ياحبيبي ترى القلب

ياحبيبي ترى القلب بعدك سرح وانجرح جرح ماشفت مثله جريح
المحبّه تجرّ المواليف جرّ الشجر وأنت الأرواح جرّيتها
أنت سبّة جروحي اللي جت وارهجت رجّت العمر وإن جيت ابا قوم اطيح
ساقني سمّ من طعم سمسم نسم وانقسم نصف قلبي وناديتها
قلت: ياناعس الطرف وش ذا الجفا ماصفا الجوّ حتى معك نستريح
قال:من جرّب الحب يلقى الشقا مابقى غير رجلك وعنّيتها
قلت: من شافكم ياسمي البحر انتحر و ارخص الروح علمٍ صحيح
صابرٍ مثل صبر الجمل للحمل ليت الأقدام سارت وسرّيتها
قال: ما كلّ من شافنا حافنا كافنا الشرّ لا افضحك واطلع وأصيح
قلت: من صاح مجنون تكفون تدرون ماكلّ غطوة تعدّيتها
قال: يا مرحبا دقّ راس الجرس والحرس لا تسولف بعلم فضيح
أحفظ الراس بلباس والناس لاتطّلع رحمةٍ فيك سوّيتها
قلت: ياسيّد البيض يا ابيض غضيض الحظيظ الذي عاشرك يامليح
عشرتك تنشري بالذهب ياذهب ذا وذا ذابت الكبد واوذيتها
كيف توذي محبٍّ بحبّك بكى واشتكى تحسبك صرت كاسب مديح
مادريت ان هذا البلا ياحلا حل حال بحيلك تبليتها

سمو الروح ,غرام الحب ,انين الروح معجبون بهذا

الموضوع الأصلي: ياحبيبي ترى القلب || الكاتب: محروم || المصدر: منتديات انين الروح

https://www.anin-ro7.com/vb

كلمات البحث

العاب ، برامج ، سيارات ، هاكات ، استايلات , مسابقات ، فعاليات ، قصص ، مدونات ، نكت , مدونات , تصميم , شيلات , شعر , قصص , حكايات , صور , خواطر , سياحه , لغات , طبيعة , مناضر, جوالات , حب , عشق , غرام , سياحه , سفر