان شاء الله .. العصر نروح المستشفى ..
عبد العزيز اللي من شاف مريم والجازي يتهامسون و وجه الجازي احمر .. عرف انه تتكلم بالسالفه ..
قرب منهم بدون ما يحسون .. وهمس / عسى ماشر .. ليه تبون تروحون المستشفى ..
مريم ابتسمت بهمس / خير ان شاء الله .. بس الجازي بتسوي فحص .. وتبيني اروح معاها ..
عبدالعزيز ابتسم مو علشان الكذبه .. لان مريم ابتسمت .. وبهمس / اهاا طمنوني ..
مريم ابتسمت وهي تقام الحزن اللي بصدرها / ان شاء الله ..
عبدالعزيز ما خفت عليه نبرة الحزن .. وقف وتوجه للمكتب بسكات ...




ـــــــــــــ



بيت ابو سطام ..

شقة رعد ..

دخل شقته وشافه مظلمه .. ودافيه .. واضح ان التكيف مقفل من وقت طويل ..
دخل الصالة وشافها مقفلة اضاءتها بس اناره خفيفة .. سحب شماغه ورتبه ورماه على الكنبة ..
رعد / هيفاء .. هيفاء ..
دخل غرفة النوم وفتح الاضاءة .. وفتح التكيف .. وباستغراب / وين راحت ذي ..
توجه لتسريحة . فتح الكبكات .. وحطهم .. رفع يده بينزل الساعة طاحت عينه على ورقة طايحة على التسريحة ..
رفع الورقة .. وشافها من هيفاء ..


رعد ..
جافه الكلمة ..
احترت ماذا اكتب حبيبي ام عزيزي ..
عزيزي كشركات اتعامل مع احد عملائي ..
ام حبيبي .. لـ من ملك قلبي .. وتوج عليه حاكم من سنين ..
دون انتخابات او استئذان .. بال استحليته .. واقمت عليه نظامك ..
تجبرت وتفننت باصدار قوانينك .. حاولت لفت نظرك باني لا اريد هذا الحكم ..
اطالب بالتغيير السلمي .. ولكنك زدت تجبرا وطغيان ..
فشراييني دمرت .. وكريات الدم هاجرت ..
واصبح جسدي خاوي من الروح ..
ولكن ها انا اخيرا .. ارفع رايه العصيان ..
" اما حياة .. واما ممات " ..

هيفاء ..


جمع الورقة بقبضة يده بقهر .. جلس على كرسي التسريحة .. حط يده على راسه وشد شعره لوراء ..
رعد تنهد بضيق / اما زواج .. والا طلق .. كذا يا هيفاء ..
رمى الورقة بقهر بسلة الزبالة .. وقف وتوجه للحمام " اكرمكم الله " .. تحمم وطلع وهو ينشف شعرة ..
التفت يدور بيجامة له .. تافف بضيق وتوجه لدولاب .. فتح كم واحد يدور بيجامة او اي شي يلبسه ..
تضايق وهو يدور لبس وما لقي .. رعد بضيق / اوووووف وين هالملابس .. واخيرا ..
واخيرا لقي ملابسه لبس وخلاص .. توجه لجواله اللي كان يرن برنات رسائل الواتس ..
فتحها وشاف عيال الفارس يتراسلون راكان يرسل لهم من مكه .. و سند يرسل من المزرعة ..
يرسل صور الخيل والنخل .. ابتسم وهو يشوف صورة ابو محمد وهو يشوف الزرع ..
ابتسم اكثر وهو يشوف طلال يرسل صورة مريم هي على صدرة نايمة .. طلال كل كلامه ورسايلة بالواتس ..
او بالجلسه عن مريم .. وسند عن شوقة ولهفته لجيت المولود .. ابتسم بشوق وهو يشوف صورة الظبي وسلطان ..
رعد بهمس / ما شاء الله تبارك الله .. وحشتوني ..
ضحك وهو يشوف سعود يرسل صورة شيخة .. حس بشعور غريب .. بس بسرعه صد هالشعور ..
و ارسل لسند على الخاص بانهم مطولين بالمزرعة والا راجعين .. وسند بلغه بان بتال تعبان وراح يطولون ..
بس محد يدري بانه تعبان .. ولا يبلغ احد .. رعد توجه لغرفة الملابس .. وغير ملابسة ..
ومثل قبل تعب وهو يدور ملابس له .. لمن خرج كان وقت صلاة العصر .. صلى بالمسجد وتوجه للمزرعة بسرعة ..




ــــــــــــــ



بمكة ..

على طريق جدة ..



راكان من شاف صورة شيخة وهو قلبه يدق لها .. اشتاق لها ..
ساره خلف راكان .. تطالعه باستغراب / راكان ايش فيك سكتت ..
راكان بغموض / ولا شي ..
زياد طالع اخوه ورجع يطالع الطريق / ......
العنود ترضع الظبي .. ساره التفتت عليها / الظبي هاديه غير عن سلطان ..
العنود / اذكري الله ..
ساره / ما شاء الله .. لا تخافين عيني باردة ..
العنود بدون لا تنتبه وهي مشغوله ببنتها / العين حق .. وبعدين البنت دائما غير الولد .. بكل شي حتى بالولادة ..
ساره بخجل حمر وجهها صدت وطالعه الطريق من جهتها / ...........
راكان فجاه / هههههههههههههههههههههههههههههههه
زياد حط يده على فمه يكتم ضحكة وخجله / ............
العنود رفعت راسها باستغراب / ايش فيك ..
راكان / ههههههههههههههههههههههههه هههههههههههههههه..
العنود ابتسمت / بسم الله الرحمن الرحيم ..
راكان / هههههههه ايش قلتي هههههه ايش قلتي قبل شوي ..
العنود بصدق / اممم ما اذكر زين .. " وهي تحاول تتذكر " .. العين حق واا " تذكرت ايش قالت والتفتت على ساره " ..
العنود بخجل / ههههههههه .. وانت ما صدقت ..
راكان / ههههههههههههههههههههههههههههههههه " وهو يطالع ساره بالمراية اللي قباله " ..



ــــــــــــــــ



بيت ابو طلال ..

مريم والجازي لبسين العباية ونازلين من الدرج ..
سيف كان بالسيارة ينتظرهم ..
ركبت مريم قدام والجازي وراء .. توه سيف بيحرك الا ابوة يطق زجاج السيارة ..
سيف يفتح الزجاج / هلا يبه ..
ابو طلال بحدة / تاخذ حرييمي وتقول هلا . انزل انزل ..
سيف ابتسم وهو يفتح باب السيارة / هههه تفضل حضرة السلطان سليمان ..
ابو طلال / الا انا احسن منه " ركب وحرك سيارته " ..
مريم بهدوء / لو قلت لنا انك انت اللي ودك تودينا كان نزلت انا ورحت انت والجازي ..
عبدالعزيز " مو علشان كذا انا ماقلت " .. / انا بعد ابي المستشفى .. عندي شغله وابي اقضيها ..
مريم باهتمام / خير ان شاء الله ..
ابو طلال وهو يلتفت يساره ويلف يمين .. / خير ..


بعد ما وصلوا للمستشفى ..


ابو طلال عند المختبر / تحليل لنا كلنا ..
مريم التفت عليه .. / بس انا ما فيني شي .. الحمد لله ..
ابو طلال / ولا انا .. الحمد لله .. بس الحرص واجب ..
ابو طلال مكلم الدكتورة الخاصة بمريم من قبل .. ومبلغها بالفحوصات ..
الممرضة اخذت الجازي ومريم ودخلتهم قسم مختبر النساء ..
وابو طلال دخل مع الممرض قسم تحاليل الرجال ..




ــــــــــــ

بالمزرعة .. بعد ما وصل رعد ..
رعد يتكلم ومع سند ..
وبتال ماسك جوال سند وييطالع صورة سلطان والظبي .. جوال سند ممتلي منهم ..
بتال مو قادر يتمالك دقات قلبه .. يطالع الظبي ويشوفها شبه امها بس الفرق انها ملامحها بريئة .. اما العنود حادة ..
طالع بالعيون والانف والمبسم .. حس بنار بصدرة .. / كح كح كككككحححححححح ..
سند التفت عليه .. تقدم منه .. وحط يديه على جبهة بتال شاف الحراره رجعت وواضح انها اقوى ..
التفت لرعد / حرارته مرتفعه مره ..
رعد وهو يتقدم لهم / لزم ناخذه للمستشفى ..
بتال وصوته يرجف / لالا .. ما ابي مستشفى .. " ضم الـ اي فون لصدره " .. ليه رجعت .. لو بقيت بعيد ..
الحين ايش اللي بيحميه مني .. اذبحه .. متعب بالخبر .. تشوفه .. كح كح .. اكيد راح تحبه .. تحب عبدالله ..
راح اذبحهم .. لا تفكر انها تتزوجه .. كحححححح كححححححححححح ..
رعد باستغراب / هذا ايش يقول ..
سند وهو يقرب منه ويلف يده من تحت يد بتال ويثبتها من وراء كتف بتال / هذا يهذي ..
تعال ساعدني ناخذة للمستوصف القريب .. يعطونه ابرة تخفض هالحرارة ..
رعد يتقدم ويساعد سند ويحمله ../ لالا .. خلنا ناخذه على المستشفى .. هذا ما يبي له مستوصف ..
ابو محمد اللي شافهم من بعيد وجاهم وهو يجري / لا اله الا الله .. تعب زيادة ..
سند / ايه .. افتح الباب ياعم .. " يقصد باب السيارة " ..
ابو محمد يفتح الباب ويبتعد عنه .. نيمه سند على المقعد الخلفي .. وبتال يون ويهذي ..
سند ركب السيارة وطلع من المزرعة .. ورعد ركب سيارته ولحقة ..




ــــــــــــــــ




جدة ..


بيت منار ..


راكان جلس قبال منار على الكرسي .. والعنود جالسه بجنب منار على السرير ..
وساره تدور بالبيت .. زياد جالس على كرسي جنب راكان ..


العنود حاضنه منار من الجنب وبحنان / خلاص .. خلاص منور ..
راكان بهدوء / منار .. اذا بتقعدين تبكين ربع ساعة ثانية بنمشي .. تراك طفشتينا ..
منار تبعد عن حضن العنود وهي تمسح دموعه .. وبنبرة حجازية / لا لا خلاص .. بس وحشتوني مرررره ..
راكان رفع حاجب ويطالعها بضحكة / .............
ساره وهي تطالع بيت منار / منور ما شاء الله بيتك روعه ..
منار / ايوه هدا زوقوه لفتو اختو لعومر .. " ايوه هذا ذوق فتو اخت عمر " ..
راكان / هههههههههههههههههههههههههههههههههههههههههههههههههه هههه
زياد يطالع منار باستغراب مع ضحكة / .................
منار باستغراب / واي ايشبك ياراكان ..
العنود غطت وجهه بيدينها وتضحك بقوة ..
زياد / هههههههههه منار ايش فيه لسانك انقلب ..
راكان وهو يضحك ياشر بيده / هههههههه لالا ههههههههههه منار ههههه ااااااه يابطني .. فضيعه .. ههههههههه ..
ساره باعجاب / لا والله منور كلامك مره حلوة .. قولي كمان قولي ..
منار ابتسمت وبعبط / ايش اقول .. واخوانك ايشبهم استخفوا ..
راكان والعنود / ههههههههههههههههههههههههه ..
العنود / ههههههه بدات شوي شوي ترجع هههههه ..
راكان يوقف وياخذ نفس / ااااااااه منار والله ان ما عدلتي لسانك على كلامنا لاصكك بكف ..
منار رجعت لطبيعتها / ياربي منك ياركين ابد مايمشي معك الدلع .. ما ادري سمر كيف متحملتك الله يعينها ..
العنود ابتسمت وبنبرة مقصودة / وهو قدر ..
منار التفتت عليها / ايش تقصدين ..
العنود غمزت بعينها .. راكان انتبه لهم .. رفع حاجب وبنبرة تهديد / اقول انتي وياها بلا نغزات مالها داعي ..
منار تغمز لها / اهااااا .. " و كانها تذكرت شي مهم " .. ايه صح خالتي شريفة وعبدالله ماتوا ..
العنود عقدت حواجبها / عبدالله .. " هزت اكتافها " .. ما ادري الحين عرفت ..
منار بهدوء / انا اكلم خالتي خديجة وخالتي خلود كل يومين او ثلاث .. وهي اليوم قالت لي ان عبدالله وشريفة ماتوا ..
بلغهم ابو عبدالله .. قال انهم ماتوا بحادث سيارة .. واخذ مها وحنان عنده .. الا ما دريتي ..
العنود فتحت عيونها للاخير .. وراكان بسخريه / لا اله الا الله .. شغاله بأخبار يقولون حضرتك ..
منار صد عنه .. وتكمل بفرحة / خالتي خديجة حامل .. وخلود بعد .. الفرق بينهم شهر ..
العنود بفرحة / حلفي ..
منار بفرحة / والله .. " تغير وجهها وبضيق " .. بس خديجة .. زوجها طلع متزوج عليها وحدة سورية من سنين ..
ومخلف عيال وبنات .. خالتي خديجة زعلت وتضايقت .. وبعدين رضيت .. لان زوجها يحبها موت ..
العنود بضيق / ......................
راكان بضيق / والله ما يلام الرجال .. متزوج من سنين وزوجته ما حملت ولا هو عارف السبب ..
فيبي يلحق على عمرة ويخلف خاصة انه هو مو صغير كبير .. وخالتي بعد كبيرة ..
منار بزعل / لا والله .. طيب يقول لها انه متزوج مو بسكاتي .. " وبحماس " .. ايه هو مو بس خباه عن خالتي ..
لا حتى اهله .. وامه زعلت وجدته صارت تدعي عليه .. وقاطعوه فتره .. وخالتي هي اللي صالحتهم مع بعض ..
زياد بهدوء / خالتي خديجة طيبه ..
راكان هز راسه / صح .. " وباستغراب " .. بس كان فيها شي غريب .. غباء او فهاوة ..
خاصه بعد وفاة جدتي .. مره رايحة مع شريفة وهي اللي كانت قبل تعارضها بكل شي ..
العنود بداخله " لانها كانت مسحورة .. ولقيت سحرها في بيت خالة شريزه حتى خلود ما خلتها في حالها ..
الحمد لله اللي الله شافاهم .. " ابتسمت " .. والله يسعدهم باقي حياتهم " ..
راكان يهزها من كتفها / هييييييييي وين رحتي ..
العنود انتبهت بهدوء / هممم سرحت شوي .. خير ..
راكان / يالله مشينا ..
منار برجاء / العنود الله يخليك اقعدوا شوي .. على الاقل لين يصحون عيالك ابي اشوفهم زين ..
العنود بمحبة / خلاص حبيبتي اللي قعدناه يكفي .. وبعد ما نبي نكلف على زوجك ..
سارة بحماس / راكان ابيك توديني منتجع الشلال ..
منار فتحت عيونها للاخير ../ بتروحون تتمشون ..
راكان وهو يحط يده بجيب بنطلونه الاسود .. واليد الثانية يقلب بها الجوال / ايه .. " غمز لها " .. يالله ..
منار تحرك نفسها ../ يالله ..
العنود تهديها / بنت شوي شوي .. و وين يالله .. وظهرك ..
منار بعناد / ابي اروح معاكم .. اختنقت من البيت .. والحركة عندي العربية اتحرك عليها ..
راكان حن عليها / طيب طيب شوي شوي .. خلاص نروح لشلال .. " التفت لساره " ..
انتي تلعبين وزياد معاك وانا اقعد مع منار والعنود والعيال .. بس ما نبي نطول فيها ..
ساره تهز راسها / طيب طيب .. بس خلينا ندخل .. ويصير خير ..
راكان فهم عليها وبصرامه / اهاااا يصير خير .. اجل مافي شلال .. نروح لـ الكورنيش لفه ..
" وهو ياشر بيدة على حركة دوران " ... وبعدين نروح لمطعم ونرجع منار ونرجع لمكه ..
ساره بصدمه / لالالالالالا ..
راكان بحزم / خلاص هذا اخر الكلام .. وبعدين انتي تلعبين واحنا ايش نسوي ..
ساره بدمع / راكااااااان ..
راكان بحدة / بنت ..
العنود لبست منار العبايه وهي تجلس منار على الكرسي .. التفتت لراكان / خلاص ..
.. " التفتت لساره " .. ساره .." واعطتها نظره يعني علشان منار " ..
منار تنهدت بتعب / اااه .. كذا تمام .. خلاص انا البس الطرحة .. " الشيلة " ..
العنود ماسكه الملثم .. بعد مالبست منار طرحتها ولبست الملثم .. / خلاص انا جاهزة ..
العنود تطالع بعباية منار السوداء والواسعة والشيلة العريضة ومافيه ولا لمعه والملثم الساتر .. ابتسمت بفرح ..
زياد / وزوجك ما تبلغينه ..
راكان ابتسم / انا ارسلت عليه اني راح اخطف اختي .. وهو قال خذها ولا ترجعها ابي اتزوج وحدة سليمه ..
منار قرصة عيونها / هو قال كذا .. طيب والله لينام الليلة بالفندق ..
راكان / ههههههههههههههههههه .. " وهو يعطيها الجوال " .. والله مانتي بهينه ..
الرجال مرعوب .. قاعد يترجاني ما قولك كلام يزعلك عليه ..
منار ابتسمت / فديتووو حبيبي ..
راكان / يالله يالله بلا دلع وغزل كذاب تاخرنا الحين تزدحم الشوارع ..




ـــــــــــــــ



بالمستشفى ..

سند يتكلم مع الدكتور / لا حول ولا قوة الا بالله .. والله فكرنا انها حرارة عادية ..
الدكتور / لا .. يبدوا ان الحرارة كانت داخليه من قبل .. لذالك الالتهاب حاد بصدرة .. ومتكوم البلغم بصدر ..
رعد / كم يوم راح يقعد بالمستشفى ..
الدكتور / الان معلقين فيه مضاد مع المغذي وان شاء الله يستجيب للعلاج وماراح يطول يومين او ثلاث ..
سند يمسح وجهه / خير ان شاء الله .. شكرا دكتور ..
الدكتور / العفو ..
راح الدكتور يكمل شغله .. سند رفع جواله .. / انا راح ابلغ خالي سلطان ..
رعد / لا تفجعه .. ترا سلطان يخرف على بتال ..
سند ابتسم / على عياله كلهم بس بتال اكثر .. " رفع الـ اي فون لذنه " .. الو .. السلام عليكم ..
كيف حالك ياخال .. بخير .. " فتح عيونه للاخير وبدهشه .. ابتسم " .. لا والله انه بخير ..
بس بتال ارتفعت حرارته شوي .. لالا ابد بخير .. بس الظاهر تروش وطلع للهواء وانت عارف الجو بدا يبرد ..
والمزرعة بزيادة .. هو الحين بالمستشفى *** .. يعطونه مضاد ويسون له شويت تحاليل .. على خير ..
" انهاء المكالمة والتفت على رعد .. وبستغراب " .. تصدق انه كان حاس .. على طول قالي بتال فيه شي ..
رعد / ههههههه ما قلت لك مخرف على بتال ..
سند يدخل جواله بجيبه ويتوجه لباب الغرفة / الله يخليه له ..
دخل الغرفة وشاف بتال نايم .. شاف المغذي وشاف بجنبة كيس المضاد .. / الله يشافيه ويخليه لعياله ..




ـــــــــــــ




يوم جديد ..


بيت ابو سند ..


في مجلس الرجال ..


فهد / معاها حق .. الحرمة لها سنه وهي في بيت اهلها وانت ما سالت عنها ولا عن بناتك تبيها ترجع لك بسهوله ..
راشد / اذا هي ما تبي ترجع فـ بكيفها .. اما بناتي يرجعون للبيت .. البيت صار فيه شباب .. وانا خايف على بناتي ..
فهد بسخرية / لا والله .. " وبجدية " .. توك تنتبه لهم .. وطول ماهم في بيت ابوسطام ماعليهم خوف ..
" فهد وقف " .. وانت يوم تسافر وتروح وتجي ما سالت عنهم و مأمن عليهم .. والحين تقول فيه وما فيه ..
" توجه لببابب المجلس ياخذ صينية الشاي من الشغالة " ..
خالد بهمس / اذا بتخاف على بناتك خاف من نفسك انت .. ونزل عيونك عن الشغالة لا ينتبه لك فهد ..
راشد عيونه اكلت الشغالة اكل .. صد عن الباب ورفع حاجبه مو عاجبه كلام راشد ..
فهد يحط الصينية على الطاولة .. راشد وقف / خلك يا اخوي انا اصب ..
فهد / والله يا هالعيال ما ادري وين راحوا ..
خالد / راحوا يزورون بتال يقولون تعبان ومتنوم بالمستشفى ..
فهد وهو ياخذ الفنجان من يد خالد / عزك الله يا ابو خالد .. اجل خلنا نتقهوا ونسير عليه ..
راشد / انا مو رايح " وقف " .. عندي شغل ..
فهد بسخرية / الله يا هالشغل اللي مقطع وقتك تقطع ..
راشد بضيق / مع السلامه .. "وطلع من مجلس ابو سند " ..
فهد بضيق / اخوك حاس انه بيجيب لنا مصيبة الله يكفينا شر غيباته ..
خالد بهمس خافت / ولو تدري ايش كان يسوي ..
فهد ينزل الفنجان / هاا ايش قلت ..
خالد / سلمتك .. بس ادعي له بالهداية ..
فهد يتنهد / الله يهديه ويصلحه .. اخوك من يوم تقاعد وهو " يهز راسه " متغير .. الفراغ خراب .. نبي نشغله بالشركة ..
خالد بسخرية / هو مراهق علشان يخرب .. لا والله " ابتسم " .. الا قول يبي له طقه على الراس كود يعقل ..
فهد / ههههه .. انت ماسمعت مراهقة المتاخرين .. كود انها صايبة اخوك ..
خالد بسخرية / ياليت ..
فهد / هااا .. انت ايش بلاك اليوم تتكلم وما افهمك ايش تقول ..
خالد / ولا شي ولاشي .. " يوقف " .. هيا مشينا نزور بتال ..
فهد يوقف / انتظر هنيا .. خلني اجيب شماغي من داخل ..



ــــــــــــــــ



بيت ابو طلال ..


بالصالة ..

الكل موجود ..

ابو طلال بابتسامة / ليه شايفني شيبت ..
طلال يبتسم / لا يبه .. ههههه الله يعطيك العافية ..
نوال معصبة من جوالها سعود بس يتصل ويرسل رسايل تهديد .. رمت جوالها على الكنبة بقهر ..
سيف التفت عليها / ايش فيك ..
نوال بعصبية / هذا ولد عمك صدع براسي ..
الجازي اللي معصبة من نفسها .. كذبت على مريم على انها شاكة وطلع صدق حامل .. توه حملها 3 اسابيع ..
التفتت عليها .. وبحدة / ردي عليه وخلصي نفسك ..
مريم ابتسمت .. وبهدوء / نوال ليه ما تبين تردين عليه ؟
عبدالعزيز بتحذير ممزوج بحزم / اصحك .. ولو تضطرين لتغير رقمك .. خله يتادب ..
نوال بقهر / يبه هذي ثالث مرة اغير الرقم وهو ياخذه من سمر ..
ريان يلعب بالاي بود وهو معصب .. فجأة رماه بقوة على الارض ..
الكل التفت عليه مستغرب ... الجازي بعصبية / ريان وجع .. ايش سويت ..
ريان تفاجا من صراخ امه ليه .. وانفجر صياح ..
الكل يطالعها باستغراب .. وقفت مريم وتوجت له وبحنان حضنته ومسح على ظهرة / خلاص حبيبي تزعل ..
اماني بسخرية / الله يادلع .. كله ذت غيرة علشان البيبي الجديد ..
ابو طلال فهم سر غضبة وزعله وقف وتوجه له بعد مريم عنه وحملة بين يدينه ورجع لمكانه ..
ابوطلال بحنان / افا افا افا الشيخ يزعل .. رياني يزعل .. وبعدين حتى لو جاء البيبي معاه بيجي بيبي طلال ومريومه ..
يعني بيسون رجه وانا ما احب الرجة .. ريوني حبيبي عاقل وكبير هو الي احبه .. ويروح معايه لزيارة الرجال ..
ريان يشهق بحضن ابوة / لا .. لا انت ماراح تحبني وبعدين ترمين عند الشارع وراوح عند الشحاديييييييييييين ..
الكل فتح عيونه للاخير مستغربين من الكلام .. طلال رفع عينه وشاف اماني تتسحب وتطلع الجري بسرعة ..
ابو طلال يكتم ضحكته .. ويمثل الجدية / انا لو ابي ارمي احد بالشارع ارمي المرجوجة اماني ..
" سحب منديل ومسح دموع ريان .. وقبله على خدة .. وبهدوء " .. انت كبير ورجال .. والرجال ما يبكي ..
ويالله روح غير ملابسك علشان نروح نزور بتال في المستشفى والا ما تبي .. " ونزل ريان عن حضنه " ..
ريان ينقز بفرح / الا الا ابي اروح .. " وتوجه لغرفته يغير ملابسه " ..
الكل ابتسم على حركته .. ابو طلال / هالاماني يبيلها مصعت اذن ..
نوال بضيق / يبببببببه فكني من ولد اخوك .. " وهي تمد جوالها " ..
ابو طلال يفتح الخط / ..................
سعود ماصدق / ما بغيتي واخيرا .. يعني حارمتني من الشوفه وحارمتني من الاتصال .. انتي من اي عصر ..
ومن اي نوع .. خبري البنات يموتون بذا السوالف لكن انتي عوبه عووووووووووبه ..
ابوطلال ينعم صوته / وانت مهبول مهببببببببببول ..
سعود / ...................
الكل يحاول يكتم ضحكته .. ابو طلال بجدية / سعودوة ان اتصلت مرة ثانية على بنتي ليتأجل زواجكم سنتين ..
سعود بارتباك / ااا لالا اا .. بس ياعمي ماترد عليها ولا تبيني ازورها ..
ابو طلال / ادفع المهر وجيب البيت والسيارة والخدامة والسواق وبعدين كلمها ماحد بيمنعك ..
سعود بضجر / طيب لو مرة وحدة بالاسبوع ..
ابو طلال / ولا دقيقة .. ويالله مع السلامة .. والحين جايك في المستشفى راح اكسر راسك .. " وانهاء المكالمة " ..
الكل / ههههههههههههههههه
نوال بفرحة / احسسسسن .. " ومسكت جواله واعطت الموجز الاخباري لـ ابرار .. والنشرة بعد قليل في بيت جدها " ..




ــــــــــــــــــ




بالمستشفى ..


ابوسطام وهو يميل على بتال ويهمس له بسخرية / ما تهواها .. " وهو يقلدة بهذيانه " .. العنود العنود ..
سند اللي كان واقف قريب من جده وبتال / ههههههههههه
بتال صد بغيض / ................
ابو سطام / ههههه يا ولد قل قلبك يهواها ..
بتال ببحه / لا .. وبداخله " مدري كيف هويتها .. بلا موعد وبلا استئذان .. فجاة امتلكت كل خلية فيني " ..
ابو سطام بسخرية / الله يعوض عليك ..
بتال التفت عليه بستغراب وهو عاقد حواجبة / .............
ابو سطام وهو مازال على نفس وضعه / اقولك تبي ترجعها لك ..
بتال / لا " وهو يصد ويطالع السقف " ..
ابو سطام يرفع راسه لسقف .. وبسخرية / من تشوف فوق .. " رجع لبتال وبهمس " .. عنود الصيد ..
بتال بغيض / ...................
ابو سطام بهمس / اسمع يا ولد .. انت اللي ابعدت العنود عنك ... وانت اللي ترجعها .. انا ما ابي اغصبها واخسرها ..
هذي ريحة سطام .. وانت الي غرست يدك بالشوك .. والحين طلع شوكك بالحالك ..
" وقف .. وبصوت عالي " .. الله يشافيك ويعافيك .. ويحقق امناك ..
بتال تنهد بصوت مسموع .. سند التفت عليه وصد عنه .. ابو سند طلع ورا عمه وابو عناد بعد ..
ابو طلال / الا كيف زادت عليك الالتهاب لدرجة ذي ..
ابو بتال / قبل لا يروح للمزرعه كان يحس بتعب .. وكان يبلع بالبندول ولا راح للمستشفى ..
وبعدها بيومين زادت عليه بالحيل وطاح على ابو محمد واتصل على سند .. وسند جب له مضاد وعلاج من الصيدليه ..
يحسبها صخنه عاديه .. وهي خبيثة قاعدة بصدرة .. والهبته له .. الحمد لله وصلت لها الحد ولا زادت ..
ابو طلال / اي والله الحمد لله .. " التفت يمين ويسار " .. الا وين رعد وغيث ..
عناد يرفع راسه من الجوال / نزلوا تحت الكفي .. " ورجع راسه للجوال " ..
ابو بتال / انت ما تقول ايش عندك فالجوال ..
عناد رفع راسه وبحماس / هذا راكان يرسل عليه صور من الشفاء يقول برد ومطر والله الصور تشوق الواحد لروحة ..
بتال ركز كل حواسة مع عناد .. ابو بتال / قله ينتبه من البرد على الصغار ..
عناد بعفوية / يقول ام سلطان ما خلتهم .. نزلتهم للهدا .. يقول برادها اشوا .. اخف شوي ..
ابو بتال / الصغار ما يتحملون البرد ضعيفين .. " ابتسم " .. والله اني اشتقت لهم ..
بتال رجع راسه للخلف وغمض عيونه وتنهد وبهمس خافت جدا / وانا اشتقت ..
سند ابتسم ومال عليه وبخبث / للعيال والا امهم ..
بتال وهو مغمض عيونه / هشششششششش
دقائق وسمع صوت انتظام انفاسه وعرف الكل انه نام .. فطلع الكل معدا عناد اللي راح ينام عنده ..




ـــــــــ


بيت ابو سطام ..

جناح بنات مياسة ..

نوال / وين هيفاء ؟ ..
ريهام / هيفاء من امس في بيت اهلها ..
ابرار / زياره ؟ ..
رنا / لا .. اتوقع انه زعل .. لان خالي رعد من امس ما رجع للبيت .. وصقر يقول نام معاه بالاستراحة ..
مرام متفاجأه / لاااا ..
ريهام / وريما تقول شكلها يا تعبانه يا زعلانه ..
رنيم ترفع جوالها .. / محد اتصل عليها ..
الكل / لا ..
رنيم تتصل وتفتح الصوت .. البنات سمع الرنين وسكتوا .. " وبصوت هادي " .. / الو ..
البنات / سلاااااااااام ..
هيفاء / هههههه هلا وعليكم السلام ..
رنيم / كيفك ..
هيفاء / بخير ..
نوال تغمز للبنات / وحشتيناااااا..
هيفاء بتعب / وانتم اكثر ..
ابرار / فوفو مطوله ..
هيفاء / اممم .. انا تعبانه الحين لمن اتشافى ان شاء الله ارجع ..
نوال بنبرة مقصودة / اقول فوفو ليكون سويتي سوات امي غرتي من مرام ووواااااا .. هاااا ..
هيفاء باستغراب / نعم .. نوال ما فهمتك .. ايش اللي سوته امك ومرام ..
نوال بضحكه / اوووووووووه انتي مو داريه عن العالم .. امي حامل ومرام حامل ..
هيفاء ببرود / اممم ما شاء الله الله يتممه على خير ويقومهم بالسلامة ..
الكل / امييييييين ..
نوال / وانتي ..
نوال ببرود / لا لا راح فكرك لبعيد .. بس انا تعبانه شوي شكله برد زي ولد اختي فحبيت ارتاح عند امي ..
البنات صدقوا / اهاااااااا ..
رنيم / يالله فوفو .. اصلنا علشان نطمن عليك ويبدو ازعجناك ..
هيفاء / لالا ابدا بلعكس فرحتوني ..
رنيم / حبيبتي .. فمان الله ..
هيفاء / فحفظ الرحمن ..
انهت رنيم المكالمة .. التفتت للبنات / الحرمة تعبانه شوي وتبي ترتاح بس ..
رنا / لا .. ريما تقول انه زعلانه .. وامي قالت لجدتي .. وخالتي ام عزام كذلك قالت لجدتي ..
وخالي رعد ما رجع ولا فتح جواله .. السالفه كبيرة .. الله يستر ..
البنات يطالعون بعضهم باستغراب .. رنيم توقف / الله يستر على خلقه .. المهم تطمن عليها ..
انا رايحة عند جدتي .. اللي تبي تروحي معاي تمشي .. " البنات كلهم وقفوا .. ولحقوها .." ..




ـــــــــــــــــ



بالطائف ..

راكان وقف قبال السوبر ماركت ونزل وزياد توجه لمحل التميس .. كان المطر يرش خفيف ..
ساره بضيق / واي ما ابي ارجع ..
العنود بحزم / بنت .. تعوذي من الشيطان .. وقولي يارب ترجعنا بالسلامة ..
ساره تنهدت وصدت تطالع الناس اللي برا .. عقدت حواجبها وهي تشوف راكان واقف مع واحد برا الماركت ..
مسحت الزجاج .. / العنود شوفي شوفي .. " العنود التفتت عليها .. ساره تاشر على جهة راكان " .. من ذا ..
العنود تعبانه من العادة والم ظهرها وبحدة / واحد قالك ان انا سجل الاحوال المدنية .. لرجع راكان اساليه ..
ساره عقدة حواجبه وسكتت .. العنود بحدة / بنت خلاص عيب .. الرجال الحين ينتبه عليك ..
ساره / لالا السيارة مضلله .. يعني ماراح يشوفني ..
العنود بحدة ومن بين اسنانه / سوير .. بلا قلة ادب .. والحياء من الله مو من خلقه .. ابعدي عن الزجاج والا ..
ساره من سمعت نبرة التهديد بعدت عن الزجاج بضيق .. / اوووف ما تشوفين ما تلعبين بس خليك دادا لظبي .. اوووف..
العنود رجعت راسها لورا بتعب وغمضت عيونها .. وسلطان نايم بحضنها ..
رجع زياد وراكان لسيارة وحركوا راجعين للمنتجع اللي حجزين فيه ..




ــــــــــــــ



بالكوفي ..




غيث ينزل كاس العصير بهدوء / يعني ..؟!!
رعد وهو يحرك السكر بكوب الكابتشينو وبهدوء يخلطه توتر / خليها ترتاح الحين وتفكر .. وبعدين نتكلم ..
غيث بجدية وهو يطالع كاسه / اسمع يا رعد .. انا اكثر واحد يعرف اللي بينك وبين عبير .. " سكت لثواني " ..
انت ما تحبها .. " رفع راسه وشاف رعد يطالعه بغضب " .. انت حتى ملامح وجهه ماتذكرها ..
اذكر عرسك زين .. واذكر ايش صار فيه .. " قرب لرعد وببهمس " .. ومتاكد ان عبير الله يرحمها عذرا ..
انت ما لمستها .. " وهو يهز راسه " .. ولا شفتها .. كانت خجوله .. ومتوتره .. وتعبت هذيك الليلة حيل ..
ونامت بحضن امها زوجة عمي الله يرحمهم .. واليوم الثاني الظهر لمن وصل العلم لابوي وعمي ..
راحوا للفندق اللي انت حاجز فيه .. ودخلوا على عمتي وعبير .. وضربوهم ضرب كسروهم فيه ..
" رعد حمر وجه قهر وغضب " .. " وغيث يتكلم بطريقة استفزته " ..
غيث / انا ما وصلت الا متاخر .. وانت ما عرفت كنت نايم بجناح ثاني .. ولمن صحيت على صوت ..
كان عمي واقف على باب جناحك يدق وهو بقمة الغضب .. رماها عند رجليك .. واعطك كم كلمه اجرحتك ..
اخذتها وبعدين توجهت للمطار .. وقت طيارتك .. طلعت والغضب والقهر بصدرك .. اسرعت بالسيارة ..
وكانت تصيح بخوف ورعب .. وتدعي .. " سكت وهو يشوف نظرات رعد تتغير لندم .." ..
رعد بغصة وهو يطالع الكوب / قتلتها .. لو ما ترجيت امها تنام عندها او ترجع بنتهم معاهم ما صار اللي صار ..
انا السبب .. انا .. وعصبت من كلام ابوها الجارح برجولتي .. " هز راسه وهو يقيض يده بقهر " .. ايه مو رجال ..
لو رجال كان احتويت خوفها .. لو رجال كان حميتها .. انا السبب .. كنت اصارخ عليها وادعي ..
" سد اذانه بيدينه " .. للحين اسمع صوت صراخها ودعائها وانينها .. للحين دعوات ابوها براسي ..
لو ما اسرعت بالسيارة ماصار الحادث ولو ما تركت الطب كان ممكن اساعدها .. بس .. " هز راسه " .. ما عاد يفيد ..
غيث بهدوء / انت تحتاج دكتور نفساني ..
رعد ابتسم بالم / رحت .. تفكر سنين اللي برا كنت العب .. بس ماكنت اطول واهرب منه ..
" صد عن غيث وبالم " .. سطام ياما حوال فيني .. بس بعدين تركني .. يمكن مل مني وتعب ..
" تنهد بضيق " .. ويمكن يئس .. الله يرحمه ..
غيث بهدوء / الله يرحمه .. بس ما يصير الحال اللي انت فيه .. راح اكلمك كا صديق مو اخو هيفاء ..
لا تخسر هيفاء .. صدقني ان خسرتها راح تندم مثل ما انت الحين ندمان ..
رعد هز راسه / ..............
غيث تنهد بضيق .. وقف واخذ محفظتها ومفاتيحه وجواله / اذا ودك تقول شي .. انا موجود .. فمان الله ..
رعد هز راسه وبضيق / فحفظ الرحمن ..




ـــــــــــــــــــ



بالطايف ..


العنود جالسة على كرسي بحوش الفلة اللي مستاجرينها بمنتجع .. الجوال بيدها تقلب الصور ..
وقفت عند صورة نايف .. طالعتها بشوق وخوف .. ضمت الاي فون لصدرها وكانها تبي تطمن قلبها ..


اذا انت تنام في الغربه
ومتهني في منامك
انا ليلي ما انامه
فمان الله يا مسافر
عسى الله يسمح ادروبك
وترجع بالسلامه
اذا بتطول الغربه
امانه لا تقاطعنا
ودوم ابعث سلامه
فمان الله يا مسافر
معاك ايام عشناها
لها بقلوبنا ذكرى
ولها شوق وهيامه
فمان الله يا مسافر
اذا انت تنام في الغربه
ومتهني في منامك
انا ليلي ما انامه
فمان الله يا مسافر
انا بيني وبين نفسي
اطلب من الله وادعي
يردك بالسلامه
فمان الله يا مسافر ..


تنهد بضيق وبهمس خافت / فمان الله .. استودعتك الله يا الغالي .. " حست بيد على كتفها " ..
راكان يجلس جنبها وحضنها من الجنب .. طالعها بحنان .. وبهدوء / اقلقك غيابه ..
العنود تطالع بالورد اللي قبالها .. بضيق / وانت ما اقلقك ؟
راكان بهدوء وهو يطالع مكان ما تطالع العنود / قبل يومين كلمت عزام ابو رفيف ..
كان يشتغل بسفارة ببريطانيا .. و له معارف هناك .. قال يسال عنه وعن ماجد وبعد كم يوم ويرد عليها ..
العنود ابتعدت عنه و التفتت عليه .. وباهتمام / اتصل .. رد عليك ..
راكان هز راسه / لا للحين .. " التفت عليها " .. وبعدين توني مكلم الرجال ..
العنود حطت راسها على كتف اخوها .. تنهدت بتعب وغمضت عيونها / ..............
راكان حضنها .. وبهدوء / ارمي حمولك عليه وانا عضيدك ..
العنود ابتسمت وهي مغمضه عيونها .. وبخبث / متاكد
راكان انشد جسمه اللي بدا يتعافى شوي من اهتمام العنود والاكل اللي تسوية .. وبحزم / افااا وانا ابو شيخه ..
العنود ضحكت وهي تبتعد عنه .. وبخبث / والنعم بولد شيخة ابو الشيخة ..
راكان ابتسم بالم ونزل راسها .. وبضيق / تكفين يا اخت نايف لا تزيدينها ..
العنود رجعت راسها على كتفه .. وبعتب / اوجعتنا بصدك يا راكان اوجعتنا حيل ..
راكان بالم / ................
العنود رفعت راسها وحضنت ذراع راكان .. فتحت شعرها ورجعت رمت راسها على كتف راكان ..
العنود بعد صمت لدقايق .. بهدوء / ايش تبي اقول ..
راكان بهدوء / كل شي ..
العنود ابتسمت .. وبنبرة مقصودة ممزوجه بخبث ودلع / كللللللللللل شي .. الله يا كبرها يا راكان ..
راكان يهز كتفه .. وبنبرة حازمه مازحة / ما كانك مستخفه فيني ..
العنود بنبرة جادة هادئة / قصدك مو مأمنه فيك ..
راكان نفضها عنه .. وبحدة / العنود ..
العنود ابتعدت عنه قليل .. رفعت حاجب / ليش زعلت .. انا ما قلت الصدق ؟!!..
راكان صد عنها .. وبضيق / كان زمان .. بس الحين كل شي تغير ..
العنود رفعت حاجب وبسخرية / زماااااااااان .. لالا حبيبي .. انت بس غيرت الوجهه علـ....
راكان قاطعها / اذا قصدك سمر فهذا شي ثاني .. هي لزم تتعاقب ..
العنود باهتمام / ليش ..
راكان تنهد بضيق / بعدين اقلك .. الحين قولي لي عندك .. وايش مخبيته عني ..
العنود بهدوء / اماا طيب ..
راكان يطالعها بفضول عارف ومتاكد ان اخته مخبيه اشياء كبيرة هي شبيهة الظبي والظبي قوية قوتها تخوفه ..
العنود بغموض وهدوء / انا السبب في خسارة شركة السعد ..
راكان بصدمة واستغراب / .................
العنود التفتت عليه .. وبهدوء / تفأجات والا استغربت ..
" طالعت بعيونه وبقوة رجف منها راكان من داخله " .. اكيد تسال ليه .. لان ابوي والظبي اللي طلبوا هالشي ..
راكان باستغراب وقهر / وليه ..؟ .. مو .. مو هم اللي طلبوني واعطوني الصلاحيات الكاملة والتصرف بكل الامور ..
ليه .. ليه يحاربوني بهذا الشكل .. ليه اتعبوني بذا الطريقه ..
العنود / كانوا يبونك تلتفت لطريق الصحيح .. كانوا يبونك تفتح عيونك على اشياء حولك كثير .. بس انت اعمى ..
خذك غرور الفارس وكبريائهم .. ونفخ الصدر الكذاب .. " وبوجه حاد قوي " .. بس قريب ..
راح يرجع كل شي لوضعه الصحيح .. راح ارجع الفارس لحقيقته .. راح اربيهم من جديد ..
" رفعت اصباعها بوجه " .. وانت انتبه .. " هزت راسها " .. اذا المرات اللي مضت ما عاقبتك فلا تظن اني ما اقدر ..
اللي كانوا يحمونك من غضبي ماتوا الله يرحمهم .. لكن الحين ياويلك .. ياويلك ياراكان لو تغلط ..
راح اوريك شي عمرك ما شفته " وقفت وكانت بتروح لداخل الفله .. بس راكان مسك يدها وشدها لتجلس على الارض " ..
راكان وصل حد الغضب .. العنود طالعت بوجه .. راكان من بين اسنانه / الظاهر انك ناسية ..
ان الدم اللي بعروك نفس الدم اللي بعروقي .. ايك يا العنود تجربين غضبي عليك ..
العنود بهدوء / ورينا مراجلك يا ابو شيخة ..
راكان قرص عيونه فيها بتهديد ونفض يده .. وبحزم / انقلعي عن وجهي قبل لا اسوي فيك شي ما يعجبك ..
ترا القلب عليك مليان ..
العنود تميل عليه .. وبستفزاز / افااا وانا عصابت راسك .. طلع اللي بقلبك ولا تخلي شي ..
راكان التفت عليها وعيونه محمره / العنووووووووووووود ..
العنود توقف وهي تضحك بسخرية مستفزة / هههههههههه تصبح على خير يا العضيد << قلتهم بسخرية ..
راكان كان بيقوم .. بس مسك نفسه ورجع جلس .. العنود دخلت غرفتها وعيالها وهي فرحانه ..
قدرت تحرك راكان سطام الخامل والنايم من سنين .. جلست على السرير وتنهدت ..
العنود بداخلها " راح امشي على طريقة يبه .. وارجع راكان وزياد .. " وبهم " .. زياااد زياااد ما ادري ايش بلاك "..
نامت على السرير والتفتت جنبها شافت اولادها نايمين بهدوء .. وبهمس / والله انتم اللي حامين بتال من ناري ..
قربت من اولادها وشمت ريحتهم ورجعت راسها للمخدة وهي تستنشق ريحة اولادها .. لحد ما نامت ..



يوم جديد ..



بيت ام عزام ..


الصالة ..

ام عزام / انتي ماتبين تقولين ايش اللي بينك وبين رعد ..
هيفاء تطالع التلفزيون .. ببرود / ما في شي ..
ام عزام بحدة / اجل ليش قاعدة لي هنا ..
هيفاء تنزل الريموت كونترول على الطاولة .. وقفت ببرود / خلاص يمه اذا وجودي قبالك يزعجك ادخل غرفتي ..
ام عزام / انتي وختك تبون تذبحوني ناقصة عمر ..
هيفاء تنهدت بتعب .. ورفعت عيونها لفوق تبي تجفف الدمع قبل ينزل .. وفاجائهم الصوت من الخلف ..
........./ السلام عليكم ..
هيفاء وام عزام التفتوا للخلف بصدمه وخوف ..




ـــــــــــــــ



على طريق الخبر ..


راكان عاقد حواجبه .. وساكت ..

العنود تراقب وجه راكان واضح انه فيه شي بس ما يبي يقول ..
ساره بضيق / الحين مو قلتوا البارح تبون تاخذون يومين كمان ايش غيركم وخلاكم تمشون بدري كذا وبعجله ..
العنود بهدوء / اسالي ابو شيخة ..
راكان / خلاص سارة صجيتي راسي .. من طلعنا من الطايف وانتي تعدين الكلام ..
العنود بهدوء / طيب ممكن تلف على المحطة .. نبي نرتاح شوي .. واغير للعيال ..
راكان بهدوء هز راسها .. وبعد 10 دقايق وقف قبال محطة بين الرياض والخبر ..
العنود نزلت ونزلت ساره .. اخذت الظبي وسلطان وتوجهت للحمامات .. بعد نصف ساعة .. طلعت ..
راكان بعصبيه / هذا كله حمام ..
العنود باستغراب من عصبيته / ناسي الصغار .. وانت ايش فيك توترك وعصبيتك ابد مو طبيعيه ..
راكان بحزم / امشي .. امشي ..
طلعت العنود السيارة وحرك راكان بسرعة للخبر ..




ـــــــــــــ




بيت ابو سطام ..


في المجلس ..


رعد / هذي التذاكر .. اللي عندهم فيزا انا وسند وغيث .. راكان جوازه منتهي .. ولا عندة فيزا ..
ابو بتال / ومتى السفر ..
ابو طلال يدخل / السلام عليكم ..
الكل / وعليكم السلام ..
ابو طلال / انا رايح معكم .. انا طلبت فيزا من قبل لشغلة وطلعت لي .. وانا رايح معاكم ..
ابو بتال / احسن بعد .. وانا وراكان نلحقكم بعدين ..
ابو سطام بتعب / هو عايش ..
ابو بتال / عزام يقول عايش الحمد لله .. بس حالته صعبه ..
ابو سطام وجه اسود من التعب والقهر .. هز راسه / لا حول ولا قوة الا بالله .. لا حول ولا قوة الا بالله ...
ابو بتال بخوف / يبه لو تروح المستشفى تفحص مو احسن لك ..
ابو سطام باعتراض / لالا .. انا بخير .. بس شفوا لي ولد سطام .. شفوا لي نايف ..
رعد / ان شاء الله بخير يبه لا تخاف عليه ..
سند يدخل / السلام عليكم ..
الكل / وعليكم السلام ..
سند التفت لجدة / انا ما اقدر اسافر ..
الكل / ليه ..
سند بكذبه / جوازي بكرة ينتهي .. " التفت لرعد وغمز له " ..
رعد / خير ان شاء الله .. يعني بدالك يروح عبدالعزيز ..
ابو طلال / متى الطيارة ..
رعد / قبل اذان الفجر .. على 3 ..
ابو سطام / الحريم لا يجيهم علم .. والله لو جاهم علم للخبر كلها تعرف به ..
ابو بتال / لالا محد بيعلمهم ..




ــــــــــــ




بعد وقت طويل .. وبعد وصول راكان واخوانه للخبر ..



على صلاة الفجر ..

العنود بالمطبخ .. استغربت ان جدها ماصحي لصلاة الفجر ..
توجهت لجناحه .. وطقت الباب ..
فتحت باب الجناح ودخلت شافت جدتها تصلي بالزاوية المعتاده .. توجهت للغرفة .. وبهدوء / يبه ..
وشافت جدها جالس على الكنبة ويبدوا انه يحاول يتكلم .. العنود تقدمت منها .. وضعت يدها على كتف جدها ..
العنود بهدوء / يبه .. يبه تبي شي .. يبه .. " وضعت يدها بكف جدها اللي فاتحها " .. يبه ..
" بخوف " .. / يبه .. " ابو سطام فتح عيونه للاخر وصار يشد على يد العنود " ..
العنود التفتت لصاله وشافت جدتها لساتها تصلي .. التفتت يمين ويسار تدور على الجوال ..
وجدها كل ماله يضغط على يدها بقوة .. سحبت يدها بقوة وطلعت بسرعة لغرفة راكان وزياد فتحتهم مالقت احد ..
توقعت انهم بالمسجد .. توجهت لجناح رعد ومالقت احد بعد .. مياسه طلعت من جناحها وهي تهلل " لا اله الا الله " ..
العنود / عمتي .. " التفتت مياسة عليها بخرعة " ..
مياسه / هلا ..
العنود بارتباك / مافي احد وجدي تعبان .. اتصلي على احد وخليه يجي يشوفه ..
مياسه بتروح تشوف ابوها .. العنود توقفها / روحي اتصل على احد بسرعة ..
مياسة تروح لجناحها وتاخذ جوالها .. اتصلت باكثر من واحد اللي جواله مقفل والا مشغول واللي ما يرد ..
رجعت لجناح ابوها .. وشافت امها بصاله تهلل وواضع العبرة بصوتها .. شافت العنود لبسة عبايتها وبرقعها ..
العنود انتبهت لدخولها / هاا ..
مياسه تبكي بخوف / محد رد عليه اتصلت على الكل .. محد رد ..
العنود بسرعة راحت تجري لباب القصر .. شافت خان راجع من المسجد بيدخل الملحق اللي ينام فيه مع زوجته ..
العنود تصرخ علية / خااان خاااااااااااااااان ..
خان التفت عليها باستغراب / نئم يا ئمه .. " نعم يا عمه " ..
العنود / شغل السياره بسرعة وقربها لعند الباب وتعال ساعدني نشيل ابويه للمستشفى بسرعة ابويه تعبان ..
رجعت العنود لداخل وشافت كل بنات عمتها يطالعونها بخوف ..
العنود بحزم / ادخلوا وقفلوا الباب خان الحين يدخل ..
مياسة خرجت من جناح ابوها تبكي وهي متوجه لهم / ابوي ما يرد عليه ..
العنود تتوجه للجناح / لزم ناخذه للمستشفى .. كلمت خان والحين يجي ..
خان من ورا الباب بلهجته العربية المكسرة / يا اهل البيت درب درب ..
مياسه دخلت لجناحها .. و العنود / تعال خان ..
وتوجهت لجناح جدها .. مياسه جاتهم وهي لبسة عباتها وريهام معاها وهي تدفع العربية " الكرسي المدولب " ...
العنود التفتت عليها / الحمد لله انه فيه ..
ريهام ماسكة عبرتها / قلت يمكن تحتاجونه ..
خان حمل ابو سطام وجلسه على الكرسي ودفعه لسيارة ..
العنود تمسك يد ريهام / ريهام عيالي امانتك انتبهي لهم .. واتصلي على خالتي مريم خلها تجي عند جدتي ..
وطلعت بسرعة لحقت عمتها وخان .. خان طلع ابو سطام قدام وطلعت العنود ومياسه خلف .. وتوجهوا للمستشفى ..







بعد وقت ..


العنود ومياسة جالسين على الكراسي قبل غرفة الطواري .. وخان واقف بعيد عنهم شوي ..
خرج الدكتور ووجهها اسود ..
العنود ومياسه بخوف توجهوا له ..
العنود / ها دكتور كيف ابوي ..
الدكتور بضيق / .......................

البارت 30 ..




من بادي الوقت هذا طبع الايامي
عذبات الايام ما تمدي لياليها
حلو الليالي توارى مثل الاحلامي
مخطور عني عجاج الوقت يخفيها
اسري مع الهاجس اللي ما بعد نامي
واصور الماضي لنفسي واسليها
اخاف العمر اراجع سالف اعوامي
وانوخ اركاب فكري عند راعيها
تدفى لى جال ضوه بارد عظامي
والمار يسوق بمعاليقي ويرويها
الى صفا لك زمانك عل يا ظامي
اشرب قبل لا يحوس الطين صافيها
الوقت لو زان لك يا صاح ما دامي
ياسرع ما تعرض دربك بلاويها
حتى وليفك ولو هيم بك هيامي
سيور الايام تجنح به عواديها



" خالد الفيصل " ..





العنود ومياسة جالسين على الكراسي قبل غرفة الطواري .. وخان واقف بعيد عنهم شوي ..
خرج الدكتور ووجهها اسود ..
العنود ومياسه بخوف توجهوا له ..
العنود / ها دكتور كيف ابوي ..
الدكتور تنهد بضيق / الحمدلله على سلامته .. سيطرنا على الوضع .. بس لازم ينام بالمستشفى حتى نطمأن اكثر ..
العنود / شكرا دكتور ..
الدكتور هز راسه وبسكات توجه لمكتبه كان مرهق من شفت متعب ليلة امس بالمستشفى وكان اخر حالة ابو سطام ..
مياسه جالست على الكرسي وهي تبكي .. العنود تشد على اكمام عبايتها ..
من العجلة نسيت قفازاتها اسود وتحس انها بدون قفازات عارية ..
التفتت على عمتها بضيق وحزن .. اول ما خطت اول خطوة لجهتها ..
...........من وراها بخوف / ايش بلاكم .. ابوي سعود وينه ..
العنود التفتت بهدوء لجهة الصوت .. شافت سند والتعب واضح بوجه ..
رفعت نظرها لخلف سند وشافت عمها سلطان وكل ثانية يطلع واحد من عيال الفارس .. ووجيههم ما تبشر بالخير ..
العنود وهي تتوجه لاخوها .. وبهمس / البلا بجوفكم يا عيال الفارس ..
كانت متصوره ان همسها محد راح يسمعه .. لكن سند سمع همستها وبوضوح ..
العنود وهي تمسك يد راكان وتسحبه على الجنب .. راكان بخوف / جدي ايش بلاه ..
العنود وهي تضغط على يده .. وبهمس حازم وعيونها من خلف الشيله على عيون اخوها / البلا عندكم ..
وين اختفيتوا فجاه .. وليه وجيهكم سودا .. ايش البلا اللي صابكم ..
راكان غمض عيونه بتعب .. تنهد بضيق / العنود .. " فتح عيونه .. وبحزم " .. جدي ايش فيه ..
العنود بنبرة مقصودة / اللي سود وجهكم هو اللي اتعبه ..
" راكان كان بيتركها ويروح لجهة سند وعمه وعيال عمه .. العنود شدت على يده .. وبسخرية / على وين يا العضيد ..
راكان من بين اسنانه .. / العنووووود مو وقتك ..
العنود تنفض يده .. / لو ابي اعرف عرفت من غيرك .. " وبسخرية " .. بس لانك العضيد ..
راكان فتح عيونه للاخير .. مو ناقصة استفزازات العنود له ابد .. مسك يدها .. بس العنود نفضته ..
الكل انتبه للحركة .. راكان كان بيمسكها لو ما مسكه عناد وطلال .. وعيونه حمر ..
العنود راحت لمياسة وهي تمشي بعصبية والغضب متمكن منها .. نزلت راسه لعمتها / عمه امشي نرجع البيت ..
مياسه تبكي / خليني اشوف ابوي وا....
العنود بحزم / جدي الحين بالملاحظة وما راح يسمحون لاحد بزيارته .. فامشي الحين ..
راكان يقرب منهم .. وبحزم / انا اوصلكم للبيت ..
العنود رفعت نظرها له / خلك مع اللي كنت معاهم .. خان موجود ويوصلنا ..
سند بهدوء وهو شايف وسامع كل شي / راكان .. خان يرجعهم ويروح معاهم صقر .. انت خلك هينا ..
راكان يشد على قبضة يده ومن بين اسنانه وبنبرة تهديد / في البيت نتفاهم ؟ ..
العنود طالعت فيه بنظره من فوق لتحت وتركته وطلعت من المكان اللي فيه ..
عناد يهمس لطلال ../ والله لو وحدة من خواتي سوت ذا السواه ان ما يردها عني الا القبر ..
طلال بسخرية / اجل الحمد لله انها مو اختك ..
" ترك عناد بصدمته من سخريته وتوجه لعمه وعيال عمه " ..
مياسة سندها صقر وطلع وراء العنود و خان .. ورجعوا البيت ..




ـــــــــــ




الظهر ..


الكل بالمستشفى .. قبال العناية المركزة ..

الجد اعتدل الضغط عنده بس ما زال تعبان وطلع عنده شريانين بالقلب مقفلة و يبي له قصدرة ..
ابو بتال يمسح وجهه المرهق .. وبتعب / يا عيال ..
سند يجلس جنبه / هلا ..
ابو بتال / قل للعيال يرجعون البيت ما يصير كلنا هنا ومابه احد بالبيت ..
سند / كلهم بس يطلع الدكتور ويطمنا يرجعون للبيت ..
الدكتور طلع .. ابو بتال يوقف / ها يا دكتور ..
الدكتور / لازم له عمليه قصدرة .. بس يعتدل الضغط راح نسويها .. باذن الله ..
ابو بتال يهز راسة بقلة حيلة / خير ان شاء الله ..
ابو فهد / اجل حنا خلنا نرجع للبيت ويقعد واحد من الشباب هينا والباقي يرجعون لشركة يكملون شغلهم ..
ابو بتال يهز راسه / وهذا اللي بيصير ..
الكل طلع اللي متوجه للبيت واللي متوجه لشركة واللي بقي بالمستشفى ..



ـــــــــــــ




بغرفة بتال بالمستشفى ..

بتال منسدح على سريره / ومن جابه ..
سعود / جابته العنود وعمتي مياسة .. يقولون العنود نادت خان وتشايلوا جدي وطلعوه السيارة وجابوه المستشفى ..
بتال يطالع سعود ووجه باهت .. بارتباك / لحالها جات مع خان ..
سعود اللي السهر والتعب ماخذ حقه منه .. رمى جسمه على الكنبة .. وبصوت ناعس / من ؟
بتال شاف اخوه يريح راسه على الكنبة ولف يده على عيونه .. بتال ريح جسمه وبغموض / محد ..
سعود دقايق وانتظمت انفاسه / ................
بتال سحب الاي فون وفتح الاستديو وشاف صور سلطان والظبي .. ابتسم بشوق و قرر اول ما يطلع يروح يشوفهم ..



ـــــــــــــ



بيت ابو سطام ..


جناح ام سطام ..

العنود بتعب / يمه يعني انا اكذب عليك ..
ام سطام تمسح دموعها بطرف شيلتها / .. انا قلبي مو مصدقكم .. ودوني له .. خلوني اشوفه ..
العنود تحط يدها على راسها تحس بصداع راح يفجر راسها .. وبهدوء / يمه ..
العصر اذا سمح الدكتور بزيارته سوين له اكل ورحنا له .. زين
ام سطام تهز راسها وهس تمسح دموعها / ................
العنود وقفت بتعب / عن اذنكم ..
الجوهرة تطالعها من فوق لتحت بقرف .. ام عزام و ام سند ومياسه / اذنك معاك ..






طلعت العنود وتوجهت لجناحها ..
كانت مرهق حد النخاع .. قلق على غياب نايف وهواجيس تدور في بالها .. حربها مع راكان .. ارهاق السفر ..
تعب جدها كلها تكومت على بعضها .. وهمست بداخلها .. " يفرجها رب كريم " ..
اول ما دخلت شافت مريم وساره .. العنود ابتسمت بإرهاق / السلام عليكم ..
مريم وساره / وعليكم السلام ..
مريم وبحضنها الظبي .. جلست بجنبها العنود .. مريم بحنان / شكلك تعبانه يا بنتي ريحي جسمك ونامي شوي ..
العنود تهز راسها / ابي انام بس ابي ارضع الظبي وسلطان ..
مريم / يا بنتي الظبي ليه ضعفانه اكثر من سلطان ..
العنود اخذ الظبي .. رمت الشيلة على كتفها وميلته على صدرها حتى لا ينكشف ..
فتحت ازارير قميصها الاولى وطلعت صدرها ترضع / لان وهي في بطني ماكانت واضحه ..
و ماكان يوصلها الغذاء مثل سلطان .. كانت تحته ومغطية عليها المشيمه .. وما عرفوا انهم تؤام الا يوم ولدتهم ..
مريم بحنان / لا اله الا الله .. ولدتي طبيعي ..
العنود بهدوء / الحمد لله طبيعي .. الحمد لله على كل حال شفت الموت اللين ولدت .. عسى امي للجنه ..
مريم تنهدت / امين .. الله يجازي الامهات كل خير ..
العنود ابتسمت وبحنان / ويجزاك يا خاله .. انتي تعبتي بوالدتك بطلال ..
ساره توقف بضيق وقرف وحيا من سالفة الولادة / انا ابي اروح للبنات ..
العنود ابتسمت / روحي حبيبتي ..
طلعت ساره .. مريم التفتت بهدوء للعنود / ليه ما بلغتينا بحملك .. يمكن الضغط النفسي كان مأثر على حمالك ..
العنود هزت راسها وهي تطالع بنتها / هو اثر .. اثر .. علشان كذا ولدت مبكر .. اما ليش ما بلغتكم ..
" رفعت راسها وبعتب " .. مثل جواب سؤال ليش ما بلغكم ولدكم بطلاقنا .. ليش ما سالتوه وين زوجتك ..
طول فترة جلوسة عندكم .. ليه ما سالتوا عنا .. عن ابوي امي .. اخواني عندكم وحنا لحالنا هناك ..
ليه محد فزع وقال اروح واسأل عن الحريم اللي هناك ماحولهم رجال غير شايب مريض ..
طيب .. مشغولين وماتقدرون على السفر .. مو لزم تلفون ارفعوه ما بيخسركم شي .. " وبنبرة مقصودة " ..
والا طاحت ام راكان وابو راكان خلاص حرق كرتهم ما عاد لكم منفعه معاهم .. انا ادري انك كنتي تتواصلين مع امي ..
ايش اللي خلاك تقطعين والا من الاول ماكنتي تتواصلين وامي هي اللي تسال علشان ولدها ..
لتفتحين باب المعاتب يا ام طلال انتم الخسرانين فيه .. وان كنت ساكته للحين حشيمه لسطام وشيخة مو لشي ثاني ..
" كانت تقصد سطام ابوها وشيخة ام فهد " ..
مريم بحرج صدت عنها فعلا من لمن تعبت ام راكان وانقطعت اتصالها فرحت ..
كانت تخاف ان طلال يتركها ويروح لها .. / ...............
العنود صدت عنها وطالعت بنتها شافتها شبعت .. رفعتها على كتفها وصارت تضرب ظهرها على خفيف ..
حتى يطلع الهواء .. بعد ما شافت الظبي طلعت الهواء وارتاحت ريحت الجلسة و نيمتها ..
سمعت صوت مناغات سلطان .. ابتسمت غصب .. وشالت سلطان وقبلته على خده ..
مريم وقفت .. وبنبرة مقصودة / الله يريح قلبك ويهديك يا بنتي .. " وطلعت من الجناح " ..
العنود رفعت نظرها فيها بغموض ورجعت طالعت بولدها اللي كان يحاول يشد شعرها ..
" وبهمس " / حبيبي ما تبي تنام .. ماما تعبانه وتبي ترتاح شوي .. " داعبت صدره بانفها وسلطان يضحك " ..
نيمت نفسها على الكنبه ونيمت سلطان على صدرها .. وصارت تلعب بشعرها .. الا ان غفى سلطان وغفت هي ..




ــــــــــــ


بيت ام عزام ..


ريما / انا ابي اعرف ايش مسوي .. اكيد ارهابي ..
هيفاء / لا ان شاء الله .. " وبضيق " .. مساكين عيال سطام المصايب نازله عليهم فوق بعض كانها مطر ..
ريما بحزن / صح .. يا قلبي يا ساره لمن تجي بين البنات تحسينها ضايعه مالها في سوالف البنات ابد ..
هيفاء باعجاب / ما شاء الله على العنود .. بنت راكزه وثقيله .. " وبقهر " .. ما ادري بتال ليه طلقها ..
ريما بهمس مسموع / لان الجوهرة وسمر هم اللي طلبوا منه ..
هيفاء عقدت حواجبه / ما اتوقع .. بتال صح يحب امه واخته كثير بس مو لدرجة انه يخرب حياته علشان امه واخته ..
ريما تهز كتوفه / ما ادري .. بس العنود شخصية غريبه ما تنفهم .. ومغروره شوي ..
هيفاء باستغراب / من العنود .. " وبثقة " .. مستحيل .. انا قبل لمن اسمع سوالفكم عنها كنت رسمتها بشكل كريه ..
ولمن تعرفت عليها اكثر وسهرت معاها اكثر من مره .. " باعجاب " .. البنت روعة .. اخلاق وفكر واناقه وذوق ..
استغفر الله .. كامله .. انا وانثى انغرمت بسلوبها وبشخصيتها وبكلامها ودلعها .. كيف الرجال .. تصدقين ..
لمن كان يقعد معاها رعد كنت اغار .. " وبفضول " .. بس عندي فضول كبير ابي اعرف ليش تطلقت هي وبتال ..
ريما / بصراحة .. ما ادري العنود شخصية غريبه .. رنيم ميته فيه صارت لمن تجي على طول عندها ..
هيفاء / ما تنلام جلست العنود ما تنمل .. الله يعينها ويقويها لمن يرجعون من بريطانيا ..
ريما بصدق / امين ..




ــــــــــــ



بعد العصر ..


بيت ابو سطام ..

بالصالة ..

الهنوف بحدة / والله ما تدخل ..
راكان وهو مو قادر يمسك نفسه / عمممممممممممممه ابعدي عن طريقي ابي اذبحها ..
العنود ام سند بحدة / ولد فكنا من شرك واطلع برا ..
راكان بحده / هذي ما تستحي يبي لها تربيه ..
ام سند تاشر لرنيم اللي واقفه وراء باب جناح اخواتها / اتصلي على سند ..
راكان كانت بيتجاوزهم ويروح لجناح اخته .. الهنوف تمسكت فيه وام سند بعد ..
ام سطام تطلع لهم من جناحها ... رفعت عصاتها وبحزم / انا ام سطام .. تبي تضرب بنتي في بيتي ..
والله ان ما طلعت لزعل عليك ليوم الدين اطلع برا اطلع ..




بغرفة العنود ..
من نص ساعة صاحيه من النوم .. دخلت الحمام " اكرمكم الله " .. توضأت وصلت العصر وغيرت لبسها ..
وهي تمشط شعرها الاسود الطويل .. سمعت ضجة وصراخ .. التفتت لساره باستغراب / هذا مو صوت اخوك ..!
ساره بارتباك والعبره خانقتها / الا .. " حطت يدينها على وجهها وصارت تبكي " ..
العنود تركت شعرها وتوجهت لها .. حضنتها وبخوف / ساره حبيبتي ايش فيك ..
ساره تشهق / راكان .. يبي .. يبي يضربك ... هو .. هو يصارخ .. وعماتي .. عماتي ..
العنود وقفت بسرعة وتوجهت لجلال الصلاة واخذته وطلعت من الغرفة بسرعة متوجهة لجهة الصوت ..
ما صدقت انها تشوفه تبي تفرغ غضبها .. وتبي تعرف ايش صار .. عندها احساس بان نايف فيه شي ..





دخل سند بسرعة لبيت ابو سطام ..
سند بحزم / رااااكاااااااان ..
راكان ابتعد عن عماته وهو يتنفس بغضب .. / خيررررر ايش تبي ..
العنود جات بتدخل وتراجعت بسرعة اول ما شافت الجسم العريض ..
العنود بحده ممزوج بسخريه / خير يا العضيد .. ايش عندك جاي ..
راكان بغضب / بننننننننننننننت .. " وهو يبي يتوجه لها " ..
سند لف يدين راكان وراء ظهره وطلعه برا البيت ..
العنود بعد ماطلع راكان وسند طلعت لصالة .. وبصوت حازم / ابيي اعرف ايش صار امس خله يهوش كذا ..
الهنوف بتعب / يقول انتي طولتي لسانك بالمستشفى ويبي يعاقبك ..
العنود بقهر / كذاب .. البلا مو مني البلا منهم ..
ورجعت لغرفتها وهي نار شاعله من الغضب .. اخذت الاي فون ورجعت تتصل على صلاح ومتعب ولا احد يرد ..
اتصلت على ابو عبدالعزيز ..حاولت قد ماتقدر تهدي صوتها .. تنفست بعمق .. وبهدوء ..
.. / الو السلام عليكم .. هلا يبه .. ايه .. اشلونك .. اقول يبه متعب عندك .. " بهت وجهها .. "
.. مع من ... متى .. " بهت وجهه اكثر وكل شكوكها تاكدت " .. طيب .. مع السلامه .. لالا .. سلامتك ..
" قفلت الخط .. نزلت جلال الصلاة وجلست بخوف على الكنبه .. مسكت راسها بيدينها الثنتين .. بداخلها ..
" نايف .. ناااااااايف ناااايف .. والله ان نايف ما هو طيب .. " .. رفعت راسها و صارت تضرب وجهها ..
وبقهر / ابكي ابكي ابككككككككككككككككي ..
دخلت رنيم و تفأجات بحالها .. ساره واقفه وراء الباب تبكي وهي خايفه ..
رنيم رجعت لصالة بسرعة متثاقله .. ونادت مريم ورجعت للغرفة العنود ..
مريم اخذت ساره وطلعتها ورجعت مع الهنوف .. اخذوا الصغار وطلعوا ..
رنيم تجلس جنب العنود .. مسكت يدينها وهزتها / العنووووود العنوووود .. اهدي ..
العنود بغضب / محد يبي يقولي ايش الي صار .. ابي اعرف .. نار نار .. " وهي تضرب صدرها " ..
رنيم بدون وعي وبخوف / هدي انتي .. وراح اتصل على سند وهو يقولي ايش صاير بس انتي هدي ..
العنود ترفع شعرها عن وجهها وتلفه وراء اذنها .. وبجنون / ايه .. ايه .. اتصلي .. اتصلي الحين ..
رنيم بارتباك .. اتصل على سند .. اول اتصل مارد .. اتصلت ثاني وثالث ورابع الا ان رد وهو معصب / نعم ..
رنيم بقهر / العنود تبي تعرف ايش اللي صار .. تقول فـ.....
سند بنبرة غامضة / هي عندك ..
رنيم باستغراب / ..............
سند بهدوء / الوووو ..
رنيم حست باحساس غريب .. وببرود / ايوه ..
سند بنفس النبرة الغامضة / العنود عندك .. " وهو يطول ويشد بالحروف " ..
رنيم بقهر / ايوه عندي ..
سند ابتسم ببرود / قولي لها ما فيه اي شي .. خلها تهدئ ..
العنود كانت تسمع اللي يقوله لان صوت جهاز رنيم مرتفع .. وبهدوء / لا تكذب يا ابو فهد ..
عيب تكذب وانت ارجلهم .. قولي ايش الموضوع .. انا متاكده انه يخص نايف ..
سند ابتسم وبداخله " الله يرحمك يا جدي والله انك وصفت لي العنود قبل لا تشوفها " .. بنبرة باردة / ايه يخص نايف ..
العنود بختناق / حي ارجيه والا ميت واطلب العوض ..
سند تعاطف معاها من نبرة صوتها / اذكري الله يا اخت نايف .. ان شاء الله كلها يومين وتشوفينه بخير وعافيه ..
العنود حطت يدها على راسها وغمضت عيونها .. رنيم شهقت وصرخت / دم دم ..
سند فز قلبه / رنيم .. رنييييم ..
رنيم اللي رمت الجوال وراحت تدور على شي تحطه على انف العنود ..
سند اللي كان جالس بالمجلس بعد ما ارسل راكان للاستراحة مع عناد يبعده عن العنود و البيت ..
راح يجري من المجلس لبيت جده بجنون .. اول ما دخل صرخ / يمه يممممممممممه ..
ام سند اللي كانت بصاله مع الهنوف ومريم وام سطام والجازي فزت بخوف وتوجهت لمدخل/ ايش بلاك ..
سند بخوف / وين رنيم .. كانت تصارخ تقول دم دم .. ايش جاها ..
الهنوف اللي قامت وراء ام سند .. توجهت بسرعة لغرفة العنود ودقايق رجعت ..
وبخوف / سند يمك الحق علينا العنود ما ادري ايش جاها ما ترد علينا ..
سند بخوف / طيب غطوها وانا ادخل اشوفها ..
الهنوف ومريم ورنيم لبسوها العباية وجاء سند شالها بين يدينه و طلع .. ولحقتها العنود ام سند والهنوف ..
ورنيم كانها بمقلاه تحوص وتدور ما تدري ايش صابها .. مغير تصارخ ومعصبه .. ومريم و مياسه اهتموا بالصغر ..




ـــــــــــــــــــــ




يوم جديد ...



بالمستشفى ..


طلعوا ابو سطام لغرفة جانبية قريبه من العناية ..


......../ يا سطاااااااااااام .. وين سطام .. جيبوا سطام ...
سلطان بضيق / يبه اذكر الله .. سطام مات الله يرحمه ..
ابو سطام يمسح دموعه / يا سند .. تكفى يا سند .. لا تخليهم يذبحوني ..
سند بغصه / ابشر يبه .. والله ما يلمسونك الا برضاك بس انت اهداء ..
ابو سطام يتصدد عنهم وهو يعابر ../ .......
سلطان مو قادر يتمالك نفسه طلع من الغرفة وشاف ابو عبدالعزيز وابو مطلق .. سلم ودخلوا ..
ابو عبدالعزيز / طهور .. طهور ان شاء الله ..
ابو مطلق / لا بأس .. لا بأس ..
ابو سطام بتعب / ان شاء الله .. ان شاء الله ..
سند واقف يصب القهوة .. / جزاكم الله خير على الزياره ..
ابو مطلق وهو يمد يدة ياخذ الفنجان / واجب يا ولدي واجب .. الا هم ايش قالوا له ..
سند ببساطة / يقولون لازم عمليه بالشريان بس ابوي ما يبي .. " وبمزح " .. الظاهر خايف ..
ابومطلق بفزعه / اخو وضحى .. ليه يا ابو سطام .. يالله لك الحمد على كل حال ..
انا شقوا صدري من ياه " وهو ياشر على نصف صدره " .. وطلعوا قلبي .. ومادري ايش سوا فيه ورجعوه ..
ويا ربي لك الحمد .. هذا انا بخير وعافيه .. " وبمزح " .. وافكر اني ادور لي عروس صبية .. اجدد شبابي معاها ..
بس لا تعلمون ام مطلق تفرشني بعصاها ..
ابو سطام وابو عبدالعزيز وسند / هههههههههه
ابو عبدالعزيز / وانا مسوين لي قصدره .. هذا بكل شايب والا انت ودك تخلفنا بتالي العمر ..
لا ابد بتسويها وتقوم لنا طيب .. بس قل يارب .. وصل الاستخارة .. وربك بيسر اللي فيه الخير ..
ابو سطام وكانه خوفه قل / هااا .. قولكم ..
ابو مطلق / الله الله .. الحين الطب تطور يالله لك الحمد .. وما يصير تجزع من رحمة الله ..
ابو سطام وهو يهز راسه / اهاا .. والنعم بالله ..
جلس شوي ابو مطلق وابو عبدالعزيز وطلعوا وبدا الزوار يدخلون ويطلعون ..




ــــــــــــــــ



بغرفة بتال بنفس المستشفى ..


بتال بعصبية وهو فاتح عيونه للاخير / من شالها ..
عناد بخبث / سند .. والله ياهو يتغـ .......
بتال رمى عليه علبة الماي .. بس تحاشاها عناد ..
عناد / ههههههههههههههههههههههههه
بتال بغضب / انقلع عن وجهي وشوف الدكتور قله اني ابي اطلع ..
الممرض دخل بنفس الحظة وبرسمية / السلام عليكم ..
عناد وبتال / وعليكم السلام ..
الممرض / هذي اوراق الخروج .. الدكتور وقع على خروجك .. وباقي توقيعك ..
بتال بفرح مسك الاوراق وكتب بياناته ووقع وفز واقف غير ملابسه وطلع ..
عناد بسخرية / لا اله الا الله .. كل هالعجله والصحة المفاجأة من الغيرة ..
بتال يرفع يدينه / جعلني اتشمت فيك انت وسند وطلال مثل ما تتشمتون فيني ..
عناد / هههههههههه طلال مو ناقصة حتى تدعي عليه ههههههههه ..
وسند قاضي بالعشق وخالص وانا على الطريق هههههههههههه ..
بتال / هههههههههههههههههههه " وطلع من المستشفى بعد ما مر على الصيدليه واخذ الادوية " ...




ــــــــــــ

يوم جديد ..


9 صباحا .. بحديقة الفارس ..

فرشة على الارض .. ترمس قهوة وحافظة تمر ..



ام سطام / لا اله الا الله .. ما شاء الله الجو كنه بدا يبرد ..
مريم / اي والله بدا .. شكلها بداية الشتاء ..
ام سطام / اي والله ..
مريم / بكرة وحدة الحج .. بتصومين يا خالة ..
ام سطام / باذن الله .. ان راد ربي صمنا 10 ذا الحجة ..
مريم / ربي يعطيك العافية والصحة .. ويطول عمرك بطاعة ..
ام سطام توقف / يالله .. اعذروني ابي ادخل شوي وارجع ان شاء الله ..
مريم توقف / وانا بعد .. ابي اشوف الفطاير مداها استوت .. الهنوف والعنود " ام سند " وينهم ..
ام سطام وهي تخطي قباله .. / الظاهر انهم داخل ما ادري ويش يحوسون فيه ..
مريم عاضدة خالتها تمشي بجنبها .. وتسولف معاها .. الى ان دخلوا ..
العنود كانت جالسة على الفرشة بصمت .. كانها مو موجودة من لمن طاحت واكتشفوا ان معاها الضغط وهم يراعونها ..
قبالها سلطان والظبي .. منيمتهم على الفرشه الخاصة بهم على الارض ويلعبون بيدينهم ..
العنود سرحانه للبعيد وتهوجس .. " حسبي الله العظيم .. كاني ما ني بشر .. ما افكر ..
بس الامر يخص نايف وقفوا لا قالوا لي هو حي والا ميت .. وراكان .. ااااااااااه يا راكان ..
من هذاك اليوم ماشفته ولا يرد على مكالماتي .. عارف انه لو قابلني ما راح اتركه .. " تنهدت بضيق " ..
الحين كيف اعرف الموضوع . كيف اتطمن .. لا متعب ولا صلاح يردون عليه ..
و جدي منصور ما يدري عن الموضوع .. ادخل على سند دخيله واخليه يقولي .. اكسر نفسي ..
" عضت شفايفها قهر " .. يا ويل حالي لو بسبتكم يا اخواني تكسروني .. والله ما عاد اقوى والله .. "
فزت برعب والتفتت بحدة لمن سمعت الصوت اللي وراها ..




ـــــــــــــ



بيت ابو بتال ..



بتال يعدل غترته قبال مراية المدخل .. وبهدوء / اسمعي وانا اخوك .. انتي اخطيتي وانا اخطيت ..
والعيب مو بالاعتراف بالخطاء العيب فانا نكمله .. الحين مانا لحالنا .. انا وعندي اثنين ربي يخليهم لي ..
" ابتسم بحنان " .. وانتي عندك بنتك الحلوه ربي يحفظها لك .. ارجعي لراكان وراضيه وتسامحي منه ..
راكان يحبك .. والصد اللي شايفته ماهو كره الا عتب عليك .. انا الحين رايح له وابي اطيب خاطره ..
سند وعناد مهدوا لي الطريق .. وانتي بينك وبين زوجك وتعرفين تتصرفين .. ارجعي بيتك وحليها ..
سمر باستغراب / ارجع بدون لهو يرجعني ..
بتال بتفكير وهو يلتفت عليها / خليني اجس نبضه اليوم .. وبعدين اشوف وضعك معاه .. وامي اتركي نصايحها ..
واذا تبين نصايح اسالي جدتي ام عزام ..ما تقصر معك .. امي الحين مااااا " وهو يهز راسه بعدم الرضا " ..
سمر بضيق / عرفت بهوشته مع ابوي البارح ..
بتال تنهد بضيق / سمعت لو مو صياح وليد كان صار شي كبير ..
سمر بعبرة / انا تعبانه مو عارفة ايش اسوي .. امي والا ابوي والا وليد والا راكان والا بنتي ..
بتال يسحبها له ويقبل راسها / اتركي الكل وانتبهي لبنتك وامك وابوك فترة وتعدي ان شاء الله ..
سمر تبعد عنها وهي تهز راسها " بنعم " .. وبتذكر / ابي اروح لجدتي بعد اشوي .. يقولون متجمعين بالحديقة الخلفية ..
بتال بخبث / اهاا .. طيب فمان الله ..
سمر / فحفظ الرحمان ..
" طلع بتال وتوجه للحديقة الخلفية .. شاف جدته ومريم بيدخلون البيت تخبى وراء الجدار لحد ينتبه له ..
وبعد ما شافهم دخلوا .. بسرعة توجه للفرشة .. كان عندة احساس بانها تكون معاهم .. وفعلن ما خاب احساسه ..
شافها من بعيد .. عرفها .. اشلون ما يعرفها وقلبه من شوفة قفاها صار يرجف " ..
(( و ما انتبه لـ العيون اللي شافته من خلف الشبابيك " النوافذ " )) ..





..... بصوت هادي مملوء بالشوق وهو يجلس على ركبه ويطالع عياله / صبحك الله با الخير يا ام سلطان ..
........ فزت برعب والتفتت بحدة .. طالعته بكرهه وصدت لمن شافت اللي جاين بسرعه يمهم .. / ......
بتال طالعها وبسخرية ممزوجه بقهر من صدها / زعلانه .. لـ " التفت وراه بقهر " ..
الهنوف بحدة / قوم قوووووووم ..
بتال طالعها وكتم قهرة التفت على سلطان اللي يحرك يدينه ويتبسم .. شاله وهو يبتسم / يا صباح الخير ..
" قبله بعمق وهو يستنشق ريحته " .. آآآآآآآآآآآآآآه ..
العنود " ام سند " بسخرية / آآآآآآآآآه .. تونن .. تونن يا بتيل .. تونن .. وياما بتون ونين .. و آآآآآآآآآآآآآآه ..
بتال طالع عمته وابتسم / الله يا عمه تبين الوجيعه لي .. تراني مريض وتوني امس طالع من المستشفى ..
الهنوف تجلس جنب العنود وتغطي على ظهرها .. وببرود / سلامتك وما تشوف شر .. ونزل الولد لا تعديه ..
بتال ينزل سلطان عقد حواجبه وهو يشيل الظبي .. وبحنان / يا روحي يا صغيرة .. " وبحزم " .. ليه ضعيفه ..
العنود " ام سند " .. طالعت العنود وشافتها صاده وتطالع لشجر البعيد .. رجعت و طالعت الهنوف ..
الهنوف بنبرة مقصودة / تعبانه .. مـ ....
قاطعها بتال بخوف / ايش فيها .. " قبل الظبي وهو يضمها على صدرة " .. بسم الله عليك يا روحي ..
العنود تحس بغثيان من وجودة .. و بداخلها " مو ناقصة شوفتك يا بتال .. اللي فيني مكفيني روح رووووح ..
قبل لا افقد اعصابي .. و تشعل النار اللي بصدري منك .. والله ما ردني عنك اللي عيالك ..
والا ادفعك ثمن كل وجيعه اوجعتني اياها .. " ..
الهنوف تهمس للعنود / ام سلطان .. ابو سلطان يكلمك ..
العنود اعطت عمتها نظرة من طرف عينها وصدت ..
ام سطام من وراء بتال .. / ولد .. وش عندك هنيا هاااا .. ابعد عن بنيتي ابعد .. لا تتعبها ..
بتال تذكر .. وبهدوء والظبي ما زالت بين يدينه / ما تشوفين شر يا ام سلطان ..
العنود " ام سند " .. بسرعة / الشر ما يجيك ومشكور وما قصرت وقم شوف شغلك وعطنا الظبي ..
بتال بخبث / من قال ان اسمها الظبي .. لا ابي اغير اسمها .. ابي اسميها الجوهرة ..
العنود التفتت عليه .. وبهدوء مستفز / ومن انت .. حتى تغير اسمها ..؟
بتال ابتسم وبغرور / ابوها ..
العنود بخبث / متاكد ؟
بتال بغضب / العنود لا تلعبين بالنار .. تحرق اصابيعك ..
العنود بهدوء / ما عمري لعبت بشي و اوجعت نفسي .. " وببرود ساخر مستفز " .. يا ولد الجوهرة ..
بتال فتح عيونه للاخير وبغضب من بين اسنانه.. / صكي فمك .. لا اهده لك ..
ام سطام تضربة بعصاتها .. وبحزم / انا ما اقول نزل البنت وقم .. و الا مالي حشيمة ومقدار يا ولد الجوهرة ..
بتال قبل الظبي ونزله بهدوء على فرشتها .. وبغموض / قريب نلتقي ونتصاف قريب ..
" تركهم وتوجه لسيارته وهو يقبض على يده يحاول يفرغ غضبة " ..
والعنود صادة عن الكل وتطالع للبعيد / ................
ام سطام تجلس جنبها وتمد رجولها .. وبحنان / يا بنتي لا تزعلين ولا تضيقين صدرك ..
والله ما يمس شعرة منك بدون رضاك .. انتي بنت الغالي .. والظبي والله ما يغير اسمها حنى ما صدقنا ترجع للفارس ..
الهنوف باستغراب / ليه يمه .. فيه بالفارس وحدة اسمها الظبي ..
ام سند باستغراب / ما ذكرها يمه .. ولا عمري سمعت عنها ..
ام سطام بغموض / الظبي ام نايف .. بنت عمي جابر رحمة الله عليه ..
الهنوف ومريم والعنود باستغراب / بنت عمك ..
ام سطام / الله الله .. مير الزمن ابعدها عنا .. الله يسامح من كان السبب ويرحمهم ..




ـــــــــــ



بالاستراحة ..


سند بهدوء / يعني ..
راكان بحزم / ما ابي اشوفه .. ولا اسمعه .. وقلة لا يجي ..
سند / لمتى .. " بحزم " .. راكااان .. بتال ابو عيال اختك .. و خال بنتك .. وولد عمك .. واللي صار بلحظة غضب ..
ندم عليها والحين يبي يضم عياله لحضنه .. مو حلو يعيشون بعيد عنه كانهم ايام وهو حي .. حس فيهم ..
راكان صد عنه وطالع التلفزيون / .............
سند / وزوجتك وبنتك لمتى بتخليهم في بيت عمك .. " وبنبرة مقصودة " .. والا بتسويس وات بتال في اختك ..
راكان بسخرية وهو ما زال يطالع بالتلفزيون / استاذ سند تعينت مستشار اسري وما ادري ..
عناد عض على شفته سند ابد ما يحب احد يسخر به بموضوع جدي ومهم ..
سند وقف وبعصبية / راااااكان ..
راكان طالعه ببرود / ............
سند بحدة / لا تحط خطاك على غيرك .. اذا بتال اخطاء يوم طلق اختك علشان اخته .. انت اخطيت اكثر منه ..
تركت ابوك وامك وهم بامس الحجه لك .. وتركت خواتك في بيت شيبان مرضا يا دوب يشيلون نفسهم ..
ورميتهم على رجال غريب اجنبي .. لا تقول عندهم نايف .. نايف صغير وطايش .. ما يتحمل مسؤلية ..
وهذي اخرتها .. الله العالم يجي فيه نفس والا مقطع نفسه ..
راكان قاطعه بخوف / لا تتفاؤل عليه بالشر .. ان شاء الله يرجع وهو بخير ..
" وبقهر " .. هالجواز والتذكرة متى تطلع ..
عناد وزياد ملتزمين الصمت ..
سند بنبرة مقصودة / وان طلع .. سافرت لهم .. ايش بتسوي .. " وبسخرية " .. بتمسك السيف وتحارب المافيا ..
راكان بقهر / سند .. لا توجعني .. اللي فينا مكفينا ..
سند يضرب يدينه بقهر / انا ما ادري ايش صابك .. انت عمرك ما كنت كذا .. والا انا اللي معمي عنك طول هالسنين ..
الا والله انا اللي معمي ومخدوع في مرجلتك .. " وبحزم " .. قم صل ركعتي وادعي ربك وهدي نفسك ..
الي جاء بتال تكون هادي وربي فتحهها بوجهك قم ..
راكان تنهد وهو يلتفت على التلفزيون .. سند بقهر / نفسي اعرف ايش عاجبك بالتلفزيون ..
لو هو شغال كان قلت يطالع برنامج بس المشكلة مقفل .. " وبصرخة حادة " .. قم تعوذ من الشيطان وصل ..
عناد وزياد كتموا ضحكتهم يوم شافوا نقزة راكان من صرخة سند ..
راكان بضيق / طيب .. لا اله الا الله .. ترعب يوم تعصب وهذا انت اكبر مني بشهر تخوفني اجل لو اكبر مني بسنين ..
سند يسحب عقاله اللي كان طايح على الكنبة جنب الشماغ .. وبجدية / شفت ذا لخلية على ظهرك ..
وقف راكان وتوجه لداخل الاستراحة وهو يتحلطم ويبربر ولا احد فاهم عليه ايش يقول ..
عناد بعد ما طلع راكان / ههههههههههههههههههه ..
سند ابتسم غصب وهو يجلس على الكنبة / والله انه بزر .. يا اخي يخلي الواحد غصب يتنرفز ..
عناد وقف عن الضحك .. وبابتسامه / كاني سمعت هالكلمة زمان عن شخص غير راكان ..
سند ابتسم اكثر وهو ياشر بيده / ما اخص من ذا الا ذا .. " يقصد ما اخص من راكان الا عناد " ..
عناد وزياد / هههههههههههههههههههههههههههههههههههههه
دخل بتال وهو يسحب نظاراته الشمسية ../ السلام عليكم ..
الكل / وعليكم السلام .. " صافح زياد وعناد .. وتوجه لسند صافحه وجلس بجنبة " ..
بتال باهتمام / وين راكان ..
دخل الصبي ومعاه ترمس شاي وصينية فطور ..
سند بهدوء / ساعة لمن تجهزه .. " الصبي هز راسة ورجع للمطبخ " ..
" سند التفت على بتال وهو يقرب الصينية وترمس الشاي " .. تفضلوا شباب ..
بتال رفع حاجب / مفطرين قبلك .. عطنا العلم ..
سند ببرود وهو ياخذ زيتون ويرميه بفمه / اي علم ..
بتال يمسك ترمس لشاي ويصب له فنجان وبتلاعب / ايش سبب نومتك بالاستراحة خايف من المدام ..
سند ابتسم وهو يقطع خبزة / حاب اغير جو .. " التفت عليه " .. تغير معاي ..
بتال يقرب منه وياخذ خياره وبخبث / لشبعت من حضن الي خبرك اغير جو ..
عناد نقز من مكانه وجلس على الارض قبالهم .. وسند وبتال جالسين على الكنبة طالعوه باستغراب ..
عناد بستهبال / عندكم سوالف " غمز بعينة " .. حقت المتزوجين .. واخوكم قريب ان شاء الله ..
بس تتعدل الظروف بيدخل السجن الذهبي مثلكم .. فلا تخلوني غشيم حاب اتعلللللللم ..
بتال رفع حاجب / الله المستعان يا عنيد انت العاشق الاول بالعائلة ناسي يا عدنان ..
عناد بضيق صد / لله يا هل الغلطة اللي ما تنمحي عندكم .. " التفت عليه " .. واحد مغمضة عيونه وتوه صغير ..
سافر برا وشاف الحريم بزينهم كله .. وانا ما عمري شفت الا حريم كبار بالسن وبجلابياتهم وريحتهم مطبخ ..
بالله ايش تتوقع يصير .. والحمد لله ان افتكيت منها قبل لا اضيع مثل غيري .. وانت شايف كيف الشباب الي يسافرون ..
سند يقطع الموضوع / راكان الحين يرجع اياك تكلمه عن سالفة العنود على طول اول شي تعذر منه ..
الين يلين معك شوي وبعدها كلمة بسالفة اخته .. واذا قال لك مالك رجعه لا تزعل و تصارخ خذه بالحلم ..
والعنود سهل امرها بس انت ما تعرفه انت ما تعرف لعسف المهور ..
" مد يدة واخذ ترمس الشاي وصب له فنجان " مثل الكاسر ما عرفت تروضة .. " وبخبث " ..
لو تقول لمتعب بن منصور عنه يمكن يعرف يروضه لك ..
بتال نزل الفنجان بقوة على الطاولة اللي ليها صينية الفطور .. عناد كان يسمع وياكل وزياد راح جهة اخوة ..
عناد مسك الطاولة .. والقمة في فمه / شوي شوي ..
سند مبتسم وهو يمد يده لصينية الفطور وياكل / ..........
بتال بقهر / يا شينك لمسكت خط الخباثة .. " صد عنه بقهر " ..
راكان دخل وبهدوء / السلام عليكم ..
الكل / وعليكم السلام ..
وقف بتال وتقدم منه .. راكان بجمود وقف مكانه .. بتال قبل راس راكان وبابتسامه / طلبناها منك يا ابو شيخة ..
راكان هز راسه بلا / .................
بتال بهدوء / قنا يا ابو شيخة .. الظاهر شيخة مالها قدر ..
راكان بنبرة مقصودة / نذل ..
بتال بنفس النبرة / مثلك ..
راكان ضم يدينه .. وبنفس النبرة / غدار ..
بتال هز راسه / ما هي من صفات الفارس ..
راكان يصغر عيونه وبجدية / اجل ايش تسمي سواتك ..
بتال بجدية / غضب والشيطان شاطر .. والله العالم .. كنت ابي ارجعها لكن انسحبت الايام من بين يديني وراحت ..
مو انا اللي يغدر بولد عمه ونسيبه وخال عياله .. بس السيف سبق ..
راكان طالعه بنظرة وصد عنه توجه للكنبة وجلس قريب من سند .. وبهدوء / والمطلوب ؟
بتال / السموحه .. يوجعني جفاك يا ولد العم ..
راكان وهو يمد يده وياخذ فنجان الشاي من عناد / مسامح .. بس لا تظن راح ترجع الامور مثل قبل ..
بتال ابتسم بفرح / الزمن يداوي الجروح يا ابو شيخة .. " كان يشد على كلمة ابو شيخة " ..
راكان هز راسه وبنبرة مقصودة / يصير خير ..
سند ابتسم وهز راسه لبتال يعني قبل راسه .. تقدم بتال وقبل راسه .. راكان تراجع / انت الكبير يا ابو شيخة ..
راكان بابتسامه جانبية / ما ضنيت بوجود سند انمسح ..
سند بمزح / لا اله الا الله .. اجل تتمنى فناي يا ابو شيخة علشان تصير الكبير ..
راكان بجدية / لا والله .. جعل عمرك طويل يا ابو فهد .. انت عزيز وغالي ..
عناد بصدق / يالله ياللي فرجت العتبة الاولى تفرج العتبات الثانية .. ابي افرح يا نااااس ابي افرررح ..
راكان ابتسم وبخبث / ما اقول الا الله يعوض على اللي بتتزوجها ..
الكل / هههههههههههههههههههه




ـــــــــــــــــ

قبل العصر ..


بيت ابو سند ..


العنود وهي تشرب من الشاهي الاخضر / الا فهد ابي اسالك ..؟
فهد وهو يطالع التلفزيون على برنامج وثائقي عن الحيوانات / هااا ..
العنود باهتمام / انت عمرك سمعت عن الظبي ..
فهد وهو مركز مع البرنامج / بنت بتال .. بس شفت صورتها الله يخليها لأهلها ..
العنود وهي تاشر بيدها وبحماس / لالالالا .. بنت عم ابوي وامي .. بنت عمهم جابر سمعت عنه ..
فهد التفت عليها وبغموض .. / وانتي من قالك عنها ..
العنود بقهر / امي قالته .. الله يسامحها بس قالت اول السالفه وسكتت .. ابي اعرف سالفتها .. انت تعرفها ..
فهد يوقف اول ما سمع صوت اذان العصر / لا اله الا الله .. لا ما اعرف وبعد الصلاة رايح ازور عمي تروحين معي ..
العنود توقف / ايه والله ابي اروح اشوفه ..
فهد وهو يتوجه لدورة المياة اللي بالدور الاول وهو يرفع اكمامه استعداد للوضوء / اجل اجهزي ..
لاجي من الصلاة وانتي ما جهزتي تراء امشي واتركك ..
العنود وهي تتوجه لجناحه / ان شاء الله ..



ـــــــــــــــــ




بيت ابو عناد ..

الهنوف بهدوء / يعني تعرف الظبي ..
خالد بنفي وهو يمسح وجه بالمنديل / لا الظبي ما اعرف عنها شي .. لكن عمي جابر اعرف انه الاخ الاكبر لعمامي ..
" رمى المنديل بسلة الزباله .. و التفت على الهنوف الواقفه قريب منه .. واخذ منها الشماغ " .. وماتوا كل عياله ..
الهنوف / لا اله الا الله .. " وباستغراب " .. اشلون كل عياله والظبي ..
خالد يهز اكتافه وهو ينفح عمامته لفوق / الله العالم .. يالله خليني الحق على الصلاة ..
ايه بعد الصلاة رايح لعمي تروحين معي ..
الهنوف برجاء / والله يا ليت ..
خالد ابتسم وقبل جبينها / تامر امر ام عناد .. بعد الصلاة القاك جاهزة ..
الهنوف بحب / جعل عيني ما تبكيك يا الغالي .. " وبطاعه " .. ان شاء الله ..




ــــــــــــــــــ




بيت ابو بتال ..


سمر عند المدخل ترتب شيلتها .. الخدامة بجنبها شايله شيخه الصغيرة ..
ام بتال جايه جهتها .. / ها خلصتي ..
سمر بهدوء / ايه ..
ام بتال / يا الله مشينا اجل ..
سمر اخذت بنتها وطلعت وراء امها والخدامه معاها الشنطة الخاصة بشيخه ..







بيت ابو سطام ..


بالصالة الداخليه ..



العنود ومياسة وريهام و ام سطام يتقهون ..


ريهام بهدوء / الحين ابي اروح انا و ابرار ونشوف ايش اللي بنغيره ..
مياسه / الله من ذا الاستراحة اللي كل مرة قلتوا بتفتحونها وتبطلون ..
ريهام بضيق / شنسوي يمه كيف نحتفل والمشاكل تطيح فوق روسنا ..
ان شاء الله جدي يقوم بسلامه ونسوي حفله يا كبرها ..
العنود ابتسمت بحب لها البنت .. ام سطام ومياسة / يا رب ..
العنود التفتت لسلطان والظبي اللي يحاولون يمسكون اللعاب الصغيرة المعلقه على الجلسه ..
.........من خلفهم / السلام عليكم ..
الكل / وعليكم السلام ..
وقفت العنود وصافحت ام بتال ببرود متبادل .. ابتسمت لسمر وبهدوء / الحمدلله على السلامه ..
قبلت خدين سمر .. سمر ابتسمت بهدوء .. العنود اخذت شيخه وهي تسمي وتقبلها ..
ام بتال جلست على الكنبه جنب مياسه .. سمر جلست جنب جدتها بعد ما قبلت راسها ..
ام سطام / مدراج العافية .. ايشلونك يا بنتي ..
سمر / الحمد لله بخير ..
ريهام توقف .. وبابتسامه / انا استئذن ..
الكل / اذنك معاك ..
ام سطام بحنان / عطيني .. عطيني شيخة يا العنود خلني اسلم عليها ..
العنود تعطي شيخه جدته وهي تسمي ..
ام بتال / الزين يا خاله اسمها الزين ..
ام سطام ترجع شيخة للعنود / الله يحفظها لبيها واميتها ...
....... من الباب الخارجي / يا ولد ..
ام سطام / من ؟
راكان بضحكه / ابو سطام يا يمه .. ادخل والا ارجع ..
ام سطام بخبث / تعال تعال وسلم على ام سطام يا ابو سطام تعال ..
راكان دخل وهو يضحكه / هههههههههه السلام عليكم .. " تغيرت ملامح وجه يوم شاف الجوهرة وسمر " ..
سمر نزلت راسها من اول ما سمعت الصوت والعبرة خانقتها ..
راكان يقبل راس جدته .. وبنبرة مقصودة / اشلونك يا ام سطام عساك بخير ..
ام سطام بتلاعبه / لشفت ابو سطام اكون بخير .. عديل الروح جعل عيني ما تبكيه ..
راكان بخبث / الا ما دريتي .. يقولك ابو سطام شاف له وحدة مزيونه ويبي يتزوجها ..
ام سطام عارفه القصد .. وعارفه ان سمر دجاجه مو فاهمه .. ضربتها بكوعها خل سمر تنقز وترفع راسها ..
شافت راكان مد يده يعني بيصافحها وبنظراته شي غريب بس مو الحب اللي دائما تشوفه بعيونه ..
ما عرفت ايش تسوي حست برجفه مسكت كل جسمها .. زعلان .. كارهني .. ايش يقصد .. كانت كلها تدور بداخلها ..
ام سطام تبعد شوي عن سمر .. مسكت يد راكان وجلسته جنبها يعني بينها وبين سمر ..
ام سطام / الا عطني علومك .. ايش سويت وين رحت ..
العنود تهز رجلها بتوتر .. شيخه بحضنها .. من لمن دخل سلم على جدته و عمته وام بتال وهي ابد ما حط عينه بعينها ..
راكان يميل جهة جدته ويعطي سمر ظهر يعني مو هامته ولا معطيها قدر .. وبدا يسولف مع جدته عن حالة جدة ..
العنود شغاله هز وناسية اللي بين يدينها .. شيخة تضايقت من الهز .. / وووووووااااااااااا >> اشتقتوا لها ^_*
راكان طالع جهة الصوت وشافها بحضن العنود .. العنود بسخرية / بنتك .. ولا ما شفتها بعد ..
راكان كتم ضحكته اول مره يشوف العنود بذا الوضع .. وقف وتوجه لها .. مد يده يبي يا خذها ..
العنود بقهر هامس / شارد يا ركين شارد .. لكن هذا انت رجعت .. وراح تقولي السالفه بغصب عنك ..
راكان ابتسم وهو ياخذ شيخه .. وبهمس / يصير خير .. " وبصوت مرتفع " .. يا الله حي الشيخه .. شيخة راكان ..
ام بتال تنهد وبصوت حازم / اسمها الزين .. ما هو بشيخه ..
راكان وهو يجلس بكنبه لحالة ذا المرة ومقابل الكل .. رفع حاجب وبسخرية / ااااايييييييه يصير خير ..
سمع صوت حريم بيدخلون الصالة ..
ام طلال وام سيف / السلام عليكم ..
الكل / وعليكم السلام ..
راكان يشيل شيخة بين يدينها .. ووقف .. / يا الله اجل انا استئذن .. " التفت على شيخه " .. يا لله مع بابا ..
وطلع من الصالة توجه لجناح العنود وساره .. العنود وقفت سلمت على الجازي ومريم ..
و وصت عمتها مياسه على عيالها وراحت بسرعة لجناحها ..
و ام سطام ماسكة سمر و همس باذنها بالنصائح وتفهمها مقاصد نغزات راكان ..





ــــــــــــ



بعد العشاء


في المستشفى ..



بعد خروج الهنوف والعنود من جناح ابوهم ..
وانتهاء الزيارة من وقت ..
الدكتور عند ابو سطام .. لستكمال بعض الفحوصات الزمة للعملية .. المقررة غدا ..
بالصالة ..
سلطان / انا الليلة ابات عن ابوي .. وبكرة انت يا سند ..
خالد بحزم / ترا انا لي نصيب في عمي .. كل ما قلت الليلة ابات عند عمي ..
نطيت لي انت والا سند والا واحد من العيال .. الليلة انا وبكرة كيفكم ..
سند / انا الليلة متنازل لكم عنها .. اما بكرة فلا ..
سلطان تنهد / اجل خلاص يا خالد بات انت .. ما اقدر ازعلك ..
خالد بمزح / زين انكم رضيتوا بسرعة والا هاا بذا " وهو ياشر على عقالة " ..
سند وسلطان / ههههههههههه
خرج الدكتور وهو مبتسم / الحمد لله كل شي تمام .. ان شاء الله بكرة ما يفاجئنا شي ويلخبطنا ..
الكل / ان شاء الله ..
الدكتور / عن اذنكم ..
الكل / اذنك معاك ..
دخلوا لـ ابو سطام وجلسوا معاه شوي الى ان نام ابو سطام طلع سند وسلطان وبقي عنده خالد ..




ــــــــــــــ

بجناح العنود ..

ساره / يعني كذا بس ..
العنود بعدم تصديق / كذا بس ..
ساره تهز كتوفه / ما ادري احس مو مصدقه ..
العنود بخوف / يا خوفي يكون الموضوع اكبر من كذا بكثير ..
ساره وهي تفرك يدينها في بعض / العنود .. ممكن يكونون متهمين نايف بالارهاب .. والله معاد نشوفه لو كذا ..
العنود بجزع / بسم الله عليه .. لا ان شاء الله .. جعله مثل ما قال راكان نقص باوراق التصديق بالسفارة ..
" وبعدم اقناع " بس انا مو مقتنعه بهالشي .. ايش لون انه ماله سجل بالسعودية .. ورفضوا دخوله .. ولزم احد يثبت ..
السالفه مو مرتبه .. واخوك جابها من عقلة كذا بس يبي يسكتنا .. لكان حنا مو اغبياء ..
ساره بضيق تنهدت / ............
العنود حطت يدها على خدها مالها حيلة .. / ...............
ساره / الا تتوقعين راكان بينام هينا صدق ..
العنود ابتسمت غصب / جدتك حلفت عليه ..
ساره / وسمر ..
العنود طالعتها بنظرة .. سارة وقفت / تصبحين على خير بكرة اخر يوم بالمدرسة وعندي اختبار ..
العنود / وانتي من اهله ..



ـــــــــــــــــ



بيت ابو سند ..


بشقة سند ..


خرج من الحمام وهو لف فوطه على خصرة والثانية ينشف فيها شعرة ..
رنيم واقفه ومتخصرة .. وبعصبية / غايب عن البيت لك فترة واخر شي تدخل لا سلام ولا كلام ..
سند ينشف شعره ومطنشها .. رنيم تتقدم منه .. وبحدة / سند قاعدة اكلمك ..
سند رمى المنشفه على الشماعه .. اخذ ملابسة ولبسها .. توجه لتسريحة ومشط شعره ..
ورنيم تمشي وراه .. رنيم بحدة وقهر / ســـــــــنــــــد ...
سند تعطر وتوجه للإضاءة وخفضها .. وتوجه لسرير رفع الفرشة ودخل تحته بمنتصف السرير ..
رنيم رفعت الفرشة وجلست بطرف .. رنيم بقهر / انت ليش ما تكلمني ..
سند بتعب وشوق / رنيم .. بكره عملية جدي في القلب .. فخليني انام بدري علشان اصحى بدري ..
واروح له قبل لا يدخل العمليات .. ممكن تريحيني مو علشاني .. علشان خاطر امك وجدي ..
رنيم / .....................
سند حط يده اليمنى على عيونه ويده اليسرى ممدوه .. يحاول يلجم شوقه ويكمل عقابه لها ..
ارتعش جسمه يوم حس بثقل راسها على عضده .. حاول ما يميل ويحضنها و يشبع صدرة من ريحتها ..
بس هو تعبان تعبااااان حد الموت .. رفع يده والتفت جهتها شافها معطيته قفاه .. التفت لها ..
حط يده اليمنى على بطنها البارز بوضوح وصار يمسح عليه بحنان ..
ابتسم وكل التعب اللي بجسمه راح اول ما حس برفسات الجنين .. وبحنان همس لها / اتعبك ..
رنيم بدلع لاول مرة حس فيه سند بصوتها / مثل ابوه عادي ..
لو كلامها يجرح بس نبرة الدلع اللي فيه جننته .. كان بقوم ويغرقها قبل واحضان .. عطشان واضماه جفاها ..
بس مسك نفسه ما استوت طبخته زين .. لزم لها شوي .. دخل انفه بشعرها واستنشق رائحتها العطرة بعمق ..
حس برفسات متتالية تالمت منها رنيم وتاوهت / آآآآآآآآآآه .. " وتلقائين وضعت يدها على يد سند مكان الرفس " ..
ليستكن الجنين وهداء .. ثواني لينتظم تنفس رنيم وسند معلنين التعمق بالنوم ..



ـــــــــــــ



بيت ابو سطام ..

دخل راكان البيت وما سمع اي صوت .. التفت يمين ويسار ما شاف احد ..
توجه لجناحه هو و زياد ودخل لغرفته .. " جناحهم من غرفتين وصالة وحمام " ..
فتح الباب وتفاجاء بسمر واقفه قريب من سرير صغير بأحد زاويا ..
طالع بسمر من فوق لتحت .. صابغة شعرة بني شوكولا .. وخصل خفيفه عسلي ..
شعرها طولان لنص ظهرها بقصة المتدرجة .. لبسه قميص سكري طويل ولفه عليه روب من الدانتيل ..
سمر شافت نظراته لها و نزلت راسها بخجل وحرج .. خايفه جدتها غلطانه .. وامها صح ..
وتتمنى يكون كلام امها خطاء .. سمعت صوت فتح الدولاب .. التفت عليه وشافته يطلع بجامه له واخذ الفوطة وطلع ..
غطت بنتها بالفرشة .. مسحت على شعر بنتها الاسود الناعم بحنان تركتها وتوجهت للكرسي جلست تنتظر رجوع راكان ..
وقلبها يدق خوف من صدة لها وجرح قلبها ..

البارت 31 ..




يا زمان العجايب وش بعد ما ظهر
كل ما قلت هانت جد علم جديد
إن حكينا ندمنا وان سكتنا قهر
بين قلب عطيب وبين راس عنيد
لو تفيد المدامع كان اسيل نهر
مير كثر التوجد والدمع ما يفيد
اصبر ايام واشهر واتصبر دهر
وان حصل لي مناتي جيت لوني بعيد
ارجي الله وارقب كل طالع شهر
يجلي الهم عني او عسى ما يزيد
يا غزال فضوح الزين عنه اشتهر
في عيوني ملاك ووسط قلبي وحيد
مخطي اللي يشبه وجنتك بالزهر
الزهر ماله رماح تصيب وتصيد
لو جحدت المحبه سقم حالي جهر
مير كل قلب ياصل اللي يريد




" خالد الفيصل " ..




بيت ابو بتال ..

جناح سلطان والجوهرة ..



خرج من دورة المياة وهو لبس ثوب النوم .. كان ينشف شعره ووجه من اثار الماء ..
بطرف عينه شافها واقفه بجنب الكنب اللي بالغرفة ..
كانت واقفه وهي تفرك يدينها .. ندمانه .. لا مو واضح عليها الندم ..
شافها بتفتح فمها بتتكلم .. صد عنها قرفان رمى الفوطه على طرف الطاولة وطلع من الغرفة متوجه للمكتب ..
موناقص شوفتها .. مشاكل الشركة .. مرض ابوه .. مشاكل اولاد اخوه .. مشاكل أولاده ..
و عقابها .. ما نسية بس الوقت نصفها ..
اما هي حست بالكسر والمهانه .. جلست على الكنبة وغمضت عيونه والدمع عانق اهدابها ..






ــــــــــــــــــ





يوم جديد ..




بيت ابو سطام ..



اليوم العملية المقررة لجدهم ..

كل نساء العائلة متواجدات في البيت ..
و البنات اتفقوا يتجمعون ويقضون باقي اليوم كله ويعملون الفطور بمطبخ الجدة ..





باحد زوايا الصالة ..




غرام وجهها بوجه سمر / عادي ..
سمر بضيق / اشلون عادي .. اقولك باس بنته وحط راسه على المخدة ونام ولا قالي حرف واحد ..
غرام بعصبية وسخرية / وانتي ان شاء الله مفكرة انه اول ما يشوفك بيحط بالاحضان .. لا يا قلبي ..
اكيد بيعاقبك .. و احمدي ربك ان اول ليلة عدت كذا .. انتي مو مقتنعه ان اللي سويتيه خطاء ..
سمر بعبرة / الا بس والله مو قاصدة .. وبعدين انا كذا ما اعرف اخبي شي عن اهلي .. يعني ما اعرف ..
غرام بسخرية / لا والله ما تعرفين .. " وبحزم " .. الا والله هذي من الخباله .. خلك كذا اللين يعرس عليك ..
وتخسرينه نهائيا وتقعدين بحسرتك والناس تتشمت عليك .. خلك ..
سمر شهقت بخوف / هئئئئئ لا ما يسويها راكان ..
غرام وهي تحط يدها على خصرها وهي جالسه وتاشر بيدها الثانية / ليه مو رجال .. ايش يعيبه ..
والشرع محلل له اربع بدال الوحدة .. بدال ليعيش مع وحدة منكدة عليه .. وبيبي كل كلمة والثانية ناقلتها وكارهه اخته ..
ومفرقه بين اخته وزوجها .. " سمر كانت بتتكلم " .. لا تقولين مالك دخل بطلاق بتال والعنود ..
صح العنود كانت مغرورة .. بس والله الحين شكلها ابد مو مغرورة .. او يمكن موت امها وابوها غيرها ..
بس انتي وامك .. غلطتوا وغلطتوا كثير بعد .. فالحين لا تشرهين على صد راكان لك .. اذا اوجعك هجره ..
فحسي بوجع طلاق العنود .. وهجر اخوك لها .. وكلام الناس .. " وبحنان " .. ادري اني قسيت عليك ..
بس يا قلبي حبيب يقسى عليك .. ولا حقود يتشمت فيك ..
سمر هزت راسها وصدت تفكر بالليله الباردة من هجر راكان لها .. شافت العنود تبتسم لجدتها وتسولف مع عماتها ..
سرحت فيها وفي جمالها وابتسامتها .. انتبهت لصوت غرام تتكلم مع ابرار اللي توها وصلت و واقفه قبال غرام ..





غرام باستغراب / ضيفه .. ومن ذي الضيفه والصباح .. والناس صيام .. من قليلة الذوق ذي ..
ابرار تهز كتفها / ما ادري .. اول مره اشوفها وبيني وبينك ما ارتحت لها ..
سمر باستغراب / ايش السالفه ..؟
ابرار وهي ترفع شعرها بالربطه / تسالني عن شجون " تقصد غرام " .. قلت عندها ضيفه ..
سمر باستغراب / ضيفه وصباح و بأيام صوم .. من ذي ..؟
ابرار بضيق / ما اعرفه ؟ .. " وبتذكر " .. ايه اذكر انها ندتها ساميه او سميه او اسماء زي كذا ..
غرام قرصة عيونها وباستفسار / شفتي وجهها ..
ابرار باعجاب تهز راسها / ايه ما شاء الله كانه من ملكات جمال الهند ..
غرام تهز راسها و عرفت من الضيفه / هاا قلتي جمال الهند .. " صدت بقرف " .. سميه ..
ما ادري ايش عجب شجون فيها .. لا وهذي مو بالجامعه بعد ..
ابرار جلست جنب غرام وباهتمام / مو بالجامعه ؟ .. وكيف تعرفت عليها شجون اذا مو بالجامعه ..
غرام تنهدت / هي كانت بالجامعه .. بس لانها ما تحضر المحاضرات و مسويه ازعاج تم فصلها ..
ابرار / اهااا .. " شافت البنات جالسين بزاوية ثانية من الصالة فقامت وتوجهت لهم " ..
سمر بعد ما ابتعدت ابرار .. باستغراب وهمس / ايش قصة شجون و اسماء ..
غرام تميل عليها وبضيق / مو اسماء .. سميه .. " وبتكشيرة " .. هالبنت ما حبيته احسها بتجيب المصايب ..
سمر رفعت حاجب / ليه ايش اللي مو عاجبك فيها .. وبعدين شجون مو اي احد يقدر يصادقها ..
غرام بقهر / الا ذي كان الله مسلطها .. مسيطره على شجون تسيطر .. الله يكفينا شرها ..
سمر / امين ..





ـــــــــــــــــــــــ



عند الجدة ..



العنود بضحكة / الله الله .. بكرة تلقينه داخل وبيدة ممرضه ..
بالاول يقول ابيها تطببني ثم يقول ابي اعرس عليها عن الحرام والحلال .. هههههههههه
ام سطام بضيق / قمي قمي عني .. ابو سطام ما يحط عليه شريكه .. ما هو بخوان ..
ام سند تصفق وتصفر / عاشت امي عاشت .. قاضبة ابوي عدل ..
ام سطام تنهدت بضيق / الله يقومه لي بالسلامة وخله ياخذ عشر ..
الكل / ههههههههههههههههههههههه
العنود / ههههههههههه الدعوة ماهي بصادقة عشر مره وحدة ما يجوز ..
الشرع محلل اربع .. قولي الله يقومة لي بالسلامة ويدخل عليه معاه ثلاث ..
ام سطام تضربها بالعصاه وبعصبية / اعقلي يابنت لا والله الا هذول اللي بهبلون فيني واصير ادعي على الرجل ..
الكل / هههههههههههههههههههه
العنود بضحكة / انشوف يا ام سطام .. عقب العملية راح يقوم وينادي اسمك والا ينادي الممرضة ..
ام سطام فتحت عيونه بخوف / ظنتك ينادي المرضة ..
الكل / ههههههههههههههههههه
مريم ام طلال / هههههه لا يمه .. هههههههههه يمزحون معك .. هو عساه يذكر حاله لطلع من العمليه ..
ام سطام تنهدت بضيق وشدت يدينها لسماء / يالله يا شافي يا معافي .. تشافي لي عديل الروح وتقومه لي سالم غانم ..
الكل / امين ..





ـــــــــــ



خارجه من بيت ابوها منزعجة ..

اشعه الشمس على عيونها .. عاقدة حواجبه وتمشي بعصبية متجهه لبيت الجد ..


...... بعصبية وهي تاشر بيدينها وكانها تكلم نفسها / حسبي الله عليك ياسعيدان ..
لو مو بياختك ونذالتك كان انا بشغلي .. ايش له ترسل على الرجال هدية وتبلغه عن الملكه ..
لو انتظرت شهرين وبعدين ناطحته .. كان هو ذلف ويا اخته وانا قعدت بشغلي .. لكن مسوي فيها الفالح الكسبان ..
حسبي الله عليك .. ما ريحتني من شرك .. لا يوم غبائي وحبي لك .. ولا في كرهي لك .. ولا بعد الملكه ..
اجل بعد الزواج ايش بتسوي فيني .. بتوديني مستشفى المجانين .. هههئئئئئئئئئئئئئئئئئئئئئئئئئئئئئئئئئئئئئئئئئ ..
" شهقت شهقه قوية حست روحها بتطلع من جسدها .. فجاة يدين التفت على خصرها وسحبتها على جنب ..
وسحبت برقعها "..
..... بابتسامه / بعد الزواج ابي اضمك كذا .. " وهو يضمها لصدرة " .. وابوسك كذا " وهو يبوسها بخدها " ..
" وبخبث " .. وابوسك كذا ... " وهو يقرب بهدوء لشفايفها " ..
نوال من الرعبه مبحلقه عيونها وتطالعه .. واول ما حست بقربه انتفضت ودفعته ..
اختل توازن سعود وكانت راح تهرب بس هو مسكها بسرعة .. ورجعها مكانها ..
كان حاشرها في زاوية ركنية خلف البيت .. سعود بابتسامه / تبين تنحاشين معصي مانتي منحاشه ..
نوال بعصبية / سعودوة .. هات برقعي .. و انقلع عن وجهي ..
سعود بابتسامه / انا ما سحبته عن وجهك الا علشان اشوفك تبيني اعطيك اياه علشان تحرميني من شوفتك لا معصي ..
نوال بقهر صدت عنه / سعود والله لاقول لابوي انك قليل ادب و خطفتني ..
سعود / ههههههههه قولي له انتي مرتي و حلالي ما فيها شي ..
وبعدين لو ما منعتوني من الزيارة والمكالمات ما كان سويت ذا الشي ..
نوال بخبث / اول شي ادفع المهر وعقبه تشرط وزور وتكلم ..
سعود بسخريه / مهرك الـ 500 الف .. اييييه احلم به .. " وبجدية " .. ان قاله الله ان بعد خروج جدي ..
قلت افلحوا بعرسي واجيبك في جناحي " وهو ياشر باصباعه على جهة احد الشبابيك فوقه " .. ذا بيتك ..
ومهرك ما يزود عن 50 الف وكثيرة بعد .. والسواق والخدامه مالهم داعي وظيفة وماعاد فيه يعني مالك حاجه بهم ..
نوال تلف يدينه على خصرها .. وبتحدي / قد كلامك يا سعودوة ..
سعود يقرب لها .. وهي تراجعت للخلف برعب .. وبهدوء / وقدووووود " قرب اكثر بيقبل شفاتها " ..
نوال رفعت رجلها لتضربة بقوة في رجله .. سعود ابتعد بالم وهو يمسك رجله ..
نوال راحت تجري لجهت بيت جدها .. اماني اللي كانت طالعه من بيتهم ..
شافت نوال تجري لبيت جدها وسعود يعرج وراها رايح لسيارته ..
اماني بقهر وهي تضرب يدينها في بعض / اكيد فاتني اكشن قهههههههههههررررررررررر ..
" وراحت تجري لبيت جدها بتسال نوال ايش صار " ..





ـــــــــــ





داخل بيت الجد ابو سطام ..


رنيم جالسه قريب من المطبخ .. تشرب عصير مانجا وتاكل فطاير ..
" الصيام سنه وبما انها حامل رفض سند صيامها " ..
نوال بسرعة جلست جنب رنيم وهي تتنفس بسرعه ..
رنيم باستغراب / ايش فيك ..
نوال تمسك كاست العصير وتشرب منها / سعودوة الله لا يبارك بعدوينه .. مسكني كان بيخطفني مره ثانية ..
" رجعت تشرب من العصير " ... بغى يوقف قلبي ..
رنيم باستغراب مع ضحكة / سعود مو عند جدي بالمستشفى ..
نوال بقهر / لا .. قاعد في البيت .. قالب ثلج على قلبه .. وعله على قلبي ..
" ورجعت تشرب من العصير اللين خلصته " ..
اماني دخلت عليهم وبقهر مع حماس / انتي هينا .. " وباستغراب " .. ايش اللي بيدك ..
نوال تطالع بيدها / عصير رنيم شربته .. هئئئئئئئئئئئئئئئئئئئئئئئ " شهقة وكانها تذكرت شي " .. انا صااااااااييييييييمه ..
اماني جلست وهي ميته من الضحك .. ورنيم وقفت تحاول تتنفس من الضحك وماسكه اسفل بطنها ..
نوال بدموع / حسبي الله عليك يا سعيدان بيخبل بعقلي .. " التفتت لرنيم " .. الحين اكمل صومي والا خلاص ..
رنيم مو قادرة تتكلم تاشر بيدها روحي داخل .. وهي توجهة للمطبخ ..
نوال تحط كاسة العصير على الطاولة وتتوجة لصالة الكبيرة اللي متجمعين فيها وهي معصبة ومقهورة ..
اماني تجري وراها وهي تسالها ايش صار .. وايش قالك ..





ـــــــــــــــــ





بعد ساعات طوال ..



بالمستشفى ..



سلطان والكمام على فمه ولابس .. لبس غرفة العمليات الاخضر .. نزل الكمام / ها يبه تونس شي .. تامر على شي ..
ابو سطم ياشر بيده وبتمتمه خفيفه / سند .. سند ..
سلطان / ابشر الحين يجيك ..
" طلع سلطان من العناية وكلم سند ودخل سند " ..
سند / سم يبه امر ..
ابو سطام وهو يحاول يتكلم وريقه ناشف ونفسه صعب يطلعه ويدخله / ان صار لي شي .. العنود امانه برقبتك ..
سند هز راسه / العنود واخوانها بعيوني بس انت ارتاح ولا تشيل هم ابد ...
ابو سطام غمض عيونه بقوة وفتحهم اكثر من مره .. غمض عيونه وريحها لـ النوم ..
طلع سند وهو يمسح على وجه بارهاق .. سلطان / الدكتور يقول نجحت .. ليه ما طلعوة بغرفة لحاله ..
ابو عناد / مو الحين بدري وهذي بالقلب مو بمكان هين .. الله يقومة بالسلامة .. اهم شي تطمنا على نجاحها ..
ابو سند يوقف بتعب وبصوت ثقيل / انااا .. " ليختل توازنه وبسرعه سند و خالد مسكوة وجلسوة على الكرسي " ..
ابو عناد / بسم الله عليك ايش جاك ..
سند يهز راسه بقهر/ انا قايل لك يبه .. طول المقعاد مو زين لصحتك وانت صاحب سكري بس الله يهديك ..
ابو سند / مااااا ببببننننييييي ششششششي عاااادي سسسسسككككككررررري ..
سند طلع جواله واتصل على فارس / الو .. انت وين .. تعال ابوي تعب ..
سند يلتفت لابوه بعد ما رجع الجوال لجيبه .. / الحين يجي فارس تكشف وتاخذ لك اكل وترجع للبيت يبه ..
ابو سند باصرار / ماله داعي انا بخير خلاص ..
سند يهز راسه / الحمد لله بس مهما كان لبد تفحص .. " وصل فارس " ..
فارس بخوف / ايش فيه ابوي ..
سند يعضد ابوه ويساعدة فارس .. سند / رح وسوي لـ ابوي تحاليل سكري .. و اعطيه عصير خله يشرب ويريح ..
ابو عناد / انا رايح معاك عارف انك بتقدر على فارس وما تحلل ..
وقف ابو سند وطلع مع فارس وابو عناد ...
سلطان التفت لسند / ايش قالك ابوي ..
سند / يوصيني على العنود ..
بتال الي توه دخل يبي يتطمن .. بضيق مع عصبية / وليه يوصيك انت ..
سند معصب ومتضايق التفت له وببرود / لاني ارجل منك .. " جلس جنب خاله صد عن بتال وابتسم " ..
سلطان ببرود / وانا اشهد ..
بتال بقهر / يبه ..
سلطان / ها تبي ابوي يوصيك عليها علشان تزيد بقهرها ووجعها ..
لا .. ابوي وصاني ووصى سند عليها لانه مو مامن فيك مامن فينا ..
بتال حط يدينه بجيوبه وصار يشد فيها وبقهر / محد مسؤول عنها غيري وتشوفون ..
سند ببرود وهو يمسح على شاربه / ردد .. ردد ياليل ما اطولك ..
يشيب راسك وتطيح عظامك وانت ماراح تقدر تلمح طرف شعرها ..
بتال بقهر / اعوذ بالله منك .. يا اخي تمنى لي الخير .. عدو انت منت صديق.." صد عنهم وابعد وهو يتحلطم مقهور " ..
سلطان وسند / ههههههههههه
سلطان تنهد / والله ان حاله موجعني ..
سند يهز راسه / هو وجعه اكبر من وجعك ..
سلطان بقهر / ما اقول الا حسبي الله ونعم الوكيل ..





ــــــــــــــــــــ




بيت ابو سطام ..



بالمطبخ ..


العنود / لا الافضل تخلين بالموية الحارة مرقة ماجي .. حتى لزدتي الاكل مايفتح ويصير فاك طعمه ..
نوال تهز راسها وهي واقفه جنب العنود / اهااااا .. طيب الحين ايش تحطين ..
العنود / الخضرة اللي قطعناها .. واقلبيها مع الحم .. كذا ..
نوال تراقب حركات العنود وطريقتها بالطبخ ..



ريهام / لالا .. لا تحطين الكافيه الحين .. يخرب ..
ابرار / الكافيه والكاكاو على الوجه مع قشطة وزبدة ..
غرام / انا احطها كلها مع بعض وطعمها مرة جنان ..
ابرار بضيق / لا لتحطين الحين .. جربي الطريقة الثانية وراح تعجبك اكثر ..
غرام / طيب ..




شجون / كثرتي الملح ..
رنا / لا ما كثرته ..
روان بضحكه / على رنيم رنيم ..
شجون / ايه صدق .. " غرست الملعقة بالصلصة واخذت جزء وتوجهت لرنيم .. اللي جالسة عند باب المطبخ ..
وقبالها صينية فيها قطع صغيرة من الاطباق اللي عملوها البنات وهي تتذوق وتبلغهم عن ملوحتها وحلوتها " ..
رنا مع شجون / ذوقي .. ذوقي ملحها كثير والا تمام ..
رنيم تذوق / لا تمام هذي صلصة ليش ..
رنا / لـ المعكرونة ..
رنيم / لا تمام ..
رنا لشجون / هي شفتي .. ياله نكمل ..
شجون / طيب بس لا تعصبين ..



غرام بسخرية ترفع صوتها / غريبه شجون .. توقعت تفطرين بسبب الضيفه اللي جاتك ..
شجون ببرود / لا ما افطرت .. اذا جاك ضيف مو صايم يعني لزم تفطرين ..
غرام بسخرية / الا من ذا الضيف الي ما نديتينا علشان نستقبلة معاك ..
شجون بتجاهل .. وبنغزة / رنا لا تكثرين الفلفل تره بيضرك انتي مو انا ..
رنا مافهمت باستغراب / ما حطيت فلفل حار كثير بس 4 حبات فلفل اخضر حار ..
شجون هزت راسها وكملت شغلها ../ ...............
غرام رفعت حاجب وهي تطالع شجون بعصبية وقهر .. دخلت سمر وبابتسامه / تاخرت عليكم ..
العنود التفتت عليها .. وبعفوية / سمور شفتي سلطان والظبي ..
سمر طالعت غرام ورجعت طالعت العنود / ايه خليتهم مع زينتي مع امي ..
العنود هزت راسها وصدت / .............




ــــــــــــ





بالصالة ..




ام سند / لا تقولين .. والله صدك وراح لمكتبه ..
الجوهرة بضيق / ايوة .. والله اني ندمت .. خلاص عاد ..
ام سند بسخرية / لا والله خلاص .. الا انت ماتعرفين سلطان .. واللي سويتيه عاااادي ..
" وبجدية " .. وندمت ما ندمت اضحكي بها على غيري وغير سلطان انا اعرفك مثل ما اعرف كف يدي ..
الجوهرة بضيق / العنود انا يوم شفت المتعه والحياة اللي عايشينه انبهرت ..
انا من يومي وانا محرومه .. تزوجت وعمري 10 سنين .. كله لاني قلت لابوي ابي ادرس مثل بنت جيرانا ..
عمي وعمك ماخلوا كلمه ما قالوها اللين زوجوني .. وعشت بقهر وضيم وحرمان .. ناسية ليالي البرد ..
وانا حرمة توني والد بكري بتال وسلطان رايح لي يتمشى مع اصدقائه .. جوع وبرد وخوف والم ..
كبروا عيالي وخفت يده عن الضرب والتفت لنا .. تقولين ما قصر وقالك كلمتين حلوة .. ولبسك ..
اقولك ايه قالي كلمة حبيبتي .. لكنها ناشفه .. ضمني لصدرة وانا اللي احاول ادفيه واقنع نفسي بدفاه ..
سلطان يتعامل معي مثل الشركة وشغله .. الا الشركة يحبها اكثر مني ..
العنود تنهدت بضيق / مو انتي لحالك .. انا حالتي مثلك .. والهنوف وامك وامي ومياسه .. بس نتحمل مانبي نهدم بيتنا ..
الجوهرة تهز راسها / لا منتم مثلي .. انتي فهد يعشقك .. ماعمرة مد يدة عليك .. من لمن تزوجتوا ..
يمكن مرة او مرتين .. بس كان مغصوب عليها .. وتعرفين من كان يغصبة .. ولمن تبكين يبكي معاك ويراضيك ..
اما الهنوف ولا مره رفع صوته عليها .. بينهم احترام ومحبة وتقدير.. مياسه الله اعلم عنها بس اكيد زوجها مثل اخوانه ..
العنود طالعتها بضيق / يعني سواتك اللي سويتيها عن العمر اللي مضى كله .. بس سواتك خطاء ..
الجوهرة تهز راسها / خطاء .. وانا مرة مايصير اخطي .. اما الرجل يخطي ويخطي ويخطي ولا يعيبه شي ..
العنود تنهدت / ادعي بان الله يزيح هالغيمة بسلام .. و سلطان يعديها ويسامح ..
الجوهرة التفتت على الصغار وشالت سلطان الصغير قبلته وحطته بحضنها / ان شاء الله .. ان شاء الله ..
العنود بابتسامة / ما شاء الله يا سلطان الصغير كل ما يكبر كل ما احلو اكثر ..
الجوهرة بابتسامة / ربي يحميه ويخليه .. " وهي تقبلة مره ثانية " ..
ابوه شفقان عليه شفقه .. افكر اليوم اخذة واخليه ينام عندنا ..
العنود شهقت / وامه .. والله ما تخليه ..
الجوهرة بقرف صدت / ومن بياخذ اذنها.. باخذ الحليب والرضعه و اطلعه لابوة .. حتى البنت ابي اخذها ..
اصلن افكر اني اغير اسم الظبي .. بس امي وخالتي رافضين ما ادري ليه ..
العنود بحماس / علشان بنت عمهم الظبي ..
الجوهرة باستغراب / اي بنت عم ..
العنود بحماس / ما تدرين .. هذا الله يسلمك ......





ـــــــــــــــــــــ


بزاوية اخرى ..



الهنوف / طيب انتي ليش ما احتسيتي واخذتي موانع ..
الجازي بضيق / انا مركبة لولب .. عارفه الحبوب اخبص فيها .. لكن الله ارد .. لو تشوفين عبدالعزيز ..
مخرف على ذا الحمل كان ما عنده عيال من قبل ويقول ان شاء الله انها بنت حتى يتساوون عندي العيال والبنات ..
مريم بهدوء / الحمدلله على كل حال .. وان شاء الله مولود كامل وبصحة وعافية وربي يزرع فيه الصلاح ..
الكل / امين ..
مياسه بابتسامه / وريان واماني بطلوا تليعن والا اماني لساته قاضبة ترعب بالولد ..
الجازي تنهدت بضيق / سببت له رعب .. صار ماينام الا بحضني .. وان قلت له ضايقتني ما وقفت تعابيرة وتشرهه ..
مريم تضحك / هههههههه والله يا اماني هبلت فيه مسيكين .. ولا تهتم لا بتهديد اخوانها ولا ابوها ..
الكل / هههههههههههههههههههه
مياسه / الله يصلحها .. والله يعينك عليهم ..
الجازي بتعب / امين .. بس والله احسني مفتشله .. اشلون بعد هالعمر احمل ..
الهنوف عقدت حواجبه / ايه والله صدقتي .. الحمد لله انها قطعت عندي من كم شهر ..
مريم باستغراب / تقولينه صادقة ..
مياسه بضحكه / وفرحانه .. لا يدري عنك ابو عناد ويعرس يقول كبرت خلاص ..
الهنوف بثقة / لا يروحي فديت خلودي ماهو مفكر بغيري .. وبعدين ليش ما افرح ..
اعتبريني توني بنيه صغيرة ما هي .. " تغمز لاختها ^_*.." .. " التفتت لمريم " ..
ايه والله صادقة لها حول الثلاث شهور قاطعه .. الحمد لله لا عاد حبوب منع حمل ولا غثاء مرتتتااااحه ..
مياسة بضحكة / الله عاد ياللي توك صغيرة وماااا .. خفي علينا بس ..
الكل / ههههههههههه
الهنوف بضحكة ومزاح / وازيدك من الشعر بيت .. افكر اني اقول لخالد يرجع يخطبني من جديد ..
ويدفع لي مهر ويسوي لي عرس من جديد والبس فستان ابيض من جديد ...
هذا مرحلة مهمه بعمري ولزام يونسني لكتئب .. " وهي ترفرف بعيونها ببرائه مضحكه " ..
الكل / هههههههههههههههههه
مريم / الله يقطع شرك يا ام عناد ههههههههههه الا بيسوي هالعرس والمهر لعروس جديدة ..
الهنوف بضيق مزوح / انتم ايش فيكم تتفاءلون عليه .. تبون لي الحرة والضيم ..
الجازي بضحكة / لا بسم الله عليك الا الله يجعلك جوهرة بين عينين وحلوة بين سنين ..
الهنوف تشهق وتحط يدها على صدرها بمزح / جوهرة من .. الا قولي جعلك هنوف بين عينيه وحلوة بين سنيه ..
الكل / ههههههههههههههههههههه





ـــــــــــــــــ




عند المطبخ ..


مرام تدخل / سلام ..
الكل / وعليكم السلام ..
مرام بابتسامه وهي تاخذ من قطعه معجنات مطلعتها ريهام من الفرن / اووو سخنه ..
ريهام بابتسامه / انتي بعد مثل رنوم ..
مرام بضحكة / ايه .. " وبضيق ".. والله ودي اصوم بس الدكتورة رفضت لان عندي شوووي فقر دم ..
العنود بهدوء / سلمت قلبك .. اجل الكبدة اليوم من نصيبك .. توني مسويه كبدة خروف طازه يحبها قلبك ..
مرام بتقرف / يعععععع ..
رنيم من وراها / عنود يا الدبة اذا موجود زيديني والله طعما جنناااان لا يفوتك مروم ..
مرام باستغراب / اكلتي كبدة .. غريبه انتي ريحتها ما تطيقينها ..
رنيم باعجاب / بس مثل الكبدة اللي مسويتها العنود ما ذقت .. جربي وتشوفين ..
العنود جهزت صينية فيها مجموعه من الكلات / تعالي مرام ذوقي وشوفي ..
غرام بمزح / لا والله مابقي من الاكل شي ..
الكل / هههههههههههههههه
العنود بابتسامة / اذكري الله .. والخير وافر الحمد لله ..
غرام / لا اله الا الله .. كلي .. كلي يا اخيتي واكلي ببونك .. الحمد لله ان وحامك مو مثل الاول ..
والا كان ماشفناك الا بعد الولادة ..
مرام بصدق / لا الحمد لله هالحمل ياربي لك الحمد خفيف مو مثل مريوم .. مريوم بس اكل ونوم وغثيان ذابحني ..
العنود بهدوء / اكثري من الحمد والاستغفار باذن الله يسهل عليك كل شي ..
ريهام التفتت للعنود / صح .. انتي كيف كان حملك وولادتك ..
العنود بهدوء / الحمدلله .. وصلت للموت ورجعت .. ربي يجعل امي بجنات النعيم ..
الكل / امين ..
العنود / الوحدة لجات عند الولادة المفروض تدعي ربها وتحمدة ..
رنيم بعبرة / ممكن تغيرون الموضوع .. تراني على وشك ولادة والنوم مجافيني .. والقلق ذابحني ..
العنود تلتفت عليها / ليه ..
ريهام بضحكة / خايفه تولد مثل مرام .. في البيت ..
مرام / لا ان شاء الله .. " التفت لرنيم " .. اسمعي .. انت من يوم تقول لك الدكتورة دخلتي التاسع ..
انتي حسي بنفسك اول ما تجيك مغصة على طول روحي المستشفى لا تصيرين مثلي ..
والي يقولون لك لا تروحين بدري ترا يعذبونك وما ادري ايش طنشي .. ان رحتي بدري احسن ..
تولدين بالمستشفى ولا تولدين في البيت وتشوفين الموت .. في المستشفى ابرة وماعاد تحسين بشي ..
العنود تطالع مرام وتاشر لها والحرمة مندمجه بالكلام .. العنود بصوت جهوري / بناااات ..
مابقي على المغرب شي يالله روحوا المقلط وفرشوا السفرة الرجال على وصول .. رنا نادي لي ميري ..



رنا راحت تنادي ميري .. غرام و شجون و سمر وابرار و ريهام وميري ونوال ..
بداوا ياخذون الصواني ويتوجهون للمقلط .. والعنود تقسم وتوزع ..
دخلت هيفاء / سلام ..
العنود التفتت لها وبابتسامه / وعليكم السلام حي الله القاطعه ..
ريما من وراها / ولا ماكانت تبي تجي بعد ..
هيفاء التفتت على ريما وبضيق / لا تفتنين ..
العنود بابتسامه / لا مو مفتنه .. ياله تعالوا خذوا الصواني ذي و ودوها لطاولة الحريم .. ساعدوني يالله ..
رنيم عند المغسلة / الا العنود هالحافظات الصغيرة ايش فيها ..
العنود التفتت لمكان الي اشرت عليه رنيم / هذي حافظات فيها اكل مقللة الملح فيها ..
لعمي ابو عناد وجدتي " وبضحكة " وليه .. والحمد لله على كل حال ..
هيفاء بضيقة / سلامة قلبك عنوده ما شوفين شر ..
رنيم بضيق / يا قلبي .. ربي يشافيكم جميع ..
الكل / امين ..





ــــــــــــــــــــــــ





بعد صلاة المغرب ..


مازال الجميع على سفرة الافطار ..


العنود جالسه باحد زوايا الصالة على الارض .. وقبالها كم صنف من الاكل .. واولادها جنبها ..
ام سطام التفتت عليها / يا امي يالعنود ليه قاعدة لحالك ..
العنود بابتسامه / اكل مع عيالي يمه ..
الهنوف / بداتي تطعمينهم يمه ..
العنود وهي تمسح فم الظبي من اثر الزبادي .. ابتسمت على ملامح الظبي اللي مو متقبله الزبادي ..
التفتت لعمتها / ايه بدات الحمد لله ..
مريم بصوت عالي / لا اله الا الله .. ما شاء الله تبارك الله ..
الكل / ما شاء الله تبارك الله ..
مرام باستغراب / مو صغار لسع ..
العنود التفتت عليها / سته شهور ربي يبارك لي فيهم .. يعني لزم يتطعمون .. مو بس على الحليب ..
(( يتطعمون يعني تذوقهم بعض انواع الاكل .. فواكة خضار لحمه .. << فيس الامهات )) ..
مرام / انا ما طعمت مريوم ..
ام سند بسخرية / ايه حنا لو اعتمدنا عليك ماتت البنت .. انتي من يوم ما جيتي ما طالعتي فيها ..
مرام التفتت على امها بصدمه .. رجع طالعت خالتها مريم وشافت تاكل بنتها مو تطعمها .. سكتت مو عارفة ايش تقول ..
الكل من شاف نظرات مرام قعد يضحك عليها ..
غرام بضيق / لا والحين حامل .. وكانه اشغال العالم كله على راسها .. لا كحل لا روج لا لبس عدل ..
نوال / اصلن من لمن تزوجت مرام ما شفتها مرام الانيقة اللي زمان الا شهرين بداية زواجها وشهرين بعد الاربعين وبس ..
مرام بضيق / طيب اتعب ما افضى وبعدين ايش دخلكم انتم ..
ام سند / ايه ايش دخلكم .. وحده دخلها انها اختك .. وحدة اخت زوجك .. وكلهم يبون مصلحتك ..
انتي شايفه وجهك كانك عجوز .. والا شعرك يا رابطته بربطه ما ادري من اي عصر جايبتها يا لفته وماسكته بشباصه ..
حتى تغير لربطة والشباصة مافي .. والكحل والروج ما عاد يعرف لوجهك طريق .. لو طلال يتزوج عليك ما الومه ..
مرام شهقت برعب / هئئئئئئئئئئئئئئئئ يممممممممممممممه شنو يتزوج عليه ..
الهنوف / ايه والله يابنتي .. طلال انيق ويحب الاناقة وانتي كنتي ما شاء الله عليك ملكة الاناقة بالعائلة ..
والحين عجوز العائلة .. وطلال ما شاء الله عليه كل يوم يحلو اكثر ويتأنق اكثر ..
مرام بعبرة / انا عجوز العائلة ..
ام سند / ايه والله .. انا كل يوم ادعي ان الله يصبر طلال عليك ..
مرام صدت عنهم وهي تحاول تبلع غصته .. طلال زعلان عليها من يوم ابوها بلغه بحملها ..ومو عارفه كيف تراضيه ..
بداء الكل يسولف ويمزحون على بعض .. العنود توجهت للمطبخ بعد ما جلست ساره عند الظبي وسلطان ..





ــــــــــــــ





بالمقلط ..



ابو عناد باعجاب / ما شاء الله تبارك الله .. هذا الفطر الزين ..
عناد بابتسامه / يبه ما شاء الله شفتك اكلت الاكل المخصص لك كله وما تذمرت من خف الملح ..
ابو عناد / هذا بس الملح خفيف شوي مو ماسخ ما ينبلع .. مبهر زين ومزينينه .. يفتح نفسك ويناكل ..
بدر يسند ظهرة على الجدار ويحط يده على بطنه / اااااااااااااه اكلت اكل سنه بيوم ..
راكان بهدوء / بالعافية .. " وبثقة " .. اكثر الاصناف طباخ ام سلطان ..
سند بخبث / ما شاء الله علشان كذا فيه ناس انتفخوا من يوم كلوا اكلها .. " وبهمس مسموع " ..
وفيه ناس من يوم عرفوا .. انها هي اللي طابخه وهو يصيح متى ياذن .. طلع لانهم عندهم خبرة ..
" وبصوت عالي " .. الله ليحرمنا من يدينه وجعل النار ما تمسها ..
بتال مارفع نظره وياكل من صينية الباشميل اللي قباله .. وعلى فمة ابتسامه يحاول يخبيه عن انظار الكل ..
راكان بضحكة .. ومافهم نغزة سند بضبط / لا اله الا الله .. حسدني على دلع اختي لي ..
يا اخي ابي ارجع وزني اللي راح .. ما شاء الله ما تشوف نفسك لو تطيح على واحد تكسرة ..
ابو سند / لا اله الا الله .. اذكروا الله ..
الكل / لا اله الا الله ..
فارس بابتسامه / هذا علشان سند والا علشان العنود ..
بتال عصب من كثر مايطرون اسمها كذا ببساطة ويتغزلون فيها .. بس سكت لو بيتكلم بيقولون له ايش دخلك ..
ابو سند / لا الاثنين .. الله يحفظ ام سلطان ويرزقها بر عياله ويرزقها بالرجال الصالح اللي يعوضها ..
بتال هينا انفجر .. وهو يحاول يمسك نفسه / ابو سلطان هو اللي الرجال الصالح والي بيعوضها ..
راكان بنغزة / ايه ردد يا ليل ما اطولك .. احلم بس ..
بتال بعصبية / انت ليه مـ
رن جوال راكان وهو ينتظر هالمكالمة من زمان .. فز واقف وبحزم / اصص هذا رعد ..
" فتح المكالمه وهو يتوجه للخارج " .. الو .. هلا رعد .. كيفكم .. ها بشر .. متى ..
انا خلصت امور وحجزت بكرة ان شاء الله الفجر طيارتي .. " بعصبية " .. ليه .. لا ابد انا جايكم ..
" هدئ شوي وهو يسمع " .. يعني متى .. " بضيق " .. اعطيني احتمال .. والاكيد متى .. " وبقهر " ..
خير .. خير ان شاء الله .. " وباهتمام " .. هو كلمكم .. عرف بوجودكم .. " جلس على الدرجه وحط يده على راسه " ..
" وبضيق " .. الحمد لله على كل حال .. العنود ما تدري عن شي .. ما قدرت اقول لها شي ..
" سحب يده وحطها بحضنه .. هز راسه وهو يسمع لكلام رعد باهتمام " .. لرجعتوا بسلامه نتفاهم وقتها ..
مع السلامه فمان الله .. " انهاء المكالمة ونزل الجوال لحضنه " ..
سند من وراه / ها ايش قالك ..
راكان تنهد بضيق / يقول لا تجي .. ما يحمل اروح وارجع بنفس الحضه ..
سند ينزل من الدرج ويوقف قباله .. والثوب يتحرك من قوة الهواء وخصل من شعره تطير على جبينه / متى الجيه ..
راكان بضيق / يومين او ثلاث ان شاء الله ..
سند بنبرة مقصودة / والعنود متى تبي تقول لها ..
راكان تنهد وبضيق / العنود " وقف " .. هذي لو تدري ايش فيه نايف لتشب نار كبيرة ..
و تقطعني قطع صغيرة وترميني فيها .. وتروح لبريطانيا جري على رجولها من جنانها ..
سند ابتسم / لا عاد مو لها الدرجة ..
راكان ابتسم / العنود محد يعرف لها ابد .. كائن غريب .. كثير الي يقولون انت الوحيد اللي تفهم لها ..
وبصراحة انا بعض الاحيان اضيع معاها ولا افهملها .. توصلك للبحر وترجعك عطشان ..
............ من وراهم / رجعها لي وانا افهمها ..
سند / هههههههههههه انت ما فهمت لها بالاول تفهم لها الحين .. ما لك امل ..
راكان يطالع لسماء .. رفع يده واشر على القمر .. وبسخرية / لطلعت هناك ..
ممكن تسمع العنود خبر انك تبي ترجعها .. مو ترجعها ... خبر انك تبي ترجعها .. " التفت على بتال " .. ردد ..
بتال بعصبية / يا ليل ما اطولك ..
سند / ههههههههههههههههههه فعلن شر البلية ما يضحك .. " وتركهم ودخل للمجلس وبعدة للمقلط " ..




ـــــــــــــ

في المطبخ ..


سمعت رنين جوالها .. مسحت يدينها بالفوطة البيضاء الصغيرة من اثار الماء .. وتوجهت لمكان جوالها ..
كانت حاطته على الطاولة قريب من علبة المناديل .. شافته رقم غريب .. فتحت الخط وسكتت..واول ماسمعت الصوت ..
العنود ابتسمت / هلا .. وعليكم السلام .. بخير .. كيفك انتي .. الحمد لله .. ها متى بترجعون ما خلصتوا اشغالكم ..
" عقدت حواجبه " .. افاااا .. لالا .. زهرة .. صبري اغلية من غلاة جدتي الله يرحمها له .. واللي صار ماله ذنب فيه ..
وهذا انا اقولك اياها المرة الالف .. صبري لو عرف ان خلاص امي وابوي بهذيك الحفرة كان ذبح روحه ولا احرقوها ..
بس هو مايدري ولا اصدقاءه .. وانا اعرف قد ايش صبري يعز ابوي ويحبه.." ابتسمت ".. يالله بسرعة تعالوا لـ الخبر ..
وحشتيني .. ومحتاجة لك حيل .. انتي عارفه انا قد ايش احتاج لك انتي وصبري .. " ابتسمت اكثر " .. بانتظاركم ..
" انهت المكالمة ونزلت جوالها على الطاولة " ..
تنهدت بضيق .. وبصدق / يارب افرجها ... " توجهت لباب المطبخ وبصوت عالي شوي " .. ميييررررري ..
دخلت ميري / نئم يا ام شلتان .. امري ..
العنود كتمة ضحكتها .. ميري ماخذه كثير من كلام وتصرفات جدتها ...
العنود بابتسامه / تعالي خذي صينية القهوة والشاهي ووديها الرجال .. والا كلمي خان خليه يدخله عليهم ..
ميري / كلاص صار ..
العنود اخذت صينية القهوة والشاهي وتوجهت للحريم ..




ــــــــــــــ




يوم جديد ..



بيت ام عزام ...

ام عزام بضيق / عجبك كلام خالتك امس ..
هيفاء بتعب / يمه .. انا كذا مرتاحه .. و رعد مسافر .. وبعدين راكان وزياد ياخذون حريتهم اكثر بدخلة والخرجة ..
ام عزام بنغزة / يعني قعدتك عندنا بس علشان رعد مسافر ..
هيفاء خلص وصلت عندها / لا يمه .. يمكن على طول .. " وقفت وكانت بتروح لغرفتها " ..
ام عزام بحزم / بنت .. ايش ذا الكلام .. انتي واختك مانتم بناتي ولا انا امكم .. كانكم عدواتي .. بتموتوني ناقصة عمر ..
هيفاء تنزل نفسها وتقبل راس امها / بسم الله عليك يمه .. جعل عمرك طويل بطاعة ربك ..
" وبغصة " .. بس يمه انا تعبانه نفسيتي .. وابي ارتاح وانتم بس ضغط .. ضغط عليه والله حرام ..
" تركت امها وراحت غرفتها وهي تحاول تكتم شهقاتها " ..
ام عزام التفتت على لطيفه " زوجة عزام .. ام رهف " .. وبضيق / يا بنتي تعرفين ايش اللي بينها وبين زوجها ..
لطيفه تهز راسه / ما رضت تقول لي شي يا خاله .. انتي ادعي لها بالهداية والصلاح وربك ييسرها لها ..
ام عزام تهز راسها / يارب .. يا رب ..



ـــــــــــــــ




بيت ام سطام ..



مجلس الحريم ..
البنات مسوين مسرحية يستهبلون فيها ..


ابرار لبسه قميص بيج ولفه شال بني غامق على راسها والخيزرانه بيدها وجالسه متربعه على الكنب ..
وباندماج ... / ايش فيك يا عبله .. نسيتيني .. انا عنتر حبيبك ..
غرام اللي لبسة من جلابيات جدتها لونها زرقاء وموردة باحمر طبعا بالخش عنها ..
لو جدتها تدري اكيد العصا على ظهرها بترقص .. وهي ترفرف بعيونها / الا ذكرتك يا عنتر ..
" تمثل انها تبكي " .. / بس خلاص يا عنتر راح الحب وايام الهياط ولت ..
ابوي غير اسمي لـ ليلى وبيزوجني للمجنون قيس ..
ابرار فزت واقفه على الكنبة ورفعت العصاية وكانها سيف / اخو نفلا .. والله ما يزوجونك علشان تغيير اسم ..
اغير اسمي لمهند واشوف قيس وايش بيسوي .. " سحبت الشال عن راسها ورمته لبعيد ..
وسحبت القميص ورمته على جنب " .. وكانت لبسة تحت القميص بنطلون جينز ازرق وبلوزة بيضاء ..
" جلست جنب غرام وهي ترفرف بعيونها وبصوت ناعم " / اليك نور تئبري عداكي انا بحبك وبدي اتزوجك ..
نطت رنا بينهم وهي لبسه بنطلون احمر وبلوزة بيضاء وفيها رسمات ورود حمراء / ولئك مهند .. عم بتخوني ..
" اعطت لـ ابرار كف " ... وبعصبية / انتي طالق ..
ابرار فتحت عيونها للاخير .. وبعصبية وهي تصارخ / يا حيـ****.. احنا قنا كف كذاب مو حقيقي ..
رنا راحت تجري هربانه وهي تضحك / هههههههه تحمست .. ودخلت جوا ..
ابرار بعصبية تصارخ على البنات اللي فاطسين ضحك على شكلها / الشرهه مو عليكم ..
الشرهه على اللي يسليكم مالت عليك .. " وكشت بيدينها وطلعت من المجلس وهي تصارخ تنادي رنا بتضربها كف " ..
غرام تسحب الجلابية وهي تضحك ... / هههههههه رهيب شكلها وهي فاتحه عيونها ..
ابرار شكلها ما عمرها اخذت كف واول كف تاخذه من رنا ههههههههههههه ..
نوال / ههههههه لالا وهي كانت شاده يدها كذا " وهي تقلد ابرار " ... تنتظر رنا تنبهها ..
علشان تحط يدها على خدها ورنا تعطيها الكف تموية يعني .. بس جاها الكف صح .. ههههههه ..
الكل / هههههههههههههههه
ريما بابتسامه التفتت على ساره / ساره وين العنود ..
ساره / العنود ورنيم و مرام عند عماتي بالصالة يتقهون ..
نوال وقفت بسرعة / الخاينات .. " وطلعت لصالة تلحق على القهوة " ..
طلعوا البنات مجموعات .. ماعدا غرام وسمر .. و شجون جالسه بالزاوية وتطقطق بالجوال على الواتس اب ..
غرام التفتت على سمر .. و بهدوء / ها كيف الوضع ..
سمر بضيق / مثل ما هو ..
غرام قرصت عيونها / طبقتي اللي نصحتك به جدتي ..
سمر هزت راسها وبخجل / لا .. اصلا خجلت ..
غرام بهدوء / ليه تخجلين مو هو زوجك .. الفتي نظرة لك مو تكونين باردة ولا يحس بوجودك اصلا ..
سمر تهز كتوفها / ما ادري كيف ابدا ..
غرام / اسمعي انتي استشيري احد يقدر يفيدك .. يعني خالتي الهنوف خالتي مريم امك زي كذا وشوفي ايش يقولون لك ..
سمر تعضي شفاتها وبخجل / انا افكر بشي بس ابي مساعدة ..
غرام تدق الصدر / افاا عليك انا موجودة ..
سمر ابتسمت / لا مو منك .. من العنود .. بس محرجه منها ما ادري كيف اقول لها .. وبنفس الوقت خايفه ..
غرام عقدت حواجبه / كيف يعني .. ايش محتاجه منها وليش خايفه ..
سمر / محتاجتها علشان بنتي شيخة ..
غرام تفتح عيونها / اووووااااااووووه صارت شيخة ..
سمر بابتسامه / شيخة الزين على قولة العنود ..
غرام بضحكة / هههه لالا تطور ملحوظ وملموس وابو كل شي .. " وغمزت لها " ..
سمر ابتسمت بخجل / دوبا .. اسمعي .. ابي العنود تمسك شيخة لان راكان اول ما يدخل ويشوفها ينساني ولا يلتفت لي ..
غرام تفتح عيونها للاخير وبضحكة / غيرانه من بنتك .. هههههههههههه ..
سمر تضربها على كتفها / بنت لا مو غيرانه.. بس .." وبحرج ".. كذا يعني .. اخليه هو يجيني بدون لا اعرض نفسي ..
يعني .. " وبضياع " .. ماني عارفة كيف .. بس ما اهين نفسي او احرج نفسي .. يعني .. " بعصبية " .. افهمينيييي ..
غرام تهز راسها .. وبابتسامه خبيثه / فهمت خلاص .. " تغمز لها بعينها " .. طيب يا خطط .. وبعدوه ..
سمر بخبث وهي تغمز لها / ومنها اتقرب من العنود ..
غرام بخبث مماثل وهي ترفع حاجب / وليه يعني ..
سمر بضحكة / بتال طلب مني .. " وبجدية " .. وبيني وبينك .. يعني خلاص احس قلبي تعب من الحقد والكره ..
ابي انظف قلبي .. والعنود صارت غير .. مو مغرورة و مو هي السبب باللي صار لي .. يعني ابي افتح صفحة بيضاء ..
غرام تصفق لها / عاشت .. عاشت ام شيخة الزين ..
شجون من مكانها / يعني صدق الحين اسم بنتك شيخة .. الله يعينها على العقد اللي بتجيها ..
غرام بنغزة وبصوت حاد / الا قولي بتكون عاقلة وشيخة العقل مو تغير اسمها وتغير اطباعها ..
شجون شمقت وصدت عنها / ................
سمر عقدت حواجبها وبهمس لغرام / لا البنت مو طبيعية ..
غرام بضيق وهمس / انا شاكه بشي بس خليني اتاكد منه راح اوريك ايش اسوي فيها ..
سمر طالعت غرام وطالعت شجون وصدت عنهم وهي تقول بداخلها .. " الله يستر لا تجينا مصيبة جديدة " ..





ـــــــــــــــــــ




بعد ساعتين ..


العنود بهدوء وهي تلتفت وراها لسمر اللي نادتها / هلا ..
سمر بحرج / ممكن اطلب منك خدمة ..
العنود ابتسمت / امري يا ام شيخة ..
سمر رفعت يدها اليسار وحطتها على راسها وصارت تحك شعرها وبحرج / اممم ابي " صارت تطالع حولينها بخجل " ..
العنود مسكت يدها اليمين وسحبتها معاها لجناحها .. دخلت سمر وقفلت الباب ..
اشرت على الكنبة .. / اول شي اجلسي وقولي اللي تبينها براحتك وبدون خجل ولا حرج .. اعتبريني اختك ..
سمر زاد حرجها / امممم ابي اخلي زيونتي عندك الليلة .. اذا ما فيها ازعاج ..
العنود عقدت حواجبها في بداية الموضوع .. بعدين فردت وجه بابتسامه / يا مرحبا بها احطها بعيوني الثنتين ..
سمر ارتاحت شوي / شكرا .. انا راح اجهز لها رضعتها وكل شي .. وقبل لا تنام ارسلها لك مع الشغاله ..
العنود بجديه / لالا لا ترسلينها مع الشغالة ولا شي ..
سمر عقدت حواجبها باستغراب وصدمة / ...............
العنود بابتسامه / من الحين خليها عندي وروحي انتي لمشوارك وريحي بالك ..
سمر ابتسمت وكانها تذكرت شي / اهه .. راكان ..
العنود هزت راسها / ايش فيه ؟ ..
سمر بخجل / ما ابيه يدري اني ابي اخليها الليلة عندك ..
العنود رفعت يدها اليمين لخدها وصارت تحك خدها بتفكير وبابتسامه مشاغبه / اهممم يعني الليلة فيه مفاجئة لراكان ..
سمر حمر وجه خجل .. وبارتباك / يعني .. امم .. كـ .....
قاطعتها العنود بضحكة / هههههه لا تبررين والا شي .. خذي راحتك واذا تبين اي مساعدة قولي لي .. وانا بالخدمة ..
سمر بضحكة / لا شكرا .. يكفي زيونه .. غرام في غرفتي ترتب الاشياء اللي طلبتها ..
العنود تذكرت شغله وعضت شفايفها / اممم طيب روحي جهزي نفسك .. " وبخبث " .. و قبل لا راكان يوصل للبيت ..
راح يكون عندك خبر .. " اشرت لها بيدها يعني راح اتصل عليك " .. " غمزت لها " .. ماشي ..
سمر هزت راسها وبخجل / ماشي .. شكرا ..
العنود با ابتسامه / العفو .. ايه قولي لسارة تجيب لي شيخه ..
سمر هزت راسها وطلعت من الجناح .. العنود بعد ما طلعت سمر قفلت الباب وراها ..
توجهت لتسريحة .. سحبت الاي فون الابيض تبعها .. واتصلت على راكان ..
راكان بهدوء رد عليها / هلا ..
العنود / السلام عليكم ..
راكان / وعليكم السلام ..
العنود / متى راجع البيت ..
راكان باهتمام / خير تبين شي ..
العنود تنهدت وبصدق / ايه في موضوع لزم تعرفه ..
راكان بخوف من نبرة صوتها / عسى ما شر ؟ ..
العنود / انت تعال وبعدين تعرف ..
راكان / انا الليلة ابي ارافق على جدي ..
العنود عارفه هالشي وعرفة ان سمر ما عندها خبر / ما تقدر تعتذر وينام بدالك احد ..
راكان التفت على بتال / ما ادري لحضة .. " التفت على بتال " .. عندك شي الليلة ..
بتال التفت عليه / لا .. خير ان شاء الله ..
راكان بخبث / لا الاهل يبوني بشغله وانا الليلة ليلتي عند جدي فا....
قاطعة بتال وهو يوقف و بخبث اكبر وفرحه / افااا عليك انا بالخدمة يامرون بس ..
" العنود اللي كانت تسمع الاصوات والكلام بوضوع رفعت حاجب وبسخرية هامسه / جعل ربي لا يحوجني لامثالك " ..
راكان بحزم / وراء ما تنثبر بس .. ابيك تنام انت عن جدي وانا رايح لهم اخلص شغلتي ان شاء الله وارجع لك ..
بتال يجلس وبقهر / يا حبك يا ابو شيخة لكسر المجاديف ..
راكان بسخرية / محد كسر مجاديفك غيرك ..
راكان يكلم العنود / ايه ام سلطان خلاص ساعة او اقل وانا عندكم ان شاء الله ..
العنود / طيب لا جيت اعطيني اتصال وخلك بمجلس الحريم .. لان البنات معبين البيت .. ماشي ..
راكان / طيب واصلا انا ما ابي ادخل البيت .. يا لله سلام ..
العنود ابتسمت بخبث / ايه طيب .. فمان الله " وانهت المكالمه " ..
راكان يطالع بالجوال مستغرب ردها الاخير وتقفيل الخط .. وبهمس / الله يستر منك ..
بتال بخبث / ما لك خاطر لروحه انا اروح بدالك ..
راكان وهو يرجع جواله لجيبه وبدون لا يلتفت على بتال / على تبن ..
سند اللي جلس باخر المكالمة وبتال قاله الموضوع / هههههههههههه ياخي خلاص احفظ ماي وجهك الباقي ..
بتال بقهر / الله لنا ..





ـــــــــــــ


بعد ساعة وربع ..


في مجلس الحريم


العنود بحزم / ماني مصدقة يا راكان ..
راكان يمسح وجهه / طيب وبعدين ..
العنود بقهر / ابي اعرف الحقيقة .. بس انت قولي لي الحقية وانا اريحك ..
راكان وهو يوقف / بكرة يوصل وانتي اساليه على راحتك ..
العنود توقف بسرعة وهي تمسك يده / تقوله صادق بكرة .. بكرة ..
راكان بضيق / ان شاء الله .. بس ما ادري باي ساعة ..
العنود وهي تحس برجفه في كل جسمة / طيب سليم .. ما فيه شي ..
راكان بغموض / يوصل وانتي تشوفينه بنفسك ..
العنود جلست على الكنبة بتعب حطت يده على راسها وغمضت عيونه / ...............
راكان بخوف / العنود .. " مد يدة على كاسة الماي اللي على الطاولة وقربها من العنود " ..
العنود فتحت عيونها وبتعب اخذت الكاسة وشربت الكاسة كلها وبقهر / بتذبحوني انت واخوانك ..
راكان تنهد / والله انتي اللي تحملين نفسك شي اكبر من طاقتك .. ريحي نفسك و اتركي امور غيرك ..
اهتمي بنفسك وصحتك وعيالك محد بيفيدك لصار فيك شي ..
العنود تطالعه بسخرية / قصدك اقعدي مثلي بفريزر .. وثلجي نفسك ..
راكان ينفض يده بالهواء / انتي الكلام معاك ضايع ..
العنود تنهدت وهي توقف بتعب / شكرا .. المهم روح شوف زوجتك قبل لا تطلع ..
راكان بعصبية / مالك دخل فيها ..
العنود وهي طالعة من غرفته وبخبث / طيب .. بس لوصلك الخبر من برا لا تزعل ..
راكان يلحقها وباستغراب / اي خبر .. هينا ... العنود ... تعالي ... بنت ..
" والعنود مطنشة ولا كانه يكلمها " ..





ــــــــــ




عند جناح سمر وراكان ..



غرام لبست عبايتها .. وبابتسامه / يالله بتوفيق .. ولا تخجلين و تخربين كل شي .. خليك قدعه ي بت ..
سمر / ههههههههه .. شكرا ..
غرام ابتسمت / العفو .. " طلعت وقفلت باب الجناح وراها " ..
انتبهت سمر لرنة جواله توجهت له وشافت الرنه من العنود عرفت ان راكان جايها ..
توجهت لتسريحة رشت كم رشة عطر عليها .. وبسرعة راحت لمكبس الإضاءة وخفضتها ..
راكان بستعجال تاخر على بتال ويبي يرجع للمستشفى .. فتح الباب و وقف مصدوم من اللي يشوفه ..
سمر بخجل واقفه جنب الطاولة تفرك بيدينها .. راكان تقدم خطوتين وقفل الباب ..
طالع بسمر من فوق لتحت .. لبسه فستان ابيض ومن الاكتاف تول اسود يوصل لفوق الركبة بشوي ..
جزمة كعب اسود بابيض .. شعرها فاردتها يوصل تحت كتفها بشوي ومن الجنب حاطه وردة صغيرة بيضاء ..
سمر تقدمت منه بهدوء باست خده وبابتسامه وهمس / ممكن تفرد وجهك وتبتسم ..
راكان بلا شعور ابتسم وكانه مخدر .. سمر مسكت يده وسحبته لطاولة يكملون السهرة ..







" يالله .. خلاص عيب ايش لكم بكلام المتزوجين " ..


ـــــــــــــــ







يوم جديد ..



غرام بس تصدد عن سمر وهي يالله قادرة تمسك ضحكتها ..
سمر لبسه بلوزة ورديه باكمام طويله وبنطلون ابيض .. ولفة شال ابيض حولين رقبتها ومغطية صدرها ..
وفالته شعرها على وجهها .. العنود رفعت عينها بتطلب من غرام تعدل السفرة ..
اليوم قرروا سفرتهم على الارض مثل الشباب .. عقدت حواجبها وباستغراب / غرام ايش فيك ..
غرام انفجرت ضحك وغطت وجهها .. سمر عصبت / هي من لمن جات وهي بس كذا ما ادري ايش متسحره البارح ..
ام سند من وراها .. بخبث / والله بنتي البارح كانت عندك يعني البلا من عندك .. سمر عروس خانم ..
سمر احمر وجهها وخجلت وبدون شعور صارت ترتب الشال خايفه ليكون وضح شي ..
ام سند بضحكة / لالا ههههه مو واضح شي اصلا ولا احد يدري عن شي ..
سمر حمر وجهها اكثر وبارتباك .. تركت السفرة وتوجهت للمطبخ / ...........
ام عناد / ههههههههه حرام عليك يا ام سند احرجتيها ..
ام طلال / ههههههههه حسبي الله على عدوينك ..
العنود تهز راسها وهي مبتسمه / .................
غرام وقفت وراحت للمطبخ .. دخلت ميري / ام شلتان جات هرمة تقول انها زهله ..
العنود باستغراب / من ؟..
...............من وراء ميري .. بابتسامة / السلام عليكم ..
سارة اللي كانت جاية من جناحهم معاها رضاعة الظبي .. نقزت بفرح وهي تجري لها / زهررررررررررة ..
زهرة فتحت يدينها وضمتها / حبيبتي ..
العنود توجهت لها وبسعادة / هلا .. الحمدلله على السلامة ..
زهرة تسلم عليها / الله يسلمك .. " دخلت مع العنود اكثر لصالة وسلمت على الباقي مصافحة باليد " ..
العنود / هذي زهرة زوجة صبري الحارس اللي كان يشتغل في بيتنا ..
الجوهره بغرور / يعني شغالتك ..
العنود بصوت واثق حازم / صديقتي .. مو خادمة .. وبحسبت اختي ..
ام سطام / يا مرحبا بك يا بنتي بين اهلك .. والبيت بيتك ..
التفت العنود لزهرة وبابتسامه / اكيد تعبانه من السفر تعالي جناحي ريحي فيه ..




الــــــلـــــــه اكــــــــبــــــــــر .. الــــــلـــــــه اكــــــــبــــــــــر ..



ام سطام / الله اكبر الله اكبر .. تعالي يا بنتي افطري وعيني من الله خير ..
وعقبه روحي معها .. انتي يا زهرة وانا امك علقي عباتك وتعالي كلي ..
سمر وابرار و ريهام جاين من المطبخ ومعاهم اخر صواني ..
سمر عقدت حواجبها وبتذكر / زهرة .. كيفك .. الحمد لله على السلامه ..
زهرة برسمية / الحمد لله .. الله يسلمك ..
زهرة علقت عباتها وغسلت يدينها ورجعت لصالة جلست جنب العنود على السفرة وبدات تخبر العنود كيف كانت سفرتهم ..






ــــــــــــــ






بعد الفجر ..
وعلى شروق الشمس ..




طول الليل و العنود مجافيها النوم .. زهرة وصبري اخذوا غرفة قريبه من غرفة خان وميري ..


كانت على سجادتها توها خلصت من صلت الفجر وقاعدة تقرا الاذكار وتسبح وتستغفر .. وتردد تكبيرات العيد ..

اليوم صباح يوم عيد الاضحى ..

غصت بعبرتها ... تنهدت بضيق وبداخلها " معقولة يا نايف بيمر العيد الثاني لذا السنه وماتكون معي ..
الله يسامحك يا راكان له تكذب عليها .. قلت زي امس يوصل وغاب امس وطلع يوم جديد ولا سمعت خبر " ..


ساره تصارخ من الصالة ودموعها تصب / العنوووووووووود العنوووووووووود ..
العنود فزت واقفه رفعت جلال الصلاة لتتعثر فيه وراحت تجري لجهة اختها .. خافت ان جدتها والا احد صار فيه شي ..
العنود بخوف / ايش فيه ايش صار .. ليش تبكين .. تكلمي ..
ساره تشهق بقوة / نننااااا .. ناااااايف .. نااااايييف .. " وهي تاشر لصالة "..
العنود راحت تجري لصالة وشافت عمتها وبنات عمتها يطالعون من شباك الصالة على الحديقة وهم يبكون ..
العنود راحت تجري للمدخل .. سحبت برقع جدتها المعلق عند المدخل .. ولبسته وطلعت ..
اول ما طلعت شافت شخص بين راكان وزياد .. ولا تمنت ان الشخص الواقف بينهم هو اللي تمنت شوفته من شهور ..

البارت 32 ..






أحبس دمعتي وأظهر فرحتي للناس
وأناديك ياخلي ساهر الليل أناجيك
قالوا مريضٍ وقلت ياناس لاباس
ليت المرض فيني ولاهو والله فيك
قطعت قلبي وأشتعل داخل الفكر هوجاس
وحال تموت وحال بها العين تبكيك
باب الفرح بيننا أنقفل ومفتاحه الياس
متى تجي وتعود وتفتحه بأياديك
أنهد حيلي وكل صرخة لها إحساس
يبات جفني سهران وشوقه يناديك
حبك وسط قلبي متحكم بكل الأنفاس
وأنتي بداخل الروح والله مغليك
ياليت المرض فيني ولافيه ياناس
وياليت يومي قبل يومك وعمري أهديك
ويالله يارب جعل ماصابه طهور ولاباس
ورجواي في الله أنه يعافيك ويشفيك








وقفت سيارة راكان قبال باب القصر ..
نزل راكان بسرعة وتوجه للباب الخلفي لسيارة .. فتح الباب مسك يد نايف وساعدة بالخروج من السيارة ..
راكان بضيق / لو رايح المستشفى مو احسن ..
نايف يادوب يقدر يفتح فمه ويتكلم / اناا .. قلت .. ابغى امي وابوي .. ليه تجيبوني هينا ..
راكان بختناق وهو يحاول يبلع عبرته / هينا .. كلنا هينا ..
زياد واقف وراهم ويحاول يتماسك لا يصيح من منظر نايف الموجع ..
عناد يقرب من راكان ونايف ومعاه العكاز.. / شوي شوي .. لا تشد على نفسك .. " مسك العكاز ومده لنايف " ..
سند يقرب منهم / مو احسن اجيب لك الكرسي ..
نايف بحدة / لا .. اا .. اقدر امشي ..
بتال بهمس / راكان ..
راكان رفع عينه لبتال وشاف بتال ياشر على مدخل البيت .. التفت على المدخل وشاف العنود واقفه ..



محد انتبه لوقوفها الا بتال ..
متعب وماجد وصلاح من المطار الكل تفرق .. صلاح رجع لرياض .. ومتعب توجه لاهله ..
عزام وغيث رجع لبيت اهلهم .. وبكرة عزام مسافر لـ الامارات يرجع لدوامه ..
عبدالعزيز ورعد كانوا يتكلمون مع سلطان و فهد وخالد وطلال .. ويتكلمون عن وضع نايف ..
سيف وفارس وبدر وسامر وسعود و صقر كانوا يتكلمون عن حالة نايف وايش ممكن صار له ..
راكان وسند وعناد وزياد مهتمين بنزول نايف ..



راكان بهمس وكانه يكلم نفسه .. / العنود ..
نايف رفع نظره لاخوه وشافه يطالع لجهه .. طالع للجه اللي اخوة يطالع لها ..
شافها واقفه تطالعهم وكانها مو مصدقه .. نزلت دموعها اول مرة تنزل من لمن صار اللي صار له ..
ما نزلت وهو يتعذب على يدين تركي و العصابة .. ولا اهتز وهم يهددونه بالموت ..
بس هذي العنود .. هذي امه .. هذي روحه .. هذي عنوده ..
خطئ خطوتين متعبه .. وكان يحاول يشد على نفسه علشان يوصل لها بسرعه ..
اختل توازنه وكان راح يسقط .. لكن بسرعه راكان لف يده حولين خصر نايف وقدر يمسكه ..
صرخ نايف من الالم .. راكان وضع يده على الجرح اللي بجنبه .. / آآآآآآآآآآآه ..



واقفه قبال باب القصر .. مصدومه .. تحس برجولها مشلوله ولا هي قادره تحركها ..
تحس بثقل في جسمها .. وكانه حمل ثقيل على كتوفها مو قادرة تشيله ..
نفسها يرجع لصدرها وينحبس تحاول تتنفس لكن النفس رافض ..


نايف تقدم كم خطوة .. و راكان وعناد يحولون يساعدونه وهو يرفض ..
بس بدا يحس بتعب .. والدوران ..
نايف بتعب / يـ.. يــ... يمه ..



العنود لمن شافت تعبه .. وبعدها مناداته بيمه ..
اهتزت وحست بالي حولها ..
تحركت ونزلت من الدرج بسرعه .. العنود وهي تفتح يدينها وتحضن نايف ..
وبلهفة وخوف / يا روح امك .. سلامة قلبك يا قلبي ..
العنود استغرب من ثقل جسم نايف وبخوف وهي تهزة / ناااايف .. نااايف لا تفجعني يا نايف ..
راكان سحب نايف لمن شاف العنود تصارخ وواضح ان نايف فقد الوعي ..
العنود تراجعت خطوتين بعد ما راكان وعناد وسند وبتال التفوا حولين نايف ..
حملوا جسمه الهزيل بين يدينهم وركبوة السياره .. تحركوا الشباب الباقين وتوجهوا لسياراتهم ..
الي توجه للمستشفى والي توجه لـ اضحيته واتمام امور العيد ..
زياد كان بيروح يلحق اخوه بس العنود تمسكت فيه .. وبحزم / لا تروح البس عباتي وارجع لك .. لاتروح ..




ليت الوجع بعروق قلبي
ولا فيك..
وليت التعب غلطان
ساهي ولا جاك..
لو الشفا بضلع صدري
لداويك..
واطحن جميع ضلوع
صدري فداياك..
الله من شر المقادير
يحميك..
والله يحفظك
يا عيوني ويرعاك





دخلت العنود للبيت بسرعة .. قابلتها ساره وهي تبكي .. طنشتها ودخلت لجناحهم ..
ساره لحقت العنود .. وهي تبكي / العنووو .. العنوووود .. نااا .. ناااايف ..
العنود بعصبية رمت جلال الصلاة و برقع جدتها .. وبحده / ساره انقلعي عن وجهي ماني فايقة لك ..
ساره تراجعت للخلف بخوف حطت يدها على فمه تكتم شهقاتها ..
العنود سحبت العباية من العلاقة ولبستهم بسرعه واخذت الاي فون وطلعت تجري لزياد ..
ام سطام طلعت من الصالة وتوجهة للمدخل .. كانت بتسالها لكن مالحقت عليها ..
العنود بسرعة وهي تجري مع الدرج / يالله مشينا ..
زياد اللي كلم راكان بالجوال وقاله العنود وقفته وتبي تروح المستشفى وراكان قاله لا تجيبها ..
العنود التفتت عليه باستغراب .. بعد ما وصلت السيارة وفتحت الباب وزياد ما تحرك / امشي ..
زياد بضيق واقف وبارتباك / العنود راكان يقول لا تجيبها ماله داعي ..
العنود جن جنونها .. ما يكفي انهم مخبين عنها الموضوع ..
العنود بحدة وصراخ / توديني ولا اركب لي اي تاكسي مع الشارع ..
زياد بخوف فتح عيونه للاخير / ايش تاكسي .....
العنود تقاطعه بحدة / هي امشي واركب قدامي والا والله يا زياد " وهي تضرب السيارة بقبضة يدها " ..
حرتي على اخوك لحطتها فيك في اخوك الثـــ** الثاني .. " وبقهر " .. بتذبحوني انتم .. بتذبحوني ..
زياد تحرك بضيق وركب السيارة العنود ركبت جنبة وهي تغلي من العصبية ..
شافت زياد يرفع جواله وبيتصل على راكان .. سحبت الجوال منه وبعصبية / اترك عنك هالخربان وامشي ..
زياد حرك السيارة بضيق وتوجه للمستشفى / .................


ــــــــــــــــــــــ





بيت ام عزام ..


عزام بتعب / الحمد الله وصلت لها الحد ..
غيث بتفكر / لو ما كان فيه خبر عند الدولة بالحادثة ما ظنتي انه طلع ..
عزام هز كتوفه / اللي قدرت اعرفه ان العصابة متابعينهم من السعودية وفيه اتصال مع بريطانيا ..
يعني الشغلة شغلت مخابرات ومباحث والإنتربول ..
ام عزام تنهدت / الحمدالله انه طلع ما حطوة بذاك السجن الله يكفينا شره والا ما عاد يشوفونه اهله ..
" رفعت يدينها لسماء وبصدق " .. جعل ربي يفك سجن كل اسير فيه .. ويردة لاهله ويقر عين امه بشوفته ..
الكل / امين ..
هيفاء بضياع / الحين مافهمت .. نايف مع المافيا والا مع الحكومه ..
عزام وغيث / الحكومه ..
هيفاء هزت راسها و عيونها فاتحتهم للاخير .. كانها تطالع فليم اكشن وبتركز فيه ليفوتها مشهد ..
غيث يضحك بتعب / هههههههه هيفوه ويش فيك كانك مفجوعه ..
هيفاء بابتسامه / السالفه مثيره ..
عزام يوقف بتعب / يالله ابي انام حس بجسمي متكسر .. " قبل راس والدتها " .. عيدك مبارك يالغالية ..
ام عزام ابتسمت / يبارك فيك يا روحي .. هذي ثالث مرة تقوله ..
عزام يهز راسه / من التعب معاد اركز .. يالله تصبحون على خير ..
الكل / ههههههههههههههههه
هيفاء بضحكه / تصبحون على خير وحنا الصبح ..
ام عزام تضرب رجل بنتها / وانت من اهله ياروحي نوم العوافي يا امي ..
عزام / صحوني الظهر حتى نروح نزور عمي ابو سطام ونعيد الجماعه ..
غيث يوقف بتعب / وانا ابي اروح انام .. سلاااااام .. " وكل راح جناحه يبي ينام " ..
ام عزام التفتت على بنتها بعد ما راحوا عيالها .. وبنبرة مقصودة / ها رعد رجع ما انتي ناوية ترجعين ..
هيفاء صدت عن امها / ماني راجعه يمه .. وابي الطلاق ..
............. من خلفها بحدة / ايشششششششش ..





ـــــــــــــــــــ



بالمستشفى ..


راكان واقف مع سند وبتال وعناد قريب من غرفة الملاحظة ..
راكان وهو يمسح وجهه بضيق / الله يعيني على العنود بس ..
سند بتفهم / اكيد بتعصب وبتزعل منكم لانكم ما علمتها السالفه من اول ..
بس احتويها انت و راح تهدا وتستوعب وتتفهم الموضوع ..
راكان ميل جسمه على الجدار وبضياع / كيف احتويها ..
سند بهدوء / اكيد اول ماراح تشوفك راح تحط كل الاوم عليك وكانك انت اللي اوجعت نايف ..
راكان بسخرية / لالا العنود تفكيرة اشرس من كذا ..
بتال / الحين ما راح يكون تفكيرة الا مثل ما قالك سند ..
راكان بسخرية / خف علينا يا الفهيم ..
بتال تنهد بضيق وجلس على الكرسي .. راكان مستحقرة جدا ولا يتكلم معاه بصدق دائما يتكلم معاه بسخرية ..
عناد اللي جالس على الكرسي بجنب بتال .. مال على بتال وبهمس / انصحك انك تبعد عن عيال عم سطام هذي الفترة ..
بتال بهمس / لا .. ما ابي ابعد .. لا بعدت يزود الجفاء .. انت ما سمعت كثرة الدق تفك الحام .. وانا ابي اكثر الدق ..
عناد ابتسم / بس العنود مو مثلهم .. " وهو ياشر بحواجبه " .. شوف ..
بتال التفت وشافها تمشي بسرعة وعصبية واضحه .. طالع راكان وسند يتكلم معاه بهمس وراكان مركز معاه ...
بتال / راكان .. " راكان طالع فيه " .. شف وراك ..
راكان التفت وشاف العنود وزياد .. توجه لهم ..
العنود كانت بتدفعه وتدخل للغرفة اللي فيها نايف .. بس تفأجات من يد راكان اللي سحبتها لصدره ..
راكان يهمس لها وهو حاضنها / العنود نايف بخير .. اهدي شوي ..
العنود ترجف من العصبية وهي بحضن اخوها .. وبقهر / بخير .. بخير يا راكان وهذاك حاله .. وين الخير وين الخير ..
راكان يهمس لها / لساته عايش .. يتنفس يتكلم .. يمشي .. موجود معانا .. الحمد الله .. قولي الحمد الله ..
العنود هديت شوي وبضيق وقهر / الحمد الله .. الحمد الله .. الحمد الله ...
" ميلت جبينه على كتف راكان وهي تحاول تهدي تنفسها " ..
راكان بهمس / اخذتي علاجك .. اخذتي حبت الضغط ..
العنود هزت راسها بلا وهي ما زالت مميله راسها على كتفه ../ ...........
راكان اخذها وهو ساندها بيده وتوجه لطواري النساء خايف لتطيح عليه .. وزياد وراه ..








سند التفت على بتال وعناد / الحمـ.........
قطع كلامه وهو يشوف نظرات بتال لراكان والعنود وعناد يحاول يكتم ضحكته ..
سند بضحكة يحط يده على كتف بتال / عيدك مبارك يا ابو سلطان ..
بتال يرفع راسه ويطالعه .. تنهد بعشق / عيدك مبارك .. " رجع طالع خيال راكان والعنود اللي ابتعد " ..
بتال بضيق / بعد اسبوع نكمل سنه .. سنه فراق ..






مـرت سنـه والقلـب محـرم وصايـم
يخيـل بـرق الوصـل حـولـك ويـمـك
أحـيـان جــوه عــج وأحـيـان غـايـم
وحاديـه وقتـه عــن مـواريـد جـمـك
ميت علـى شوفـك ومغـرم وهايـم
وده بـقـربــك ويـتـمـنــى يـظــمــك
وإن طعتنـي دامــه يــرد النسـايـم
إلحق عليـه إن كـان وضعـه يهمـك
ماعـاد يسمـع فـيـك نـاصـح ولايــم
أهــل الــدوادي والـكـلام المنـمـك
أنــــا وعــذالــي مـاغـيــر نـتــزايــم
وماسمح لحد منهم بكلمـه يذمـك
وإن قلـت دلونـي علـى حـل دايــم
قالو لي إنسه والعوض بنـت تحبك
متـى علـى الله يصبـح الحـظ قايـم
بـقـدرة كـريـم إنـــه عـلـيـه يـلـمـك
بأمره يسوقك من يسـوق الغمايـم
من بعد مانبـدي علـى أخـوك وجـدك
بالمـال وإن عـيـو حذفـنـا العمـايـم
تجـي معـي لازمـك بأطـراف كمـك
نـفـرح بجـمـعـة شمـلـنـا ونـتـلايـم
وننسى العذاب وكل همي وهمك
كنـي بيـوم النـصـر وأنــت الغنـايـم
لاصـرت فـي بيتـي بلحمـك ودمـك






ــــــــــ



بيت ام عزام ..




غيث بحزم / ابو رهف .. انت مو فاهم الموضوع ..
هيفاء بحضن امها و تبكي / ...........
عزام بحدة / وشنو اللي ماني بفاهمه .. تبي تطلق .. ليه هي اكملت سنه علشان تتطلق ..
ايش تبي الناس يقولون علينا .. رافضة سنين تعرس ويوم اعرست ما كملت سنه وتبي تطلق ..
غيث / عزام اترك الموضوع عليه .. انا اتفاهم مع هيفاء .. لكن يدك لا تمدها ..
عزام بسخريه / لا والله .. ليش ما امدها .. يوم الجوهرة سوت سواتها ماحميت عنها مثل حماتك عن هيفاء يالمحامي ..
غيث ابتسم بارهق / الجوهرة غير هيفاء يا السياسي .. عزام انا اعرف ايش فيها هيفاء علشان كذا ما تبي رعد ..
غيث بحدة / وليه ما تبيه .. هاينها مزعلها .. والله لو هو ظايمها لجيب حقها منه لو اقطع ارقبته ..
غيث / هههههه " قرب من اخوه وقبل خشمه " .. رعد مو مسوي شي .. انت روح لمرتك وهي تفهمك ..
عزام تراجع للخلف وباستغراب / هاا ..
غيث يبي يبعد اخوه وبس .. دفعه للخلف بمزاح / روح لمرتك وهي تعلمك عندها العلم الزين روح روووووح ..
عزام التفت للخلف وشاف ام رهف خلف باب جناحهم وهي لبسه جلال الصلاة وبرقعها وشكلها مرعوبه ..
عزام بتعب / طيب بس لتفكر تعيد الكلمة اللي قالتها ..
غيث يبي يخلص من اخوه .. ريما فوق وهو مشتاق لها وتعبان / ايه ايه طيب متعيدها روح لـ تفتف حقتك بس ..
عزام ابتسم / تفتف في عينك ..
غيث / ههههههههههههههههه " وبصوت عالي وهو يشوف اخوه رايح لجناحه " ..
يام رهف لاهنتي امسحي على راسه واقري عليه يمكن يهجد بذا اليوم الفضيل ..
عزام ابتسم / والله ماحد يبي له قراية كثرك وعساك تعقل .. " ودخل لجناحه " ..
ام عزام ابتسمت وهي تمسح دموعها ../ ...........
غيث التفت على هيفاء .. وبسخرية يقلدها / ابي اتلك .. " التفتت على باب المدخل وبتفاجاء " .. رعد ..
هيفاء فزت واقفه وهي تمسح دموعها .. طالعت جهة الباب وماشافت احد ...
غيث / هههههههههههههه ابي اتلك .. اقول روحي كلمي رعد واهجدي بس ..
ام عزام غطت وجهها بيدينها وهي تضحك / ههههههههههههه
غيث قبل راس والدته / فديت هالضحكة .. ادعي لهم يمه .. يالله انا رايح لريميتي ..
" وبخبث " .. واذا خاطركم بهوشة خلوها بعد ساعتين ساعه .. " وتوجه لدرج وهو يصارخ " .. جيتك يا الريم ..
ام عزام حمر وجهها وبخجل / استح ياولد ..
غيث وهو يصعد الدرج / ههههههههههههههههههههههههه ..





ــــــــــــــــ




عند العناية المركزية ..
من خلف الزجاج العازل ..



رعد بتعب / الحمد الله على سلامته ..
عبدالعزيز بتعب وضيق / طهور ان شاء الله يا الغالي ..
رعد لسلطان / متى يفوق ويقدر ياكل ويتكلم معانا ..
سلطان بضيق وتعب / الحين الوضع مستقر الحمد الله .. ان شاء الله يومين ويطلعونه ..
عبدالعزيز / هو ما كلمكم من وقت العملية ..
سلطان بحمد / الا .. الحمد لله صحي وكلمنا و سئل عن الجميع .. الحمد الله .. بس الحين نايم علشان العلاج ..
رعد وعبدالعزيز / الحمد الله .. الحمد الله ..
الممرض / لو سمحتم طولتوا وهذا فيه مضرة ليه وللمرضى لو سمحتوا ممكن تطلعون ..
سلطان / ان شاء الله .. " التفت لاخوانه " .. خلونا نطلع ونمر نايف نشوف حاله ..
عبدالعزيز بضيق وهم يطلعون من البوابة الرئيسية لقسم العناية / الله يهديه ..
حنا قلنا له من المطار على المستشفى انت تعبان بس هو عنيد .. ابغى ابوي وامي ..
سلطان بضيق / هو ماعنده خبر ؟!!
رعد وهو يمسح على وجهه / لا ما قلنا له .. ما قدرنا وخاصة هو بهالوضع ..
سلطان بقهر / الا هو ايش طيحه به المافيا ..
عبدالعزيز / يقولون من اللي عرفه عزام انه من السعودية وهو يعرفهم ..
سلطان باستغراب / ليكون من سلفة اللي خبرك ..
عبدالعزيز يهز كتوفه / ما ادري خل الولد يصحى ويتعافا ونسئله ..
" باستغراب " .. الا قبل لا نسئله هو راكان غيبته الشهور الطويلة هذيك وين كان فيه تعرف ؟..
سلطان وضع اصباعه السبابه والابهام على جبينه / لا .. والله يا عيال سطام كلهم الاغاز ومشاكل ..
يبك تمسك واحد واحد وتسئله .. ويالله تفهمهم ..
عبدالعزيز / يقوم ابوي بسلامه وتهدا الاوضاع ونفهم كل شي .. ان شاء الله ..
رعد / هذي الغرفة ..
عبدالعزيز / ايه هذي هي ..
دخل سلطان وعبدالعزيز ورعد .. وصوت خافت / السلام عليكم ..
سند وعناد وبتال بصوت خافت / وعليكم السلام ..
سند بخفوت / هذا حنا طالعين ..
سلطان ياشر بيده اطلعوا .. وطلع الجميع من الغرفة ..
سلطان / وين راكان ..
سند / راح لـ الطواري .. هاا هذا هو .. " وهو ياشر على جهة راكان " ..
راكان من الخلف / السلام عليكم ..
العنود تعدت الجميع ودخلت لغرفة اخوها ..
الكل / وعليك السلام ..
عبدالعزيز / سلامات ليه رحت الطواري ..
راكان / بس نشوف ضغط العنود ..
رعد بخوف / ضغط ايش .. متى جاها ..
راكان بتعب / الحمد الله على كل حال ..
الجميع / والنعم بالله ..
سلطان / واحد يقعد عن نايف .. والباقي يرجع .. ابو سند يقول البيت مليان ضيوف ..
راكان هز راسه .. / سامر وصقر اتصلوا عليه وطلبوني يقعدون عن نايف ....
قاطعه سلطان بحزم / الصغار لا ..
راكان هز راسه / وانا قلت لهم لا .. زياد يقعد عنده لـ الليل ويرجع .. وانا اقعد عنده الليل ..
سند حط يده على كتف راكان / وحنا موجودين متى ما بغيتنا لا يردك شي اتصل وحنا تحت امرك ..
راكان بابتسامه / ما يامر عليك عدو ..
رعد وعبدالعزيز وسلطان و سند تحركوا راجعين للبيت ..
عناد / انتظرك تمشي معاي والا بسيارتك ..
راكان تنهد / لا الله يسهل امرك .. انا معي ام سلطان ..
بتال بهدوء / ابو شيخه .. امانه لا بغيت شي .. لا تتحسس ..
راكان ابتسم بسخرية / لا ابي اتحسس .. " وبحدة مازحه " .. روح يالله لا اشوف الا مقفاك ..
شايف عيونك بتطلع من محله وانت تراقب اختي .. تراني ماني اعمى عن تصرفاتك ..
بتال / ههههه .. " وبستعطاف " .. يمكن يحن قلبك عليه ..
راكان رفع حاجب / ردد .. ردد ..
عناد وكانه يغني بصوت خافت / يالليييييييلللل مااااااا اااااطوووووووواااااالللللك ..
بتال ابتسم / لك يوم يا ابو شيخه .. رايح الحين للبيت .. ابي اشوف عيالي واعايدهم واعطيهم عيديتهم ..
راكان هز راسه ودخل لغرفة نايف .. عناد وبتال تحركوا وطلعوا من المستشفى راجعين البيت ..




ـــــــــــــ



بعد الظهر ..

في مجلس بيت ابو سطام ..

وقت الغداء ..


خالد يوقف صقر اللي يصب القهوة لضيوف .. وبهمس حازم / ابوك ما يكلمك ...
صقر تنهد بضيق وهو مايل على عمه / كلمته امس .. قال انه بالمغرب ..
خالد بغضب هامس / ابوك ذا مايستحي قبل فترة ماسكينه ومـ.... " سكت بضيق " ..
ما اقول الا الله يستر علينا و لا يفضحنا بتال العمر ..
صقر اسود وجهه قهر وغبينه .. سحب نفسه من امام عمه .. وضع الدله على احد الطاولة ..
وطلع من المجلس .. توجه للحديقة الخلفية وجلس على احد الكراسي بقهر ..
غطى وجهه بيدينه وصار يبكي بقهر .. حس بيد على كتفه ..
صد بوجهه وصار يمسح عيونه من اثار الدمع ..
سند جلس جنبه وبحنيه / اذا البكى يريحك ابكي ماهو عيب .. والله مو عيب ..
صقر زاد بالبكاء .. ومن بين بكائه / والله قهر .. بدال لا يكون قدوة لي وينصحني .. انا اللي انصحه ..
سند بهدوء وداخله نار من القهر / يمكن خيرة لك ما تدري ..
" وبداخلة .... عسى بس هذا اللي تعرفة يا صقر ولا تعرف عن بوك اكثر .. الله يستر من اخرتها الله يستر " ..
صقر تنهد بضيق / تدري اني ما ابي اقابل اخواتي .. علشان لا يسألوني وين ابوي ..
سند بهدوء / وان سألوك قول مسافر وبس .. وهم ما راح يسألون اكثر ..
صقر هز راسه بنعم / .................
سند تنهد بضيق وصد يطالع لبعيد / ................





ـــــــــــــ




بعد العشاء ..


بعد يوم طويل مرهق ومتعب ..
وبعد استقبال المهنئين بالعيد الاضحى المبارك ..


بالصالة ..


رعد يوقف وبارهاق / انا خلاص فصلت تعبت تعب عمري كله ما عبت مثله ..
ام سطام بحنان / ياروحي انت سلامتك من التعب ..
رعد يرفع يده / سلاااااااااااام .. " وتوجه لجناحه " ..
مياسه وام سطام / مع السلامه ..
مياسة باستغراب / غريبة هيفاء ما رجعت .. ما تدري بن رعد رجع ..
ام سطام باستغراب / والله ما ادري كلمتني مزنه وقالت انهم بخير وما تقدر تجي ..
علشان عزام مسوي عشاء والله ما ادري وانا امك لكن بكرة يروح رعد ويجيبها ..
مياسة هزت راسه / خير ان شاء الله ..
ام سطام / يا امي شفتي العنود وحاله ..
مياسة / ايه يمه الحمد الله احسن .. جاها راكان وتكلم معاها وطمنها عن نايف وبعدها اكلت من العشاء وارتاحت ..
ام سطام بضيق / يعزي لحالهم .. جعل ربي يفرجها علينا .. يا كريم يارب ..
مياسه وهي توقف / يارب .. ما ودك تنامين يمه ..
ام سطام تتسند على عصاها / الا والله .. يا الله .. يا الله .. " وتوجهت لجناحه وهي تدعي بالفرج " ..






ـــــــــــــــ




شقة رعد ..


دخل الشقه .. وفتح الاضاءة دخل على طول للحمام " اكرمكم الله " .. تدوش وطلع ..
لبس بيجاما توجه للكنبة اللي ينام عليها .. جلس وطار يطالع بالجناح .. بارد وباهت بلا الوان ..
رعد تنهد بضيق .. جلس يفكر شوي بينه وبين نفسه .. فز واقف وتوجه لغرفة الملابس ..
لبس جينز و تيشيرت ابيض و لبس ساعته البيضاء اللي اهدتها له هيفاء بعيد الفطر ..
تعطر و اخذ مفاتيحه ومحفظته و جواله وطلع من الجناح ..




ــــــــــــ




بيت ام عزام ..


جناح هيفاء ..


طلعت من الحمام وهي لفه الروب على جسمها وتنشف شعرها .. وجهها احمر من البكاء عيونها وانفها اكثر احمرار ..
رمت الروب ولبست بيجامتها البيضاء الحرير .. مشطت شعرها .. حطت كريم على يدينها ووجهها ..
و تعطرت .. توجهة للإضاءة وخفضتها .. توجهة لسرير .. رفعت الفرشة وهي تتنهد بضيق والعبرة خانقتها ..
دخلت تحت الفرشة وغمضت عيونها وهي تحاول تهدي نفسها وتنام .. بدات تقرا اذكار ماقبل النوم .. وبدات الاستغفار ..
استغفر الله ... استغفر الله ... استغفر الله ... استغفر الله ... استغفر الله ... استغفر الله .. استغفر الله ........
ابتسمت وهي تشم ريحة عطرة وكانه موجود بقربها .. عقدت حواجبها وهي تحس بثقل جنبها ..
فزت برعب وهي تحس بيدين التفت على خصرها .. كانت بتصرخ لكن الرعب شل لسانها ..
رعد بهمس / بسم الله عليك .. انا رعد ..
هيفاء تحول تستوعب وتحاول تهدي نفسها وتقنعها انه رعد .. هذا صوته وهذي ريحة عطره ..
رعد بهمس / تعبان هيفاء تعبااااااااان وابي انام .. " شد على خصرها وحضنها اكثر .." ..
هيفاء مو مستوعبه حاولت تتحرك لكن ما قدرت .. قالت بداخلها خله ينام واهرب ..
بس الدفاء والتعب اخذها هي بعد لرحلة النوم الهني ..






ــــــــــــــــــ





يوم جديد ..




بجناح العنود ..


العنود تلبس عبايتها .. وبحزم / ماني منتظرتهم ... ابي اروح له متى مابغيت وبغصب عنهم ..
زهره / براحتك .. اخوانك وانتي تتفاهمين معاهم ..
ساره بخوف / العنود ابي اروح معاك ..
العنود بحزم وانهاء للموضوع / لا .. بس يتحسن اكثر اخذك .. انتبهوا للعيال .. سلام ..
زهرة / العيال عندي لا تخافي عليهم .. بس من بيوصلك ..
العنود وهي تتفتح باب الجناح / يعني اذا راحوا واتركوني باتربط ..
زهرة تهز راسها / عنيدة الله يحفظها بس ..





العنود مرت على المطبخ وسحبت السلة اللي فيهم اكل وقهوة وشاهي وطلعت من المطبخ ..
ربطت برقعها ورمت الشيله على عيونها .. رفعت عبايته على راسها حملت السلة وطلعت برا البيت ..
التفتت يمين والتفتت يسار .. شافت وليد وريان جالسين قريب من العريش وشكلهم يلعبون ..
تقدمت منهم .. العنود بهدوء / السلام عليكم يا شباب ..
ريان و وليد رفعوا عيونهم يطالعونه .. ابتسموا / وعليكم السلام ..
العنود ابتسمت / وينكم اليوم ما مريتوا على السلطان والظبي ..
وليد نزل راسه بضيق .. و ريان بضيق / علشان وليد زعلان ..
العنود عقدت حواجبها / ليه .. " التفتت على وليد " .. ابو سلطان من زعلك ..
وليد بزعل / اخواني .. ابي ازور جدي ما خلوني ..
العنود ابتسمت بخبث / طيب ايش رايكم تروحون معاي تزورون نايف وتزورون جدي اذا كان مسموح ..
حتى انا ابي ازور بس مافي احد من اخواني وانا ابي لي رجال يروح معاي لانه ما يصير اروح لحالي ..
وليد وريان يطالعونها / .............
العنود / ها ايش قلتوا .. تروحون معاي .. والا انتم صغار ..
وليد ينفخ صدره / لا مانا صغار حنا رياجيل .. " التفتت على ريان " .. صح ريان ..
ريان ينفخ صدره / صح ..
العنود / اجل ريان روح نادي صبري تلقيه هناك عند الباب قله ام سلطان تبيك بسرعه ..
ريان راح يجري ينادي صبري .. العنود التفتت على وليد .. وبهدوء / وليد شنو كنت تسوي البارح ..
وليد باستغراب / البارح .. ايش اسوي ..
العنود اشرت على زاوية / هنااااك عند صندوق الزباله .. البارح بعد العشاء ايش كنت تسوي ..
وليد ارتبك .. وخاف انه ينكشف / .................
صبري من خلف العنود / نعم يا عمه ..
العنود / صبري جهز السيارة بنروح المستشفى نزور نايف ...
صبري / ابشري ياعمه ..
" صبري مازالت سيارة نايف معاه .. سيارة نايف اللي اشترتها له العنود قبل .. تذكرونها ؟؟.." ..
ريان يتنفس / هذا صبري مره طيب .. احسن من خان ..
العنود ابتسمت له .. التفتت على وليد وشافته منزل راسه ويحرك رجله يمين ويسار يلعب بالحجارة ..
صبري قرب السيارة اخذ السلة وحطها بشنطة السيارة .. العنود ركبت وراء وجنبها ريان و وليد ركب قدام ..
وتوجهوا للمستشفى ..





ـــــــــــــ

في المستشفى ..



في الصالة اللي بالجناح قبال غرفة نايف ..

ماجد بصوته المتعب من اسفر واللي صار لهم مع نايف .. / لا انا خفيف بس ضربتين ورموني بالشارع ..
واخذوا نايف وانا بلغت الشرطة .. بس ياهي ضربتين الله لا يوريكم ..
عناد عاقد حواجبه / بس كذا خطفوكم والا لكم ثار ...
ماجد هز كتوفه / ما ادري بس هم كانوا يبون نايف بالاسم ..
بتال بجفاف / انت لك كم هناك ..
ماجد بكره / سنه ..
بتال رفع حاجب وصد / ........................
سند / انت تدرس ..
ماجد وقف / ايه اول سنه الغة وبعدين الجامعه ..
طلال / تبي ترجع تكمل ؟
ماجد بصدق / اعوذ بالله .. معاد انا خارج من السعودية ..
الكل / هههههههههههههههههههههههه
متعب خرج من الغرفة .. طاحت عينه بعين بتال صد بقرف وكره .. / هاا مشينا ..
ماجد بضيق / مشينا .. والله بغيت اقعد عند نايف بس امي الله يهديها حالفه ..
طارق واقف جنب متعب / بالله مالها حق تخاف لك سنه غايب عنها ويوم جيتها يدك مكسوره و وجهه معدوم ..
ابو عبدالعزيز من وراهم .. يكلم راكان / اهاا المهم لبغيت شي والا محتاج شي كلمني ..
وقل للعنود تكلمني قطعت عني كني انا اللي موجع نايف ..
راكان ابتسم / ان شاء الله لرضت عليه و صارت تسمعني قلت لها ..
ابو عبدالعزيز وهو يتعكز على عكازته وطالع من الجناح / اجل بنموت ولا كلمتنا ..
متعب وطارق وماجد وراكان / ههههههههههههههههههههههههه
عيال الفارس عاقدين حواجبهم باستغراب معادا سند مبتسم / .............
طلعوا الكل من الجناح لان وقت الزيارة الصباحي قرب ينتهي ..
راكان التفت لماجد اللي مجبس يده اليسرا ولصق على حاجبه الايسر وطرف شفته فيها جرح ..
ماجد انتبه له وابتسم .. راكان بهدوء / الحمد لله على سلامتك مشكور ..
ماجد ابتسم / لخدمة غريب انشكر لكن نايف واللي يحبهم نايف لو يطلبون روحي تفداهم ..
راكان هز راسه وبابتسامه / تسلم روحك ..
متعب يمزح وكانه خايف / اوب اوب اوب .. ماجد الشرده ياولد .. العنود جات ..
راكان عقد حواجبه والتفت للخلف .. وشاف العنود تمشي ومعاها ريان ووليد وخلفها صبري ..
هز راسه بضيق .. / اذبحها والا ايش ..
متعب بهمس / حنا ماشين قبل لا ننذبح سلام .. ( " ولحق ابوه وطارق "..
راكان التفت وشاف ماجد ابتسم وهز راسه لعنود / سلم لي عليها .. سلام .. " وراح لحق متعب واخوه وجده " ..






العنود مانتبهت لمتعب كانت عيونها على ماجد .. رفعت يدها شوي واشرت له بيدها تهدده " يا ويلك " ..
راكان تقدم منها وبهمس حاد / انا ماقلت لا تجين ..
العنود بهمس حاد مماثل / وانا قلت جايه ..
راكان بهمس حاد / العنود ماني فايق لك ..
العنود تبتعد عنه وبهمس / ولا انا فايقه لك .. " وبسرعة دخلت جناح نايف " ..


كان بتال وسند وطلال مازالوا موجودين عند نايف رتبوا المكان ويشفون من يبقى عنده ..
لان راكان وزياد سرانين لهم يومين ولزم ينامون ويريحون ..
العنود بصوت هامس / السلام عليكم ..
الكل / وعليكم السلام .. " وطلعوا على طول " ..
دخل صبري / السلام عليكم .. الحمد الله على السلامة ..
نايف اشر له بعيونه يعني " شكرا " ... صبري " حط السله وطلع وهو يمسك عبرته " ..
دخل ريان ووليد بخجل / السلام عليكم ..
العنود / وعليكم السلام .. نايف مايقدر يرد علشان الجرح اللي عند فمه ..
ريان ووليد فاتحين عيونهم للاخير مفجوعين من شكل نايف ..
راكان من وراهم .. / يا عيال اخوانكم برا ينتظرونكم ..
طلع ريان ووليد .. دخل زياد وقفل الباب الجناح .. وبهدوء / اعلنوا عن انتهاء الزيارة ..
العنود رفعت البرقع لفوق وفتحت وجهها .. فتحت السلة طلعت شوربه وشوية فطاير بالجبنه والزعتر والسبانخ ..
وطلعت ترمس قهوة وشاهي .. وبحزم وهي تحطها على الطاولة / تعال كل انت و اياه ..
راكان يحول يكون هادي / عنود .. اذا قلت لك لا تجن لا تجين ..
العنود اخذت السلة وحطتهم على الطاولة الصغيرة اللي بجنب السرير ..
العنود رفعت السرير حق نايف شوي .. نايف يطالعها وساكت .. العنود جلست جنبه على طرف السرير
وطلعت ملعقه من السلة وفتحت حافظة الشوربة و بدأت تشرب نايف غصب ..
نايف ابعد شوي .. وبتعب وجهد / امي وابوي وين ..
العنود بحزم وهي تحاول ماتبين عبرتهم / عند من يرعاهم ويحفظهم لا تخاف عليهم كُل انت ومالك دخل بغيرك ..
ولا تحاول تكلمني مرة ثانيه لاني يادوب قادرة امسك اعصابي لا اذبحك انت وها الي قاعدين قبالك ..
انا ما ادري كيف قلوبكم لا حش مو قلوب حجر لالا الحجر لو يشوف حالتي يراف لها ويحس ..
" تنهدت بقهر " .. نايف كُل ولا تعصبني لاني راح احرق المستشفى باللي فيها ..
راكان كان جالس قبال نايف .. وجنبه زياد جالسين على الكراسي .. رفع حواجبه ونزلها ..
نايف انتبه و ابتسم وتوجع من الجرح الكبير اللي على فمه .. العنود سحبت منديل وبلته بالماي ومسحت شفايفه ..
رجعت مسكت الملعقه وبدات تشربه .. والكل ساكت .. وزياد وراكان ياكلون من الفطاير ويشربون الشاهي ..
راكان وهو ياكل من فطيرة بالجبن / متى سويتي ذا .. كله ..
العنود طنش ولا كانه يكلمها / .........................
راكان بقهر / ياكرهي لها الطبع فيك ياعنيد ..
انطق الباب .. العنود نزلت البرقع وغطت وجهها .. ودخلت الممرضة الفلبينية .. واعطت نايف العلاج ..
وعيونها تروح للفطاير اللي ريحتهم تشهي .. العنود فتحت السلة وسحبت حافظة واعطتها الممرضة ..
العنود / هذي لك انتي و زميلاتك تفضلي ..
الممرضة اخذتهم / شكرا مدام ..
العنود هزت راسها / العفو ..
بعد ماطلعت الممرضة .. راكان بخبث ومزاح / والله طيحتك حلوة ياولد .. مزيونه " وهو يغمز بعينه " ..
نايف ابتسم .. زياد احمر وجه وارتبك .. العنود بضيق / عاجبتك طيحة اخوك .. والله من الاخوة الزينه ..
راكان بضيق / هو هووووووووه علينا .. لا مزحنا زعلت ولا صرنا جدين زعلت ما ادري ايش يرضيها ..
العنود رفعت البرقع عن وجهها وشمقت .. نايف اشر لها انه اكفاء من الاكل .. ويبي يريحون السرير ..
العنود بللت منديل ونظفت فمه من اثار الشوربة .. نايف بتعب / اعطيني ماي ..
العنود فتحت علبه الماي و شربته شوي .. وقفت وريحت السرير دقايق وغط نايف بالنوم ..
العنود جمعت الاكل ونظفت الطاولة .. ورجعت كل شي لسلة ماعدا القهوة والشاهي ..
التفتت على نايف وتنهدت بضيق والم .. طالعت لوجهه .. حاجب الايمن مجروح وعليه لصق ..
عين اليسرى منفوخه وحولينها لون ازرق وبنفسجي واخضر واثار دم ناشف تحت العين ..
حمده ربها بداخلها انها مافقدها .. انف مجروح وعليه لصق .. شفايفه المجروحه ..
من اسف الجهة اليمنى واثر دم ناشف بحجم كبير .. طرف الشفه اليسرى من الاعلى مجروح لحد العين المنفوخه ..
وكانها مقطوعه بسكين .. اسفل اذنه اليمنى من الخلف ملفوف شاش ابيض مو عارفه ايش تحته ..
راسه ملفوف بشاش ابيض .. يد يسرى مكسورة باصابع ملفوفه عليها الشاش الابيض ..
واليد اليمنى ملفوف اصابعها بالشاش .. نزل الفرشة عن صدرة شوي وانكشف لها الجروح الكبرى ..
تقدمت بهدوء وقت استرخاء راكان وزياد .. ورفعت الفرشه وابعدتها عن صدره .. حطت يدها على فمه بسرعة ..
تمنع شهقته من الطلوع .. اعلى صدرة من الجهه اليمنى قطعة شاش ابيض مربعه واثر المضاد خارج من الشاش ..
يعلن التهاب الجرح واصابته البالغه .. بطنه كله ملفوف بالشاش وملتف على ظهرة ..
رجعت بترفع الفرشة اكثر عن جسمه تبي تشوف اللي مخبى .. بس قطع عليها يد راكان اللي سبقتها ومسكت يدها ..
راكان بهمس وصوت موجع / الفضل لاتشوفينه ..
العنود بخوف وهي تحس بالعبرة اخنقتها .. وبصوت هامس يرجف / وين ؟ ..
راكان رفع الفرشة وغطى نايف .. مسك يدها وطلعها لصالة .. / فخوذة .. حارقينه فيها ..
العنود بتاكيد / بس .. بس حرق ..
راكان هز راسه وبالم / بس حرق .. بس الحروق كبيره .. كبيرة حيل .. ورجله اليمنى مكسوره كسر خفيف ..
لكن اليسر في الساق فيه جرح طول الساق .. " وبالم " .. هالجروح بسيطه امرهم اهم شي نفسيته نفسيته ما تتعب ..
العنود جلست وبالم / ياربي ارحمنا .. " رفعت راسها " .. من سوا فيه كذا ..
راكان يجلس جنبها / يقولون مافيا خطفته .. والسبب مجهول .. " ما كان يبي يقول لها عن المباحث ..
يبي يعرف الموضوع من نايف ويبي يربطه بالي صار معاه هو شاك بشي ويبي يتاكد " ..
العنود بضيق / انتم ايش سويتوا .. انت انخطفت لشهور وما صدقنا رجعت بسلامة ..
والحين نايف .. " حطت يدها على راسها وسكتت ثواني ورفعته بخوف " .. راكان ..
راكان عاقد حواجبه ومستغرب من كلمتها .. " مخطوف لشهور " .. بنبرة غريبه / همممم ..
العنود بخوف / معقول يكون واحد مستقصد هالشي .. يعني السبب وراء اللي صار لك ولنايف ..
خطفك وخطف نايف واوجعه .. اكيد راح .. " وطت صوته وعيونها راحت لباب الغرفة " .. ياذي زياد ..
ويمكن ساره .. " طالعت راكان " .. ويمكن انا والا عيالي .. " فزت واقفه وبخوف " .. ممكن صح ..
راكان عاقد حواجبة / وليش .. يعني ايش يبغى منا ..
العنود تفكر / كيف ايش يبي .. حنا عيال سطام .. تعرف سطام ..
راكان ابتسم بسخرية / اللي يسمعك يقول اغنى ناس بالسعودية ..
العنود التفتت عليه وبنبرة مقصودة / تقصد بالعالم .. " وبحزم " .. من بكرة ما تتحرك انت واخوانك الا والحراس معاكم ..
راكان يحط رجل على رجل وبسخرية / البادي قارد .. ايه طيب و من وين نجيب فلوسهم .. لا تقولين من فلوس الظبي ..
" وبجدية " .. ما عاد لـ الظبي فلوس .. لان كل ممتلكات الظبي اللي بيد جدي سعد انا اعرفها .. وكلها كانت تحت يدي ..
وبسبب الخساير كنت ابيع منها .. وما عاد بقي الا البيت اللي بالرياض وهذا هو احترق ولا عاد ينفع لشي ..
العنود جلست جنبه وبدوء / وانا قلت مال الظبي .. " هزت راسه " .. لا كل اللي بنصرفه وراح نصرفه من مال سطام ..
راكان عقد حواجبة / انا مستغرب من كلامك مال ابوي ومال ابوي .. اذا صدق ابوي عنده ممتلكات ..
دليني على وحدة منها .. انتي شايفه وضعنا حتى بيت يلمنا مافي .. حاشرين نفسنا في بيت جدي ..
متضايقين ومضايقين غيرنا ..
العنود بهدوء / لانك اعمى .. " التفت راكان لها بحدة " .. مع احترامي " ابتسمت بسخرية " ..
لو تفتح عيونك بس شوي وتشغل مخك كان من زمان وحنا قاعدين في بيتنا .. اقصد بقصرنا قصر ابوي سطام ..
راكان عقد حواجبه / ...............................
العنود ابتسمت بخبث وقفت وهي تنزل برقعها وترمي الشيلة على عيونها رفعت عبايتها / رجعني للبيت ..
ونام وريح وبعدين راح افهمك قصدي لان الحين لو افهمك بتقعد متنح ولا فاهم شي ..
راكان يطالعها بقهر وعصبية / انتي تحبين تعصبين الواحد .. " رن جواله رفعه وشاف سيف " ..
راكان يوقف / هذا سيف وصل .. يالله مشينا ..
العنود رجعت للغرفه وقبلت راس نايف بهدوء .. راكان صحى زياد اللي غفى على الكنبة وسحب السلة معاه وطلع ..
دخل سيف وفارس بهدوء وبقيوا عند نايف راح يتناوبون عيال الفارس على نايف لين يطلع ..





ــــــــــــــــــــــــــ






بيت ام عزام ..



بجناح هيفاء ..



كانت تحس بصداع وثقل .. طولت بالنومه .. فتحت عيونها بدوء .. رفعت يدها ومسحت وجهها ..
جات بترفع نفسها بس حست بيد ترجعها على السرير فتحت عيونها بخرعه واللي صار البارح ينعاد لها ..
رعد بهمس وصوته مبحوح .. له ايام ما نام من منظر نايف الموجع .. الى التفكير بكلام غيث ..
الى مراجعة دكتور النفسي ..الى اعترافه بنبضات قلبه اللي تدق باسم هيفاء .. / صباح الخير
هيفاء فاتحه عيونها / ....................
رعد يرفع نفسه واتكى على يده الثانية .. عقد حوجبه وباستغراب / هيفاء فيك شي .. والا انا ضايقتك ..
هيفاء تمتمت بهمس / اعوذ بالله من الشيطان .. بسم الله .. " رفعت يدها ولمست صدر رعد " ..
رعد رفع حاجب مستغرب لها الدرجة مو مصدقه ومرعوبه ../ ..........
هيفاء بعد ماصدقت انه رعد .. وقفت بسرعه وابتعدت عن السرير .. بخوف / كيف دخلت هينا ..
رعد ابتسم بخبث .. وهو يشوف خوفها .. رجع نام وبهدوء / غيث دخلني .. ليه " وبخبث " .. ما اشتقتي لي ..
هيفاء تلبس شبشبها .. وبنبرة مقصودة / لا .. وبعدين من سمح لك تنام على سريري وجنبي ..
قفت عنه متوجه للحمام .. لكن رعد كان اسرع منها وضمها من الخلف بحيث ظهرها ملصق بصدره ..
هيفاء شهقت برعب ماكانت متوقعه الحركة / هئئئئئئئئئئئئئئئئ
رعد / ههههههه .. " قبلها اسفل اذنها وبهمس " .. اشتقت لك ..
هيفاء رجفت بقوة وحست بلسعة كهرباء بجسمها .. شدت نفسها .. رفعت يدينها وابعدت يدينه و ببرود / ما اسمح لك ..
رعد ابتسم .. كان متوقع هالشي .. زعلانه منه .. ولها الحق تزعل هو جرحها جرحها كثير ..
وهي حاولة تتقرب منها وتكسر حاجز تأنيب الضمير عنه .. وهو جازاها بالجرح و الجفاء ..
هيفاء دخلت الحمام .. لكن قبل لا تقفل الباب .. رعد مسك الباب .. وبحزم / غيري ملابسك واطلعي ..
عندك نص ساعة بس .. اذا ما طلعتي رحت وتركتك .. وراح يتصرف معاك عزام ..
هيفاء بغضب تطالعه وقبل لا تتكلم .. رعد بخبث يغمز لها وارسل لها بوسه / احبك ..
طلع من الغرفة مر على الصالة اخذ المحفظة ومفتاحه وجواله وفتح الباب وطلع لصالة ..
هيفاء ما زات واقفه عند باب الحمام مصدومه .. وبهمس / ايش صار له ..
دخلت الحمام وتوضت وطلعت صلت وغيرت ملابسها وطلعت لصالة ..





بصالة ..
ريما بحرج / يممممممممه شوفيهم ..
ام عزام وهي تضحك / يالله عاد انت وياه الا بنيتي الريم ..
رعد ابتسم / عاد غيث صاجنا يوم عرسي يوم عرسي .. هاا كم يوم وذكرا زواجكم جايه ايش بتسوون ..
غيث تنهد / والله كنت ناوي على الحجة ذا السنه مع امي وزوجتي بس ما الله اراد ذا الشي .. ان شاء الله السنه الجاية ..
الكل / ان شاء الله ..
ريما / وانت رعادي ايش بتسوي ..
رعد يشرب من فنجان القهوة بنبرة مقصودة وبخبث وهو يطالع لهيفاء اللي جايتهم ..
والكشرة والضيق واضح على وجهها .. / انا .. انا غير .. وحفلتي غير ..
ريما بحماس تلتفت له وتجلس متربعه / شنو بتسوون يعني ..
غيث فرح بانها اعطته ظهرها .. سحبها وجلسها بحضنه .. ريما شهقت بخوف وفشله .. / غيييييييييييييييييث ..
ام عزام تضرب غيث / استح يا ولد .. اوجعت البنت .. نزلها ..
" غيث نزل ريما وريما ابتعدت عنه بغضب وزعل .." ..
هيفاء ببرود .. تقبل جبين امها / صباح الخير يمه ..
ام عزام / صباح النور ..
رعد بنبرة حازمه / وين عبايتك .. تراني مو فاضي ابي اروح اشوف نايف ..
" رفع ساعته " .. باقي ساعة ونص وياذن الظهر ..
هيفاء انتبهت لساعة .. هذي هديتها الي اعطه اياها نص العيد وصار يتمسخر عليها .. صدت / ما ابي اروح ..
ريما انتبهت لنغزة غيث وهمس لها / عزام عند الباب ..
ريما بهمس / طيب .. بس انا رايحه مع عمي رعد ..
غيث بحزم / لا .. وقومي بسرعة ..
ريما قامت بضيق وهي زعلانه ودموعها بدات تنزل على خدها .. وعيون غيث تلحقها وهي تطلع الدرج ..
دخل عزام .. / السلام عليكم ..
الكل / وعليكم السلام ..
عزام ابتسم / يالله حي ابو سعود ..
رعد بابتسامه / الله يبقيك .. ويالله ادعي لنا عسى سعود السنه الجاية مثل ذا اليوم تعطية عيديته ..
عزام / هههههههههههههه يالله شد الهمه انه وغيث تراكم طولتوا ..
رعد بخبث / والله انا اتمنى بس اختك ما ادري عنها ..
هيفاء حمر وجهها .. هذي دعوة صريحة بانه يبيها .. صدت عنهم بحرج وكانت بتروح للمطبخ بس رعد وقفها ..
رعد يوقف / يا لله ام سعود انا انتظرك بالسيارة ..
هيفاء صدرها يطلع وينزل بسرعه .. مرتبكه ومعصبة .. رفعت نظرها لعزام وشافت ملامحة مشدودة ..
طالعت امها وشافتها تشد على شفايفها يعني يا ويلك ان رفضت ..
اما غيث كان يطالعها ببرود وكان يقول لها القرار قرارك وانا بكل الحالات معاك ..
فزت على صرخة عزام / مطوله واقفه ..
هيفاء نقزت حست على نفسها انها طولت وهي واقفه راحت لجناحها لبست عبايتها واخذت شنطة اليد وطلعت ..
كان ينتظرها بالسيارة .. كان خايف انها ما تطلع .. انتبه لها وهي طالعه من البيت وواضح من مشيتها متضايقه ..
طلعت السيارة وقفلت الباب بقوة ../.......................
رعد ابتسم وبهمس متلعب / شوي شوي على باب السيارة لا تكسرينه ..
هيفاء صد عنه / ............................
رعد طالع فيها مو باين منها شي الا يدينها .. مسك يدها وضغط عليها ورجعها بهدوء لمكانها ..
حرك السيارة وتوجه لبيتهم ..





ـــــــــــــــــ


بيت ابو سطام ..


بجناح مياسة ..


صقر بضيق / يمه ابوي ماهو في البيت .. وانا مليت وانا قاعد بالاستراحة .. احس احس اني ولد شوارع ..
مياسه مقهورة " وبداخله .. حسبي الله عليك يا راشد ان كان بتضيع الولد من يديني " ..
مياسه بضيق / يمه صقر .. بيت انهنت فيه ما اطبه .. وعن نومتك تعال نام هينا الجناح كبير ويشيلنا ..
صقر بضيق / يمه كيف يشيلنا .. الجناح كله غرفتين وصالة وحمام كيف يشيلنا ..
مياسه بحنان / خواتك بغرفة وانا معاهم وانت بالغرفة هذي والا اقلك تنام بحضني مثل ما كنت صغير ..
صقر ابتسم وقبل يدينها بحنان / يا روح صقر انتي ربي لا يحرمني من حضنك ..
" وبضيق " .. بس يمه ما يصير كذا اضايق بنات خالي سطام .. وبعد راكان وزياد وبكرة نايف بيطلع وين يجلس ..
وخواتي يتقيدون .. و زياد جاء الاستراحه علشان زوجة اخوة .. بس نايف ..
" هز راسه بضيق " .. يمه والا صعبة حنا لزم نرجع بيت ابوي ..
مياسة بغضب / تبي بيت ابوك روح له لكن انا ما اطبه .. " وقفت وطلعت من الغرفة والجناحة رايحة لامها " ..
صقر تنهد بضيق وشاف ريهان داخله عليه وشكلها واضح بانها سمعت الكلام ..
ريهام تجلس جنب صقر .. وبهدوء / ولا حنا نبي نرجع بيت ابوي .. حنا مرتاحين هينا ..
صقر بضيق صد / .........................
ريهام بحنان / ما راح يطول زعلاها عليك .. هذي امي .. " ابتسمت " .. ام الصقر ..
صقر تنهد بضيق وانسدح على رجل اخته .. وبضيق ممزوج بقهر / تعبان .. تعباااااااااااان ..
ريهام بحنان مسحت على شعره .. وبهدوء / يفرجها رب كريم ..
صقر هز راسه وهو مغمض عيونه .. وغفى ...




ـــــــــــــ





بالصالة ..


دخل رعد وهيفاء ..
كانت مياسه وام عناد وام سند جالسين مع امهم ام سطام ..
رعد جلس جنب امه وبابتسامه / اشلون ام رعد اليوم ..
ام سطام بحزم / انا ام سطام .. ولا تنادوني بغيرة .. الا تعال انت زرت ابوك اليوم والا ولد اخوك ..
رعد تنهد / لا والله ياميمتي .. انا ماصحيت الا متاخر اخذت حرمتي ورجعت ..
ام سند " العنود " .. بابتسامه / نمت في عندهم البارح ..
هيفاء بحرج وقفت / عن اذنكم .. " وراحت لشقتهم قبل لاتسمع اي رد " ..
رعد قعد يطالعها اللي غابت عن انظاره .. شرب فنجان القهوة ووقف / وانا بعد عن اذنكم ..
الكل يطالعه مستغرب .. ام سند بابتسامه / بسم الله عليه ايش فيه اللي يشوفه يقول توه معرس ..
ام سطام بهمس خافت / وهو اعرس اصلن ..
ام عناد اللي جلسه بجنبها / نعم يمه .. قلتي شي ..
ام سطام / اهوجس بابوك ونايف ..
ام سند / نايف بكرة او بعدة يطلع يقولون بس تطلع نتايج تحالي مسوينها له وانت طلعت سليمه طلعوه ..
ام عناد / العصر ابي اروح له ..
ام سطام / اه اخذوني معكم .. ويمكن سلطان يمر بي يم ابوكم ..
مياسه بصيق / مو ابوي ممنوعه زيارته ..
ام سطام بعصبية / وانا يقولون لي شي .. وايش يدريني ..
بنات ام سطام سكتوا .. واضح ان امهم معصبة حيل .. ولا يبون يكلمونها حتى لا تعصب اكثر ويرتفع الضغط عندها ..





ــــــــــــــــ





شقة رعد ...


دخلت بعصبية وضيق .. رمت شنطتها بعصبية على الكنبة .. سحبة الغطاء بقوة وعبايتها وعلقتهم على المدخل ..
دخل وراها وشافها تسحب الشباصه بقوة من شعرها قفل الباب وتقدم لها ..
هي من لمن سمعت الباب يتقفل التفتت للخلف .. شافته يتقدم لها بهدوء ..
رعد بهدوء مد يده واخذ الشباصة منها .. طالع فيها وشافها كله شعر متقطع ...
رعد بضيق / كله كره من قربي ..
هيفاء باختناق / ما خليت محل بقلبي سليم .. حتى يتحمل منك جرح جديد ..
رعد لف يدينه حولينه وضمها قبلها بقوة جرحت قلبها قبل شفاتها ..
هيفاء ابعدته بحدة عنها .. حتى ترفع يده وتصفعه بقوة على وجهه ...

البارت 33 ..





على بالي تناديني .. انا آسف ماسمعتك زين
ولاني أول العالم .. يخيب ظنه وأحساسه ..

احسب انك تبيني .. وقلت من هالعين قبل هالعين
وجيتك تايه الخطوه.. وصدري يشهق انفاسه ...

انا والله مدري .. وين انا رايح وجاي منين
غرابيل الزمن فيني تعدت حد مقياسه ..

توهمت بخيال الفكر.. هايم بين زين وشين
سحابة هم إحتاست مع النسمه ونسناسه ..

على هونك ترفق بي.. غريب وحاير الكفين
عجول اتبع صدى صوت بسمعي دقت اجراسه ..

ترى ماني من اللي .. يعشق اللعبه على الحبلين
وقلبي نيته اصفا من الما لورد كاسه ..

صحيح أخطيت .. واعذرني خطاي بسبة الأثنين
رداة الحظ .. وهموم تعاندني بوسواسه ..

ولاني من الخطا معصوم.. تدري والبشر من طين
ونفسه تامر بغفله .. ولاهو قاوي باسه ..

على كل حال سامحني .. انا ميت من الصوبين
خفوقي عايفن نفسه .. وعيني فارقت ناسه ..

تخطيت الدروب اللي .. تباري رحلة الماشين
سراب الشوق ياخذني لزلاتي وهوجاسه ..

على بالي تناديني .. وكني سامعك هالحين
ولاقصدي خطأ .. وادري عيون الناس عساسه ..

سهيت من الهموم اللي بقلبي.. ورحت مدري وين
على حظ الزمان اللي قلب وضعي على راسه .





" منقول " ..








شقة رعد ...



دخلت بعصبية وضيق .. رمت شنطتها بعصبية على الكنبة .. سحبة الغطاء بقوة وعبايتها وعلقتهم على المدخل ..
دخل وراها وشافها تسحب الشباصه بقوة من شعرها قفل الباب وتقدم لها ..
هي من لمن سمعت الباب يتقفل التفتت للخلف .. شافته يتقدم لها بهدوء ..
رعد بهدوء مد يده واخذ الشباصة منها .. طالع فيها وشافها كله شعر متقطع ...
رعد بضيق / كله كره من قربي ..
هيفاء باختناق / ما خليت محل بقلبي سليم .. حتى يتحمل منك جرح جديد ..
رعد لف يدينه حولينه وضمها .. قبلها بقوة جرحت قلبها قبل شفاتها ..
هيفاء ابعدته بحدة عنها .. حتى ترفع يده وتصفعه بقوة على وجهه ...
هيفاء بحدة وهي ترفع اصباعها بوجهها / ما راح اسمح لك تجرح وتغلط اكثر ..
ماجاء منك يكفي .." اهتز صوتها والعبرة زادت باختناقها .. وهي تشوفه يطالعها ببرود " ..
انا .. انا .. اا .. انااا مو بنت هواء .. " نزلت دموعها غصب " .. حتى تتصرف كااا .. " وانفجرت تبكي " ..
رعد تقدم لها وسحبها غصب لحضنه وضمها .. عارف قد ايش اوجعها والمها .. ومتاكد انها تعشقه ..
و يستاهل كل اللي تسويه فيه .. ابتسم وهو يحس بيدينها على صدره .. رفع يده وصار يمسح على شعرها ..
هيفاء رفعت يدينها ومسكت ببلوزتها من جهة الصدر .. وزادت بكي و عبره وصوت شهقاتها زادت ..
بعد فترة .. مو طويله .. رعد بهمس وهو يقبلها على راسها / خلاص هيفاء اهدئي ..
هيفاء ما زالت تشهق .. حست بانها بحضنه .. حاولت تبتعد بس رعد زاد بضمها ..
رعد بهمس وهو يقبلها والابتسامه على وجهه / لا ما راح اسمح لك تبعدين اللين ترضين ..
" وبنبرة مقصودة " .. حتى لو تضربيني مره ثانية .. " وبخبث " .. فدوة لعيون فوفو الحلوة ..
هيفاء ترفع وجهها و بكرهه / هاا هاا هااا .. ضحكتني .. " حاولت تبتعد لكن رعد ماسمح لها " ..
هيفاء بضيق وهي تطالع فيه / اتركني ..
رعد يطالع بوجهها الاحمر .. طالع بكل ملامحها اللي عشقها .. وطال النظر ..
هيفاء تطالعه بستغراب .. خجلت من نظراته .. صدت عنه وهي تحاول تبتعد ..
رعد ابتسم لمن شاف ازدياد احمرار وجهها من الخجل .. ضمها لصدره وجبرها بان تحط راسها على صدره ..
رعد وهو يمسح على شعرها .. وبهمس / انا اسف .. ادري باني اوجعتك .. و اوجعتك كثير بعد ..
بس انتي تدرين اني مريض .. " حس بارتجافها " .. " ابتسم بخبث وبنبرة مقصودة " ..
والا مفكرة اني ما ادري انك تفتشين بـ اوراقي .. " وبخبث اكثر " .. ليه تفتشين من وراي ..
" وبنبرة متلاعبه " .. خايفه اني اخونك والا متزوج غيرك ..
" ضحك لمن حس بانها تشد على نفسها من الخجل وتحاول تبعده " .. هههههه قلت لك ماني بتاركك ..
رعد زاد ضمها وبهمس " .. احبك .. " فجاه حس بجسم هيفاء يجمد عن الحركة ".. و الله احبك ..
ابتعد شوي ورفع راسها وحط عيونه بعيونها " .. اسف على كل اللي صار .. والله اسف .. " و قبل جبينها " ..
رعد يطالع بوجهها وهيفاء تطالع بالارض مو مصدقه و خجلانه ..
رعد بهدوء / سامحتيني والا لساتك زعلانه ..
هيفاء بخجل وهي منزله راسها / ....................
رعد ميل راسه ورفع خصله من شعرها كانت مغطيه على ملامح وجهها .. وطالعها شافها مبتسمه بخجل ..
هيفاء ما انتبهت له .. كانت مو مصدقه ان رعد واخيرا قال هالكلمة .. وتفكر ايش راح تسوي .. لكن .......
هيفاء صرخت بخوف لمن حست انها ارتفعت عن الارض ../ ااااااااااااه رعد .. رعد نزلني ..
رعد يضحك وهي بين يدينه خايفه .. وبخبث / ابي انزلك بس مو هينا .. هههههههههههههههههههههه ..
هيفاء غطت وجهها بيدينها وبخجل / رعآآآآآآآآآآآآآآآآآآآآآآآآآآد نزلني ..
رعد / هههههههههههههههههههههههههه .. " وهو يتقدم لغرفة النوم " ..





ـــــــــــــــــــــــ





بيت ابو بتال ..



بجناح بتال ..



الجوهره بعصبية / وهذي اخرتها يا بتال .. لا تدخلين يمه ..
بتال يغطي وجهه وبضيق / يمه .. ياروحي انتي .. " مال وقبل يدها " .. يا جعلني فداك ..
يمه موضوعي انا والعنود لا تدخلين فيه .. يكفي يمه يكككككككككككفي .. اذا مو علشاني علشان سلطان والظبي ..
يمه اتركي موضوعي ولا تفكرين في احد .. فكري بوضعك انتي وابوي .. يمه لاتفكرين انا ساكتين عاجبنا الوضع ..
لا والله مو عاجبنا .. " تنهد بضيق " .. يمه وليد صحته مو عاجبتني .. وسامر هاج للاستراحة ما يجي البيت شآآآآرد..
وسعود يسهر لاخر الليل ومايرجع الا بعد ما الكل نام ويشتغل بالشركة شغله وشغل غيرة كله مايبي يفكر ..
وسمر وتخبطها بحياتها وضياعها .. " وبقهر " .. يمه اللي تسوينه يضر الكل ..
الجوهره تطالعه فاتحه عيونها للاخير .. هي جات تعلمه عن سوات العنود فيها وهو في ايش يكلمها ..
الجوهرة بعصبية / بتااااااال .. انا جايه اكلمك عن تصرف العنود معاي .. مو وضعي انا وابوك ..
بتال يتنهد وبضيق / طيب .. قلت لك .. تصرف انتي غلط .. كيف تاخذين الولد بدون ما تبلغينها ..
اكيد بتعصب وبتاخذه منك .. تصرفها طبيعي .. مثل اي ام تحب عيالها ..
الجوهرة توقف وبغضب / يعني انا اللي ما احبكم .. وانا ليش اخذت الولد ما كنت ابي اجيبه لك بدال التشفق على شوفته ..
بتال جالس على الكنبة .. حط يده على راسه وسكت لثواني .. وبهدوء / يمه .. انتي تحتاجين طبيب نفسي ..
الوضع اللي انتي فيه مو طبيعي ..
الجوهرة تضرب على صدرها وبصدمة / تقول عن امك مجنونه .. هذي اخرتها يا بتال ..
بتال يوقف ويقرب منها بيقبل راسها بس الجوهرة ابعدت وبعصبية / لا تقرب مني ولا عاد تكلمني ..
هذي اخرتها تقول عني مجنونه اجل بكرة بترميني بدار العجزة .. " اهتز صوتها بعبرة " ..
جزاك الله خير يا ولدي ..جزاك الله خير .. " تركته وراحت لجناح سمر اللي هي جالسه فيه الحين " ..
بتال تنهد بضيق وجلس على الكنبة .. حط يده على راسه وبضيق / لاحول ولا قوة الا بالله ..





ــــــــــــــــــــ




بعد الظهر ..


بيت ابو سطام ..




راكان يدخل جناحه ..
سمر تنيم شيخه .. اشرت له باصباعها بان لا يصدر صوت حتى لاتصحى شيخة ..
راكان تركها وسحب الفوطه و دخل الحمام .. " اكرمكم الله " .. بعد رع ساعة طلع وهو ينشف شعره ..
شاف ملابسه مجهزة على طرف السرير .. توجه لها .. لبسها و توجه لشيخه ..
كان بيقبلها بس قال الحين تصحى وتبكي و ما اقدر انام .. تركها ورجع لسرير رفع الفرشه ودخل تحتها ..
كانت واقفه عند دولاب الملابس .. ترتب ملابس شيخه .. قفلت الدولاب وتوجهت لراكان .. رفعت الفرشة ونامت جنبه ..
سمر بهمس خافت / كيف نايف ..
راكان حاط يد تحت راسها والثانيه على بطنه .. ويفكر بكلام العنود .. / ..............
سمر بضيق و العبره خانقتها .. حطت يدها على صدره وبهمس مخنوق / راكان ..
راكان باستغراب التفت عليها وبهمس / ايش فيك ..
سمر والدمعه بعينها / لساتك زعلان عليها ..
راكان تنهد بضيق وبتعب وهو يغمض عيونه / سمر .. تعبان وابي انام مالي حيل لشي حتى الزعل مالي حيل له ..
هششششششششششششش .. " سمر سكتت وهي تحاول تبلع عبرتها .. راكان ثواني ونام وتعمق بالنوم .." ..
سمر فتحت عيونها للاخير وكتمت ضحكتها وهي تسمع تشخيرت راكان العاليه ..
ابتسمت بحنيه وهمست / ياروحي شكلها مره تعبان .. " فزت بخوف لمن سمعت صراخ شيخه " ..
سمر وقفت بسرعة وحملت شيخه لبست جلال الصلاة وطلعت من الغرفة لتصحي ابوها بصراخها ..





ــــــــــــــ





بجناح العنود ...




زهرة طلعت من الحمام وهي شايله بيدها سلطان ولفته بالفوطه ..
العنود تلبس الظبي .. العنود بتعب / كلمت خالتي ام عبدالعزيز ووصيتها .. قالت بكرة بتجيبها ان شاء الله ..
زهرة وهي تعطيها سلطان / ان شاء الله .. بس انتي ذحين لزم تنامي وترتاحي .. وجهك مره مرهق ..
العنود تلبس سلطان .. بضيق / انا ضايق صدري علشان الحليب .. قطع مرة وحدة ..
زهرة بحنية / ياروحي واللي شفتيه شي هين .. من خرعه لخرعه .. اكيد بينشف ..
العنود تنهدت وهي ترفع سلطان وتقبله / ربي يفرجها علينا .. " ابتسمت " .. حبيبي .. روحي .. " قبلته مره ثانيه " ..
العنود تنزل سلطان جنب اخته اللي ترضع واعطت سلطان الرضعه .. / انا ابي انام .. صحيني العصر ..
زهرة / طيب ليه ما تتغدين وتنامين ..
العنود بتعب / والله مو مشتهيه .. " وبامتنان " .. اتعبتك معاي ..
زهرة بعتب / لا تقولين كذا .. الله يعلم بغلاتك بقلبي .. وتعبك راحه .. " وقفت " ..
يالله روحي نامي .. والعصر اصحيك ان شاء الله ..
العنود توقف بتعب وتوجهت لسرير رفعت الفرشه ودخلت تحتها .. كانت تفكر بنايف وحاله وحال اخوانها ..
بس ما امداها تعمق بالتفكير الا وهي نايمه .. زهرة اخذت الظبي وطلعت .. وبعدها رجعت اخذت سلطان وطلعت ..
طلعت من جناح العنود وتوجهت لجناح ام سطام تنايمهم عند الجده حتى العنود ترتاح بنومتها .. وهذا بطلب من ام سطام ..




ــــــــــ




بشقة رعد ..



بغرفة النوم ..



واقف قبال التسريحه يمشط شعره المبلل .. وبهدوء / انا رايح اشوف ابوي ونايف ..
ابتسم والتفت للخلف .. شافها متغطيه كليا بالفرشة .. رجع يطالع المراية ..
نزل المشط وبداء يقفل ازارير ثوبه الاسود .. وبهدوء ليخلوا من الخبث / انتبهي لامي هاااا ..
هيفاء فهمت قصدة شهقت وكتمت صوتها / ....................
رعد / ههههههههههههههههههههههههههههه ..
سحب شماغه الابيض والعقال لبسهم .. سحب الساعة البيضاء ولبسها و تعطر ..
سحب المحفظه والمفاتيح وجواله وحطهم بجيبه .. تقدم من السرير .. سحب المفرش بقوة ..
هيفاء فزت من الخرعه ... قبل خدها بقوة .. ورجع المفرش عليها ..
وبصوت عالي / جهزي نفسك المساء بنطلع نتعشاء برا ..
هيفاء رفعت المفرش بعد ما سمعت صوت الباب يتقفل وبخجل سحبت الفرشه ولفتهم على جسمها وتوجهت للحمام ..





ـــــــــــ





بالصالة ..


مياسه .. وريهام ورنا وروان وساره وسمر ..
شيخه بالهزاز وساره تلعبها ..
والبنات يطالعون مسلسل بتلفزيون ..
رعد بابتسامه / السلام عليكم ..
الكل / وعليكم السلام ..
وقفوا وسلموا عليه معادا مياسه ..
رعد جلس بجنب ساره .. ريهام سحبت فنجان و ترمس القهوة وصبت لخاله ..
رعد اخذ الفنجان من ريهام وشرب منه .. التفت على ساره / كيف سارونه الحلوه ..
ساره ابتسمت بخجل / الحمد الله ..
رعد ابتسم وهو يرفع يده ويلعب بشعرها اللي مضفرته بطريقه الفرنسيه / حلو شعرك ما شاء الله ..
ساره بعدت / لا تخرب شعري ..
رعد رفع حاجب / اجل صح كلام راكان عنك .. ان السانك طويل ..
ساره حمر وجهها خجل وعصبية / ............
مياسه ابتسمت / لا بسم الله على بنتي عاقله ومنطوقها زين ..
رعد ابتسم / عارف بس امزح معاها ..
رنا بابتسامه ونبرة تمصلح << تعرفون ذا النبرة اكيد / عمييييييييي حبببببييييببببببييييييييي ..
رعد رفع حاجب وعارف النبرة / هااا .. " مد الفنجان على ريهام واشر لها بانه اكتفى " ..
رنا بنفس النبرة / عمي ممكن يعني تودينا السوق ..
رعد ابتسم / اذا فوفو تبي السوق وديتكم ..
البنات عقدوا حواجبهم باستغراب / ...............
روان بصوتها الناعم / من فوفو خالو ..
رعد ابتسم / من فوفو يعني .. هيفاء زوجتي ..
مياسه ابتسمت ../ ...............
رنا بفرحه / موافقه موافقه انا اضمن لك .. خلاص العصر تلقينا جاهزين ..
رعد بابتسامه وهو يهز راسه / اليوم لا .. مانا فاضين لك ..
رنا بضيق / لالا .. اووووووف .. ماعندنا الا صقر ..
رعد بجدية / ايش تبون بالسوق ومن اللي يبي يروح معاك ..
ريهام / البنات اللي عندهم مدرسه يبون السوق ..
رعد يهز راسه / اهمم .. خلاص خان يوديكم وميري .. والا خلصتوا كلموني وانا ادبر لكم احد يرجعكم ..
رنا تصفق / ووااوو حبيبي خالو ..
رعد وقف / يالله تبون شي .. انا رايح للمستشفى .. اشوف ابوي ونايف ..
مياسه / ايه والله نبي .. " تكلم ريهام " .. روحي جيبي السلة من المطبخ .. " ريهام بسرعة راحت للمطبخ لرعد "..
هذي قهوة وغداء للي مرافقين على نايف .. مجهزتهم العنود .. والعصر احنا بنروح له ..
رعد بجدية وحزم / لا .. محد يروح له .. حتى العنود ماراح تروح له ..
ساره بصدمه / ليه ..
رعد بحزم / بس .. وقولوا للعنود ..
ساره بضيق / ..............
مياسه بهدوء / ان شاء الله ..
رعد توجه للمطبخ واخذ السلة وطلع متوجه للمستشفى ..





ـــــــــــ





يوم جديد ..



الساعة 2:45 .. فجرا ..



بيت ابو سطام ..



في المطبخ جهزت القهوة .. تحس راسها مصدع و ثقيل .. ابد ما توقعت تنام هالوقت كله ..
حطت ترمس القهوة و حافظة التمر على الطاولة .. رجعت واخذت كيس التوست وصحن فيه شرايح الجبن ..
وصحن ثاني فيه شرايح خيار وطماطم .. وصحن ثالث فيه زيتون .. حطتهم على الطاولة ..
سحبت الكرسي و سمت بالله وجلست ..
سمعت صوت نحنحه واحد يكح .. رفعت جلال الصلاة على راسها ..
دخل راكان وهو عاقد حواجبه وعيونه منفخه .. وبصوت مبحوح من اثر النوم / السلام عليكم ..
العنود ابتسمت بتعب / وعليكم السلام .. " نزلت الجلال عن راسه " .. توك صاحي ..
راكان يسحب الكرسي الثاني ويجلس .. وبالم وهو يحط يده على راسه / ايه .. صددداااع ذبحني ..
العنود تصب له فنجان قهوة / تقهوا وافطر وراح يروح ..
راكان سم بالله و مد يده .. هدوء ما عدا صوت الصحون الصغيرة ..
بعد ما خلصوا فطورهم .. راكان سحب كاسة الموية وشرب ..
العنود لمت الصحون وغسلتهم ورتبتهم .. شبكت غلاية الماي بالكهرباء ..
ورجعت جلست عند راكان .. راكان كان لبس بجامتها ببلوزته السودء وبنطلونه الابيض مخطط بالاسود ..
العنود مسكت ترمس القهوة وبدات تتقهوا مع اخوها ..
راكان يتنحنح / سالتي عن نايف ..
العنود / ايه كلمت زياد قال انه هو وعناد عنده ..
راكان رفع جواله وارسل على عناد .. اذا صاحي يتصل عليه .. نزل جواله وطالع العنود بهدوء ..
راكان بهدوء / هاا ايش الي تبين تقولينه .. هذا انا صحصحت ..
العنود ابتسمت وبتلعب / بعد ما تشرب القهوة ..
راكان ابتسم / عنيد تكلمي ..
العنود وقفت وراحت تسوي الشاهي وتتكلم بجدية / لمتى بنقعد هينا ..
راكان عقد حواجبة / تبين ترجعين الرياض ..
العنود وهي تحط ورق الشاهي بـ الابريق / انا ما قلت كذا ..
راكان بهدوء / همممم ..
العنود بهدوء وهي تحط الابريق على النار / بيت ابوي اللي هينا .. " التفتت له " .. ليه ما نروح له ..
راكان بجمود يشرب من فنجان القهوة / تبين نفتحه ..
العنود تسحب الابريق وتصب لها في الكوب و لراكان ..
العنود بهدوء / ايش رايك .. نقعد في بيتنا براحتنا .. والا نقعد هينا ونتضايق ونضايق غيرنا ..
راكان ينزل فنجان القهوة .. تنهد / لا طبعا بيتنا افضل .. بس كيف ندخل .. الباب مقفل ..
وبعدين ابوي الله يرحمه حاط باب قوي وكبير .. يعني بنكسر ونهدم علشان ينفتح وندخل ..
العنود تجلس قباله و تمد كوب الشاهي لراكان .. / لا طبعا ما يحتاج لا هدم ولا تكسير .. المفتاح عندي ..
راكان تفاجاء بالاول بعدين رجع لهدوئه تنهد وهو يطالع لساعته / خمس دقايق وياذن الفجر .. بعد الصلاة نكمل الكلام ..
العنود بنبرة مقصودة / بعد الصلاة نروح نشوف البيت .. ايش رايك ..
راكان فكر لثواني وهز راسها / طيب ... اصلي وارجع اخذ المفاتيح واروح اشوف البيت ..
العنود ترفع حاجب / لحالك .. " تهز راسها ".. لا .. انا معاك ..
راكان يوقف ويبتسم / طيب .. " وبنبرة مقصودة " .. نشوف اخرتها معاك يا العنود ..
العنود / هههههههههههههه ..
راكان طلع وراح لجناحه غير ملابسه وتوضأ وتوجه لصلاة ..





ــــــــــــ



بيت ابو سند ..



ينشف راسه بالفوطة من الماي .. رفع نظرة وشافها قاعدة على الكنبة و تشرب حليب بارد .. شكلها متضايقه ..
رمى الفوطة على جنب وقرب منها ..
سند من الخلف حط يده على بطنها .. وبهمس / ايش فيك تعبانه ..
رنيم كانت سرحانه وفزعت لمن كلمها فجاة .. نفضت يده بعصبية / لو تعبانه ايش بتسوي بتداويني ..
انت وجعي وموتي وقهري .. الله ياخذكم كلكم .. " ضربت على بطنها " .. وياخذ اللي ببطني بعد ..
سند جن جنونه .. لمن ضربت بطنها .. مسكها بحدة / انتي مجنونه .. تبين تذبحين الولد ..
رنيم دفعت بحدة وبعصبية / ايه مجنونه ايش تبي .. تبي الفكة .. طلقني واخلص .. اكرهكم ..
اااكككررررررررررررههههههههههههههههههكككككككككككككك كككم ..
سند بعصبية / استغفر الله العظيم .. يا الله صباح خير ..
" تركها وتوجه لغرفة الملابس .. لبس ثوب وسحب شماغة وعقالة وطلع " ..
رنيم جلست بتعب والم وقهر على الكنبة حطت يدها على بطنها محل الضربة ..
سمعت الباب وراها ينظرب بقوة معلن خروج سند .. رنيم انسدحت على الكنبة وانفجرت بكي ..





ــــــــــــــــــ





بعد الصلاة ..



العنود بعد ما صلت .. لبست عبايتها الجديدة .. عباية على الكتف .. واسعه .. مقفلة كلين ..
و ازرار صغير عند الرقبه .. لبست الشيلة وعليها البرقع .. وحطت شيلة عريضة ثانية تغطي لحد الخصر ..
وقفت قبال المراية وابتسمت .. وبهمس / راجعه الظبي .. بس اختلاف بسيط عنك يمه .. اسمحي لي ..
توجهة لغرفة النوم بهدوء .. شافت سارة نايمة .. بعد كم يوم الرجوع لـ المدارس .. سحبت الشنطة من تحت السرير ..
وطلعت الصندوق الخشبي .. فتحته بهدوء وطلعت المفاتيح .. اللي سببت ضجة من كثرهم ..
رفعت رسها تطالع لساره لتكون صحيت .. شافت ساره ما تحركت اخذت المفاتيح وحطتهم بشنطة صغيرة مع جواله ..
طلعت من الغرفة وتوجهة لباب المدخل .. شافت راكان يكلم بالجوال ..





راكان قفل الجوال وتنهد .. التفت على العنود ورفع حاجب وبضيق / رجعتي لحركاتك ..
العنود باستغراب / ليه ايش سويت !!..
راكان بطفش وهو يتوجه لها ويدخل جواله بجيبه / اقصد لبسك ..
العنود عقدت حواجبها / ليه مو ساتر .. فيه عيب ..
راكان يمسك يدها ويمشي جهة بيتهم وبضيق / لا ساتر .. مو انتي اللي يتعيب على سترها ..
العنود بخوف / راكان ايش فيك .. ليه ضايق .. نايف فيه شي ..
راكان بضيق / عناد يقول ان امس نفسيته تعبت وعصب وصار يصارخ عليهم .. و الدكتور عطاه مهدا ..
.... " سكت ثواني " ... ويقول محتاج لدكتور نفسي .. لازم يشوفه ..
العنود هزت راسها بضيق و وجع .. وهي تصد عنه / .................
لزمهم الصمت حد ما وقفت خطواتهم قبال جدار طووووويل وباب اسود اللي يشوفه يقول ماله فتحه لمدخل المفتاح ..
العنود حست برجفت يد راكان .. مارفعت عيونها له .. سحبت يدها من يده ..
فتحت الشنطه وطلعت المفتاح .. مسكت يد راكان وفتحت كفه وحطت المفاتيح بنص يده ..
راكان طالع المفاتيح بصمت .. فردهم وعدهم .. 10 مفاتيح .. مفاتيح صغيرة ومفاتيح كبيرة ..
انتبه للمفتاح الاسود الكبير .. وعليه نقشه بالذهبي .. مسك المفتاح ودخله لفتحت المفتاح ..
لكن يده وقفت عن تحريكه لفتحه .. حس برجفه تمتلكه .. فك يده عن المفتاح وجلس بضعف ..
العنود غصت بعبرتها .. ذكريات كثير مرت في بالها .. التفت على راكان بخوف وهي تمسك يده تحسب انه داخ ..
العنود بخوف / بسم الله عليك .. " جلست جنبه وهي تمسح على وجهه .. فتحت اول زر من ثوبه .."
راكان يحط يده على يد العنود ومد يده الثانية وحضن يدها .. سحب يدها وحطها على صدره ..
راكان بصوت يرجف والعبرة خانقته / احـ .. احســ ... احسه بيوو.. بيوقف ..
العنود جن جنونها رمت الشنطه على جنب وبخوف وهي تمسح على وجه / بسم الله عليك ..
" وبارتباك سحبت شنطتها وهي ماسكه بيدين راكان اللي على صدره " .. ابي اتصل على رعد يــ...
راكان يبلع جرعة من ريقة الموجع / لا .. لا .. لا تكلمين احد .. لا .. " حاول يوقف لكن الرجفة امتلكت رجوله " ..
العنود تسند اخوها وهي تسمي .. وبحنان / خلاص حبيبي خلنا نرجع .. ومتى ما ....
راكان يهز راسها وهو يضغط على كفها / لا .. لا .. بندخل ..
العنود تطالعه بالم .. ميلت نفسها للارض و مدت يدها واخذت الشنطة / .............
راكان ترك يدها وحط يده على مفتاح الباب وهو يتنفس بعمق .. حرك المفتاح .. و سمع صوت القفل ينفتح ..
" اخذ نفس عميق " .. و حرك المفتاح مرة ثانية حتى ينفتح الباب .. حس بثقل ..
ما يدري هو ثقل الباب اللي مال عليه .. والا ضعف صاب جسمه من سيل الذكريات الموجعه ..
دفع الباب حتى يتضح قبالهم الحديقة و زاوية صغيرة من البيت ..



وقفت خطاوية عن الحركة ..
ما قدر يدخل ..
رجوله خانته ..
عيونه تتجول بجزء من الحديقة اللي واضحة امامه ..


طاحت عينه على زاوية بعييييدة .. كان العريش بس مكسر و واضح علية اثار الهجر ..
ابتسم اذكر طرت على باله .. وكانه يشوفها ..



كان اول يوم يسكنون بالبيت ..
اول يوم لعايلة الفارس بالمجمع ..


كان الجد سند مريض .. ينقلونه بالنقالة ..
مايتذكر الجد سند وهو بقوة اليذكرها الجميع ..
كل ما يتذكر انه كان مريض ..
والوحيد اللي يدخل عنده ويشوفه وينام معاه سند ..


كان بعمر 9 سنين ..
يلعب بزاوية العريش بالكورة .. ابوة نبهها ان ينتبه لا يطيح ويتعور ..
لكن هو عنيد .. ما يسمع لاحد .. الا لتألم وبعدها يتندم .. طول عمره ما ينتبه الا بد ما يتألم ..
امه جالسه بجنب ابوه ويقهون .. وقتها امه حامل بالعنود ..
زياد بعمر 7 سنين جالس يلعب بالالوان الخشبية و كراسة رسم ..
فرحان فيها .. لانه بيدخل المدرسة بعد اسبوع ..
بدون ماينتبه زلت رجله وطاح من فوق العريش ..
فزع ابوة وبسرعه نزل حتى يشوفه جالس على الارض متالم ومفتشل ..
منزل راسه يطالع الارض .. ماسك عبرته ولف يده على ركبته ..
حس بيد ابوه على كتفه رفع راسه وشافه مبتسم بحنان / وانا ابوك .. بتكبر ان شاء الله ..
و لا بد بتطيح ويمكن تتوجع و تذرف الدم والدمع .. لكن مو هذا الوجع الحقيقي ..
الوجع انك ما تتعلم من طيحتك وتطيحها مرة ثانية ..




قطع سيل ذكرياته يد العنود اللي حطتها على كفه .. التفت عليها ..
العنود بحنان / راكان اذا تعبان لا تدخل ..
راكان صد عنها وطالع الباب .. رفع رجله اليمين وسما بالله ودخل ..


العنود سمت بالله ودخلت بعدة ..
حست بهواء قوي يدخل صدرها فجاه وبلا انذار .. محمل بكثير من الذكريات والاسرار ..
اختل توازنها وتمسكت بالباب ..
راكان واقف يطالع القصر الكبير .. والفخم الى اقصى حد ..
مختلف كلينا عن كل بيوت الفارس .. والى الان ماشف اجمل منه بتصميم ..
تقدم اكثر وهو كل خطوة بذكرى تخطر على باله ..
العنود تحركت وهي تذكر التوصيات والاسرار ..
وقفت وراء راكان .. قبال المدخل الرئيسي للقصر ..
التفتت لخلفها .. شافت الشجرة الكبيرة اللي بزاوية البيت .. كانت بس جذع واغصان ..
صحيح ما زالت شامخه بس جافه من الهجر والبعد .. كثير من الذكريات والاسرار تختبي تحت هالشجره ..
تذكرت العبة .. دمية صغيرة .. كان بسببها اول هوشه بينها وبين راكان ..
ابتسمت بحنين لهذيك الذكرى .. لكن سرعان ما تلاشت بس تذكرت من الشخص الثالث الي مشاركهم بها الذكرى !!
سمعت صوت المفاتيح التفت للخلف وشافت راكان يفتح الباب ويدخل ..
دخلت وراه وهي تسمي وتذكر الادعيه ..
راكان بتعب / كح كح .. كح .. الغبار يخنق ..
توجه لشبابيك وفتحهم .. حتى يتدخل اشعة الشمس بشوق للبيت ..
وضحت لهم الصاله ..
اثاث متناثر بكل مكان مغطى بفرشات مكوم عليها الغبار ..
راكان خنقته العبرة .. رفع عيونها لدرج .. تقدم خطوتين .. التفت على يسارة و طالع الاثاث متناثر ..
طالع لسقف .. اعشاش عصافير .. ثريا مكسورة .. تقدم اكثر رفع يده وتلطم بشماغه .. مايبي العنود تنتبه لدموعه ..
راكان وهو يحاول ما يبين نبرت صوته / الغبارة يخنق ..
العنود / .................
راكان قرب من الدرج .. شاف وضعه .. التفت على العنود وشافه واقفه عند الباب .. على اول خطواتها ..
راكان تقدم لها بهدوء ... العنود بنبرة حنين / دافي .. لزال دافي ..
راكان هز راسه .. وبنبرة يحاول تكون واضحه / البيت مايصلح ينسكن فيه ..
العنود باستغراب وهي عاقده حواجبها وبنبرة حادة خفيفه / ليه ..
ردد صدا البيت ورا كلمتها وكانه هو بعد مستغرب ..
راكان يمسك يدها ويطلعها برا البيت .. وبنبرة جدية / انتي شايفه وضعه .. يبغاله شغل كثير .. واكيد فلوس كثير ..
العنود بجدية وحزم / الفلوس موجودة .. و مادام الفلوس موجودة فالعمال موجودين ..
راكان ابتسم بسخرية / انتي مفكرة المبلغ اللي عطيتني اياه لساته موجود ويكفي ..
العنود بنبرة متلاعبه / لا طبعا .. انا بنت تجار ..
راكان عقد حواجبة وطالعها بنظرة تفهمها العنود ../ ..........
العنود ابتسمت .. فتحت شنطتها وطلعت كرت بنك .. ومدته له / اذا رحت تسحب .. خذا احد معك حتى لا يغمى عليك ..
راكان باستغراب عقد حواجبه ويطالعها / ليه كم فيه .. " مد يدة وسحب الكرت " .. ومن اين لك كل هذا ..؟!!
العنود ابتسمت / انت ولد من ؟..
راكان تنهد بضيق / اللهم طولك يا روح .. العنوووووووووود ..
العنود وهي تنزل من الدرج وتتوجه لشجرة / هههههههههههههههههههه ..
راكان بقهر التفت على باب المدخل وقفله .. وتوجه لها ..
العنود وصلت لشجرة .. وقفت قبالها .. رفعت راسها وطالعتها ..
راكان من وراها بعصبية / عنيد .. ردي عليه مثل الخلق .. لا اعطيك كف يهد وجهك لك ..
العنود ابتسمت وهي تلتف له / ايش اللي مو واضح .. " وبجدية " .. انت راكان سطام سعود الفارس ..
سطام يملك من الاموال الكثير .. وين هي .. ظنك انها كلها راحت بالشركة .. انت غلطان ..
سطام كان له حساب سري .. وهالحساب باسمك .. والرقم هو رقم ميلادك ..
هااا فيه شي مو واضح .. " وبنبرة مقصودة " ... يا ولد سطام .. " وبحزم " .. هالحين تكلم شركة **** ..
وتخليهم هم يتكلفون بكل شي .. وقل لهم ما ابي اي تغير ابي البيت يكون مثل ما اهو حتى الاثاث .. وهم يتصرفون ..
راكان واقف مصدوم .. / .......................
العنود حطت يدها على كتفها وضربتها مرتين بسخرية / لا تستغرب يا ولد سطام الفارس .. مشينا ..
راكان بقهر / عنود .. لا تلعبين معي ..
العنود طالعته وبنبرة مقصودة / فتح عيونك .. فتحها .. ومشينا الحين الكل صحى ..
العنود توجهت للباب .. وبعد ثواني لحقها راكان .. وهو يفكر بشي وبينفذه ..





ــــــــــــــــــ





بيت ابو سند ..


سند يفطر مع امه وابوة وهو عاقد حواجبة ..
سحب كاسة العصير بس انفلتت منه وانكبت على صدرة ..
ام سند وابو سند وفارس وياسر وغرام رفعوا روسهم له ..
ابو سند / بسم الله عليك .. اتركه واختك تجيب غيرة ..
سند يوقف وبضيق وهو يمسح اثار العصير بالمنديل ../ لالا خلاص .. الحمدالله ..
" ترك الطاولة وتوجه لمغاسل .. " اكرمكم الله " ..
ابو سند بهمس / كانه معصب ..
ام سند بهمس / الا معصب و مره .. من زمان ما شفته بذا التعصيب ..
ابو سند تنهد بضيق / .............
غرام وقفت وتوجهت للمغاسل .. شافت سند ..
سند بعصبية / خلصتي فطور ..
غرام باستغراب / ايه ..
سند بعصبية / اطلعي شقتي جيبي لي ثوب وتعالي ..
غرام باستغراب / ليه ما تطلع انت مره وحدة وتغـ...
سند بعصبية صرخ / تامرين عمتي .. انقلعي جيبي لي اللي طلبته بدون هرج فاضي ..
غرام تراجعت لورا بخوف و صدمه " اول مره سند يصرخ بوجهها كذا وبذا الحدة " ..
سند مسح وجهه وطلع لصالة .. توجه للكنب اللي قبال التلفزيون .. شغل التلفزيون و فتحه على قناة السعودية للقران ..
غرام طلعت من المغاسل ووجهها اسود من الضيقة .. ام سند تقدمت لبنته وبهمس / ايش فيه ..
غرام بغصة / طلب اجيب له غيار لملابسه من فوق .. قلت ليه ما تطلع انت .. قب فيني وصار يصارخ عليه ..
ام سند طالعت لسند .. ورجعت طالعت لابو سند وهزت كتوفها " ما ندري " ..
التفتت لبنتها / طيب اطلعي وجيبي له ملابس ..
غرام هزت راسها وتوجهة لدرج الخلفي .. فارس يوقف وتوجه لـ ابوة .. مال عليه ..
وبهمس / سند من امس متغير من بعد اتصال جاه وهو بالمستشفى عند نايف .. حتى ثار القلون واخذ ابرة ..
ابو سند يطالع لولدة .. هز راسه وهو يهمس / لا تكلمونه ولا تقولون شي .. هشششششش ..
فارس طالع لاخوة وتمنى لو يشيل الضيقة اللي بصدرة ..
ياسر وقف واخذ جواله والمفاتيح واشر " مع السلامة " وطلع .. ولحقه فارس ..
غرام بعد دقايق جابت غيار لخوها .. سند سحب الملابس ودخل اول غرفة قابلته .. غير وطلع ..
سحب شماغه والمفاتيح والمحفظة وجواله دخلهم بجيبة و طلع ...
ام سند بصدق / يالله يارب تحفظهم لي وتحميهم يالله .. " التفتت على غرام " .. وين رنيم ..
غرام بضيق / نايمة دخلت وطلعت ولا حست فيني ..
ابو سند / الله يفرج لها .. " ابتسم بحنان " .. هي متى تولد ..
ام سند بهم / هي المفروض بحسبتنا انه ذا الايام .. لكن هي تقول الدكتورة تقلها بداية الشهر الجاي .. والعلم عند الله ..
ابو سند / الله يقومها بسلامه هي واللي ببطنها ..
ام سند وغرام / امين ..





بيت ابو سطام ..




ام سطام والعنود وراكان وسمر و مياسة يفطرون ..
راكان ساهي ويفكر ..
سمر والعنود ومياسه وام سطام يسولفون ويفطرون ..
راكان نزل فنجال الشاهي .. ووقف / تامرون على شي ..
الكل / سلامتك ..
العنود / ابو سطام .. لاهنت .. السلة مجهزتها على مدخل المطبخ .. قهوة وشاهي وفطاير ..
راكان رفع حاجب / متى سويتيها ..؟
ام سطام بفزع / لا اله الا الله .. اذكر الله ..
العنود / ههههههه .. " وبنبرة خبيثه " .. انا العنود .. " وغمزت لاخوها " ..
راكان بنفس النبرة / وانا راكان ..
العنود / هههههههههههههههههههههههههههه .. والنعم ..
رعد يتنحنح / احم احم .. يا ولد ..
مياسه / هلا حياك ..
رعد دخل خطوة وقف لتفت خلفه وهمس ورجع دخل / السلام عليكم ..
الكل / وعليكم السلام ..
رعد ابتسم وبنبرة مقصودة / مطول ..
راكان ابتسم / كنت ماشي .. " وبخبث " .. بس لانك مشتاق لي راح اجلس .. " و جلس " ..
رعد بعصبية / قم قم قمم .. مشتاق لك من قال .. كذاب قم انقلع بس ..
راكان باستغراب مع ضحكة / انا انقلع يا رعيد ..
رعد بعصبية / انا عمك عمت عين العدو .. احترمني ..
راكان يوقف / هههههههههه انا صاير ابو يعني كبير اما انت بح ..
رعد ينفخ صدرة وبنبرة مقصودة / يالله كلها تسع اشهر ثمانية اشهر واصير اب ..
ام سطام فتحت عيونها للاخير وبعدها ابتسمت وهي تكمل فطورة ../.....
رعد ابتسم / ما اقول الا مالت عليك انت وشيختك ذي النتفه .. " قبل راس امه " .. صباح الخير يا الغالية ..
ام سطام بنبرة مقصودة / صبحك الخير يا ابو سعود ..
رعد / ههههههههههههههههههههههههههههههههههههه .. يالله انا طالع تامرون على شي ..
العنود بنبرة مقصودة / ايه ..
رعد بجدية / امري ..
العنود بجدية / تعتذر من الشيخة ..
رعد رفع حاجب / اي شيخة .. " ابتسم " .. اييييييييييه .. " مال وسحب شيخة بقوة وقبلها بقوة خلاها تصيح " ..
رعد / هههههههههه .. " وهو يرجع شيخة لحضن امها " ..
سمر بزعل / لا عمي حراااام .. " وبعبرة " .. خلاص ماما ..
راكان يسحب عقال وبستفزاع / ابو شيخة .. تبكي بنتي انا ..
رعد يرفع ثوبه وبتمثيل / اجل النحشة .. هههههههههههههه .. " وطلع هو وراكان وسط ضحكاتهم ومزحهم " ..
هيفاء كانت واقفه ومصلبه خلف الجدار .. ما تبي تدخل مفتشله وان رجعت الباب فاتح للاخير راح يشوفونها ..
العنود بصوت عالي / فوفو .. تلعي .. طلعوا ..
هيفاء تدخل سحبت البرقع عن وجهها .. وبخجل / صباح الخير ..
الكل / صباح النور ..
قبلت راس خالتها وجلست جنب سمر وشيخه .. اخذت شيخه وقبلتها بهدوء .. / عمو زعلك ماشي انا اخذلك حقك ..
سمر بدلع / ايه خالتو تراه وجعها حيل ..
ام سطام قاعدة تفحص هيفاء بنظراتها .. وهيفاء انحرجت وصارت تتشيغل بلعب مع شيخه ..
سمر بهمس / خالتو شيوخ موسخه ممكن تسمحين اخذها ..
هيفاء بهمس / وانا بعد ابي اساعدك .. " توقف وتمشي قبالها تبي تنحاش من نظرات ام سطام " ..
العنود التفتت على مياسه وشافتها متضايقه وتسرح .. بهمس / عمه .. ايش فيك ..
مياسه تنهدت وبهمس / مضايقني حال صقر ..
العنود بضيق / ................
مياسه تنهدت وصدت ورجعت تفكر بولدها وحالهم ..
من وراهم بصوت عالي ...../ السلام عليكم ..
الكل التفت / وعليكم السلام ..
ام سطام توقف / هلا يا مرحبا .. حياكم الله ..
ام عبدالعزيز وهي تطلع الدرجتي / ابقاك الله ..
" وبعد السلام والسوال عن الحال " ...
العنود بابتسامه / ليه ما قلت انك جاية .. وبعد البندري والجوري ..
مشيرة / مفاجاة مو حلوة ..
العنود بابتسامه / الا حلوة .. " وقفت " .. خليني اشوف عيالي و اصحيه سارة ..
ام عبدالعزيز / يا م سلطان .. هاك .. هاك غرضك ..
العنود تقرب من ام عبدالعزيز وبشكر / فديتك .. جزاك الله خير ..
ام عبدالعزيز بنظرات حارقة للعنود .. لمن قربت العنود وجلست جنبها .. قرصتها بقوة .. العنود نقزت / اي يمه ..
ام عبدالعزيز بحدة / تشكريني على فعلي لولدي .. قمي ..
العنود / ههههههههههه .. اعذريني خلاص التوبه .. هههههههه ..
ام سطام / وانتي ايش جايبه ..
ام عبدالعزيز / جايبه اعشاب .. هذي خلطه للحروق قالي متعب ان نايف محروق ومجروح ..
" وبصدق " .. ربي اسلمهم من الحادث يا ربي لك الحمد .. انا يوم شفت فخذ ماجد كبدي انقطعت ..
العنود عقدت حواجبه وقرصت عيونها وجمعت شفايفها تركز في كلام ام عبدالعزيز وتربط الامور /..................
ام سطام / الحمدالله على سلمت ولدكم و سلمت ولدي ..
ام طارق / ايه والله يا ربي لك الحمد .. يوم شفته ما عرفته .. ويقولون نايف اكثر وجيعه ..
العنود تنهدت بضيق / الله يشافيه يا خاله .. ادعو له ..
الكل بدا يدعي بصوات متفرقه لشفائه ..
ام عبدالعزيز / وهذا سعوط .. وهذا مر انقعيه وشربيه منه كل صبح ومساء مقدار فنجان قهوة ..
والسعوط بعد له ولصغار .. زين لدوخه له .. ولصغار ما يضرهم المر ويخلف عليهم الروايح ..
ام طارق / وهذا بخنق خيطه على يدي .. حاطه فيه عويدي ومحلب .. البرد قرب لا تلتهب اذانهم ..
" تعرفون الفرنسيات الريفيات يوم يحطون على روسهم مثل الشلات الصغيرة اها مثلها هالبخانق " ..
العنود ابتسمت والتفتت على منصور الصغير / والله توني ابي اسئل مشيرة من وين اخذت هالبخنق ..
مشيرة ابتسمت / امي سوته له .. والله ريحته حلوة .. وبعد شوفي حاطة له سعوط ..
الجوري مغطيه انفها بطرف الشال والبندري بعد .. الجوري بقرف / خلاص شيلوة معاد اقدر ..
ام عبدالعزيز بحزم / ما تقـ....
......... باصوات متفرقه / السلام عليكم ..
الكل / وعليكم السلام ..
دخلت ام سند و ام سيف وام طلال وام عناد ...
العنود اخذت الاغراض وطلعت من الصالة .. حطت الاعشاب بمكن بعيد عن الاطفال ..
سحبت الخانق والسعوط شافت ميري .. وبهدوء / ميري ممكن تجيبين شيخة ..
ميري / ان شاء الله ..
العنود توجهت لجناحها .. صحت سارة واتصلت على زهرة تبلغها بوصول ضيوف ..
صحت اولادها ولبستهم وطلعت .. شافت ميري ومعاها شيخه ..
العنود سعطت شيخة ولبستها بخنق .. زهرة دخلت وباستغراب / ايش ذا ..
العنود / ههههههههههههه سعوط .. تعالي خلينا ناخذهم لصاله ..
زهرة ابتسمت / ابي اشوف شكل الدلوعه وهي تشوف بنتها ..
العنود بجدية / زهرة ما اسمح تغلطين على سمر ..
زهرة / ما اقصد .. بس دلعها ماسخ .. وثقيلة دم ..
العنود / لا من قال .. سمر دلوعه وهذا طبيعا .. متربيه على الدلع من هي صغيرة .. اما انها ماسخه وثقيلة دم ..
فلا .. هي حبابه .. بس ما عندها خبرة بالحياة .. وكل شي كان يتنفذ لها .. سمر حتى تفكير ما كانت تفكر ..
" وقفت " .. يالله بلا كلام فاضي .. وتعالي نشوف ضيوفنا .. " وبصوت عالي " .. سارونه لا تتاخرين ..
وطلعت لصاله ...





سمر بس شافت بنتها عقدت حواجبها .. العنود اعطتها شيخه .. سمر باستغراب وتقرف / ايش ذا .. توني منظفتها ..
الكل " على شكل سمر " / هههههههههههههههههههههههه ..
العنود ابتسمت / هذا سعوط وكل يوم راح احط لها ..
سمر / يعععععععع لالالالا ريحته شينه ومقرفه ..
ام سطام / لا بتحطه .. بنتك سنيناتها بتطلع والله ان ما حطتيه لتتعب عليك وانتي اللي بتعتلين ..
سمر خافت / هااا ..
العنود / لا تخافين .. شي عادي تتعب لمن تطلع الاسنان .. وبعدين اللي الله كاتبه بيصير .. هذي اسباب بس ..
سمر مو فاهمه بس هزت راسها / .................
الجوري تبوس الظبي .. الظبي كانت لبسه فستان اصفر بورود بيضاء وبلوزة بيضاء .. مع البخنق صايرة كانها ورده ..
البندري بخجل / عنود فيني اصور الظبي ..
العنود ابتسمت / بس لا ترسلينها و بلاك و واتس وما ادري شنو ..
البندري بفرحة / لالا بس ليه .. " وبدات تصور الظبي "..
هيفاء بعد ما البندري خلصت والتهت بجوالها .. هيفاء سحبت الظبي وفتحت جوالها ..
وصورت الظبي وسلطان باكثر من وضعيها .. وبعد دقيق بسيطة رن جوالها .. ابتسمت وفتحت الخط ..
محد كان منتبه لها الا سمر الباقي ملتهين بسوالف .. هيفاء بهمس / نعم .. ههههههه .. يمكن امها ماترضى ..
" رفعت حاجب وبخبث " .. واثق .. اوووووه .. طيب اسئلها واشوف .. " عقدت حواجبها " .. مره واثق ..
طيب .. " قفلت الخط والتفتت على سمر " .. يبيهم بالمجلس ..
سمر بهدوء التفتت على العنود وكانت قريبه منها بس الي بينهم مركى .../ العنود ..
العنود التفتت لها وبهدوء / نعم ..
سمر بهدوء خافت / بتال يبي عياله بالمجلس ..
العنود بهدوء / طيب .. " وقفت وتوجهت للمدخل سحبت عربية اولادها وجابتها طلعت اولادها فيهم " ..
سمر وقفت وتوجهت لهم / انا اوديهم ..
العنود بهدوء / ماشي .. " قبلت اولادها " .. استودعتكم الله ..
سمر اخذت الاولاد وطلعت بها للمجلس ..







ــــــــــــــــــــــــــــ




في المستشفى ..



سند عاقد حواجبه / ليه ..؟
راكان / بس ابي اطلع بدال الوثائق اللي راحت في البيت ..
سند عاقد حواجبه / طيب .. راح اكلم واحد واشوف ايش يقول ..
راكان / ضنك كم يوم تاخذ ..
سند تنهد بضيق / ما ادري .. " وبنبرة مقصودة " .. انا ليه حاس ان الموضوع غير ..
راكان ابتسم / لا غير ولا شي .. يالله خليني اشوف الدكتور واشوف تحاليل اخوي ..
سند هز راسه / طيب طيب .. وانا ابي اروح اشوف متى يطلع جدي لغرفة عادية ..
راكان / يالله بتوفيق .. بس لا تنسى موضوعي .. " وهو يضرب كتف سند " .. فمان الله ..
سند ميل شفته بسخرية / بحفظ الرحمن .. بس مردك تقول لي يا راكان ..
راكان وهو يدخل غرفة اخوه / هههههههههه ..
سند حط يدينه بجيوبه ومشي لغرفة جدة وباله مشغول بالاتصال .. تنهد بضيق وبهمس / الله يستر ..





ــــــــــــــــــ




بيت ابو عناد ..



على طاولة الفطور ..

ام عناد / ايه والله .. توها مقفله مني .. تقول تعالوا افطروا عندي .. قلتافطر ابو عناد والعيال واجيكم ..
ابو عناد بنبرة مقصودة / لو رحتي ..
ام عناد ابتسمت / وانت ما تفطر .. لا مايصير اخف الله فيك .. انت يتيم وما حولك احد ..
ابرار / ههههههههههههههه اجل رفته بحالك يبه مو حبا فيك ..
ابو عناد يهز راسه والابتسامه على شفاة / شفتي .. " رفع عينه لشجون المرهقه " وبنبرة حنونه .. شجون بابا ..
شجون رفعت راسها وبابتسامه / هلا بابا ..
ابو عناد عقد حواجبة / انتي تعبانه ..
شجون / لا بابا .. بس علشان سهرانه وما نمت ..
ابو عناد بحزم / ليه سهرانه ومانمتي ايش اللي مسهرك ..
ام عناد بضيق / على ذا الخربان الله لا يبارك فمن صنعه سهرانه هي وبنات عمها على الوس واس ذا ..
ابو عناد باستغراب / وس واس .. ايش الوس واس ذا .. " وهو يلتفت لبناته اللي يحاولون يكتمون ضحكتهم " ..
ابرار / هههههههههههههه يبه تقصد الواتس اب هههههههههههههه ..
ابو عناد وشجون وابرار / ههههههههههههههه ..
.......... بصوت مرح / السلام عليكم ..
الكل بفرحه / وعليكم السلام ..
بدر يقبل راس والديه ويجلس على احد الكراسي مقابل الطاولة وبفرحة / البشارة ..
ام عناد بفرحه / ابشر بها ..
ابو عناد / ها ايش عندك ..
بدر بفرحه / عندي اجازة اسبوع .. وبعدها اداوم بالمركز اللي بداية الشارع ..
الكل / مبروك ..
ابو عناد / ما شاء الله تبارك الله .. مو قالو بعد سنه ما ادري ايش ..
بدر بعجاب / الا يبه .. بس تدخل فيها متعب المنصور .. قبل فترة كلمته .. وقال ابشر .. وهاا ..
ام عناد بصدق / الله يجزاه الجنه .. ربي يفرح صدرة باللي يبيه .. ربي يرزقة بالزوجة اللي تسعدة ..
ابو عناد / اهاا ان شاء الله بس يطلع جدك و ولد خالك من المستشفى نحتفل بنقلك ..
بدر يوقف / ان شاء الله .. يالله انا طالع اغير وانام احس اني تعبان ..






ـــــــــــــــ






بعد ايام ..






بالمستشفى ..



............/ الحمد لله على السلامة ..
ابو سطام بتعب / الله يسلمك ..
سند / شوي شوي يبه على هونك .." وهو ينزله من السرير على الكرسي المدولب " ..
ابو سطام بتعب / ودوني لنايف ..
سند / نايف تلقاه وصل البيت قبلك ..
ابو سطام بتعب / هو طلع ..
سند / ايه طلع الصبح اليوم ..
ابو بتال / يبه لا تفكر كثير وتهتم .. الدكتور ايش قال لك ..
ابو سطام يعدل شماغه وهم يمشون باسياب المستشفى .. / ان شاء الله .. يارب .. استغفر الله .."وبداء يستغفر " ..








بيت ابو سطام ..



مجلس النساء الداخلي .. قلبته العنود غرفة لنايف ..



العنود وبيدها حافظة فيها مرق لحم / نايف وبعدين ..
نايف بعصبية / ابوي وامي وين ..
العنود صدت بتعب ورجعت طالعت فيه / ايش رايك .. تبيني اجيبهم لك هينا ..
انت تفكرهم لمن يشوفونك بذا المنظر ما يحسون .. خاف ربك يا نايف .. خاف ربك فيني ..
نايف يريح نفسه على السرير .. وبضيق / ابي انام ..
العنود وقفت وبتعب / نام .. نوم العوافي ..
طلعت من الغرفة وشافت راكان بيدخل سحبته وتوجهت للمطبخ / لازم يعرف ..
راكان هز راسها / الدكتور يقول نفسية الحين افضل .. وممكن نقوله بس الخوف انه ينتكس ..
العنود / لا ان شاء الله .. اول ما اشوف الوقت مناسب راح اقول له ..
راكان تنهد / يالله تفرجها من عندك .. جدي على وصول ..
العنود / عندي خبر ..





ــــــــــــــــــــ





بعد وصول الجد ..



عند جناح مياسة ..
كل البنات متجمعين ..
غرام / ودي اشوف جدي ..
نوال / كلنا ودنا ..
رنيم حست بالم اسفل بطنها وبسرعة حطت يدها اسفل بطنها وصرخت بقوة / ااااااااااااااااااه ..
البنات فزو على صرختها برعب .. غرام بخوف / ايش فيك ..
رنيم بالم / ابي اولد .. اولد .. ااااااااااااااااااااه يمممممممممممممممممممممه ..

البارت 34 ..





سلامتك والله يحفظك ويبقيك
ويقبل دعاتك في صلاتك وصومك

ياجعلني ماذوق حزنك ولا ابكيك
يافرحة سنيني عسى الله يدومك

ليت التعب فيني حبيبي ولا فيك
وياليت يومي ينتهي قبل يومك

ودي اضم ايديك واقبل ايديك
وفرش لك ذراعي مخده لنومك

وان قمت من نومك وعيني تراعيك
سولف عن احلامك وعطني علومك

استأذنك لحظه دقايق بخليك
بروح ابشر عالمي في قدومك

في غيبتك احلم اشوفك واحاكيك
سمتني الدنيا بعدك محرومك

ياما تخيلتك بدربي واناديك
واقول : وشفيها تردت عزومك

لك وقت متغير على قلب مغليك
ماكنه الي شال عنك همومك

ابيع من عمري على الناس واشريك
لو باعتك دنياك مارخصت سومك

ماهو على شانك على شان ماضيك
مهما تسوي اعذرك ما الومك

هذا خيالي كل ما مر طاريك
والا الحقيقه عايش ارجي غيومك

اضحك على نفسي اذا قلت مابيك
انت القمر والناس هذي نجومك

حببتني في كل حاجه حواليك
مانيب من قومك واحامي لقومك

ماقول غير الله يحفظك ويبقيك
وياجعل يومي ينتهي قبل يومك




" ثامر شبيب "








بيت ابو سطام ..



بجناح مياسة ..


غرام بفرحه / انا ابي ادخل على طول ..
سمر بضحكة / يعني علشان سند هو اللي بيوصله .. هههههههه ..
نوال توقف وتروح لطاولة الاكل .. وتاخذ من المعجنات / كلنا بندخل ونسلم ..
ما يكفي ما خلونا نروح نزوره بالمستشفى ..
رنيم تحس ببرودة برجولها وثقل .. ريحت جسمها اكثر على الكنبة .. وبتعب / لا تتاملون المجلس ملين بالرجال ..
ريهام بضيق تدخل / بنات ما نقدر نروح نسلم على جدي ..
غرام / والله ودي اشوفه ..
نوال رفعت حاجب وهي بترجع للكنبة / كلنا ودنا ..
رنيم حست بالم اسفل بطنها وبسرعة حطت يدها اسفل بطنها وصرخت بقوة / ااااااااااااااااااه ..
البنات فزو على صرختها برعب .. غرام بخوف / ايش فيك ..
رنيم تعدلت وهي تتنفس بخوف و بالم / ابي اولد .. اولد .. ااااااااااااااااااااه يمممممممممممممممممممممه .. يمممممه ..
العنود دخلت تبي تكلم ساره .. بس فزعت من الصوت / بسم الله عليك ..
روان راحت تجري تنادي امها وهي تبكي .....
رنيم من شافت العنود انفجرت بكي / عنـ .. عنـ...ــود .. ااااااه .." وهي تحط يدها اسفل بطنها " ..
العنود تريح رنيم على الكنبه .. وبهدوء / رنيم .. رنيم طالعيني .. " رنيم تهز راسها وهي مغمضه عيونها " ..
العنود تمسح على راس رنيم بحنان / حبيبتي انتي اكثري من الاستغفار ..
" التفتت وراها وهي تشف كل البنات عيونهم مفتوحه للاخير على رنيم و واضح الرعب بوجههم والارتباك "
دخلت مياسه وام سند وام طلال وام عناد وام عزام ..
ام سند بخوف / كلمت سند الحين يجي ..
رنيم صرخت / ما ابيه ماااااا اابيه .. كلموا صقر .. ابي صقرررر ..
الكل صار يتلفت في بعض باستغراب .. / ...............
ام عزام للبنات بحزم / انتم ايش له واقفين هينا .. يالله اطلعوا .. يا الله ..
البنات تقافزوا برعبه وطلعوا ...
ام سند تفتح المكالمه / هلا .. ايه .. خلاص .. طيب .. " وقفلت المكالمه " ..
ام سند بسرعة / وين عبايتها .. سند برا يستناها ..
العنود ومياسة ساعدوا رنيم على الوقف .. وام عناد راحت تجيب عباية رنيم .. وعباية ام صقر .. وعبايتها ..
رنيم تهز راسها وهي يصب من جبينها العرق .. بصوت متعب / ما ابيه .. نادوا صقر ..
مياسه بعصبية / تبين صقر ليش هو زوجك وابو الي في بطنك .. زوجك هو الموجود وهو اللي برا ..
رنيم ابلعي لسانك .. وادعي ربك واسكتي .. اللي فيني مكفيني ..
رنيم انفجرت بكي وصراخ / مااااااااااااااااااا اااااااااااااااااااااابببببببببيه .. ما اااااااااااااااااااااابيه ...
العنود تمسح على ظهرها وبتهدية / خلاص خلاص .. راح نكلم رعد يوديك ..
مياسه نفضت يد بنتها وتركتها وراحت وهي يادوب تحارب عبرتها وضيقتها ..
حال بناتها وحال ولدها .. وكلام الناس والي صاير ولا احد يدري عنه ..
خلاص قرب ينكشف الامر واللي سنين تستر عليه سطام .. راشد بيكشفه بدون لا يفكر ببناته وعياله ومصيرهم ..
مريم تساند رنيم وتمشيها لبرا .. وهي تدعي وتستغفر وتطلب من رنيم تدعي ..
ام عزام اتصلت على رعد وقالت له هو يوصل رنيم ..





عند باب المدخل ..
رعد بهدوء / سند .. ايش فيك .. انا ابي اوصلها خلاص .. " وبضحكة " .. بس بسيارتك لا تولد بسيارتي ..
سند وجهه مسود من الغضب بصرخه مرعبه / رعد فارق عن وجهي لادفنك ..
" توجه لباب المدخل وبصراخ " .. بعد عن الطريق ..
ام سند اللي كانت تلبس عبايتها فزت برعب / يا ويلي .. هذا سند ..
الجوهرة اللي كانت بتشوف الوضع قفزت برعب / هئئئئئ .. هذا عمي سند طلع من قبرة ..
ام سند والغصة خنقتها والدمع على راس اهدابها / الله يستر .. الله يستر .. " رفعت الجوال واتصلت على فهد " ..
.. الو .. تعال بيت ابوي .. ايه .. لا سند .. يصارخ ومعصب .. ما ادري .. بس الظاهر علشان رنيم ما ....
" وانقطع كلامها وهي تشوفه يدخل بغضب لوسط البيت " ..
الجوهرة دخلت المطبخ بسرعة .. مريم والعنود لبسوا رنيم العباية وطلعوها من الجناح ..
سند اول ما شاف رنيم سحبها بقوة ولا انتبه من اللي معاها .. رنيم صرخت بوجع ..
سند بصراخ / الظاهر ما تفهمين بالكلام .. ما تفهمين الا بضرب مثل الحـ** و ** " وبدا يتلفظ باللفاظ البذيئة " ..
البنات اللي خلف باب الجناح شهقوا بقوة .. اول مرة يشفون سند بذا الشكل ويسمعونه يتلفظ بذا الكلام ..
غرام جلست على الكرسي وهي تشاهق وتبكي .. حال اخوها متغير من فترة .. ما تدري ايش غيرة ..
ام سند والهنوف يبكون مرعوبات .. وتذكروا خالتهم .. وايش كان يصير عليها ..
العنود كانت لبسه عبايتها وشيلة .. بس وجهها فاتح .. ورافع البرقع على فوق ..
غطت وجهها ورفعت الشيلة الثانية على راسها و غطت عيونها .. وطلعت وهي تسحب معاها عمتها ام سند والهنوف ..






خارج البيت ..
سند ركب رنيم بعنف السيارة ..
رعد فتح عيونه للاخير وهو يشوف سند يسحب رنيم بجنون ويدخلها السيارة بعنف .. راح يجري له ..
بس سند طلع سيارته وحرك بسرعة .. رعد وقف مكانه بذهول و صدمة وهو حاط يدينه على راسه ..
العنود من وراه / رعد .. ابو سعود ..
رعد التفت عليها وبصدمة / ذبحها ..
ما قال الكلامه هذي الا الهنوف والعنود يولولون ويبكون ..
العنود نفضت يد عمتها الهنوف وتوجهت لرعد .. وبحزم / وين سيارتك .. خلنا نلحقهم بسرعة ..
رعد توجه لسيارته و طلع هو والعنود و حرك سيارته بسرعة يلحق سند ..
ابوسند وفارس وابوعناد وسلطان وراكان طلعوا من المجلس وتوجهوا لمدخل البيت مستغربين صوت البكي والصراخ ..
ابو سند بستغراب / انتم ما رحتوا مع البنت ..
ام سند جالسه على درج المدخل و تبكي وتضرب بفخذها .. / راح الولد .. بيذبحها .. ياويل حالك يا العنود ..
سلطان عقد حواجبة / ايش فيكم انطقوا ..
الهنوف تبكي / سند سحب رنيم سحب .. مثل ما كان عمي يسحب خالتي شيخة والله انه هو طلع من قبرة ..
يا ويل حالي على البنية بيذبحها الحقوة .. فكوها من بين يدينها ..
ابو سند برعب وخوف التفت على فارس / جيب سيارتك خلنا نلحقه قبل لا يذبحها ..
فارس ما يدري ايش يقولون .. ولا فاهمهم .. بس سمع كلام ابوه وراح جاب سيارته واخذ ابوه وامه وراح المستشفى ..
ابو عناد بضيق / لا حول ولا قوة الابالله .. قومي قومي ياحرمة وادخلي داخل .. قوم الرياجيل الحين يطلعون ..
قامت الهنوف ودخلت البيت .. راكان اللي كان يتكلم تلفون قفل المكالمة ودخل جيبه .. توجه لعمة وابو عناد ..
راكان بضيق / ترا رعد والعنود لحقوة .. والحريم داخل قالبينها مناحه .. " وباستغراب " .. سند ايش فيه ؟
سلطان مو ناقصة هم فوق الهموم اللي على كتوفه .. كبرته فوق عمرة اضعاف .. جلس بتعب على الدرجة ..
تنهد بضيق وهو يمسح وجهها بكف يده / والله ما ادري .. له كم يوم رايح نار .. لسانه ويده شغال ..
خرج بتال من المجلس وتوجه لهم وهو لف يده اليمنى بمشد ابيض / ايش فيه ؟..
راكان يهز اكتافه / ما ادري .. سند وحاله الغريب ذا الايام .. مع زوجته اللي تبي تولد ..
بتال بعصبية / هذا جن على الاخير .. قبل يومين بغى يكسر يدي والسبب لاني سالته ليه سارح ..
سلطان يوقف وبحزم / خلاص .. سند وهو معصب لا تقربونه ابد .. ولا هدا هذك الوقت عاتبوه ..
" تركهم وتوجه للمجلس .. " .. بتال بضيق / عمري كله ما شفت سند بذا الحال .. يا اخي وحش ..
راكان ابتسم بتعب / عاد انت يا صاحبه واكثر واحد مقروص منه ..
بتال بضيق وقهر / من قال اني اكثر واحد مصاحبه .. شف طليل ووجهه الاسود .. " وهو ياشر على طلال " ..
هو وسند بنفس اليوم وجههم سودت .. اذا ما كان العلم بطنه ما اعرف شي ..
راكان التفت على طلال وشافه سرحان ويفكر ولا همه الي حوله .. وباستغراب / صح .. وبعد عمي ابو طلال ..
بتال رفع حاجب وبتاكيد / لا عمي عبدالعزيز علشان السخونه واللي جاته قبل فترة من تغيير الجو ..
راكان يرفع كتوفه .. وبضيق / والله ما ادري .. انا داخل لنايف العنود راحت المستشفى مع رنيم ..
بتال فتح عيونه للاخير وبصدمة / هاا .. راحت مع من ؟..
راكان رفع حاجب / ايش اللي ها ومع من .. راحت مع رعد ..
" راكان تركه ودخل من باب مجلس الحريم الخلفي لغرفة نايف " ..
بتال يقهر عض على شفايفة السفلية ورجع للمجلس بقهر / ...............




ـــــــــــــــــــــ

بالمستشفى ..



بغرفة الكشف النساء ..
رنيم ترجف من الالم والخوف والقهر والغضب .. الكحل سايل على وجهها ..
رنيم تشهق / الحيوانه .. وجعتني ..
العنود تمسح دموع رنيم و وجها / بس برضه المفروض ما تتلفظين عليها كذا ولا ترفسينها ..
" وبضحكة " .. وبعدين هذا هو كشف الولادة .. اجل وقت الولادة ايش بتسوين ..
رنيم تبكي وتصارخ / خلاص ما ابي اولد .. خلاص راح الالم .. ابي ارجع للبيت .. ما ابي اولد خلآآآص ..
العنود بهدوء حازم / رنيم .. وبعدين لاتصارخين كذا ترا تتعبين وتتوجعين اكثر ..
استغفري وهللي وادعي ان الله يفرج لك ..
دخلت ام سند عليهم / السلام عليكم ..
العنود / وعليكم السلام ..
رنيم من بعد كشف الدكتورة .. وزاد الالم رفست الدكتورة برجلها وطردتها من الغرفه .. زاد عليها الالم ..
ام سند بخوف / كيف حالها .. وليه ما دخلوها غرفة الولادة ..
رنيم نايمه على السرير .. تون وتوجع وهي صاده عن خالتها تطالع جهة الجدار ..
العنود تنهدت / تقول بس مغص عادي ولا فتح الرحم .. بس رنيم مرة متوجعه ..
" قربت لعمتها وبهمس " .. رفست الدكتورة برجلها والدكتورة تاذت منها وهي ما خلت كلمه ما قالتها ..
" تنهدت بضيق " .. واللي واقف برا كان بيذبحها لانها تصرخ وصوتها عالي ..
ام سند غطت فمها بيدها و هي تشهق / ..........
العنود / انا ما اقدر اقعد اكثر .. لازم ارجع لعيالي ونايف .. ما اقدر اخليهم ..
ام سند تهز راسها وبتعب / روحي يا امك .. اللي فيك مكفيك ..
العنود التفتت على رنيم وشافتها مغمضه عيونها وتنفسها منتظم .. بهمس / شكلها غفت ..
ام سند تهز راسها وبهمس / احسن .. الله يفرج لها ويقومها بسلامه ..
العنود بهدوء / امين .. واذا اتجتي اي شي اتصلي عليه .. فمان الله ..
ام سند وهي تجلس على الكرسي القريب من سرير رنيم / يعطيك العافية حبيبتي .. فحفظ الرحمن ..
طلعت العنود من الغرفة .. واول ما رفعت عينها شافت واقف قبالها .. وجهه جامد واسود من الضيق والغضب ..
سند انتبه لها التفت عليها ورفع حاجب بطريقة ساخرة وكانها يقول " مو عاجبك " ..
العنود صدت عنه وهي تغطي عيونها .. ومية سؤال يدور في بالها .. " هل سبب غضبه .. امر متعلق با اخواني "..
" تعرف سند ايش يكون ومن يكون .. او الاصح .. تعتقد " ..
رعد وقف / يالله سلام .. وبشرونا لولدت ..
ابو سند رفع نظرة لولدة و شافه شاد على فكه وعرق في صدغه منتفخ وواضح يدل على غضبه لف يدينه على صدرة ..
تنهد بضيق / ان شاء الله .. ان شاء الله .. " بعد ما ابتعد رعد والعنود " .. انت ما تقولي ايش فيك ..
سند بجمود / ولا شي ..
ابو سند بضيق / لا حول ولا قوة الا بالله .. انت متى تترك ذا الطبع عنك ..
سند تنهد / يبه ما ابي اتكلم بالموضوع والي يخليك ..
ابو سند يهز راسه / الله يفرجها عليك يا ولدي .. الله يفرجها ..
سند بهمس صادق / امين ..





ـــــــــ





بالمجلس عند نايف ..



متعب بضيق / بتطول كذا ..
نايف بنبرة مقصودة / ايش باقي ..
متعب بهدوء / ولا شي .. خلاص كل شي انتهاء ..
نايف صد عنه وبجفاء / اجل لا عاد تسال .. ولا تتدخل ..
متعب يوقف وهو يتنهد بضيق / المهم تنتبه لصحتك .. واي شي تحتاجه تـ.....
نايف يقاطعه بحزم / انت تدري اني لو ما شفت فيها مضرة لأخواني .. كان ما جيتكم ..
متعب بجمود يهز راسه / طيب طيب .. انا رايح .. سلام .." وطلع من المجلس " ..
دخل راكان وباستغراب / وين راح .. ما تقهوا ..
نايف بجمود / مو لازم ..
راكان يحط الصينية على الطاولة .. وكان فيها قهوة وحلى .. / تقهوا معي ..
نايف بضيق / لا .. ما اشتهي ..
" وبعد صمت لثواني .. بنيرة مقصودة " ...
راكان / ماودك تقولي ايش الي صار ؟ ..
نايف بعد فترة صمت ظن راكان ان نايف رافض يتكلم .. مسك ترمس القهوة وصب له فنجان ..
نايف بنبرة مقصودة / تركي صديقة كلمك ..
راكان عقد حواجبة باستغراب / تركي ايش اللي جابه على بالك ...
نايف بغوض / جاوبني وبعدين ..
راكان يفكر والفنجان بيده / من زمان .. حتى من قبل لا ...... " وسكت " ..
نايف فجاءة بكلمته وبنبرة الباردة / قبل لا تاخذك المباحث و تنسجن ..
راكان من صدمته طاح الفنجان من يده / ......................
نايف بهمس مسموع وهو يطاع التلفزيون المعلق قباله / اللي صار لك وصار لي منه ..
راكان يطالعه باستغراب ولا هو فاهم .. من لمن طلع وهو يحاول يمسك خيط واحد ويفهم الموضوع لكن لا اثر ..
العنود دخلت بسرعة وهي بعبايتها توها واصله من المستشفى / السلام عليكم ..
نايف رفع نظرة لراكان وشاف الصدمة على وجهه .. / وعليكم السلام ..
راكان انتبه رفع عينه بالعنود ورجع يطالع بنايف .. وبصوت مجهد حتى يطلع / وعليكم السلام ..
العنود ما انتبهت لانها دخلت وتوجهة لكيس الادوية .. وهي تفتش بالكيس / اخذت علاجك ..
نايف تنهد / لا ..
راكان وهو يحاول يجمع قواه و يوقف حاس ان الغرفة تضيق فيه .. تنحنح / انا طالع الحين ياذن المغرب ..
العنود هزت راسها ..وهي تفتح علبة الدواء وهي منحنية و مقفية ولا انتبهت لخروج راكان / جيب خبز معاك ..
" عدلت وقفتها والتفتت خلفها " ... واا ... " وباستغراب " .. طلع ..
نايف بجمود يطالع التلفزيون .. وكان على قناة السعودية القران الكريم ../ ............
العنود عقدت حواجبها باستغراب .. وبداخلها .." ايش فيهم " ..





ــــــــــــــــــــ






الساعة 12 ليلا ..



امام جناح نوال ..


مرام / وهذا رضعتها .. " وبابتسامه " .. تسلمين تعبتك معاي ..
نوال / لا تعب ولا شي .. اتعب على خالتي مريم لو خليتيها عندها ...
مرام وهي لبسه جىل الصلاة ومتبرقعه بستفسار / الا ما عرفتي ايش فيها ..
نوال تنهدت / سالت امي وليتني ما سالتها ..
مرام باستغراب / ليه ..





نوال تفتكر الحادثه اللي صارت قبل كم يوم ..



نوال نازلة مع الدرج وشافت مريم طالعه وواضح انها تعبانه ..
نوال بهدوء / يمه مريم .. تبين شي .. محتاجة شي ..
مريم ابتسمت لها / لا حبيبتي .. تسلمين .. " وكملت طريقها طالعه لجناحها " ..
نوال التفت لطالة وشافت امها جالسه قبل التلفزيون .. راحت لها وجلست جنبها ..
نوال باستفسار / يمه .. ايش فيها امي مريم .. شكلها تعبانه .. والله ضيق صدري عليها ..
الجازي اللي كانت تعبانه من الحمل ومن اهتمام عبدالعزيز لحال مريم جات نوال وكملتها ..
الجازي بعصبية / لا والله فيك الخير .. شايفه مريم تعبانه وانا لا ما تشوفيني ..
عندي بنت يا كبرها بدال لا تساعدني تزيدني هم .. " وقفت بعصبية " .. يا ربي عوضني فيهم خير ..
الجازي توجهه لجناحا وهي معصبة ونوال ما زالت جلسة على الكنبة بصدمة ..




مرام بضيق / لاااا .. والله كلهم واضح التعب فيها ..
نوال تهز راسها / اسمعي .. انتي شوفي طلال وحاولي تتشيطرين وتعرفين الموضوع ..
واذا قدرنا نساعد امي مريم .. راح يتعافون اهل البيت كلهم .. لان السر هو روقان البابا ..
مرام بضحكة / طيب .. يالله انتبهي لمريومتي .. استودعتكم الله . " وطلعت لشقتها " ..





ــــــــــ





بشقة رعد ..




رعد دخل ولا شاف هيفاء سمع صوت باب الحمام ينفتح .. توجه له ..
وشاف هيفاء طالعه و هي لفة على جسمها الروب وتنشف شعرها وشكلها ما انتبهت له ..
هيفاء شهقت بخوف وهي تحي بيدينه على خصرها / هئئئئئئئئئئ ..
رعد وهو يقبل عنقها / ههههههه .. يا خوافه ..
هيفاء بضيق / اكيد اخاف .. ما انتبهت لك .. " بتعب ابتعدت عنه " ..
رعد باستغراب وخوف / ايش فيك .. شكلك تعبانه ..
هيفاء بخجل / لا .. عادي .. " وهي تروح لغرفة الملابس " ..
رعد راح لصالة وجلس قبال التلفزيون شغله وهو يسحب الشماغ والعقال من على راسه ويرتبه جنبه ..
هيفاء طلعت من الغرفة بعد ما لبست بجامة قطنية شتوية باكمام طويله بالون الرمادي والابيض ..
و نشفت شعرها بالاستشوار بسرعه ورفعته بربطه بيضاء ..
رعد المن حس فيها ابتسم وهو يلتفت لها .. بس عقد حواجبه وهو يشوف لبسها وبضيق / فوفو ..
هيفاء بتعب / هممم .. " وجلست جنبه على الكنبة " ..
رعد حط يده على خدها .. وبحنان / ايش فيها حبيبتي ..
هيفاء ابتسمت بخجل / لا عادي ... اممم .. التعب الشهري ..
رعد عقد حواجبة وبضيق / لا .. " وبخبث " .. تمنيت تكونين حامل ..
هيفاء بستغراب وهي تفتح عيونها للاخير / اشلون حامل ..
رعد رفع حاجب / اشلون يعني ... " وبخبث " .. والا ناسية اللي صار بينا .. " وغمز لها " ..
هيفاء احمر وجهها خجل .. صدت عنه / رعد .. لا تصير بايخ مثل غيث ..
رعد / هههههههههههههههههه .. " وهو يقبلها بقوة على خدها .. و ابتعد وهو يوقف " .. انا ابي اتحمم ...
" وبابتسامة " .. ممكن تجهزين لي عصير بعد الحمام .. " اكرمكم الله " ..
هيفاء بابتسامه وحب / من عيوني ..
رعد / تسلم لي عيونك .. " وهو يتوجه للحمام .. وهيفاء توجهت للمطبخ تجهز عصير .." ..





ـــــــــــــــــــ


بشقة طلال ..



دخل طلال وهو يفكر بأمه وحالها المتغير ..
دخل الشقة وشافها هاديه .. توقع مرام ومريومه نايمين .. توجه للكنبه اللي قبال التلفزيون ..
وهو يرمي نفسه عليها .. سحب الشماغ والعقال ورماه على الكنبه الثانية ..
مرام طلعت من الغرفة وهي لبسه فستان اسود و بيج لحد الركبه .. وصندل بيج باسود ..
فاتحه شعرها ولفه اطرافه .. ومسوية مكياج ناعم .. تقدمت منها بهدوء .. وبهدوء / هلا .. متى وصلت ..
طلال عقد حواجبه باستغراب وهو مغمض عيونها .. حاس بصداع بيفجر راسه ..
وبضيق / مرام اذا بتسون لي ازعاج ابي اطلع من الشقه تراني مالي خلقك ولا لي خلق غثاك ..
مرام انجرحت وتراجعت خطوة للخلف .. طلال تنهد وهو يفتح عيونه شوي .. وبالم / ممكن تجـ...
عقد حواجبه وهو يشوفها كاشخه قباله .. وباستغراب / وين بتروحين ..
مرام طالعت فيه مصدومه .. وبغصه / ولا مكان ..
طلال باستغراب / وليه كاشخه كذا ..
مرام نزلت راسها مجروحه ومحرجة .. هي السبب فاللي فيه ..
طلال تنهد بضيق .. وبالم وهو يغمض عيونه ويضغط على راسه / ممكن تجيبن لي بندول راسي بينفجر ..
مرام اخذت نفس وتوجهت لصيدليه الصغيرة الي موجودة بالمكتب .. اخذت علبة البندول ورجعت لطلال ..
طلال اخذ الحبة وشرب ماي ورمى راسه على طرف الكبة ..
" دقيقة او اقل "..
و حس بيدين مرام تعمله مساج على راسه .. بعد ساعة من المساج المتواصل ..
طلال حس باصداع خف .. بس مازال مرهق وتعبان جسمه .. سحب يدين مرام وقبلهم بعمق ..
وبعدها شد مرام لحضنه وهي استجابت .. نايم على الكبة وهي بحضنه ..
طلال وهو يهمس لها باذنها / وين مريم .. نايمه ؟!!
مرام بخفوت / لا عند نوال ..
طلال بهمس / همممم .. " حط يده على بطنها البارز خفيف " .. دخلتي الشهر الرابع ..
مرام ابتسمت / ايه من 3 ايام ..
طلال بهمس / امممم .. " وبتعب " .. ابي انام .. تعبان وابي انام ..
مرام بخوف / بسم الله عليك .. " قامت من حضنه بهدوء وانتباه .. وقفت " .. قوم نام على السرير اريح لك ..
طلال وقف بتعب وتوجه لغرفة النوم .. مرام ساعدته بتغير ملابسه ولبس البجامة .. وهي غيرت فستانها ونامت جنبه ..







ــــــــــــــ








يوم جديد ..



اليوم هو اليوم الثالث لرنيم وهي بالمستشفى ..


بالمستشفى ..
بغرفة الولادة ..


رنيم تصارخ / توبه توبه ما اعيدها .. والله ما ارجع له .. انا اكرهها اكرهم كلهممم ..
الدكتورة السودانية تضحك وهي تستغفر / لا تحلفي لانك بتعيديه ان شاء الله ..
رنيم حس بطلقه قويه وصرخت / ااااااااااااااااااااه ياسنننننننننننند .. اااااااااااااااااااااااااااااااه ...
الدكتوره تهلل وتدعي وتستغفر وتطلب من رنيم تدعي .. وهي بس تصارخ وتتالم ..
رنيم تعبت بهالثلاث ايام .. كانت تحس بطلق لكن ما فتح الرحم الا ان فتح سانتي وبعدها برد طلقها ..
فاضطروا يعطونها طلق صناعي .. لان مياسة رفضت العملية ورنيم خافت منها فرفضت ..
الدكتورة حست بان رنيم بدات تفقد الوعي .. بس فوقوها بالماي والظرب على وجهها وطلبت مساعدة دكتورة ثانية ..





برا غرفة الولادة .. جن جنونه .. له ثلاث ايام وهو مرابط بالمستشفى ما شافه الا مرتين وبالمرتين ليته ماشافها ..
كان واضح عليها التعب .. وقلبه بيجن عليها .. رايح جاي بالممر ويضغط على قبضة يده ..
خرجت ممرضة فلبينيه تجري رايحه تنادي دكتورة ثانية .. سند وقفه وبحدة / كيف رنيم ..
الممرضة مرتعبه منه منقبل فخايفه منه الحين / هدا مدام مره فيه تئبان انا فيه يوتلب دكتور استساري ..
سند تركها بجنون وهو يدخل غرفة الولادة .. وبما انه مستشفى خاص فالغرفة مافيها غير رنيم ..
رنيم بدات ترجع لوعيها .. اول ما فاقت شافت سند داخل .. بكت بجنون وهي تصرخ عليه / خلاص بموت ..
ارتاااااااااااااااااااااح .. اااااااااااااااااااه .. اكررررررررههههههههههههههههك .. بمووووت .. اااااااااااااااه ..
يممممممممممممممااااااااااااااااااااااااه .. اكرررررهههههههههههك .. موووووووووت .. مووووووووووت ..
" سند تجمد مكانه تتمنا الموت له .. الدكتورة طلبت منه يطلع .. طلع وهو ما يشوف قدامه من الغضب و الخوف " ..
مشى في الممر و توجه للبوابة وطلع من المستشفى كله وهو يمشي بيبعد وبيفرغ غضبه ..







بعد ساعات طويله جدا ..





ابو سند يمسح دموعه وهو واقف ورا زجاج الحاضنه .. / ما شاء الله تبارك الرحمن .. لا اله الا الله ..
ياسر وغرام وفارس اللي واقفين جنب ابوهم يطالعون البيبي و الضحكة شاقه الوجه ..
فارس يسحب هواء لصدره وهو نافخه ويمسحه وبفرحة / صرت عم والله مو مصدق ..
ياسر بفرحة / وانا بعد .. " التفت لبيبي " .. والله ما تلام يوم اخذ ثلاث ايام الين طلع .. الا كم وزنه ..
غرام وابو سند بخوف / قل اعوذ برب الفلق .. اذكر الله ..
ياسر بخرشة / لا اله الا الله .. لا اله الا الله .. " ومن خلف الزجاج " .. تف تف تف .. ها ارتحتوا ..
ابوسند بغضب / رح .. رح انت واخوك دوروا اخوكم .. قولوا له تعال شف ولدك ..
فارس / طلال وبتال قالوا هم بيدورونه ..
ابو سند التفت عليه بحدة وغضب / .......
فارس بسرعة / هم اللي يعرفون الاماكن اللي يحبها .. ويروح لها ..
سمعوا صوت جوال يرن .. ابو سند يدخل يده في جيبه ويسحب الجوال / هااا .. ايه .. والله .. طيب جيتكم ..
" التفت لعياله " .. سند رجع وهو عند مرته .. خلنا نروح نشوفه ..
ياسر يطلع جواله وبيصور البيبي .. لكن ابو سند صرخ عليه / نزل .. نزل ذا الخربان ..
والله لو واحد منك صورة وارسل صورته ليشوف شي ما يعجبه .. امشوا قدامي اشوف ..
غرام بمزاح / راحت علينا والله .. الله لو تشوف الوضع مرام كان تنتحر ..
ابو سند بضحكه وهو يمشي وعياله معاه / كلكم غالي .. وكلكم لكم مكانه بقلبي .. بس ذا فهد الصغير غير ومكانه غير ..
الكل / ههههههههههههههههههههههههه







بجناح رنيم ..




كانت نايمه مازالت تحت تاثير المخدر والتعب والالم ماخذه الشي الكثير منها ..
سند قبل جبينها بعمق وهو يتنفس ريحتها .. وبهمس خافت / اعذرني يا روح سند .. والحمد الله على سلامتك ..
" لمن وصله خبر ولادتها .. سجد شكر لله .. انه ناجاها .. وارزقه بولد .. " فهد سمي ابوه " ..
ام سند من الصالة بهمس / سند ..
سند التفت عليها وبهمس / هلا ..
ام سند ابتسمت وهي تاشر له يجيها .. وهو بالمقابل ابتسم لامه .. تقدم لها بهدوء ..
انحنى وقبل راسها / امري يا جدة فهد ..
ام سند بضحكة .. / اي والله جدة وجعلني ما انحرم منه واشوفه عريس يارب ..
سند / لك طولة العمر يا الغالية ..
ام سند / بوجودك ياروحي .. اسمع ابوك واخوانك برا .. وشف المستشفى ترا جاتني الممرضة تقول يبونك ..
سند هز راسه / طيب .. تبون شي محتاجين شي ..
ام سند / لا يا روح امك .. العنود بتجيب معاها اللي ناقصنا ..
سند عقد حواجبه / اممم طيب .. اذا احتجتوا شي كلموني .. " وطلع من الجناح " ..
شاف ابوه واخوانه عند الباب .. انحنى على ابوه وقبل راسه .. وفارس وياسر قبلوا راس سند ..
اما غرام فقبلت كتفه يدوب توصل له .. والكل بارك له وهناه ..
سند بتعب / يبارك فيكم ..
غرام دخلت للجناح عند امها و رنيم ..
ابو سند / رح وانا ابوك شف ولدك .. وكمل الاوراق ..
سند هز راسه / وانا رايح لهم هالحين .. " وراح يشوف فهد تسبقه خطوت الهفه ..
يبي يشوف الشي الي سنين عمرة كلها يتمناها .. يتمنى يجمعه شي بينه وبين رنيم .. عشقه وجنونه .." ..
واول ما وصل الحضانه طالع بكل الاطفال .. ما حس ان قلبه يرف لحد فيهم .. تعوذ من الشيطان ورجع يطالعهم ..
تنهد وهو يلتفت يمين ويسار يبي يسال الممرضة .. شاف وحدة واعطاها الاسم وهويته ..
الممرضة بابتسامه / ايوه بيبي هلو .. هينااا .. " وهي تفتح باب ثاني لقسم ثاني من الحضانه ..
حس قلبه بيطير من بين ضلوعة ويروح لطفل الملفوف بشال السكري .. ترك اللمرضة اللي يحسها تمشي ببطء ..
و قف قبال الزجاج وعيونه طالع تفاصيل الصغير .. حس عيونه بتخونه .. بس ما منع الدمع من النزول لاجله ..
كانت فيه ممرضة سعودية واقفه قريب منه .. تطالع بملف بين يدينها .. الممرضة سحبت ملف وتوجهة لسند ..
الممرضة / سير .. لزيم فيه وكع هدا وركه ..
سند صد عنها وهو يمسح دموع الفرحة .. التفت عليها ووقع الاوراق وكل البيانات .. واخذ الاوراق الي محتاجها بتبليغ ..
الممرضة السعودية دخلت الحضانه .. ورفعت فهد الصغير وحطته بحاضنه متحركه وطلعته لسند ..
سند وقف قدامها مو عارف ايش يقول او ايش يسوي .. مرتبك ..
الممرضة تحسب انه ما يعرف يشيلة .. ابتسمت بهدوء / صدقني ما راح يصير له شي ..
حط يد حت الرس والرقبه ويد تحت الظهر .. كذا " ورفعت فهد ونزلته " ..
سند عيونه على الصغير والا يسمع لكلامها ولا انتبه .. قلبه يدق بقوة وجنون ..
الممرضة شافت مراجعين عند مكتبها فرجعت لمكتبها وانشغلت عنه وبدات تشوف الاوراق ..
سند انتبه لحركت ولده وواضح انه انزعج .. ابتسم على حركاته .. تقدم بهدوء وخوف ..
مد يدينه برجفه شوق رفع فهودي الصغير بين يدينه .. رفعه لانفها واستنشق ريحته ..
قبله بحنان على خده .. وضمه لصدره .. الممرضة تذكرت ورفعت راسها من بين الاوراق ..
طالعة بسند من فوق لتحت وابتسامة اعجاب على وجهها .. ناسية انه متزوج وذا ولدة ..
سند بهدوء رجع فهد بالحاضنه .. الممرضة الفلبينية اخذته ورجعته في مكان ..
سند سحب نفس عميق لصدره .. رفع يدينه لوجه وضمها على انفه .. ما زالت ريحته بيده ..
ابتسم على كان راح يضحك لو ما انتبه ان فيه عيون تراقبه .. صد عنها وطلع من قسم الحضانه ..
.. و وجهه متغير .. اللي يشوفه قبل ساعات ما يقول انه هو نفسه الحين ..







ــــــــــــــــــ





صباح يوم جديد ..




بجدة ..
الساعة .. 8:00 ..



بيت منار ..



منار بفرحة / والله ما تصدق قد ايش فرحت بشوفتك ..
راكان ابتسم بهدوء / حبيبتي .. طمنيني عنك .. وكيف ظهرك ..
منار كانت ببتكلم .. بس قاطع كلامها عمر .. بلهجته الجداوية / والله اختك مجنونه ..
الدكتور يقول لها ممنوع تشيلي حاجة ثقيله .. هي تعاندوه وتشيل .. " وهو يفتح عيونه وكانه مفجوع " ..
يا اخي شايله شنطة قد كيدا .. " وهو يسحب خدادية كبيرة طايحة بالارض " .. وحاطة فيها تسريحتها كلها ..
بلاهي ايش تبغي بدي الحاجات .. تقولك بلكن انعزمنا ... وبلكن وبلكن .. حاجات .. " هز راسه بعدم الرضا " ..
اصعب حاجة بالحياة هي فهم عقل الحرمة .. لا كمانا .. " وهو يرفع يده للأعلى وكانه تذكر مصيبة " ..
قالها الجزمة الكعب لا تلبسيها .. وهي كانت تلبس كعب قد كيدا .. " وهو يرفع اصبعه ويشير لمنتصفه "..
دحينه تلبس لك كعب قد كيدا .." ,هو يشر بطول كف يده " .. " وبقهر " .. ما ادري هي تعاند مين بصحتها ؟؟ ..
الدكتور .. وهو يهتم ليكي انتي اللي بتتوجعي وبتخسري صحتك .. " وبخبث " .. وزوجك ..
منار تطالعه بنظرات عدم الرضاء استغربت من العبارة الاخيرة / انته .. ليه ؟؟!!!
عمر بخبث / اكيد راح اتزوج عليك .. انا ايش ابغى بوحدة مريضة ولا هي قادرة على حاجه ..
منار شهقت بقوة وهي تفتح عيونها للاخير .. وبحدة / كذا طيب ياعمروة اجل خلك لحالك هينا ..
وانا ابي اروح مع اخوي .. وما راح ارجع اللين انت تحب رجولي وتتسامح مني .. قال اتزوج عليك قال ..
راكان ابتسم وهو يطالع الساعة .. وقف وبهدوء / يالله يا دوب اوصل للمطار .. والحق طيارتي ..
منار بضيق / راكان .. " طالعت بعمر يعني ممكن تخلينا لحالنا " ..
عمر وقف / انا الي راح اوصلك للمطار .. " راكان كان بعترض " .. والله محد يوصلك غيري ..
" وطلع بسرعة قبل لا يحلف راكان عليه " .. منار قربت من راكان ..
منار وهي تحط يدها على كتف راكان و بخوف / راكان احلف لي .. انه مافي شي كبير صار لنايف ..
راكان تنهد بضيق يوم تذكر نايف .. وبهدوء / بخير ومافيه الا العافية .. بس شوية خدوش علشان الحادث ..
منار بنبرة مهتزة / انا صحيح بعيدة عنكم .. بس احبكم كلكم .. واعرف كل واحد فيكم من عيونه ..
انت فيك شي مضايقك ومزعلك حيل .. ايش اللي مضايقك ياروح اختك ..
راكان ابتسم وهو يسحبها لحضنه ويضمها .. صحيح منار ماقضت كل عمرها معاهم .. بس عاشت الكثير معاهم ..
راكان بهدوء وهو يبعدها / لا تفكرين فينا .. انتبهي لصحتك .. ولا تعاندين .. " وهو يقرص انفها " ..
و بعد ما تشدين حيلك وتطيبين تعالي لنا .. " ابعد يده .. و بحزم " .. واياك تضغطين على زوجك ..
اذا مو فاضي يجيبك لا تجين لحالك .. والله ان جيتي لحالك لازعل عليك وما ادخلك بيتي ..
منار بضيق لانه خرب كل ماخططت له .. / راكااااااان .. اذا ابي انتظر عمر مطوله وما زرتكم ..
راكان بحزم / مناااااار .. الا زوجك .. شكله حباب ورجال يعتمد عليه ويحبك .. لا تخربين بيتك ..
" حط يده على ظهرها ومسح عليه بحنان " .. يا الله وانا اخوك انتبهي لنفسك ولزوجك .. اشوفك على خير ..
منار والدموع بعيونها / توصل بسلامه .. سلم لي على العنود ونايف وزياد وساره وبوسلي الصغار ..
راكان قبل جبينها وهو طالع / ان شاء الله .. فمان الله .. " وطلع " .. منار بعد ما قفلت الباب انفجرت بكي ..
اول مرة تشوف راكان بذا الحال .. شعر لحيته مو مرتب سواد تحت عيونه ووجه هزيل واضح رسوم الهم عليه ..






ـــــــــــــــــ





بيت ابو سطام ..



العنود خرجة من غرفة نايف ..
من بعد صلاة الفجر .. فطرت نايف و زياد وسارة .. زياد طلع لشركة الفارس اللي بدا يداوم فيها ..
وسارة راحت للمدرسة اعطت نايف الادوية ونظفت الجروح وغيرت الفات والصق ..
وبعد ما نام نايف .. طلعت .. .. اطفالها نيام بجناحها .. زهرة عند زوجها تفطر معاه ..
توجهت لصالة عند جدتها ام سطام .. دخلت بهدوء واستغربت ان جدتها جالسه لحاله ..
العنود / السلام عليكم ..
ام سطام وترمس القهوة قبالها / هلا وعليكم السلام ..
العنود بستغراب وهي تسحب برقعها و تجلس جنب جدتها / يمه ليه جالسه بالحالك هينا ..
ام سطام بحنان / مو بالحالي .. مياسة توها مشت راحت لاخوها سلطان عند جدك بالمجلس ..
وهيفاء راحت دوامها عسى ربي يرزقها بالولد الصالح .. الا كيف نايف .. وراكان ما كلمك ..
العنود تنهدت بضيق فحال اخوانها كل مرة يزود سوء .. نايف اصبح دائما شارد الذهن وعصبي ..
وكثير السؤال عن والدية .. والحجج بدات تقل وتوضح بانها اكاذيب .. زياد وشروده الدائم .. وخوفه الواضح ..
ولا تعلم لما .. هل يهدده احد .. هل توقعاتها بان احد يريد لهم الضرر .. لما صلاح ينفي ذالك ..
ولما اخبرها بان الوضع امن .. لما لا تشعر بهذا الشي .. راكان يرفض فكرة الحراس .. وزياد اعترض ..
ولا تستطيع ان تضعهم لسارة .. لا تريدها ان تنتبه لوجود خطر حولها ..
يكفي بان كل صباح زهرة و صبري يوصلانها للمدرسة .. وهي منزعجة .. تريد الذهاب مع اماني و روان ..
ستجن .. والله ستجن .. اصبحت لا تنام نوم الهني .. تصحوا بنص نومها فزعه .. تطمان على اختها واطفالها ..
وعلى جدتها و نايف واخوانها .. وتطمان خلسه على جدها ومن ينام عنده .. جدها " ابوسطام " ..
من بعد خروجه من المستشفى استقرا بالمقلط .. منها يبقى عندها احد شباب العائلة للاهتمام بصحته وتلبيت ما يحتاجه ..
ومنها يستطيع الضيوف زيارته بسهوله .. تذكرت ليلة اختفاء راكان قبل ثلاثة ايام .. فجاة اختفاء ..
وبعد ساعت جنون طوال .. كادت ان تنهار اعصابها .. وسط بكاء سمر .. و الاوهام التي سيطرت عليها ..
لياتيها الخبر بعدها بانه بمكه .. لما ذهبت لهناك فجاة .. اعرفك ياراكان كما اعرف كف يدي ..
تنبهت ليد جدتها الدافئة على كفها البارده .. التفتت على جدتها وابتسمت بتعب / .......
ام سطام بحنان / تعالي حطي راسك هنيا .. " وهي تشير على حجرها " ..
العنود ابتسمت ولبت الطلب بدون اي اعتراض .. كانت بحاجة ان تشم رائحة والدها .. ان تشعر بحنان امها ..
ان تشعر بدفاء جدتها .. اشتاقت لتلك الايام .. ايام مليئة بالحب و السعادة ..
سحبت نفس طويل لعله يطف القليل من الهدوء لجوفها .. حست بيد ام سطام وهي تحاول تسحب شيله العنود ..
العنود رفعت راسها شوي و سحبت شيلتها ورجعت راسها لحجر جدتها .. الجده بدات تمسح على راس العنود ..
و شعرها وهي تقرا الايات .. شايفتها هالايام زايد تعبها وهمها .. ما تدري هو لحال اخوها والا لشي ثاني ..
ثواني لتسمع صوت تنفس العنود يعلن دخولها لنوم عميق .. ابتسمت وهي تتخلل اصابعها شعر العنود ..
الاسود الحالك .. العنود كانت نايمه على جنبها الايمن .. الجدة وهي تشوف زهرة اشرت لها بصمت والهدوء ..
زهرة اشرت براسها وذهبت لجناح العنود تشوف الصغار .. الجدة رجعت تطالع لشعر العنود الاسود الناعم الطويل ..
وهي تسمي وتذكر الله .. عقدت حواجبها وهي تشوف الشعر اللي فوق الاذن " نسميه الصابر " ..
انزلت راسها وهي تركز النظر .. لتفتحه للاخير بصدمة .. رفعت طرف الشيلة بيدها اليسرى لتكتم شهقه ..
قد تستيقظ العنود منها .. انسابت الدموع من عينيها .. سمعت صوت خطوات رفعت راسها واذ سلطان ..
اشرت له بسكوت .. دخل سلطان بهدوء والقى السلام بهمس فانحنى وقبل راس ولدته وجلس بجوارها ..
سلطان يطالع وجه العنود الذي بدا يوضح عليه ملامح الارهاق والتعب والهم .. وبحزن / تعبانه ..
ام سطام وهي تنزل الشيلة على عيونها حتى لاينتبه لها سلطان .. لكن سلطان انتبه .. همس بخوف / يمه ..
ام سطام اشرت له بيدها اليسار ان يتركها لكن سلطان رفض .. وبهمس / يمه .. دخيلك .. لا تخوفيني .. ليش هالدموع ..
ام سطام بعد ان استطاعت ان تتمالك شهقاتها .. بصوت توغل به الحزن وتسلطن .. بهمس ليخلو من الوجع / عيال اخوك ..
سلطان صمت بحزن .. هو ايضا يعلم بحالهم المتعب والحزين .. ولكن لم يستطع ان يعرف ما بداخلهم ..
كل واحد منهم يستوطنه شي من ذالك الاخ الغامض الذي لم يستطع احد ان يعرف كيف يفكر ..
وهو يعرف بحال الجميع واسرارهم .. كان يظن سلطان بانه يعرف بحال الجميع ..
ولكن ما اخبرته به مياسه الان افاقه من حلم كان يعيشه من سنين طوال .. سطام .. آآآه يا اخي رحلت وتركتنا لضياع ..
ام نحنن تركناك لضياع .. انتبه على امه وهي تطلب منه ان يرا شي بالعنود ...
نزل راسه وركز النظر على ما تشير والدته .. ليرفعها وبهمس موجع .. / شيب يمه ..
ام سطام بوجع هامس / والله انه ما جاها كذا .. هالبنت شافت شي شيب راسها ..
سلطان تنهد بضيق / لا حول ولا قوة لا بالله .. " كان صوت مرتفع قليلا .. لتفزع تلك من منامها وتجلس بهلع "..
ام سطام تضمها بسرعه .. / بسم الله عليك يمه .. علامك ..
العنود التفتت حولها بخوف .. كان حلم .. انتبهت لنظرات عمها المتفحصه .. وبخجل ..
وهي تحاول تلف لف شعرها الطويل .. الذي فتح جميعه ليتناثر على اكتافها ووجها وليغطي ظهرها و وصل للارض ..
ابتسمت بخجل وهي تسحب الشيلة .. وبصوت مرتبك / اا .. هلا عمي .. " وقف لتقبل راسه "..
سلطان ابتسم بحنان / ارتاحي وانا عمك .. ارتاحي .. ماني بغريب ..
العنود ابتسمت بخجل / والله جدتي قالت تعالي بحضني .. وقلت ابي اشوف سر رعد بهالحضن والا ادري كيف نمت ..
ام سطام بحزن / كان حضن سطام قبل .. وكان يجلس فيه وينام اكثر من رعد .. الله يرحمة ويسكنه فسيح جنانه ..
الكل / امين ..
سلطان يطالع للعنود وهي تصب لهم قهوة .. وبداخله .." والله ما تنلام يا بتال على جنونك بها .. " ..
تنهد بضيق / حسبي الله ونعم الوكيل .. " العنود رفعت راسها تطالع عمها باستغراب " ..
سلطان ابتسم وبحنان / وين الصغار خلني اتصبح بهم قبل لا اروح الشركة ..
العنود ابتسمت وهي تقف / ابشر الحين اجيبهم .. " و راحت لجناحها "..
سلطان بهمس لامه / يمه .. ما كلمتيها ..
ام سطام بضيق / وين اكلمها وانا امك .. انت ما شفت حالها .. خل الامور تهداء وبعدها اكلمها .. الا بتال يدري ..
سلطان بهدوء / ايه .. وهو اللي قال اكلمك .. تكلمينها .. هو كلم ابوي واقنعه ..
ام سطام / ما يلام .. ابو ويبي يلم عياله بحضنه .. هو الله يهداه ما تعوذ من ابليس وقت الغضب ..
وظلم البنية .. ها هذي هي الحقيقة طلعت وهي مالها ذنب .. كل الذنب على بنت خالتها ..
سلطان يهز راسه بقهر / وبعد امه .. امه تحمل الاثم الكبير ..
ام سطام بحزم / لا ياوليدي .. لا .. الجوهرة مالها دخل .. هي ضايقه من ولدك يوم خطب وملك ولا قالها ..
سلطان يطالع لامه بنظرات .. وبداخله " تبين تنظفين صورتها يمه .. خلاص .. الجوهرة حرقة صورتها .. " ..
التفت على صوت صراخ الاطفال .. ابتسم بحب لهم .. وقف وتوجه لعربيتهم .. سحب الظبي وقبلها ..
العنود حملت سلطان الصغير ونزلته بحضن جدتها ..
ام سطام بفرحة / صبحهم بالخير .. يا هلا ويا مرحبا .. تو مازان صباحي يوم شفتك ..
" وهي ترفع جاهدة سلطان .. العنود رفعت سلطان لتقبله الجدة " ..
ابو سطام ينزل الظبي على الفرشه لتعود الظبي للبكى التقط سلطان من العنود لتلتقط العنود الظبي لتقفها وتاعبها ..
سلطان يضحك / ههههههههه ما تبي تنسدح تبي العب ..
العنود بضحك / عودوها البنات على المشاوير والتنقز .. وصارت ما نحطها على الفراش الا بكت .. حتى سلطان ..
سلطان يحاول يمسك القلم اللي بجيب جده ويشده .. وسط ضحكات سلطان الجد والجده ..
سلطان وقف ونزل سلطان لعربيته ليصرخ الصغير بانزعاج .. سلطان بضعف نزل واخذه / والله ما يبكي ..
" التفت على العنود " .. ان ابي اخذه معي .. جهز اغراضه ..
العنود بخوف / وين بتاخذه ..؟ .. يا عمي يتعبك ..
سلطان بفرحه / لالا مو تاعبني .. انا رايح لشركة .. وكلها ساعة وارسله لك .. ابوه وعمامه هناك ..
العنود كانت بتتكلم بس فرحت عمتها وهو يتكلم مع سلطان اجبرتها على الطاعه ..
اخذت الظبي ورجعت للجناح .. جهزت رضعه لسلطان وطلعت جاكيت صوفي مع قفازات مع غطاء لراس وشال ..
ورجعت لعمها والظبي بيدها .. لبست سلطان واعطت عمها رضاعه .. وبابتسامه / عارفه لوسخ ما تقدرون تغيرون له ..
سلطان / ههههههههه ما نعرف لشي وانا عمك ..حتى الرضاعةة يمكن ما نعرف لها ..
العنود / ههههه علشان كذا الله و رسوله اوصوا بالام اكثر من الاب ..
سلطان / والنعم بالله .. يالله سلام .. فمان الله ..
العنود بخوف / فحفظ الرحمن .. استودعتك الله الذي لا تضيع ودائعه ..






ــــــــــــــــــ



بالمستشفى ..


بجناح رنيم ..

ام سند بعصبية / انتي بتجننيني .. فيه ام بدنيا ما تبي تشوف ولدها ..
رنيم بدموع / ايه فيه انا ..
سند الغضب تملكه صرخ بقوة / انت مانتي صاحية .. والله والله والله .. ان ماسميتي بالرحمن وارضعتي الولد ..
لتشوفين شي عمرك ما شفتيه .. تراك ما تعرفين جنون يا رنيم ..
رنيم بجنون صرخت / ماااااااااااا اااااااببببببببببببببببببببيه اطلعوا اكرهككككككككككككككم ..
دخلت الدكتورة و الممرضة.. الدكتورة بهدوء / السلام عليكم ..
الكل زفر بهدوء / وعليكم السلام ..
الدكتورة / لو سمحتوا ممكن تطلعون برا .. " تقصد ام سند وسند " ..
طلعت ام سند وسند .. وبقيت الدكتورة والممرضة اللي باشرت بعملها .. قاست الحرارة والضغط ..
وسجلتهم و وقفت على جنب .. الدكتورة بهدوء لرنيم مع ابتسامة / الحمد الله على السلامه ..
رنيم بجمود / الله يسلمك ..
الدكتورة بهدوء / فيه شي متعبك او تبين تسالين عنه ...
رنيم بجمود / ابي اطلع .. متى اطلع من هينا ..
الدكتورة ابتسمت / اليوم او بكره بس ننتظر بعض نتائج التحاليل .. وبعدها تطلعين ..
رنيم تنهدت بضيق وصدت عنها .. الدكتورة راقبت حركاتها وطلعت .. شافت ام سند وسند جالسين بصالة الجناح ..
الدكتورة بهدوء / الحمد الله على سلامتها ..
سند وام سند وقفوا / الله يسلمك ..
سند بهدوء / متى راح يكتب لها خروج ..
الدكتورة / ننتظر بعض نتائج التحاليل لا تنسى انها تعبت كثير بالولاده و طولت .. عن اذنكم ..
سند هز راسه / اذنك معاك .. شكرا ..






ــــــــــــ




البارحه يوم كلـن نـام يـا نايـف
اخوك ماهـوب لا نايـم ولا واعـي

يحوف قلبه من همومه ميـة حايـف
من غير هـمٍ قديـمٍ بيـن الاضـلاع

همٍ يزعزع جبـال طويـق والطايـف
مخفيه لي مدةٍ مـع باقـي اوجاعـي

لا شك ماني من غدر الزمـن خايـف
اعرف دخولي بعدما اعرف مطلاعـي

لكن الايـام منهـا خاطـري عايـف
لو انهـا تجربـة عمـر وتمتاعـي

يلوفني عن مقاصد خاطـري لايـف
وامشي مع الدرب وعيوني لمرجاعي

لا عاد تنشد عيوني ويش انا شايـف
مافي عيوني يسولف لك عن اوضاعي





بيت ابو سطام ..




دخل راكان بهدوء لصالة .. وبصوت جهوري / السلام عليكم ..
الكل / وعليكم السلام ..
راكان انحنى وقبل راس جدته .. وقبل العنود على خديها و سمر واخذ شيخه لحضنه ..
وبعد السؤال عن الحال والاحوال .. وقف وتوجه لغرفة نايف ..
العنود وقفته عند مدخل الغرفة .. بحزم / لحظة ..
راكان وقف والتفت عليها بتعب / لا تسالين .. ولا تقولين شي .. تعبان و مالي حيل ابد ..
تركها ودخل لنايف القاء السلام .. وساله عن الحال ورجع لغرفته ..
العنود كانت تراقب كل تحركاته ونظراته بينه وبين نايف بنظرات تفحص .. متاكدة انه فيه شي صار ..






ــــــــــــــــــــــــــ





بعد العصر ..



بيت ابو عناد ..



ابو عناد وام عناد .. و عناد و بدر بالصالة امام التلفاز ..
عناد وهو يشرب من فنجان الشاهي / وين البنات ..
ام عناد / ابرار راحت مع بنات عمها لرنيم .. وشجون تقول تذاكر عندها اختبارات الله يوفقها ..
بدر بستغراب / لا اله الا الله .. كل اللي في البيت تغيروا من بعد ما سافرت ..
ابرار صارت تسولف وتطلع ورجعت لحيويتها .. وعناد صار يمزح ومن زمان ما عصب ..
وامي ما شالله عليها احلوت وتختخت وابوي بيستخف عليها .. وشجون عقلت ..
" وبضحكة " .. ليكون انا للي كنت مسبب لكم الجنان وانا ما ادري ..
عناد يلتفت له وبضحكة / اقول اذكر الله لا تصكنا بعينا الا كلنا طايحين ..
بدر / ههههه قايلها قبل لا ابدا كلامي .. وها اعيدها .. ما شاء الله ولا اله الا الله وتبارك الرحمن والله يتمم هالعقل ..
الكل / ههههههههههههه
ام عناد بابتسامه وحنان / والله يكمل فرحتنا و اشوفكم وعيالكم يالعبون حولكم ..
ابو عناد بابتسامه / امين .. وخلاص هانت .. الحمد الله عمي طلع بسلامة وولد سطام وهذا سند ولدت حرمته ..
وان شاء الله بتم باقي الامور .. برجعة راشد .. ويملكون العيال ..
عناد كان ماسك فنجالة ورافعه لفمة يشرب منه .. شرق من الكلام الاخير اللي سمعها .. وبصدمه / كح كح .. نعم ..
ابو عناد بستغراب / ايش اللي نعم .. بسم الله عليك ..
عناد يحاول يهدي اعصابه / يبه .. ممكن توضح الكلام الاخير ..
ابو عناد بستغراب / ايت كلام .. " وبحزم " .. انا خطبت لكم من بنات عمك راشد .. انت ريهام وبدر رنا ..
وبس يشد حيله عمي تروحون تسون التحاليل ثم تملكون .. وخلاص قضينا ..
عناد يوقف بصدمة ممزوجه بعصبية / ايش اللي قضينا يبه .. اول شي متى خطبت .. وحنا وينا فيه .. وليه ما قلت لنا ..
ابوعناد بعصبية / عناااد ... الظاهر نسيت نفسك .. انا ابوك مو انت ابوي .. وبعدين انت كل ما قالنا لك نبي نزوجك ..
قلت ما ابي وما ادري ايش .." وبحدة " .. وهذا اخر كلامي يا عناد اسمعه زين .. انا خطبت لك ..
وبتم الامور غصب عنك .. وان رفضت والا سويت سواياك الشينه .. والله لغضب عليك ليوم الدين ..
وهذا الكلام لك ولاخوك .. " بدر ساكت ويراقب اللي يصير " ..
عناد شد على قبضة يده و سحب شماغه اللي على الكنبة وطلع من البيت بغضب ..
بدر بهدوء / يبه ..
ابو عناد بعصبية / ليكون انت مثله ..
بدر بهدوء / لا يبه .. بنت عمي وابيها .. وعناد بعد ماهو معيبها .. بس انت الله يهديك طريقتك كانت خطاء ..
ابو عناد بعصبية / ما بقى الا تعلموني كيف اتصرف .. هذا اخرتها .. " وقف بغضب وتوجه لمكتبه "..
بدر / لا حول ولا قوة الا بالله ..
ام عناد بخوف / يا ربي سترك .. ابوك معاه الضغط وانتم ازعلتوه .. عسى بس ما يرتفع .. " وقفت ولحقت زوجها "..
بدر يراقب مشي امها المتثاقل والغريب .. رفع حاجب .. و وقف متوجه لغرفة شجون ..





ــــــــــــ


في المستشفى ..




سند جالس بصالة ويسمع كلام امه و صرخات رنيم الغاضبة ..
دخل بغضب وهو يرفع يده .. / انتي بتبلعين لسانك والا والله لصفعك كف يهد فمك ..
...... من خلفهم / السلام عليكم ..
الكل التفت على الباب / وعليكم السلام ..
ام سطام وهي تعتكز على عصاتها / ايش بلاكم ..
سند بغضب يبتعد عن رنيم وهو يتوجه لجدته .. / بنت بنتك فضحتنا .. مغير تصارخ وما تبي ولدها ..
" راجع بحرج وهو يشوف العنود تقف خلف جدتها .. قبل راس جدته سريعا وخرج من الغرفة ..
توقف للحظه عند روية الممرضة تدخل بـ " فهودي " .. ليقف بصالة الجناح ويسحبه له " ..
الممرضة / هدا مدام لزم فيه ردء بيبي .. " هذي الحرمة لزم ترضع ولدها << ترجمه سعودية ^_* "
سند هز راسه بسخرية / طيب طيب .. لمن تكون امه صاحية ..
الممرضة رمشت بعيونها تطالعه بستغراب وبعدها طلعت وهي مو فاهمة شي ..
ام سطام والعنود بعد السلام والتهنية والتحمد لها .. ام سطام بفرحة / وين الولد ..
" التفتت لسند ".. وبفراحة / هاته .. هاته .. خليني احبه واعطه هديته ..
سند وهو حاملة بين يدينه وبفرحة .. " شوفت فهد تنسية كل اللي يصير " .. / ما نبي الا سلامتك يالغالية ..
ام سطم اخذت الولد وهي تسمي وتذكر الله .. سند منحني على الجدة وفهد بين يدينه .. والعنود خلفه بمسافة بعيدة ..
العنود جالسة بطرف السرير .. رنيم بهمس / ما ابيه ...؟
العنود باستغراب وهي تهمس / من .. زوجك ..
رنيم بغصة / اثنينهم .. هو وولده .. " وبالم " .. اوجعوني ..
العنود كتمة ضحكتها .. رنيم دلوعه .. وناعمه .. بس تتصرف عكس طبيعتها لسبب مجهول بنسبة لها ..
العنود بهمس / عاد سبحان الله .. شفتي كل الالم وكل اه هذي تمحي لك سيئة ..
والام بعد ولدتها يقولون تتجرد من كل الذنوب وتصير مثل طفلها خالية ..
رنيم بقهر / خلاص ما عاد ابي لا زواج ولا حمل ولا ولدة .. اااااه يوجع موت ..
العنود بهمس / رضعتيه ..
رنيم بغضب / اقولك ما ابيهم تقولين رضعتيه .. انا ما شفت شكله ..
العنود ابتسمت وصدت عنها .. وبهدوء / عمتي ممكن تعطييني الصغير ..
سند حس بحرج .. مد يده لامه وكان بيطلع .. بس جدته امرته بان ياخذ السلة ويشوف اللي فيها ..
العنود توها تاخذ الولد .. بصوت هدي / ما شاء الله تبارك الرحمن .. " توقفت فجاة .. وبتمثيل الاستغراب " ..
عمه .. ايش فيه لولد .. " ام سند تقرب بخوف .. وسند ترك السلة والتفت لها بخوف .. تاكدت ان الكل يصغي لها "..
ام سند وهي تطالع بملامح الولد .. وبخوف / ايش فيه ..
العنود تراجعت للخلف وجلست على الكرسي القريب من رنيم .. وما زالت على نبرة المستغربه / ما ادري ..
" وقفت " .. اشوف شي .. " تقدمت من رنيم ووضعت الطفل بحضنها رنيم كانت تطالع بملامح الطفل "..
العنود اقتربت من عمتها لتهمس / ما فيه الا الزين ربي يحفظة بس ذي خدعه للدلوعه علشان تاخذ ولدها ..
رنيم عيونها تطالع بوجه فهد .. احساس غريب .. كهرباء سرت بجسمها .. سببت لها رعشة ..
ام سند همست لسند بانها مزحه .. لتتقبل رنيم ولدها .. العنود تقرب من رنيم وبهمس / ما شاء الله .. الله يحفظة لك ..
رنيم حست بغصة تصل لبلعومها .. ودموع امتلات بها عيناها .. العنود بهمس / رضعيه راح ترتاحين ..
رنيم رفعت راسها للعنود .. العنود بهمس / طلعي صدرك و لقميه فمه .. وراح تحسين بشي جميل ما ينوصف ..
سند طلع من الغرفة .. وام سطام وام سند .. العنود جلست جنبها .. و بدات تعلمها كيف ترضع ولدها ..
رنيم بخوف بعد ما ان بدا فهد بصراخ / ما ينزل حليب .. ايش اسوي .. خلاص نادي الممرضة ..
العنود بهدوء / هشششش .. انتي استرخي وحني على ولدك راح ينزل ..واستغفري .. يالله لا تتوترين ..
رنيم بعد محاولات استطاع فهودي ان يمسك بثدي رنيم ويبدا يرضع ..







ـــــــــــــ






صباح يوم جديد ..



نايف قبل يومين .. علم بوفاة والدية اخبره راكان والعنود ..
بكاء بكائا مرير مصحوب بانين موجع .. ليلة كامله وهو يبكي ويان ..
وبعدها تجلد بالصمت .. ولم ينطق بكلمه واحدة ..
العنود وراكان اصبحا ملزمين له ..




خرجت رنيم من المستشفى قبل يومين .. وقررت ام سطام انها تنفس عندها ..
مياسة مازالت غاضبة من رنيم ..


سند جالس على الكنبة .. وبحضنه فهد .. من لمن طلعت ما زارها ولا اتصل ..


رنيم بقهر / وليش جاي اجل ..
سند ببرود / جاي اشوف ولدي .. ما اشوفك انتي .. " قبل فهد وابتسم و بداخله ..
( ادري انك عارف اني مشتاق لامك .. بس وانا ابوك امك زودتها ولازم لها شر الرسن وعسفها ) ..
انزل فهد على سريرة ووقف " .. و بهدوء / محتاجين شي ..
رنيم بقهر مع عصبية / لا مانا بحاجيك .. " وصد عنه وهي تطالع لشباك الغرفة "..
سند ببرود / احسن .. " وطلع من الغرفة وبعدها من البيت .. وابتسم ابتسامه عريضة "..





ـــــــــــــــــ






جناح العنود ..



العنود بهدوء وهي تسحب برقعها / زهرة ... خلي سارة تروح لنايف اللين اتحمم واخلص ..
زهرة بهدوء / بس سارة للحين ما رجعت ..
العنود التفتت بسرعة على زهرة وبحدة / نعمممممم ..
زهرة ارتبكت من حدة العنود / ااا .. ساره ..
العنود رجعت ربطت برقعها بسرعة وراحت لجناح عمتها مياسة .. لتصادف روان واماني جالسات بجنب بعض ..
العنود وهي تجول بعيونها فالجناح .. بخوف وترقب / وين سارة ..؟
اماني وروان بستغراب / ما جات لسع بـ....
العنود تصرخ بخوف ورعب / وين راحت " لم تسمع لاجابتهم وهي تركض خارج المنزل لتنادي على راكان بجنون " ..
العنود بخوف / راكان .. راكان .. " راكان الي توه طالع من غرفة نايف رايح يجيب بعض الادوية اللي تخص نايف " ..
راكان تقدم لها برعب .. / بسم الله .. ايش فيك ..
العنود برعب والفكرة بدات ترتسم امامها والهواجيس بدات تصيب / سارة .. سارة ما رجعت من المستشفى ..
يمكن انخطفت .. الا اكيد .. انا قلت لك .. قلت لك .. " راكان يطالع باخته بخوف على حالها .. ضمها لصدرة " ..
راكان / العنود بسم الله عليك اهدي .. وسارة طيبه ..
العنود تبتعد بخوف وهي تحس بان الارض بدات تهز من تحتها / كيف اهداء .... و بخير .... كيف ....
راكان يمسكها قبل لا تطيح بالارض .. وبخوف عليها / العنود اسمع .. سارة مع عمتي مياسة ..
البنت ارتفعت حرارتها والمدرسة اتصلت على البيت وكلمتهم عمتي وراحتـ....
العنود حست بان ريقها نشف و دوخه اعتلت راسها .. ليثقل جسهما بين يدين راكان ..
راكان برعب رفعها بين يده وقت وقف سيارة بتال ووصوله من الشركة ..
بتال بخوف وهو يترجل من سيارته .. و يرفع صوته لينتبه عليه راكان / ابو شيخة عسى ماشر ..
راكان ينزل من الدرجات ويصرخ / الظاهر الضغط .. فقدها الوعي .. ودينا للمستشفى ..






ـــــــــــــــ






بعد شهرين ..